Kɔlɔsɩ 1:16 - A SƐB-SÕW

¹⁶ Bʋ̃ʋ n'ʋ vɛ̃, ʋlɛ n'ʋ a Naaŋmɩn ƴãw k'ʋ ír a bome za, a saa-zu nɩ a tẽw zu, a bʋ̃-nyɛrɩ nɩ a bʋ̃-bɛ-nyɛrɩ, a al na zɩnɛ naalʋ-dà-kɔwr zuru a, nɩ a al na so a ziir a, a naalʋ-dɩb bʋʋrɛ nɩ fãw bʋʋrɛ za. Ʋlɛ n'ʋ Naaŋmɩn ƴãw ʋ ír a za a ʋl mɩŋa ƴãw.

Kɔlɔsɩ 1:16 Referans Kwoze

Ʋrɔm 11:36

Bʋ̃ʋ n'ʋ vɛ̃, ʋl zie n'a bom za yi, ʋlɛ n'ʋ so bom za be, ʋl ƴãw n'a bom za be. Ʋlɛ so yúor-vɩɛlʋ-danʋ a yome yome za! Amɛn.

Zã 1:3

Ʋlɛ n'ʋ so kɛ̀ bom za be, ɛ́ ʋl ƴãw bɛ tɩ n'a a, bom za kʋ̃ʋ tɩ be ɩ.

1 Korɛ̃tɩ 8:6

tɩɩm zie a, Naaŋmɩn-been yõ n'ʋ be, a Naaŋmɩn Sãà na ír bom za ɛ́ tɩ vʋʋrɛ a ʋ ƴãw a, nɩ Sore been yõ, Yeezu Kɩrɩta, na so bom za be ɛ́ so tɩ vʋʋrɛ a.

Ebre 2:10

A Naaŋmɩn ƴãw bom za na be, ʋʋ so bom za be a, ʋ na tɩ bɔbr k'ʋʋ tɛr bibiir yaga bɛ tɩ pʋɔ a ʋ yúor-vɩɛlʋ-danʋ pʋɔ a, a tɩ sɩrɩ na sɛw k'aa Yeezu na na ɩ a bɛ faafʋ sɔ́r niw-diere a, ʋ ɩ ʋ k'ʋ wõ tuo vɩɛl ʋ za.

1 Bibie za yel-manɩ 29:11

Sore e, fʋ̃ʋ na ɩ kpɛ̃ɛ bɛ tɛr tɔ a, fʋ̃ʋ so a fãw nɩ a kpɛnʋ, a ƴãwfʋ nɩ a yúor-vɩɛlʋ-danʋ. Fʋ̃ʋ so bom za a salom zu nɩ a tẽw zu. Fʋ̃ʋ n'ɩ a nãà, fʋ̃ʋ so a bome za.

Ebre 1:2

Ɛcɛ ƴɛrɛŋa a, a yele baarʋ vuo ŋa pʋɔ a, a ʋ Bie n'ʋ ʋ ƴãw ʋ ƴɛ̀r a tɩ zie. Ʋlɛ n'ʋ a Naaŋmɩn ƴãw k'ʋ ír bom za ɛ́ so bom za.

Efɛɛzɩ 1:10

a tɩ faafʋ tome daar nãà wa ta a. Ʋ tɩ tɩɛrɛ na k'ʋʋ ɓã bom za na be a salom zu nɩ a tẽw zu a taa, ʋ ɓã a za taa na-kpɛ̃ɛ been pile na ɩ a Kɩrɩta a.

Ɩzayi 44:24

Ɩsɩrayɛl i, a Sore, a fʋ ya-diere na cɔbrɩ fʋ a fʋ mã puori a, ƴɛ̀rɛ nɩ a fʋ zie à ŋá: «Mãa n'ɩ a Sore na maalɛ bom za a. Mãa n'ʋ dɔl a salom, mãa ɩ̃ yõ tẽtẽ, ɩ̃ yɛ́r'ɩ a tẽw ɛ́ nɩr za bɛ sõw mɛ̃ ɩ.

Zʋkpaɩ 16:4

A Sore tɛr'ɩ tɩ́ɛrʋ maal'ɩ bom za. Ʋ ír'ɩ a nɩ-faar tɛɛ za a dɔwrʋ bibir ƴãw.

Kɔlɔsɩ 1:15

A Kɩrɩta n'ɩ a Naaŋmɩn tɩ na bɛ nyɛrɛ a ŋmɛ̃-ta-tɔ, ɛ́ lɛb ɩ a Naaŋmɩn bi-dãw-dɔwra na de niwn a ʋ bʋ̃-íri za pʋɔ a.

