Ekilezɩasɩ 2:3 - A SƐB-SÕW

³ Ɩ̃ tɩɛr'ɩ ɩ̃ pʋɔ k'ɩ̃ɩ na nyuur'ɩ a divɛ̃ wone nɩ nʋ̃ɔ̀, cɔwrɛ nɩ a dãbole nyɔ-vʋʋrʋ ɛ́ cãà ƴãw fãw so ɩ̃ tʋɔra. Ɩ̃ tɩ bɔbr'a k'ɩ̃ɩ bãw a vla a nɩsaalbɛ na na tʋ̃ɔ́ maalɩ a bɛ tẽw zu ka nyɔ-vʋʋrʋ daar a.

Ekilezɩasɩ 2:3 Referans Kwoze

Zʋkpaɩ 20:1

A divɛ̃ mɩ́ ƴãw na fʋ ɩrɛ nɩbɛ laar, ɛ́ dã-kpɛn ƴãw fʋ pàwr gɔmɛ. Nɩr wa de ʋ mɩŋa bɛr a kuole ʋ a kʋ̃ tʋ̃ɔ́ ɩ yã-bãwnɛ ɩ.

Ekilezɩasɩ 1:17

Ɩ̃ ƴãw nɩ fãw bãw a yã-bãwfʋ, bãw a yãyaar nɩ a dãbolu, ɛ́ nyɛ̃ k'aa za nɩ a sɛsɛb diwfʋ mɩ̀ ɩ n been.

Efɛɛzɩ 5:18

Nyɩ ta kuole dãa ɩ, alɛ n'a waar'ɩ a faalʋ, ɛcɛ nyɩ ɩ a Vʋʋrʋ Sõw paalɩ nyɩ.

Ekilezɩasɩ 12:13

Nyɛ̃ a ƴɛ̀rʋ á ŋá za na ƴɛ̀r a nʋɔr kʋb zie: zɔrɛ a Naaŋmɩn ɛ́ sàwr a ʋ nɛ-ƴãwnɩ. À à ŋá n'a a fɛr kɛ́ nɩsaal za ɩrɛ.

Ekilezɩasɩ 6:12

A nɩsaal mɩ́ vʋʋr'a tɔl fɔ̃w zuo mɛ̃ a ɓaarʋ a. Ãa n'ʋ bãw bom nɛ na vɩɛl a ʋ zie, a ʋ bibie za nyɔ-vʋʋr-ŋmãa ŋa pʋɔ a? Nɩr za kʋ̃ yel bom nɛ na na ɩ a tẽw zu ka a kʋ̀ ʋ a ʋ pùorí ɛ.

Matie 6:24

«Nɩr za kʋ̃ tʋ̃ɔ́ ɩ na-mɩnɛ ayi tõ-tõ-bie ɩ: ʋ na hɩ̃ɛn nɩ a dãw-niwn sob, ɛ́ nɔnɛ a ayi sob, bɩɩ ʋ na tu n a kãw pùor, ɛ́ bɛr a kãw. Nyɩ kʋ̃ tʋ̃ɔ́ lãw ɩ a Naaŋmɩn nɩ a libir tõ-tõ-biir ɛ.»

Ekilezɩasɩ 7:25

Lɛ n'a ɩ̃ su zu zanɩ vla vla k'ɩ̃ɩ bãw ɛ́ bɔ nyɛ̃ bʋ̃ʋ n'ɩ a yã-bãwfʋ. Ɩ̃ tɩ bɔbr'a k'ɩ̃ɩ bãw bʋ̃ʋ n'ʋ so a yele mɩ́ ta. Ɩ̃ mɩ̀ tɩ bɔ na bãw ɛ́ nyɛ̃ k'aa ɩ-faa bɩɩ a dãbolu ɩ n yãya-ɩb.

Ekilezɩasɩ 7:18

A vɩɛl'a kɛ́ fʋ de a wulu dãw-niwn sob, ɛ́ ta bɛr a ayi sob ɛ, bʋ̃ʋ n'ʋ vɛ̃, nɩr na zɔrɛ a Naaŋmɩn a na tuur'ɩ a za ayi.

