Ebre 13:20 - A SƐB-SÕW

²⁰ A ƴã-ɓaarʋ Naaŋmɩn ɩ na a tɩ Sore Yeezu na lɩɛbɩ a pi-cɩ̃ɩn-kpɛ̃ɛ, a zɩ̃ɩ ʋ na cir bin nɩ Wõ-taa na be kʋralɛ a ƴãw a, ʋ ɩ na ʋ lɛb yi a kũuni pʋɔ.

Ebre 13:20 Referans Kwoze

Zã 10:11

Mãa n'ɩ a pi-cɩ̃ɩn-vla. A pi-cɩ̃ɩn-vla mɩ́ de nɩ a ʋ nyɔ-vʋʋrʋ tɩr a ʋ píir ƴãw.

Ebre 10:22

A na ɩ lɛ a, nyɩ ɩ tɩ taw pɩɛlɩ a Naaŋmɩn nɩ soci-dẽdẽ nɩ a tɩ sàw-deb za, ɛ́ tɛr socie na vɩɛl bɛ cãà tɛr sãwna za tɩɛrʋ a, nɩ ƴã-gamɛ bɛ na pɛ́w nɩ kʋ̃ɔ vla walwal a.

Sɛb-sõw yielu 23:1

Daviir yielu kãw n'ʋ. A Sore n'ɩ a ɩ̃ cɩ̃ɩnɛ, bom za tuo bɛ kpɩɛr mɛ̃ ɩ.

Ʋrɔm 15:33

A Naaŋmɩn na ɩ a ƴã-ɓaarʋ sob a, ʋ be a nyɩ za zie. Amɛn.

Ezekɩɛl 37:26

Ɩ̃ na maal'ɩ nyɩ nɩ ƴã-ɓaarʋ wõ-taa na na be kʋralɛ a. Ɩ̃ na ƴãw nyɩ nɩ a tẽw ŋa pʋɔ ɛ́ ɩ nyɩ yãwmɛ. Ɩ̃ na ɩ n a ɩ̃ zi-sõw be a nyɩ sɔgɔ kʋralɛ.

2 Tesalonikɩ 3:16

A Sore na ɩ a ƴã-ɓaarʋ yib zie a, ʋl mɩŋa, ʋ kʋ̀rɛ nyɩ a ƴã-ɓaarʋ kʋralɛ, alɛ saa ŋmɛ̃ ŋmɩŋmɩn a.

Zã 10:14

Mãa n'ɩ a pi-cɩ̃ɩn-vla. Ɩ̃ bãw nɩ a ɩ̃ píir ɛ́ a ɩ̃ píir bãw mɛ̃,

Zakari 9:11

A Sore yere na: «A wõ-taa ɩ̃ na maal'ɩ nyɩ, a bàwr-maal-zɩ̃ɩ wul kɛ́ sɩza n'a a zũú, ɩ̃ na ír'ɩ a nyɩ nɩbɛ bɛl na be a gaso pɛrɩ́ mɛ̃ sa-bie-kʋ̃ɔ-bɔw na bɛ tɛr kʋ̃ɔ a pʋɔ a.

Nɩ-toni 2:24

Ɛcɛ Naaŋmɩn ɩ na ʋ lɛb yi a kũu pʋɔ, ɩ a ʋ kũu kpɩɛrʋ za baarɩ: a bɛ tɩ tɛr sɔ́r kɛ́ a kũu tɛr fãw ʋ zu ɛ.

Eziptɩ tẽw yib 24:8

Lɛ n'a a Moyiir tɩ de a zɩ̃ɩ mɩr a nɩbɛ ɛ́ yel: «A wõ-taa a Sore na maal'ɩ nyɩ a nɛ-ƴãwnɩ á ŋá za zũú a, a ʋ zɩ̃ɩ n'ɩ à á ŋá.»

1 Pɩɛr 2:25

Nyɩ tɩ bɔrɛ na gʋɔr mɛ̃ píir a, ɛcɛ ƴɛrɛŋa a, nyɩ lɛb'a cen a sob nɛ na ɩ a nyɩ cɩ̃ɩnɛ nɩ a nyɩ kaarɛ a zie.

