Amɔsɩ 9:9 - A SƐB-SÕW

⁹ Bʋ̃ʋ n'ʋ vɛ̃, ɩ̃ ƴãwnɛ nɩ nʋɔr k'aa nɩ-bʋʋr-yoru ten za pʋɔ, bɛ dam a Ɩsɩrayɛl yir, bɛ dam ʋ mɛ̃ zɛla bɛ na tɛtɛwr ɛ́ kʋsɛ-bir kʋ̃ lo tẽw a.

Amɔsɩ 9:9 Referans Kwoze

Luka 22:31

A Sore tɩ yel'a: «Sɩmʋ̃ ʋ, Sɩmʋ̃ ʋ, Sɩtaana zɛlɩ na k'ʋʋ dam nyɩ mɛ̃ pɔw na tɛtɛwr zɛla a.

Wulu-ayi-sob 28:64

A Sore na diw nyɩ na yaarɩ a nɩ-bʋʋrɛ za pʋɔ, a tẽ-daa tib zie tɩ tɔ a baarʋ zie. Nyɩ na tɩ puore nɩ ŋmɩn-yoru a be, ŋmɩmɛ nyɩɩm nɩ a nyɩ sãàkʋm-kore na bɛ bãw a: dàar bɩɩ kʋsɛbɛ dasuli.

Ɩzayi 30:28

a ʋ nʋɔr pɩɛlʋ ɩ n fʋɔla kʋ̃ɔ na tuore bom za tɔlɛ nɩ a. Ʋ waar'a k'ʋʋ wa tɛwtɛw a nɩ-bʋʋr-yoru a kpɩɛrʋ zɛla pʋɔ, ɛ́ ƴãw nɔ-bãw a bɛ nɩbɛ kokamɩ́, tɛr bɛ cen nɩ a be bɛ na bɛ bɔbr a.

Levitɩ mɩnɛ 26:33

Ɩ̃ na vʋ̃ɔ nɩ a zɛbr-sɔ-kpɛ̃ɛ a nyɩ ƴãw, ɛ́ diw nyɩ yaarɩ a nɩ-bʋʋr-yoru pʋɔ. A nyɩ tẽw na lɩɛb'ɩ wɛja-kpalɛ, ɛ́ a nyɩ tẽ-bɛrɛ lɩɛbɩ debo-bɛrɛ.

Zeremi 31:36

A na ɩ lɛ a, à ŋá n'a a Sore yere: «Mãa wa sàw bibir kãw k'aa tẽ-daa nɛ́ɛ á ŋá bɛ cãà pʋɔ a, ɩ̃ mɩ̀ na sàw nɩ a lɛn daar k'aa Ɩsɩrayɛl nɩbɛ bɛ cãà ɩ nɩ-bʋʋrɛ a ɩ̃ niŋé ɩ.»

Zeremi 46:28

Fʋ̃ʋ Ɩsɩrayɛl, ɩ̃ tõ-tõ-bie e, ta zɔrɛ dɛ̃bɩ̃ɛ ɩ, ɩ̃ lãw nɩ fʋ na k'ɩ̃ɩ tʋ̃ɔ́ faa fʋ, a Sore n'ʋ yel. Ɩ̃ na kʋ n a nɩ-bʋʋr-yoru bɛl pʋɔ ɩ̃ na diw fʋ cen nɩ a, pàw pɛr. Ɛcɛ, fʋ̃ʋ a, ɩ̃ kʋ̃ kʋ fʋ pàw pɛr ɛ. Sɩza n'a, ɩ̃ kpãa fʋ na mɛ̃ a lɛ a na sɛw a. Bʋ̃ʋ n'ʋ vɛ̃, ɩ̃ k'ʋʋ tʋ̃ɔ́ ɩrɛ a fʋ zie mɛ̃ fʋ bɛ tɛr sãwna a ɩ!»