Kɔlɔsɩ 2:10

ɛ́ a ʋ pʋɔ n'a nyɩ páw bom za, ʋl na ɩ naalʋ-dɩb za nɩ fãw bʋʋrɛ za yib zie a.

Ɩzayi 43:21

A nɩ-bʋʋrɛ bɛ ŋa ɩ̃ na cɔbrɩ a ɩ̃ ƴãw a na yiele nɩ a ɩ̃ danʋ.»

Wulu-ayi-sob 4:39

A na ɩ à ŋá a, nyɩ bãwnɩ a, ɛ́ tɛr a yel ŋa a nyɩ tɩɛrʋ pʋɔ: a Sore yõ n'ɩ a Naaŋmɩn, a saa-zu, a salom zu, nɩ a pile ka a tẽw zu. Ŋmɩn-yoru bɛ be be pʋɔ a ʋ ƴãw ɛ.

Filib 2:10

kɛ́ a Yeezu yúor ƴãwfʋ ƴãw, bʋ̃-vʋʋrɩ za gbine dume a salom zu, a tẽw zu nɩ a tẽw pile,

Kɔlɔsɩ 1:20

k'aa ʋl zũú, Naaŋmɩn ɩ ʋlɛ nɩ bom za lɛb kpɛ taa, a tẽw zu nɩ a saa-zu. A ʋ Bie zɩ̃ɩ na cir a da-gara zu a ƴãw n'a, a Naaŋmɩn ɩ a ƴã-ɓaarʋ be.

1 Pɩɛr 3:22

ʋl na do a tẽ-vla pʋɔ tɩ be a Naaŋmɩn dʋrʋ lowr dɩrɛ naalʋ a malkɩ mɩnɛ zu, a salom zu kpɛnʋ dem nɩ a fãw dem zu a.

Kɔlɔsɩ 2:15

Ʋ zɛb'a tʋ̃ɔ́ a naalʋ-dɩb bʋʋrɛ za nɩ a fãw za, ʋ ɩ na a lɩɛbɩ bʋ̃-ɩ-laarɩ a nɩbɛ niŋé, a ɩ a gbãgbaar a ʋ Bie na zɛb tʋ̃ɔ́ bɛ cɔrɩ tuur ʋ a.

Efɛɛzɩ 6:12

Nɩsaal bɛ n'ʋ tɩ zɛbr'ɩ ɛ, niw-dierbɛ nɩ kpɛnʋ dem a, a bɛlɩ dem na so a lige tẽ-daa ŋa a, nɩ a kɔ̃tɔ̃-faar na be a salom zu a, bɛlɛ nɛbɛ tɩ zɛbr'ɩ.

Ʋrɔm 8:38

Bʋnʋ bɛ ka be ɩ, ɩ̃ bãwnɩ a na k'aa kũu nɩ a nyɔ-vʋʋrʋ, a malkɩ mɩnɛ nɩ a saa-zu kpɛnʋ bʋʋrɛ za, a ƴɛrɛŋa nɩ a nɩdaar, a kpɛnʋ bʋʋrɛ za,

Neemi 9:6

Fʋ̃ʋ n'ɩ a Sore, fʋ̃ʋ yõ tẽtẽ! Fʋ maal'ɩ a salom na bɛ dɩ vuo a, nɩ a ŋmar-bie za, a tẽw nɩ bom za na be a ʋ zu a, a kʋ̃ɔ-bɛrɛ nɩ bom za na be a pʋɔ a. Fʋ kʋ̀rɛ nɩ nyɔ-vʋʋrʋ bʋ̃-íra za. A saa-zu kpɛnʋ siwre nɩ a tʋɔra a fʋ niŋé.

Zã 1:10

A Ƴɛ̀rʋ tɩ be n a tẽ-daa zu, ɛ́ ʋlɛ n'ʋ ír a tẽ-daa, ɛ́ a tẽ-daa bɛ wa bãw ʋ ɛ.

Ʋrɔm 9:5

Bɛ ɩ n a sãàkʋm-kore bʋʋrɛ, ɛ́ a bɛ bʋʋrɛ pʋɔ n'a a Kɩrɩta yi ɩ nɩsaal, ʋl na zuo bom za, ɩ Naaŋmɩn na tɛr danʋ kʋralɛ a. Amɛn.