Ɩzayi 55:3

Nyɩ ƴãw tobr ɛ́ wa a ɩ̃ zie. Nyɩ bɛrɛ wone, ɛ́ nyɩ na vʋʋrɛ na. A Sore yere na: «Ɩ̃ na maal'ɩ nyɩ nɩ wõ-taa na na be be kʋralɛ a. Ɩ̃ na tu n nyɩ nɩ a maalʋ ɩ̃ na yel k'ɩ̃ɩ na kʋ̀ n a Daviir a.

Nɩ-toni 3:15

À ŋá n'a nyɩ ɩ kʋ a nyɔ-vʋʋrʋ za sob. Ɛcɛ Naaŋmɩn ɩ na ʋ lɛb yi a kũuni pʋɔ, tɩ ɩ n a ʋ dãsɩɛ dem.

Ɩzayi 63:11

Lɛ n'a a ʋ nɩbɛ tɩ lɛb tɩɛrɩ a Moyiir daar: «Nyɩnɛ n'a a sob nɛ na ɩ a ʋ nɩbɛ bɛ yi a kʋ̃ɔ-kpɛ̃ɛ pʋɔ lɛb do a be? Nyɩnɛ n'a a ʋ dʋn lãwnɩ a cɩ̃ɩnbɛ be? Nyɩnɛ n'a a sob nɛ na ƴãw a ʋ Vʋʋrʋ Sõw a tɩ sɔgɔ a be?

1 Pɩɛr 1:21

A ʋl ƴãw n'a nyɩ sàw de a Naaŋmɩn na ɩ k'ʋ lɛb yi a kũuni pʋɔ ɛ́ kʋ̀ ʋ a yúor-vɩɛlʋ-danʋ a. À ŋá n'a nyɩ sàw de a Naaŋmɩn ɛ́ ƴãw a nyɩ tɩɛrʋ za a ʋ ƴãw.

1 Tesalonikɩ 1:10

Nyɩ gùre nɩ a Yeezu, a ʋ Bie, na na yi a tẽ-vla pʋɔ lɛb wa a, ʋl ʋ na ɩ k'ʋ lɛb yi a kũuni pʋɔ a, ʋl na faarɛ tɩ a Naaŋmɩn ƴɛ̀rʋ maalʋ bibir na pɩɛl'a ƴãw a.

Kɔlɔsɩ 2:12

Nyɩ na de a suob a, bɛ ũù nyɩ na lãwnɩ a Kɩrɩta a bɔw pʋɔ. Bɛ mɩ̀ ɩ na nyɩ lãw nɩ ʋ lɛb yi, a nyɩ na sàw kɛ́ a Naaŋmɩn tɛr'ɩ fãw a zũú, a fãw ŋa na ɩ a Kɩrɩta ʋ lɛb yi a kũuni pʋɔ a.

Zeremi 32:40

Ɩ̃ na maal'ɩ bɛ nɩ wõ-taa na be kʋralɛ a. Ɩ̃ kʋ̃ lɛb pùor ɛ́ bɛr bɛ towtow ɛ, ɩ̃ na tuur bɛ nɩ kʋralɛ, maalɛ bɛ vla. À ŋá n'a bɛ na ƴãwnɛ mɛ̃ yaga za, ɛ́ bɛ kʋ̃ lɛb taw zãá nɩ mɛ̃ towtow ɛ.

1 Bibie za yel-manɩ 16:17

Ʋ ɩ na a wõ-taa ŋa ɩ nʋɔr a Zakɔb zie, wõ-taa na bɛ tɛr baarʋ a a Ɩsɩrayɛl zie,

1 Pɩɛr 5:4

A Pi-cɩ̃ɩn-kara wa sãá a lɛn daar a, nyɩ na páw nɩ a yúor-vɩɛlʋ-danʋ dɛpaal-kpawʋɔ na bɛ tɛr sãwfʋ a.

