Ebre 13:21 - A SƐB-SÕW

²¹ A Naaŋmɩn ŋa a, ʋ ɩ kɛ̀ nyɩ mɩ́ tʋ̃ɔ́ yel-vla za maalɩ, tʋ̃ɔ́ maalɛ a ʋ pʋ-tɩɛrʋ. Ʋ mɩ́ maalɩ a lɛ na pɛlɩ a ʋ pʋɔ a, a tɩ zie, a Yeezu Kɩrɩta ƴãw, ʋl na so danʋ a yome yome za a. Amɛn.

Ebre 13:21 Referans Kwoze

Filib 2:13

Bʋ̃ʋ n'ʋ vɛ̃, Naaŋmɩn be n a nyɩ sɔgɔ tone, ʋlɛ n'ʋ mɩ́ ƴãw nyɩ bɔbr ɛ́ maalɛ bom nɛ na tu a ʋ pʋ-tɩɛrʋ a.

2 Tesalonikɩ 2:17

bɛ mɔwlɛ nyɩ ɛ́ kʋ̀rɛ nyɩ fãw a vla maalʋ ƴãw kʋralɛ a nyɩ ɩ-ɩrɩ pʋɔ, nɩ a nyɩ nʋɔr ƴɛ̀rʋ pʋɔ.

Filib 4:13

Ɩ̃ mɩ́ tʋ̃ɔ́ nɩ bom za, a Kɩrɩta na kʋ̀rɛ mɛ̃ a fãw a zũú.

1 Pɩɛr 2:5

A nyɩɩm mɩ̀, nyɩ ɩ mɛ̃ kʋsɛ-mimie bɛ na ŋmaarɛ nɩ yir Vʋʋrʋ Sõw na kpɩɛr a. Nyɩ ɩ Naaŋmɩn bàwr-maal-son maalɛ tɩɛrʋ bàwr a Naaŋmɩn na na tʋ̃ɔ́ sàw de a Yeezu Kɩrɩta zũú a.

2 Timote 4:18

A Sore na cãà na lɛb faa mɛ̃ yel-faa za pʋɔ. Ʋ na faa mɛ̃ na ɛ́ ƴãw ɩ̃ kpɛ a ʋ tẽ-vla Naalʋ pʋɔ. Ʋlɛ so yúor-vɩɛlʋ-danʋ a yome yome za. Amɛn.

Filib 1:11

A yel-mɩnʋ yel-vɩɛlɩ a Yeezu Kɩrɩta na maalɩ a nyɩ zie a na ɩ na nyɩ kpɛ naalʋ, a Naaŋmɩn yúor zɛwfʋ nɩ a ʋ danʋ ƴãw.

2 Korɛ̃tɩ 9:8

Naaŋmɩn tɛr'ɩ fãw na tʋ̃ɔ́ paalɩ nyɩ nɩ maalʋ bʋʋrɛ bʋʋrɛ za, nyɩ mɩ́ tɛr bom za na sɛw a kʋralɛ, ɛ́ tɛr a dɔwlɩ yel-vla za maalʋ ƴãw.

1 Pɩɛr 4:2

k'aa tẽw zu ka nyɔ-vʋʋrʋ na cãà cɛ ʋ a, ʋ tʋ̃ɔ́ vʋʋrɛ mɛ̃ a lɛ a Naaŋmɩn na bɔbr a, ʋ ta vʋʋrɛ tu n a nɩsaal tɛra vʋla ɩ.

Ebre 10:36

Kanyir'a a fɛr kɛ́ nyɩ dɩrɛ, tʋ̃ɔ́ maalɩ a Naaŋmɩn pʋ-tɩɛrʋ ɛ́ páw a ʋlɩ bom nɛ ʋ na ƴãw nʋɔr k'ʋʋ na tɩr a a.

1 Tesalonikɩ 5:23

A ƴã-ɓaarʋ Naaŋmɩn tɔr za, ʋ ɩ nyɩ ɩ son nyɩ za, ʋ gù a nyɩ nɩɩlʋ za, a tɩɛrʋ, a sɩ́ɛ nɩ a ƴã-gan, ʋ taa wa tɛr sãwna bɛ yere a tɩ Sore Yeezu Kɩrɩta waa daar ɛ.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:25

a Naaŋmɩn-been yõ tɩ Faarɛ, ʋlɛ so yúor-vɩɛlʋ-danʋ, dɛpaalʋ, fãw nɩ kpɛnʋ a tɩ Sore Yeezu Kɩrɩta ƴãw, a dãwdãw za, a ƴɛrɛŋa nɩ kʋralɛ. Amɛn.

