Ekilezɩasɩ 1:13 - A SƐB-SÕW

¹³ Ɩ̃ ƴãw nɩ fãw bɔ ɛ́ jɛl'ɩ a yã-bãwfʋ bom nɛ na ɩrɛ a tẽ-daa zu a. Tõ-nɔ-kpɛ̃w n'ɩ à ŋá a Naaŋmɩn na kʋ̀ a nɩsaalbɛ a.

Ekilezɩasɩ 1:13 Referans Kwoze

Ekilezɩasɩ 3:10

Ɩ̃ nyɛ̃ nɩ a tõ-toni a Naaŋmɩn na kʋ̀ a nɩsaalbɛ a.

Yele-za-pɛr-tib 3:19

A fʋ niwn na mɩ́ ɩ n hanʋ mɛb, ɛ́ fʋ páw a fʋ nʋɔr-dɩb, ɛ́ gù fʋ wa tɩ lɛb kpɛ a tẽsɔw pʋɔ, ʋl pʋɔ na n'a fʋ yi a! Bʋ̃ʋ n'ʋ vɛ̃, fʋ ɩ n úuru, ɛ́ na lɛb lɩɛbɩ a úuru.»

Ekilezɩasɩ 1:17

Ɩ̃ ƴãw nɩ fãw bãw a yã-bãwfʋ, bãw a yãyaar nɩ a dãbolu, ɛ́ nyɛ̃ k'aa za nɩ a sɛsɛb diwfʋ mɩ̀ ɩ n been.

1 Timote 4:15

Kaarɛ à á ŋá za zie nɩ fʋ pʋɔ za, ɛ́ ƴãw fãw a al ƴãw. Lɛ n'a a nɩbɛ za na nyɛ̃ a fʋ yele na vɩɛl dɔwlɛ a.

Ekilezɩasɩ 12:12

Ɩ̃ bie e, gù fʋ tʋɔra, taa ƴãwnɛ bom dɔwlɛ ɩ. Sɛb-yaga sɛbrʋ ɩ n tõ-nʋɔr na bɛ tɛr tɛwfʋ zie a, ɛ́ a zanʋ yaga bàlɛ a ƴã-gan.

Ekilezɩasɩ 7:25

Lɛ n'a ɩ̃ su zu zanɩ vla vla k'ɩ̃ɩ bãw ɛ́ bɔ nyɛ̃ bʋ̃ʋ n'ɩ a yã-bãwfʋ. Ɩ̃ tɩ bɔbr'a k'ɩ̃ɩ bãw bʋ̃ʋ n'ʋ so a yele mɩ́ ta. Ɩ̃ mɩ̀ tɩ bɔ na bãw ɛ́ nyɛ̃ k'aa ɩ-faa bɩɩ a dãbolu ɩ n yãya-ɩb.

Ekilezɩasɩ 8:9

Ɩ̃ nyɛ̃ nɩ à á ŋá za: alɩ bome nɛ na ɩrɛ a tẽw zu ka a, ɩ̃ jɩ́r a na kaa vla vla. Ʋ ɩ n a daar ʋl a nɩsaal na tɛr fãw a ʋ nɩsaal-tɔ zu na maalɩ ʋ faa a.

Ekilezɩasɩ 4:4

Yel ŋa n'ʋ ɩ̃ mɩ̀ nyɛ̃: a nɩbɛ mɩ́ bàlɛ nɩ bɛ tʋɔra, ɛ́ bɔbr kɛ́ bɛ tõ a bɛ tome vla, a bɛ taabɛ zuo bɛ́rʋ tɛwr ƴãw. À à ŋá mɩ̀ ɩ n bàlʋ zawla nɩ sɛsɛb diwfʋ.

Ekilezɩasɩ 2:26

Sɩza, ʋ mɩ́ kʋ̀ n a yã-bãwfʋ, a yele-bãwfʋ nɩ a nʋ̃ɔ̀ a sob nɛ na pɛlɩ a ʋ pʋɔ a. Ɛcɛ ʋ mɩ́ ƴãw na a yel-bier-maalɛ bɔbr bʋ̃-vɩɛlɩ gbone taa a sob nɛ na pɛlɩ a ʋl Naaŋmɩn pʋɔ a ƴãw. A yel ŋa mɩ̀ ɩ n bàlʋ zawla nɩ sɛsɛb diwfʋ.