Ebre 10:29

Nyɩ tɩɛr bãw kɛ́ sob nɛ na ɩ a Naaŋmɩn Bie la a, na nyɛ̃ a Wõ-taa zɩ̃ɩ na kʋ̀ ʋ a sonu a bɛ ɩ bom a, ɛ́ tʋ a Vʋʋrʋ na tɩrɛ a maalʋ a, nyɩ tɩɛr bãw k'aa sob nɛ kʋ̃ sɛwnɩ dɔwrʋ na kpɛ faa zuo lɛ a bɩɩ?

Ebre 9:20

ɛ́ yel: «A wõ-taa zɩ̃ɩ n'ɩ à á ŋá, a wõ-taa a Naaŋmɩn na yel kɛ́ nyɩ tuur a.»

1 Tesalonikɩ 5:23

A ƴã-ɓaarʋ Naaŋmɩn tɔr za, ʋ ɩ nyɩ ɩ son nyɩ za, ʋ gù a nyɩ nɩɩlʋ za, a tɩɛrʋ, a sɩ́ɛ nɩ a ƴã-gan, ʋ taa wa tɛr sãwna bɛ yere a tɩ Sore Yeezu Kɩrɩta waa daar ɛ.

Filib 4:9

Bom nɛ nyɩ na zànɩ ɛ́ páw a ɩ̃ zie a, bom nɛ nyɩ na nyɛ̃ a ɩ̃ zie ɛ́ wõ a, nyɩ tɛr a ɩrɛ, ɛ́ a ƴã-ɓaarʋ Naaŋmɩn na be n a nyɩ zie.

Ʋrɔm 8:11

A sob nɛ na ɩ a Yeezu ʋ lɛb yi a kũuni pʋɔ a, a ʋ Vʋʋrʋ wa kpɩɛr a nyɩ pʋɔ a, a sob nɛ na ɩ a Kɩrɩta ʋ lɛb yi a kũuni pʋɔ a, mɩ̀ na kʋ̀ n nyɔ-vʋʋrʋ a nyɩ ƴã-gamɛ na ɩ bʋ̃-kpiiri a, a ʋ Vʋʋrʋ na kpɩɛr a nyɩ pʋɔ a ƴãw.

Nɩ-toni 5:30

A tɩ sãàkʋm-kore Naaŋmɩn ɩ n a Yeezu ŋa, nyɩ na ƴãw bɛ kpa a da-gara zu kʋ a, ʋ lɛb yi a kũu pʋɔ.

Matie 26:28

à á ŋá ɩ n a ɩ̃ zɩ̃ɩ, a Wõ-taa zɩ̃ɩ, na cir yaarɩ a nɩ-yaga ƴãw a yel-bebe suur páwfʋ ƴãw a.

Ezekɩɛl 34:23

Ɩ̃ na ƴãw nɩ pi-cɩ̃ɩn-been na na kaarɛ a ɩ̃ dʋn zie a, ʋ be a ɩ̃ dʋn niŋé. Ʋ na ɩ n nãà mɛ̃ a ɩ̃ tõ-tõ-bie Daviir a. Ʋl a, ʋ na kaarɛ nɩ a dʋn zie, ɛ́ ɩ pi-cɩ̃ɩn-vla a dʋn zie.

Ɩzayi 40:11

Ʋ àrɛ nɩ nɩ a ʋ dʋn mɛ̃ pi-cɩ̃ɩnɛ a, ʋ mɩ́ zɛw nɩ a nũu kpa a ɓã taa, ʋ mɩ́ nyɔw nɩ a péli ɓori ɓori ɛ́ kparɛ a pi-mã mɩnɛ bɛ̀lbɛ̀l.»

2 Samɩɛl 23:5

Nyɛ̃ a lɛ a Naaŋmɩn na ɩ a ɩ̃ yir ƴãw a: ʋ bin nɩ wõ-taa na bɛ tɛr baarʋ a, mãa nɩ a ʋl cará, ʋ bin ʋ na nɩ tub na gù ʋ a. A yele za pʋɔ a, ʋ mɩ́ ɩ na ɩ̃ zɛb tʋ̃ɔ́, ʋ mɩ́ maal'ɩ a ɩ̃ pʋ-tɩɛrʋ.

Efɛɛzɩ 1:20

a lɛn daar ʋ na ɩ a Kɩrɩta lɛb yi a kũuni pʋɔ, ʋʋ ƴãw ʋ zɩ̃ a ʋ dʋrʋ lowr a tẽ-vla pʋɔ,

Galasi 1:1

A mãa Pol na ɩ nɩ-tona, ɛ́ a bɛ ɩ nɩsaalbɛ nɛbɛ so, bɩɩ nɩsaal zie n'a a yi, ɛ́ ɩ a Yeezu Kɩrɩta zie nɩ a Naaŋmɩn Sãà, na ɩ a Yeezu Kɩrɩta ʋ lɛb yi a kũuni pʋɔ a zie n'a a,

2 Korɛ̃tɩ 13:11

Ƴɛrɛŋa a, yɛbr i, nyɩ cɩlɛ, nyɩ ƴãw fãw ɩrɛ kɛ́ nyɩ vɩɛl tɩ tɔ, nyɩ kpaalɛ taa, nyɩ lãw taa tɩɛrʋ, nyɩ tɛr a ƴã-ɓaarʋ, ɛ́ a nɔ̃wfʋ nɩ a ƴã-ɓaarʋ Naaŋmɩn na be n a nyɩ zie.

2 Korɛ̃tɩ 4:14

Bʋ̃ʋ n'ʋ vɛ̃, tɩ bãwnɩ a na, a sob nɛ na ɩ a Sore Yeezu ʋ lɛb yi a kũu pʋɔ a, ʋ mɩ̀ na ɩ na tɩ lãw nɩ a Yeezu lɛb yi a kũu pʋɔ, ʋʋ na de tɩ na lãw nɩ nyɩ a ʋ zie.

1 Korɛ̃tɩ 15:15

Lɛb waar mɩ̀, a nɩbɛ na nyɛ̃ tɩ na tɩ ɩ Naaŋmɩn dãsɩ-ziri dem, bʋ̃ʋ n'ʋ vɛ̃, tɩ yel'a k'ʋʋ ɩ n a Kɩrɩta lɛb yi a kũu pʋɔ, zɩ̃ k'ʋʋ bɛ ɩ a lɛ ɩ, alɛ wa ɩ sɩza n'a k'aa kũuni bɛ lɛbr yire a.

1 Korɛ̃tɩ 14:33

Bʋ̃ʋ n'ʋ vɛ̃, Naaŋmɩn bɛ ɩ bʋnɛ-ɩrɛ Naaŋmɩn ɛ, ʋ ɩ n ƴã-ɓaarʋ Naaŋmɩn. Mɛ̃ a lɛ a na ɩrɛ a kɩrɩta-nɩbɛ Lãw-yie za pʋɔ a,

1 Korɛ̃tɩ 6:14

Ɛ́ a Naaŋmɩn na ɩ a Sore lɛb yi a kũu pʋɔ a, ʋ mɩ̀ na ɩ na tɩ lɛb yi a kũu pʋɔ nɩ a ʋ fãw.

Nɩ-toni 17:31

Sɩza n'a, ʋ ƴãw nɩ bibir ʋ na na maal'ɩ a tẽ-daa ƴɛ̀rʋ na tu yel-mɩŋa a. Ʋ kaa na ír nɩr a ƴɛ̀rʋ-maalʋ ŋa ƴãw. À ŋá n'a ʋ tɩ ɩ a sãá a nɩbɛ za zie, a lɛn daar ʋ na tɩ ɩ a nɩr ŋa lɛb yi a kũuni pʋɔ a.»

