Kɔlɔsɩ 3:25 - A SƐB-SÕW

²⁵ Nɩr za na maalɛ faa a na páw nɩ a faa sã-ya, owru bɛ ka be ɩ.

Kɔlɔsɩ 3:25 Referans Kwoze

Nɩ-toni 10:34

Lɛ n'a a Pɩɛr pãa tɩ de a ƴɛ̀rʋ yel: «Ɩ̃ pãa nyɛ̃ nɩ yel-mɩŋa kɛ́ Naaŋmɩn bɛ owre a nɩbɛ a ʋ ɩb pʋɔ ɩ:

Ʋrɔm 2:11

Naaŋmɩn sɩrɩ bɛ mɩ́ kpɛ ŋa ɛ́ bɛr ŋa ɩ.

2 Korɛ̃tɩ 5:10

Bʋ̃ʋ n'ʋ vɛ̃, a fɛr'a kɛ́ tɩ za cen a Kɩrɩta ƴɛ̀rʋ-maalʋ zie ʋ tɩ maal'ɩ tɩ a ƴɛ̀rʋ. Lɛn daar'a ŋa za na páw bom nɛ na sɛw taa nɩ ʋ a, a vla bɩɩ a faa, a tu a lɛ ʋ na vʋʋrɩ a tẽw zu a.

1 Tesalonikɩ 4:6

A yel ŋa ƴãw a, nɩr za taa wa sãwnɛ a ʋ yɛb bɩɩ nɛbr ʋ ɛ, bʋ̃ʋ n'ʋ vɛ̃, mɛ̃ a lɛ tɩ na yel kʋ̀ nyɩ ɛ́ kpãa nyɩ a, a Sore na dɔwr'ɩ a bɛlɩ dem na ɩrɛ a ɩ-faar á ŋá taabɛ a.

Wulu-ayi-sob 10:17

Bʋ̃ʋ n'ʋ vɛ̃, a Sore nyɩ Naaŋmɩn n'ɩ a ŋmɩmɛ za Naaŋmɩn, a sorbɛ za Sore, a Naaŋmɩn na ɩ kpɛ̃ɛ a, na kpɛmɛ ɛ́ bɛ tɛr dɩ̃ɛnʋ a. Ʋ bɛ owre ɩ, ɛ́ bɛ sàwr bɛ ŋmɩɛr ʋ nʋɔr ɛ.

1 Pɩɛr 1:17

Nyɩmɛ wa bʋɔlɛ a Naaŋmɩn kɛ́ Sãà a, ʋl na bɛ owre a ƴɛ̀rʋ-maalʋ pʋɔ, ʋ na mɩ́ maal'ɩ ŋa za tu n a ʋ ɩ-ɩrɩ a, nyɩɩm zɔrɛ ʋ ɛ́ ƴãwnɛ ʋ a nyɩ nɩ-tɔlɩ tẽw ŋa zu.

Efɛɛzɩ 6:9

Ɛ́ nyɩɩm na so a gbãgbaar a, nyɩ mɩ̀ ɩrɛ a lɛ a bɛ zie. Nyɩ bɛr a bɛ tanʋ. Nyɩ bãwnɩ a na, nyɩɩm nɩ a bɛl za Sore be n a saa-zu, ɛ́ ʋl bɛ tɛr owru kãw za a nɩsaalbɛ ƴãw ɛ.

2 Bibie za yel-manɩ 19:7

A na ɩ à ŋá a, nyɩ zɔrɛ a Sore yaga yaga, ɛ́ gùre vla a lɛ nyɩ na ɩrɛ a, bʋ̃ʋ n'ʋ vɛ̃, a Sore tɩ Naaŋmɩn bɛ sàwr yel na bɛ tu sɔ́r a ɩ, ʋ bɛ owre ɩ, ʋ bɛ sàwr bɛ kʋ̀rɛ ʋ bome ŋmɩɛr'ɩ ʋ nʋɔr ɛ.»

Wulu-ayi-sob 1:17

Nyɩ taa owre a ƴɛ̀rʋ-dɩb pʋɔ ɩ. Nyɩ mɩ́ bɛr wõ a nɩ-bɛ-tɛr-yúor nɩ a nɩ-yúor. Nyɩ taa zɔrɛ nɩr kãw za ɩ, bʋ̃ʋ n'ʋ vɛ̃, Naaŋmɩn yúor ƴãw n'a a fɛr kɛ́ nyɩ dɩrɛ a ƴɛ̀rʋ. Yel kãw mɩ́ wa kpɛmɛ zuo nyɩ a, nyɩ mɩ́ wa n ʋ wa kʋ̀ m, ɩ̃ɩ na jɛl ʋ na kaa.

