Ebre 10:28 - A SƐB-SÕW

²⁸ Nɩr na zawrɩ a Moyiir wulu a, nɩbaalʋ zɔba bɛ ka be ɩ, a kũu n'a: yel-mɩn-dem ayi bɩɩ ata wa yel kɛ́ sɩza n'a ʋ sãw a.

Ebre 10:28 Referans Kwoze

Ebre 2:2

A ƴɛ̀rʋ a malkɩ mɩnɛ na tɩ dãw ƴɛ̀r a wa sãá na ɩ ƴɛ̀r-sɩza, ɛ́ sob nɛ za na tɩ gãw a ƴɛ̀rʋ ŋa bɛr bɩɩ bɛ sàw de ʋ a tɩ páw nɩ dɔwrʋ mɛ̃ a lɛ a na sɛw a.

Wulu-ayi-sob 19:15

Nɩ-been yõ dãsɩɛ kʋ̃ tʋ̃ɔ́ sɛw bɛ ƴãw nɩr na kʋ nɩr, nɩr na maalɩ yel-bier, bɩɩ nɩr na sãw sãwna kãw a, dɔwrʋ ɛ. Nɩbɛ ayi bɩɩ nɩbɛ ata dãsɩɛ dɩb zũú n'a bɛ na tʋ̃ɔ́ mɩ́ bãw a yel yel-mɩŋa.

2 Korɛ̃tɩ 13:1

A gb'a ata sob'ɩ à ŋá ɩ̃ na waar a nyɩ zie a. Mɛ̃ a lɛ a Sɛb-sõw na yel a: «Dãsɩɛ dem ayi bɩɩ ata ƴɛ̀rʋ zũú n'a yel za na mɩ́ maalɩ.»

Zã 8:17

A nyɩ Naaŋmɩn wulu sɛbɛ tɔr za pʋɔ a, bɛ sɛb'a kɛ́ nɩbɛ ayi wa dɩ yel dãsɩɛ a, a bɛ dãsɩɛ ɩ n yel-mɩŋa.

Matie 18:16

Ʋlɛ bɛ wa bɛrɛ wone a fʋ ƴɛ̀rʋ a, fʋ̃ʋ tɛr nɩ-been bɩɩ nɩbɛ ayi ƴãw pʋɔ a fʋ ƴãw, kɛ̀ “Yel za tʋ̃ɔ́ mɩ́ maalɩ dãsɩɛ dem ayi bɩɩ ata ƴɛ̀rʋ zũú.”

2 Samɩɛl 12:13

Lɛ n'a a Daviir tɩ yel a Natan: «Ɩ̃ maal'ɩ yel-bier sãw a Sore.» A Natan tɩ sɔw nɩ a Daviir à ŋá: «A Sore mɩ̀ dɩ n a fʋ yel-bier suur kʋ b, fʋ kʋ̃ kpi ɛ.

Wulu-ayi-sob 19:13

Nyɩ kʋ̃ tɛr mimi-baalʋ a ʋ ƴãw ɛ. À à ŋá n'a nyɩ na ír a nɩr na bɛ tɛr sãwna a kʋrɛ a Ɩsɩrayɛl nɩbɛ sɔgɔ, ɛ́ a na vɩɛl'ɩ a nyɩ zie.

Sɔr-nɛ́ɛ 15:36

A lãw nɩbɛ za tɩ tɛr ʋ na yi zaa nɩ a laɩ pʋɔ tɩ lɔb'ɩ ʋ kʋsɛbɛ, ʋ kpi, mɛ̃ a lɛ a Sore na tɩ ƴãw a nʋɔr kʋ̀ a Moyiir a.

Zakɩ 2:13

A Naaŋmɩn wa maalɛ nɩ nɩr na bɛ zɔrɛ ʋ taabɛ nɩbaalʋ a ƴɛ̀rʋ a, ʋ mɩ̀ kʋ̃ tɛr nɩbaal-zɔba a ʋ zie ɩ, ɛcɛ nɩbaal-zɔrɛ bɛ zɔrɛ a ƴɛ̀rʋ-maalʋ ɛ.

Ʋrɔm 9:15

Bʋ̃ʋ n'ʋ vɛ̃, ʋ tɩ yel'ɩ a Moyiir zie à ŋá: «Ɩ̃ na zɔ n sob nɛ nɩbaalʋ ɩ̃ na bɔbr a, ɛ́ tɛr su-ɓaarʋ sob nɛ zie ɩ̃ na bɔbr a.»

Zeremi 13:14

Ɩ̃ na mɩ́ nyɔw nɩ ŋa va n ŋa, va bɛ kar kar, a sãà mɩnɛ lãwnɩ a bibiir, a Sore n'ʋ yel. Ɩ̃ bɛ cɩ́ɛr nɩr bɛrɛ ɩ. Nɩbaal-zɔba kãw za kʋ̃ piw mɛ̃ sɔ́r ɩ̃ bɛ sãw bɛ bɛr ɛ.»

Ɩzayi 27:11

A wuli wa kò a, a mɩ́ kar'a lo, pɔwbɛ wa nyɩw a. A nɩ-bʋʋrɛ bɛ ŋa bɛ tɛr yã ɩ. Alɛ so a sob nɛ na ír bɛ a bɛ zɔrɛ bɛ nɩbaalʋ ɛ, a sob nɛ na maalɩ bɛ a bɛ dɩrɛ suur kʋ̀rɛ bɛ ɩ.

2 Samɩɛl 12:9

Bʋ̃ʋ n'ʋ so fʋ bɛ bʋɔlɩ mɛ̃ nɩr, ɩ a ʋlɩ bom nɛ na bɛ pɛlɩ a ɩ̃ pʋɔ a? Fʋ kʋ n a Hititɩ dɔɔ Uuri, fʋ ƴãw na a Amɔ̃ tẽw nɩbɛ cɔ̀r ʋ nɩ zɛbr-sɔ-kpɛ̃ɛ kʋ, ɛ́ fʋ de a ʋ pɔw, ʋ ɩ a fʋ pɔw.

Ebre 12:25

Nyɩ gù vla taa wa zawrɛ a sob nɛ na ƴɛ̀rɛ a nyɩ zie a ƴɛ̀rʋ bɛr-wob ɛ. Bʋ̃ʋ n'ʋ vɛ̃, a bɛlɩ dem na tɩ zawrɩ a sob nɛ na kpãànɛ bɛ a tẽw zu ka a bɛr a, bɛ bɛ cɩ̃ɛ ɩ, ɛ̀ bɛ nãà yere a tɩɩm ɩ, tɩ mɩ̀ kʋ̃ cɩ̃ɛ ɩ, tɩmɛ wa gùr pùor cɔw a sob nɛ na be a tẽ-vla pʋɔ ɛ́ ƴɛ̀rɛ a tɩ zie a.