Zeremi 49:36

A saa-pɛrɩ́-gʋba-lowr nɩ a saa-pɛrɩ́-dʋrʋ-lowr, a saa-pɛrɩ́ nɩ a mʋ̃tɔ̃w-kpɛb-lowr, ɩ̃ bɛrɛ nɩ a sɛsɛb anaar a fure cere a Elam tẽw lowr. Ɩ̃ na diw nɩ a Elam tẽw nɩbɛ yaarɩ a ziir za. A Elam tẽw nɩbɛ na zɔ na kpɛ ten za pʋɔ bɛ tɩ cɛ tẽ-been ɛ.

Ezekɩɛl 5:10

A tẽ-kpɛ̃ɛ pʋɔ a, a dɔwrbɛ na 'wɔbr'ɩ a bɛ bibiir, ɛ́ a bibiir 'wɔbr a bɛ dɔwrbɛ. Ɩ̃ na dɔwrɩ nyɩ na ɛ́ diw a bɛl na na cãà vʋʋrɛ a yaarɩ a ziir za.

Ezekɩɛl 5:12

A nyɩ na põ ziir ata a, a zi-dãw-niwn sob na kpi n jɛ̀lmɛ̃ bàalʋ kũu bɩɩ kɔ̃ kũu a tẽw pʋ̃ɔmɩ, a ziir ayi sob na kpi n zɛbr-sɔ-kpɛ̃ɛ kũu a tẽw kõkowe ƴãw. Ɩ̃ na diw nɩ a ziir ata sob yaarɩ a ziir za ɛ́ vʋ̃ɔ a ɩ̃ zɛbr-sɔ-kpɛ̃ɛ a bɛ ƴãw.

Ezekɩɛl 20:38

Ɩ̃ na diw nɩ a bɛl na gaarɩ ɛ́ bɛ sàw a ɩ̃ nʋɔr a, a nyɩ pʋɔ. Ɩ̃ na ɩ na bɛ yi a ten al bɛ na kpɩɛr a, ɛcɛ bɛ kʋ̃ cen a Ɩsɩrayɛl tẽw pʋɔ ɩ. Lɛ n'a nyɩ na bãw kɛ́ mãa n'ɩ a Sore.

Ezekɩɛl 36:19

Ɩ̃ diw bɛ na yaarɩ nɩ-bʋʋr-yoru sɔgɔ, tẽ-yoru pʋɔ. À à ŋá n'a ɩ̃ dɩ n bɛ a ƴɛ̀rʋ tu n a bɛ cenu nɩ a bɛ ɩ-ɩrɩ.

Ɩzayi 27:12

A ʋlɩ bibir nɛ a, a Sore na va n a ʋ bʋ̃-dieri a Efaratɩ manɩ́ tɩ tɔ a Eziptɩ tẽw fʋɔla. Ɛ́ nyɩɩm, Ɩsɩrayɛl nɩbɛ ɛ, ʋ na yiiri nyɩ nɩ been been mɛ̃ ka-zuru a.

Ɩzayi 28:28

A ka-kʋɔra wa vàrɛ íre a ble bie a, ʋ bɛ mɩ́ vàrɛ a ble zuru bɛ tɛr bɛ́rʋ daar ɛ. Ʋ mɩ́ ɩ na a torko nɩ a dʋn nɛb a, ɛcɛ a bɛ mɩ́ ƴɛ́r a bie ŋmɛr ɛ.

Ezekɩɛl 39:28

Mãa wa ɓã a Ɩsɩrayɛl nɩbɛ za taa a bɛ tẽw a, ɩ̃ kʋ̃ bɛr nɩr za ʋ cãà a ten al pʋɔ ɩ̃ na tɩ diw bɛ cen nɩ a ɩ. A lɛn daar a, a Ɩsɩrayɛl nɩbɛ na bãw na kɛ́ mãa n'ɩ a Sore bɛ Naaŋmