Ebre 11:15 - A SƐB-SÕW

¹⁵ A tẽw ʋl bɛ na yi kɛ́ bɛr a tɩ n'ʋ bɛ tɩɛrɛ a, bɛ nãá nyɛ̃ nɩ vuo lɛb cen a ʋ pʋɔ.

Ebre 11:15 Referans Kwoze

Yele-za-pɛr-tib 12:10

Kɔ̃ tɩ lo n a tẽw pʋɔ, a Abram siw Eziptɩ k'ʋʋ tɩ be a be sɛr. A kɔ̃ tɩ sɩrɩ na kpɛ faa.

Yele-za-pɛr-tib 11:31

A Tera tɩ tɛr'ɩ a ʋ bidɛb Abram nɩ a ʋ yãw Lɔtɩ na ɩ a Haran bidɛb a. Ʋ mɩ̀ tɩ tɛr'ɩ a ʋ bie-pɔw Saraɩ na ɩ a Abram pɔw a. Ʋ tɩ tɛr bɛ na yi n a Uur na be a Kalde tẽw a, k'ʋʋ cen nɩ Kanãa tẽw. Bɛ tɩ cen na tɩ ta Haran kpɩɛr a be.

Yele-za-pɛr-tib 31:18

Ʋ tɩ tɛr'ɩ a ʋ dʋn za nɩ a ʋ bome za ʋ na páw a Mezopotami tẽw Saa-zu a, lɛb cere nɩ a ʋ sãà Ɩzaakɩ zie, a Kanãa tẽw.

Yele-za-pɛr-tib 24:4

Ɛcɛ yel kɛ́ fʋ na cen nɩ a ɩ̃ tẽw pʋɔ nɩ a ɩ̃ nɩbɛ pʋɔ tɩ kaa ír pɔw a ɩ̃ bidɛb Ɩzaakɩ ƴãw.»

Ebre 11:14

A bɛlɩ dem na ƴɛ̀rɛ à à ŋá a, bɛ wul'ɩ cãàmɩlɛ kɛ́ sãà-tẽw n'ʋ bɛ bɔbr gʋɔr'ɩ.