1 Zã 2:17

A tẽ-daa tɔlɛ na, ʋlɛ nɩ a ʋ bome a nɩsaalbɛ na mɩ́ bɔbr a, ɛcɛ sob nɛ na maalɛ a Naaŋmɩn pʋ-tɩɛrʋ a mɩ́ be n be kʋralɛ.

1 Timote 1:17

A yome za Nãà, a Naaŋmɩn-been yõ tẽtẽ na bɛ tɛr kũu daar, ɛ́ nɩr kʋ̃ tʋ̃ɔ́ nyɛ̃ nɩ mimir a, ʋlɛ so ƴãwfʋ nɩ yúor-vɩɛlʋ-danʋ, a yome yome za. Amɛn.

Efɛɛzɩ 2:10

Naaŋmɩn mɩŋa n'ʋ maalɩ tɩ, ʋlɛ n'ʋ ír tɩ tɩ lãw nɩ a Yeezu Kɩrɩta, kɛ́ a tɩ ɩ-ɩrɩ tʋ̃ɔ́ vɩɛl, a ɩ-ɩrɩ á ŋá a Naaŋmɩn na cɔbrɩ bɛr a koro za kɛ́ tɩ wa ɩrɛ a.

Wulu-ayi-sob 32:4

A Sore ɩ n pì-kpɛ̃w. A ʋ tome vɩɛl'ɩ a za. Lɛ za ʋ na yel a mɩ́ tu n yel-mɩŋa, a tɩ Naaŋmɩn ŋmɛ̃ n ʋ ŋmɛ̃a, ʋ bɛ ɩrɛ faa towtow ɛ, nɩ-mɩŋa nɩ nɩ-dẽdẽ n'ʋ kʋralɛ.

Yel-wula 5:9

Bɛ tɩ yiele nɩ yiel-paala yere nɩ: «Fʋ sɛw na na de a sɛbɛ, ɛ́ 'lawrɩ a sɩ-suur bɛr. Bʋ̃ʋ n'ʋ vɛ̃, bɛ ŋmaarɩ fʋ nɩ a kɔkɛɛ, fʋ ya de dɔwlʋ bʋʋrɛ za, ƴɛ̀r-pɛ-bʋʋrɛ za, nɩ-bʋʋrɛ za nɩ ten bʋʋrɛ za nɩbɛ nɩ a fʋ zɩ̃ɩ kʋ̀ a Naaŋmɩn.

1 Zã 3:22

Ɛ́ bom za tɩ na zɛlɛ a, tɩ mɩ́ páw ʋ nɩ a ʋ zie, tɩ na sàwr a ʋ nɛ-ƴãwnɩ ɛ́ ɩrɛ a lɛ na pɛlɩ a ʋ pʋɔ a ƴãw.

Ebre 13:16

Nyɩ taa yiire a nɩbɛ maalʋ nɩ a sõw-taa bɛrɛ ɩ, a bàwr á ŋá taabɛ n'a mɩ́ nʋmɛ a Naaŋmɩn zie.

1 Timote 6:16

a ʋl yõ na bɛ tɛr kũu daar a, ɛ́ kpɩɛr cãà na bɛ tɛr tab a pʋɔ a, ʋl nɩsaal kãw za na bɛ nyɛ̃ ɛ́ kʋ̃ tʋ̃ɔ́ nyɛ̃ a. Ʋlɛ so ƴãwfʋ nɩ kpɛnʋ kʋralɛ. Amɛn.

1 Timote 5:10

A fɛr'a kɛ́ bɛ bãw ʋ a ʋ ɩ-vɩɛlɩ zũú: ʋ na guoli bibiir a, ʋ na kaa sãanbɛ zie a, ʋ na pɛ́w a kɩrɩta-nɩbɛ gbɛ́ɛ a, ʋ na mɔwlɩ a bɛlɩ dem na be kpɩɛrʋ pʋɔ a, ʋ na ƴãw fãw tu ɩ-vɩɛlɩ za pùor a.

1 Tesalonikɩ 3:13

A Sore, ʋ ɩ a nyɩ socie kpɛmɛ, nyɩ tʋ̃ɔ́ ɩ nɩ-son nɩ nɩbɛ na bɛ tɛr sãwna bɛ yere a Naaŋmɩn tɩ Sãà niŋé a, a lɛn daar a tɩ Sore Yeezu nãà wa lɛb wa nɩ a ʋ nɩ-son za a ɩ.

Kɔlɔsɩ 4:12

A Epafarasɩ na ɩ a nyɩ nɩr a, ʋ mɩ̀ puore nyɩ na. A Yeezu Kɩrɩta tõ-tõ-bie ŋa tʋlɛ nɩ a puoru ƴãw, puore kʋ̀rɛ nyɩ kʋralɛ, kɛ́ nyɩ tʋ̃ɔ́ tɛ nyɩgɛ ɛ́ bɩ nɩbɛ baar a Kɩrɩta sɔ́r pʋɔ, maalɛ a Naaŋmɩn pʋ-tɩɛrʋ za.

Kɔlɔsɩ 3:17

Bom nɛ za nyɩ na ɩrɛ a, a nyɩ nʋɔr ƴɛ̀rʋ pʋɔ n'a bɩɩ a nyɩ ɩ-ɩrɩ pʋɔ n'a a, a mɩ́ ɩ a Sore Yeezu yúor ƴãw n'a nyɩ ɩrɛ a lɛ, puore nɩ a Naaŋmɩn Sãà barka a Sore Yeezu zũú.

Filib 4:18

Mɔ̃ mɩ̀, ɩ̃ tɛr'ɩ bom za a na sɛw k'ɩ̃ɩ tɛr a, ɛ́ tɛr dɔwlɩ mɩ̀. Bom bɛ cɛ m ɛ, ɩ̃ na páw a bom ʋl nyɩ na kʋ̀ a Epafoditɩ k'ʋʋ wa kʋ̀ m a. A ɩ na mɛ̃ parfɛ̃ na nyùur vla vla a, ɛ́ ɩ bàwr na nʋmɛ a Naaŋmɩn zie ʋ sàw de a.

Efɛɛzɩ 2:18

Ɛ́ ʋlɛ n'ʋ so a tɩ bʋʋrɛ bɛ ŋa ayi mɩ́ tʋ̃ɔ́ taw pɩɛlɩ a Naaŋmɩn Sãà, a Vʋʋrʋ been yõ ƴãw.

Matie 28:20

ɛ́ zànɩ nɩ bɛ bɛ tuur a al za ɩ̃ na ƴãw nʋɔr kʋ̀ nyɩ a. Ɛ́ mãa a, ɩ̃ be n a nyɩ zie bibie za na tɩ ta n a tẽw baarʋ daar.»

Matie 6:13

Ta sàw a bɛlʋ ta tɩ ɛ, ɛ́ faa tɩ a Faalʋ sob nuru pʋɔ. [Fʋ̃ʋ sɩrɩ so naalʋ nɩ kpɛnʋ nɩ danʋ, a yome yome za. Amɛn.]”

Sɛb-sõw yielu 138:8

Sore e, a bom nɛ fʋ na tĩ a ɩ̃ ƴãw a, fʋ na maal'ʋ na tɩ baarɩ. Sore e, a fʋ nɔ̃wfʋ be n kʋralɛ, taa zawrɛ a fʋ nuru tome bɛrɛ ɩ.

Yel-wula 5:13

Ɩ̃ mɩ̀ tɩ wõ n a bʋ̃-íri za a salom zu, a tẽw zu, a tẽw pile nɩ a kʋ̃ɔ-kpɛ̃ɛ pʋɔ, a tẽ-daa bʋ̃-íri za a yere: «A sob nɛ na zɩ̃ a naalʋ-dà-kɔw zu a, nɩ a Pele, bɛlɛ so danʋ, ƴãwfʋ, yúor-zɛwfʋ nɩ kpɛnʋ a yome yome za!»

Yel-wula 4:6

Bom kãw tɩ be n a naalʋ-dà-kɔw niŋé ɩ mɛ̃ kʋ̃ɔ-kpɛ̃ɛ kʋ̃ɔ na ɩ walwal cuoli ŋmɛ̃ mɛ̃ kʋ̃ɔ-kuur a. A sɔwlɩsɔw a, bʋ̃-vʋʋrɩ anaar na ɩ mimie tɛwr a niŋé nɩ a pùorí a tɩ jil'a koli a naalʋ-dà-kɔw.

Ebre 12:23

Nyɩ taw na pɩɛlɩ cuw-dɩrbɛ lãw, a Naaŋmɩn bi-dãw-dɔwrɩ a yée na sɛb a tẽ-vla pʋɔ a. Nyɩ taw na pɩɛlɩ a Naaŋmɩn na ɩ a nɩbɛ za ƴɛ̀r-maalɛ a, ɛ́ taw pɩɛlɩ a nɩ-mɩn bɛl na nyɛ̃ a vɩɛlʋ baarɩ a sɩ́ɩr.

1 Tesalonikɩ 4:3

A Naaŋmɩn pʋ-tɩɛrʋ n'ɩ kɛ́ nyɩ ɩ nɩ-son, kɛ́ nyɩ bɛr a pɩ̃ɔ-yele.