Nɩ-toni 13:30

Ɛcɛ Naaŋmɩn ɩ na ʋ lɛb yi a kũu pʋɔ,

Nɩ-toni 2:32

«A Yeezu ŋa a, Naaŋmɩn ɩ na ʋ lɛb yi a kũu pʋɔ, tɩɩm za dɩ n a dãsɩɛ.

Luka 22:20

Ʋ mɩ̀ tɩ ɩ n a lɛ a koli-nyúura ƴãw, a dɩb pùorí, ɛ́ yel: «A koli-nyúura ŋa ɩ n a Wõ-ta-paala na bin nɩ a ɩ̃ zɩ̃ɩ na cir a nyɩ ƴãw a.

Markɩ 14:24

Ɛ́ ʋ yel bɛ: «À á ŋá ɩ n a ɩ̃ zɩ̃ɩ, a Wõ-taa zɩ̃ɩ na cir a nɩ-yaga ƴãw a.

Ezekɩɛl 37:24

A ɩ̃ tõ-tõ-bie Daviir'ʋ na ɩ a nyɩ nãà. Ʋ na ɩ n a pi-cɩ̃ɩn-been a nyɩ za ƴãw. Nyɩ na sàwr'ɩ a ɩ̃ nɛ́ɛ, ɛ́ tɛr a tub ɩ̃ na ƴãw kʋ̀ nyɩ a tuur.

Ɩzayi 61:8

Bʋ̃ʋ n'ʋ vɛ̃, a mãa Sore a, ɩ̃ nɔnɛ na kɛ́ bɛ mɩ́ nɔnɛ a yel-na-tu-sɔr-a, ɛcɛ ɩ̃ ciir'ɩ a nyãnyu-nɩ-kʋ-ɩb. A na ɩ à ŋá a, ɩ̃ na lɛb'a kʋ̀ nyɩ a bom nɛ a na fɛr kɛ́ nyɩ so a, ɩ̃ na maal'ɩ nyɩ nɩ wõ-taa na na be be kʋralɛ a.»

Ʋrɔm 16:20

A Naaŋmɩn na ɩ a ƴã-ɓaarʋ sob a kʋ̃ yaa kɛ́ ƴɛ́r a Sɩtaana ŋmɛr bin a nyɩ gbɛ́ɛ pile ɩ. A tɩ Sore Yeezu maalʋ, ʋ be a nyɩ zie!

Ʋrɔm 1:4

ɛcɛ a Vʋʋrʋ Sõw lowr a, bɛ tɩ wul'a nɩ kpɛnʋ a sãá ʋ na ɩ Naaŋmɩn Bie a, a ʋ kũu-pʋɔ-lɛb-yibu zũú.

Nɩ-toni 4:10

a fɛr'a kɛ́ nyɩ za bãw vla, lãwnɩ a Ɩsɩrayɛl nɩbɛ za: a Yeezu Kɩrɩta na yi Nazarɛtɩ a yúor ƴãw n'a a nɩr ŋa lɛb ɩ nɩ-kpɛ̃w àr a nyɩ niŋé, a Yeezu Kɩrɩta ŋa nyɩ na kpa a da-gara zu, ɛ́ a Naaŋmɩn ɩ ʋ lɛb yi a kũuni pʋɔ a.

Sɛb-sõw yielu 80:1

Yiel-yielbɛ nɩ-kpɛ̃ɛ sɛbɛ pʋɔ yielu. Sɛb-sõw yielu Asafʋ na maalɩ a. Fomie bʋ̃-ŋmɩɛrɩ n'a bɛ mɩ́ ŋmɩɛr ƴãwn.

2 Bibie za yel-manɩ 30:12

A Zuda naalʋ-tẽw pʋɔ a, a Sore tɩ ɩ na a nɩbɛ lãw taa sàw tu a lɛ a nãà nɩ a ʋ tõ-tõ-bi-bɛrɛ na tɩ yel a.

Ʋrɔm 10:7

Bɩɩ: «Ãa n'ʋ na siw a kpɩmɛ tẽw?» (A pɛr lɛ k'ʋʋ tɩ ɩ a Kɩrɩta ʋ yi a kũuni pʋɔ do wa).