Ebre 2:2

A ƴɛ̀rʋ a malkɩ mɩnɛ na tɩ dãw ƴɛ̀r a wa sãá na ɩ ƴɛ̀r-sɩza, ɛ́ sob nɛ za na tɩ gãw a ƴɛ̀rʋ ŋa bɛr bɩɩ bɛ sàw de ʋ a tɩ páw nɩ dɔwrʋ mɛ̃ a lɛ a na sɛw a.

Kɔlɔsɩ 4:1

Nɩ-bɛrɛ ɛ, nyɩ kaarɛ a nyɩ gbãgbaar zie nɩ yel-mɩnʋ nɩ a lɛ a na sɛw a, ɛ́ mɩ̀ bãwnɩ a nyɩ na tɛr Nɩ-kpɛ̃ɛ a salom zu a.

Luka 20:21

Bɛ tɩ sowr'ɩ sowru ŋa a Yeezu: «Wul-wul-kara a, tɩ bãwnɩ a na, a fʋ ƴɛ̀rʋ nɩ a fʋ wulu tu n sɔ́r, fʋ bɛ jɩ́rɛ nɩr niwn kpɩɛr a sob ɛ, fʋ wule nɩ a nɩbɛ a Naaŋmɩn sɔ́r nɩ yel-mɩŋa.

A Zɔb sɛbɛ 37:24

Alɛ so a nɩsaalbɛ ƴãwnɛ ʋ, ɛcɛ ʋl bɛ ŋmɛlɛ kaar a bɛlɩ dem na tɩɛr kɛ́ bɛ ɩ n yã-bãwnbɛ a ɩ.

A Zɔb sɛbɛ 34:19

Ʋl yõ n'ʋ bɛ mɩ́ kpɛ a nɩ-bɛrɛ ɩ, ɛ́ bɛ mɩ́ ƴãw a tɛra sob zuo a nã́w sob ɛ, bʋ̃ʋ n'ʋ vɛ̃, bɛ za ɩ n a ʋ nuru bʋ̃-maalɩ.

2 Samɩɛl 14:14

Sɩza n'a, tɩ za na kpi na ɩ mɛ̃ kʋ̃ɔ na cir tẽw bɛ kʋ̃ tʋ̃ɔ́ wob a. Ɛcɛ a Abɩsalɔm ƴãw a, Naaŋmɩn tɛr'ɩ tɩɛrʋ na bɛ ŋmɛ̃ taa nɩ a fʋ dem a. A sob nɛ bɛ na tɩ diw ʋ zãá a bɛ sɛw k'ʋʋ vʋʋrɛ zãá nɩ a Naaŋmɩn ɛ.

Levitɩ mɩnɛ 19:15

«A nyɩ ƴɛ̀rʋ-dɩb pʋɔ a, nyɩ taa tɛrɛ ɩ-ɩrɩ na bɛ tu a mɩnʋ a ɩ: nyɩ taa kpɩɛr a bãbàal ɛ, nyɩ taa maalɛ a nũ-kpɛ̃w sob ɛ, ɛcɛ nyɩ mɩ́ dɩ a ƴɛ̀rʋ kʋ̀ a nyɩ tẽ-bi-tɔ a tu a mɩnʋ.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:16

A nɩbɛ bɛ ŋa mɩ́ zɛbr'ɩ kʋralɛ, ɛ́ a bɛ suur bɛ nʋmɛ bɛ a bɛ nyɔ-vʋʋrʋ ƴãw ɛ. Bɛ mɩ́ tɩɛrɛ nɩ a bɛ bʋ̃-bɔbrɩ tɛwr. Pɔ̀l-ƴɛ̀rʋ n'a bɛ mɩ́ ƴɛ̀rɛ, ɛ́ bɛlɛ wa mʋʋrɛ nɩr a, bɛl mɩŋa tɔnɛ ƴãw n'a.

Filemɔ̃ 1:18

Ʋlɛ wa sãw fʋ a, bɩɩ tɛr fʋ san a, fʋ̃ʋ de a za dɔwlɩ a ɩ̃ zu.

Matie 16:27

A Nɩsaal Bie na sɩrɩ na wa a ʋ Sãà yúor-vɩɛlʋ-danʋ pʋɔ, ʋlɛ nɩ a ʋ malkɩ mɩnɛ, lɛ n'a ʋ na mɩ́ ya ŋa za man nɩ a ʋ ɩb.

Efɛɛzɩ 6:8

Nyɩ bãwnɩ a na, bʋ̃-vla nɛ ŋa za na maalɩ a, ʋ ɩ n gbãgbaa bɩɩ nɩr na so ʋ tʋɔra a, ʋ na lɛb'a páw ʋ a Sore zie.

2 Tesalonikɩ 1:6

A sɛw na kɛ́ Naaŋmɩn mɩ́ ɩ kpɩɛrʋ páw a bɛlɩ dem na ɩrɛ a kpɩɛr nyɩ a, yáa a san,