Ekilezɩasɩ 2:24

A nɩsaal bʋ̃-vla yõ n'ɩ k'ʋʋ dɩrɛ, k'ʋʋ nyuur ɛ́ wone nʋ̃ɔ̀ nɩ a ʋ tome tɔnɛ. A mãa a, ɩ̃ nyɛ̃ na kɛ́ Naaŋmɩn n'ʋ mɩ̀ mɩ́ tɩr a lɛ.

A Zɔb sɛbɛ 14:14

— Ɛcɛ nɩsaal na kpi a na tʋ̃ɔ́ na lɛb vʋʋrɛ ɛ? — Ɩ̃ nãá nyɔw nɩ ɩ̃ tʋɔra a ɩ̃ tome daar za, ɛ́ gùre fʋ tɩ ta a lɛn daar bɛ na na lɩɛrɩ mɛ̃ a.

1 Samɩɛl 25:36

A Avigayil na tɩ lɛb ta a yir a, ʋ tɩ nyɛ̃ nɩ a Naval ʋ maalɛ cuw, a dɩb tɩ sɩrɩ na ɩ nãà cuw dɩb. Nʋ̃ɔ̀ tɩ ɩrɛ nɩ a Naval yaga, ʋʋ nyũ a dãa tɩ kuoli, lɛ so a Avigayil bɛ tɩ ƴɛ̀r ƴɛ̀rʋ za a ʋ zie ɩ, ɛ́ a zie tɩ vɩɛ.

Yele-za-pɛr-tib 47:9

A Zakɔb sɔw: «Yome lɩz'a ayʋɔb nɩ pie n'ɩ à ŋá ɩ̃ na lʋɔrɛ a ten mɛ̃ sãan a. A ɩ̃ nyɔ-vʋʋrʋ yome bɛ yãwmɛ ɩ, ɛ́ bɛ vɩɛl ɛ. A bɛ ta a ɩ̃ sãàkʋm-kore yome ɩ, bɛl na tɩ zɩnɛ a ten lʋɔrɛ mɛ̃ a mãa a.»

Ƴɛ̀r-dɩrbɛ 9:13

Ɛcɛ a divɛ̃ tɩɛ tɩ sɔw a na: “Ɩ̃ bɛr a ɩ̃ divɛ̃ a ŋmɩmɛ nɩ a nɩsaalbɛ na wone nɩ nʋ̃ɔ̀ a, ɛ́ cen tɩ bàlɛ ɩ̃ tʋɔra dɩrɛ naalʋ a tɩɩr na cɛ a zu u?”

Sɛb-sõw yielu 104:15

a divɛ̃ na mɩ́ cɩrɛ bɛ ƴãw a, a kãá na mɩ́ ɩ a bɛ niwn nyɩlɛ a, nɩ a dipɛ̃ na mɩ́ lɛb kʋ̀ bɛ fãw a.

Ekilezɩasɩ 5:18

Lɛb waar mɩ̀, Naaŋmɩn na tʋ̃ɔ́ na kʋ̀ nɩr naalʋ nɩ tɛra, ɩ ʋ so a dɩrɛ, íre a tome tɔnɛ wone nɩ nʋ̃ɔ̀. Naaŋmɩn bʋ̃-kʋ̀ra n'ʋ.

Ekilezɩasɩ 8:15

Mãa a, ɩ̃ danɛ nɩ a nʋ̃ɔ̀. Bʋ̃ʋ n'ʋ vɛ̃, a tẽw zu ka a, a nɩsaal nʋ̃ɔ̀ been tẽtẽ n'ɩ k'ʋʋ dɩrɛ, k'ʋʋ nyuur, ɛ́ wone nʋ̃ɔ̀. Ɛ́ à á ŋá n'a a fɛr k'aa bɩɛlɛ a ʋ tome bibir za a Naaŋmɩn na kʋ̀ ʋ, k'ʋʋ vʋʋrɩ a tẽw zu ka a.

Ekilezɩasɩ 10:19

A bɛ dɩ̃ɛnʋ ƴãw a, a na-mɩnɛ mɩ́ cɔbr'ɩ bʋ̃-dɩ-nʋʋr nʋʋr. A divɛ̃ mɩ́ ƴãw bɛ nɩ nʋ̃ɔ̀, ɛ́ a libie sõw bɛ bɛ páw bom za.