Ekilezɩasɩ 2:23

A ʋ bibie za tõ-nɛ́ɛ mɩ́ waar'ɩ nɩ tɩɛrʋ nɩ pʋ-sãwna, ɛ́ a tɩ̃ɩsɔw tɔr za a, a ʋ tɩɛrʋ bɛ mɩ́ gã zoom ɛ. A yel ŋa mɩ̀ ɩ n bàlʋ zawla.

Zʋkpaɩ 23:26

Ɩ̃ bie e, ƴãw a fʋ tɩ́ɛrʋ a ɩ̃ ƴãw, ɛ́ tuur a lɛ ɩ̃ na ɩrɛ a nɩ nʋ̃ɔ̀.

Zʋkpaɩ 18:15

Nɩr na tɛr yã a mɩ́ zanɩ nɩ yele bãw, ƴɛ̀rʋ na tɛr wulu a n'a a yã-bãwnɛ nɔnɛ k'ʋʋ mɩ́ bɛrɛ wone.

Zʋkpaɩ 18:1

Nɩr na bɛ pɩɛlɛ a ʋ taabɛ a mɩ́ bɔbr'ɩ ʋl yõ tɔnɛ. Bɛlɛ wa bɔbr kɛ́ bɛ sõw ʋ a, ʋ mɩ́ nyɛ̃ nɩ suur.

Zʋkpaɩ 4:7

A yã-bãwfʋ tib zie n'ɩ kɛ́ fʋ ƴãw fãw tɛr a yã. Tɩr a alɩ bome nɛ za fʋ na tɛr a tʋ̃ɔ́ páw a yã.

Sɛb-sõw yielu 111:2

A Sore tome ɩ n tõ-bɛrɛ bɛrɛ! Bɛlɩ dem za na nɔnɛ a a mɩ́ jɛlɛ a na kaar.

A Zɔb sɛbɛ 28:3

A salm-tuwrbɛ mɩ́ siw nɩ nɩ vũu a salm-bɔwrɩ pʋɔ. Bɛ mɩ́ tuw na tɩ ta n a be bɛ na tʋ̃ɔ́ a, bɔbr'ɩ a kʋsɛ-sɛbla na be liw-varkpara pʋɔ a.

Ekilezɩasɩ 3:11

Naaŋmɩn mɩ́ ɩ na kɛ̀ yel za maalɩ a daar ʋl na sɛw taa nɩ a. Ʋ mɩ̀ mɩ́ kʋ̀ n a nɩsaalbɛ kɛ́ bɛ bɔbr a yele na tɔl a, nɩ a yele na waar a bãwfʋ. Ɛcɛ bɛ kʋ̃ tʋ̃ɔ́ mɩ́ bãw a Naaŋmɩn ton ʋ za ɩ.

Ekilezɩasɩ 4:8

nɩr kãw n'ɩ ŋan ɩ ʋ yõ tẽtẽ, bɛ tɛr tu-ta-tɔ ɩ, bɛ tɛr bie ɩ, bɛ tɛr yɛb ɛ, ɛ́ tone bɛ tɛr bɛ́rʋ ɛ. Ʋ mɩ́ bɔbr'a k'ʋʋ cãà páw na-bome dɔwlɩ. Ɛcɛ ʋ mɩ́ tɩɛr'ɩ ʋ pʋɔ: «Ãa ƴãw n'a ɩ̃ tone? Ãa ƴãw n'a ɩ̃ bɛr a nʋ̃ɔ̀ wob?» À á ŋá mɩ̀ ɩ n bàlʋ zawla, nɩ yel na bɛ vɩɛl a nyɔ-vʋʋrʋ pʋɔ a.

Ekilezɩasɩ 11:5

Mɛ̃ a lɛ fʋ na bɛ bãw a nyɔ-vʋʋrʋ yi-waa zie nɩ lɛ bibile na mɩ́ ɩ tɩ cɔbrɩ a ʋ mã puori a, lɛ mɩ̀ n'a fʋ kʋ̃ tʋ̃ɔ́ bãw a Naaŋmɩn na maalɛ bom za a ton pɛr ɛ.

Zʋkpaɩ 25:2

A Naaŋmɩn yúor-vɩɛlʋ-danʋ n'ɩ k'aa ʋ ɩb mɩ́ sɔwlɩ, ɛ́ a na-mɩnɛ yúor-vɩɛlʋ-danʋ ɩ kɛ́ bɛ mɩ́ jɛl bãw a yel-sɔwlɩ.