Ebre 11:9 - A SƐB-SÕW

⁹ A sàw-deb zũú n'a ʋ tɩ kpɛ a tẽw ʋl mɛ̃ nʋʋra a, a tẽw ʋl a Naaŋmɩn na yel k'ʋʋ na kʋ̀ ʋ na a. Pɛn-sɛw pʋɔ n'a ʋ tɩ kpɩɛr, ʋlɛ nɩ a Ɩzaakɩ nɩ a Zakɔb, a bɛl a Naaŋmɩn mɩ̀ na tɩ ƴãw a ʋlɩ nɔ-been nɛ kʋ̀ a.

Ebre 11:9 Referans Kwoze

Yele-za-pɛr-tib 12:8

Ʋ tɩ yi n a be, ɛ́ kpɛ a tan vuo pʋɔ, a Betɛl saa-pɛrɩ́. Ʋ tɩ maal'ɩ a ʋ pɛn-sɛw a Betɛl nɩ a Aɩ cara pʋɔ, a Betɛl be a mʋ̃tɔ̃w-kpɛb-lowr, ɛ́ a Aɩ be a saa-pɛrɩ́. Ʋ tɩ mɛ n bàwr-maal-kuur ƴen sob a be, ɛ́ puori a Naaŋmɩn bʋɔl'ʋ kɛ́ “Sore”.

Yele-za-pɛr-tib 13:18

A Abram tɩ wa n nɩ a ʋ pɛnɛ-sɛwr wa kpɩɛr'ɩ a Mãbre sɛn tɩɩr na pɩɛlɩ Ebrɔ̃ a pɛr. Ʋ tɩ mɛ n bàwr-maal-kuur a be a Sore ƴãw.

Ebre 6:17

Ɛcɛ a Naaŋmɩn tɩ bɔbr'a k'ʋʋ wul cãàmɩlɛ a bɛlɩ dem na na páw a nʋɔr ʋ na ƴãw a maalʋ a, k'aa lɛ ʋ na yel a bɛ tɛr lɩɛbʋ ɛ. A lɛ n'a so ʋ tɩ ƴãw a nʋɔr pɔ n.

Yele-za-pɛr-tib 18:9

Bɛ tɩ sowr'ʋ na: «Nyɩnɛ n'a a fʋ pɔw Saara be?» Ʋ sɔw: «Ʋ be n a pɛn-sɛw pʋɔ.»

Yele-za-pɛr-tib 13:3

Ʋ tɩ yi n a Negɛɛvʋ, ɛ́ cere tɛwr zɩnɛ tɩ ta a Betɛl, a be ʋ na tɩ dãw niwn zɩ̃, a Betɛl nɩ a Aɩ cara pʋɔ a.

Yele-za-pɛr-tib 35:27

A Zakɔb tɩ ta n a ʋ sãà Ɩzaakɩ zie a Mamire na pɩɛlɩ Kɩrɩyatɩ-Arba a, a pɛr lɛ k'aa Ebrɔ̃. Be n'a a Abraham nɩ a Ɩzaakɩ tɩ kpɛ.

Yele-za-pɛr-tib 28:4

Ʋ kʋ̀ fʋ̃ʋ nɩ a fʋ bʋʋrɛ a maalʋ mɛ̃ a Abraham a, fʋ tʋ̃ɔ́ so a tẽw fʋ na kpɩɛr a, a tẽw a Naaŋmɩn na kʋ̀ a Abraham a.»

Yele-za-pɛr-tib 25:27

A dɛbli tɩ baa nɩ nɩbɛ, a Ezawu ɩ nabawl-kara, wɩ̀ɛ pʋɔ nɩr, ɛ́ a Zakɔb ɩ nɩr na bɛ damnɛ a, ɛ́ nɔnɛ a pɛn-sɛw pʋɔ zɩma a.

Yele-za-pɛr-tib 23:4

«Ɩ̃ kpɩɛr'ɩ a nyɩ sɔgɔ mɛ̃ nʋʋra nɩ sãan a. Nyɩ kʋ̀ m kũu ũufʋ zie a nyɩ ka ɩ̃ so ʋ, tʋ̃ɔ́ ɓáw a ɩ̃ kũu tɩ ũù.»

Yele-za-pɛr-tib 18:6

Lɛ n'a a Abraham tɩ paw cen a pɛn-sɛw pʋɔ tɩ yel a Saara: «Paw fɔ̃w! De kilo lɩzɛr'ɩ anũu zɔ̃-bàalʋ bàalʋ bu maal'ɩ sɛ̃sɛ̃.»

Yele-za-pɛr-tib 17:8

A tẽw fʋ na kpɩɛr ɩ nʋʋra a, a Kanãa tẽw za, ɩ̃ kʋ̀rɛ ʋ nɩ fʋ̃ʋ nɩ a fʋ bʋʋrɛ. Bɛ na so ʋ nɩ kʋralɛ, ɩ̃ɩ ɩ a bɛ Naaŋmɩn.»

Yele-za-pɛr-tib 36:7

Bʋ̃ʋ n'ʋ vɛ̃, a bɛ bʋ̃-tɛrɩ tɩ zuo na nɩ bɛ na na lãw kpɩɛr a. A zie ʋl bɛ na tɩ be a bɛ tɩ saalɩ a bɛ dʋn guolu ƴãw ɛ.

Yele-za-pɛr-tib 47:9

A Zakɔb sɔw: «Yome lɩz'a ayʋɔb nɩ pie n'ɩ à ŋá ɩ̃ na lʋɔrɛ a ten mɛ̃ sãan a. A ɩ̃ nyɔ-vʋʋrʋ yome bɛ yãwmɛ ɩ, ɛ́ bɛ vɩɛl ɛ. A bɛ ta a ɩ̃ sãàkʋm-kore yome ɩ, bɛl na tɩ zɩnɛ a ten lʋɔrɛ mɛ̃ a mãa a.»

Sɛb-sõw yielu 105:12

A lɛn daar, a tɩ sãàkʋm-kore bɛ tɩ saalɩ ɛ, nʋʋrɩ blãle lɛ tɩ nɛbɛ a tẽw pʋɔ.

Zeremi 35:7

Nyɩ bɛ ŋmarɛ yie ɩ, nyɩ bɛ kʋɔr a tẽsɔw ɛ, nyɩ bɛ sɛlɛ divɛ̃ tɩɩr púo ɩ, nyɩ bɛ tɛrɛ ʋ ɛ. Ɛcɛ nyɩ na kpɩɛr'ɩ pɛnɛ-sɛwr pʋɔ a nyɩ cãafʋ daar za. À ŋá n'a nyɩ na tʋ̃ɔ́ vʋʋrɩ cɛlɩ a tẽw ŋa na bɛ ɩ nyɩ sãà tẽw a pʋɔ.”

Yele-za-pɛr-tib 21:34

A Abraham tɩ kpɛ n a Filisɩtɛ̃ mɩnɛ tẽw cɛlɩ.

Yele-za-pɛr-tib 31:25

A Labã tɩ ta na páw a Zakɔb na maalɩ a ʋ pɛn-sɛw a Galaadɩ tan pʋɔ a. A Labã nɩ a ʋ nɩbɛ mɩ̀ tɩ ɩ a lɛ.