Kɔlɔsɩ 3:20

Bibiir i, nyɩ sàwr a nyɩ dɔwrbɛ nʋɔr a yele za pʋɔ, lɛ n'a vɩɛl a Sore zie.

Filib 2:11

ɛ́ bɛ za sàw yere kɛ́ a Yeezu Kɩrɩta n'ɩ a Sore, a Naaŋmɩn sãà yúor-vɩɛlʋ-danʋ ƴãw.

Galasi 1:5

A Naaŋmɩn so yúor-vɩɛlʋ-danʋ yome yome za. Amɛn.

Ʋrɔm 11:36

Bʋ̃ʋ n'ʋ vɛ̃, ʋl zie n'a bom za yi, ʋlɛ n'ʋ so bom za be, ʋl ƴãw n'a bom za be. Ʋlɛ so yúor-vɩɛlʋ-danʋ a yome yome za! Amɛn.

2 Pɩɛr 3:18

Ɛcɛ nyɩ kɛrɛ a tɩ Sore nɩ a tɩ Faarɛ Yeezu Kɩrɩta maalʋ nɩ a ʋ bãwfʋ pʋɔ. Ʋlɛ so yúor-vɩɛlʋ-danʋ ƴɛrɛŋa nɩ kʋralɛ. Amɛn.

Ʋrɔm 16:27

A Naaŋmɩn yõ na ɩ yã-bãwnɛ a, ʋlɛ so yúor-vɩɛlʋ-danʋ a Yeezu Kɩrɩta ƴãw, a yome yome za! Amɛn.

Zã 17:23

ɩ̃ lãw nɩ bɛ, ɛ́ fʋ lãw nɩ mɛ̃, kɛ́ a bɛ lãw-taa vɩɛl ʋ za: lɛ n'a a tẽ-daa na bãw kɛ́ fʋ tõ m'a, ɩ̃ɩ nɔ̃w bɛ mɛ̃ fʋ na nɔ̃w mɛ̃ a.

Zã 7:17

Nɩr wa bɔbr k'ʋʋ maalɛ a Naaŋmɩn pʋ-tɩɛrʋ a, ʋ na bãw nɩ a ɩ̃ kanʋ yib zie: a yi n Naaŋmɩn zie bɩɩ mãa n'ʋ nyɛ̃ ɩ̃ tʋɔra ƴɛ̀rɛ.

Matie 21:31

A bɛ ayi pʋɔ a, buor sob'ʋ maalɩ a ʋ sãà pʋ-tɩɛrʋ?» Bɛ tɩ sɔw na: «A dãw-niwn sob'ʋ.» Lɛ n'a a Yeezu tɩ yel bɛ: «Yel-mɩŋa sɩza, ɩ̃ yere na kʋ̀rɛ nyɩ: zuru-yar-dierbɛ nɩ pɔw-yɛmɛ na dãw nyɩ nɩ a Naaŋmɩn Naalʋ pʋɔ.

Matie 7:21

«A bɛlɩ dem na mɩ́ yere a ɩ̃ zie: “Sore e, Sore e”, bɛlɛ bɛ nɛbɛ na kpɛ a tẽ-vla Naalʋ pʋɔ ɩ. A bɛl na maalɛ a ɩ̃ Sãà na be a tẽ-vla pʋɔ a pʋ-tɩɛrʋ a, bɛlɛ nɛbɛ na kpɛ a tẽ-vla Naalʋ pʋɔ.

Matie 12:50

Sob nɛ za na maalɛ a ɩ̃ Sãà na be a tẽ-vla pʋɔ a pʋ-tɩɛrʋ a, ʋlɛ n'ɩ a ɩ̃ yɛb, a ɩ̃ yeepuule nɩ a ɩ̃ mã.»

2 Bibie za yel-manɩ 30:12

A Zuda naalʋ-tẽw pʋɔ a, a Sore tɩ ɩ na a nɩbɛ lãw taa sàw tu a lɛ a nãà nɩ a ʋ tõ-tõ-bi-bɛrɛ na tɩ yel a.

2 Timote 3:17

k'aa Naaŋmɩn nɩr mɩ́ cɔbrɩ ʋ za yel-vla za maalʋ ƴãw.

Ebre 12:28

A na ɩ à ŋá tɩ páwr naalʋ-tẽw na bɛ tɛr damnʋ a, nyɩ ɩ tɩ tɛr a maalʋ ŋa vla, tʋ̃ɔ́ puore nɩ a Naaŋmɩn mɛ̃ a lɛ a na nʋmɛ a ʋ zie a, tɛr'ɩ a ʋ ƴãwfʋ nɩ a ʋ zɔba.