Efɛɛzɩ 6:14 - A SƐB-SÕW

¹⁴ A na ɩ lɛ a, nyɩ ìr cɔbrɩ gù: nyɩ de a yel-mɩŋa sɛ sɩɛmɩ́ mɛ̃ kpàwr a, ɛ́ su a mɩnʋ mɛ̃ zɛbr-nyãa-kpale a.

Efɛɛzɩ 6:14 Referans Kwoze

Ɩzayi 59:17

Ʋ su n a mɩnʋ mɛ̃ zɛbr-nyãa-kpale a, ʋ vɔbl'ɩ a faafʋ kpawɔ-kpow a ʋ zũú. Ʋ su n a san-yaafʋ kparʋ. A tʋlʋ ʋ na tʋlɛ a zɛbr ƴãw a n'ɩ a kpar-kpɛ̃ɛ ʋ na vaarɩ pàw ʋ tʋɔra a.

1 Tesalonikɩ 5:8

Ɛcɛ tɩɩm na ɩ mʋ̃tɔ̃w daarɩ́ nɩbɛ a, nyɩ ɩ tɩ mɩ́ nyɔw tɩ tʋɔra a dɩb nɩ a nyub ƴãw. Tɩ de a naaŋmɩn-sàw-deb nɩ a nɔ̃wfʋ a ɩ mɛ̃ a zɛbr kparʋ na mɩ́ pàw a nyãa tɩ tɔ a sɩɛ a, ɛ́ de a faafʋ tɩɛrʋ mɛ̃ zɛbr-kpawɔ-kpow a.

Ɩzayi 11:5

A mɩnʋ nɩ a yel-mɩŋa na ɩ n a ʋ zie mɛ̃ kpàwr bɛ na mɩ́ sɛ a sɩɛmɩ́ kʋralɛ a.

Luka 12:35

«Nyɩ cɔbrɩ gù a tome, ɛ́ tɔ̃w a nyɩ fɩ̃tɩlɩ tɛr.

1 Pɩɛr 1:13

Lɛ so, nyɩ cɔbrɩ gù a tome, nyɩ mɩ́ nyɔw nyɩ tʋɔra a dɩb nɩ a nyub ƴãw, ɛ́ de a nyɩ tɩɛrʋ za ƴãw a maalʋ ʋl ƴãw bɛ na na kʋ̀ nyɩ, a lɛn daar a Yeezu Kɩrɩta nãà wa lɛb wul ʋ tʋɔra a.

2 Korɛ̃tɩ 6:7

A yel-mɩŋa tɩ na kanɛ kʋ̀rɛ a nɩbɛ a pʋɔ n'a, nɩ a Naaŋmɩn fãw zũú n'a tɩ bɔbr kɛ́ tɩ wul kɛ́ tɩ ɩ n Naaŋmɩn tõ-tõ-biir. A mɩnʋ ɩ-ɩrɩ a Naaŋmɩn niŋé n'ɩ a zɛbr bome tɩ na tɛr zɛbr'ɩ, ɛ́ gùre nɩ tɩ tʋɔra a.

Efɛɛzɩ 5:9

Ɛ́ a cãà wɔmɛ dɩ na kɛ́ vɩɛlʋ, mɩnʋ, nɩ yel-mɩŋa.

Yel-wula 9:17

A ɩ̃ yel-nyɛra pʋɔ a, à ŋá n'a a wie nɩ a zɔmnbɛ tɩ sãá: bɛ tɩ su n kure nyãa-kpali na mʋ̃ɔ mɛ̃ vũu a, a mɩnɛ ɩ sɛblɛ mɛ̃ kʋsɛ-bi-nyɩla kãw bɛ na bʋɔlɛ safɩɩr a, ɛ́ a mɩnɛ ɩ dʋɔr mɛ̃ cirbi a. A wie zuru tɩ ɩ na mɛ̃ gben zuru a, ɛ́ a nɛ́ɛ owr vũu, zʋ̀ʋ́r nɩ cirbi.

Yel-wula 9:9

A mɩ́ tɩ ɩ na mɛ̃ kure kparʋ n'ʋ a su pàw a nyãa a, ɛ́ a pɩgɛ gɔmɛ mɩ́ tɩ ɩ mɛ̃ wi-yaga zɛbr-torkori gɔmɛ a na tawr zɔrɛ nɩ zɛbr zie a.

A Zɔb sɛbɛ 29:14

Ɩ̃ mɩ́ tɩ su n a mɩnʋ mɛ̃ bʋ̃-suura a, a lɛ-na-tu-sɔr-a tɩ n'ɩ a ɩ̃ kpar-kpɛ̃ɛ nɩ a ɩ̃ zu-pɛn-vila.

Ʋrɔm 13:12

A tɩ̃ɩsɔw cen na kpɛ sɔw, a zie vɩɛrɛ na. A na ɩ lɛ a, nyɩ ɩ tɩ lɔb a lige pʋɔ ɩ-ɩrɩ bɛr, ɛ́ cɔbrɩ a cãà pʋɔ zɛbr ƴãw.

Efɛɛzɩ 6:13

Alɛ so, nyɩ de a Naaŋmɩn zɛbr bome, lɛ n'a a bibi-faa bibir nyɩ kʋ̃ sàw bɛ tʋ̃ɔ́ nyɩ ɛ, ɛ́ cãà tʋ̃ɔ́ àr saaƴẽwn à á ŋá za pùorí.

2 Na-mɩnɛ 3:21

A Mowab tẽw dem za tɩ wõ na k'aa na-mɩnɛ ata bɛ ŋa wa na kɛ́ bɛ wa zɛb'ɩ a tẽw. Bɛ tɩ bʋɔl'ɩ a bɛlɩ dem za na ta a zɛbr cenu a, tɩ ƴãw bɛ a tẽw tʋr-bɔw ƴãw.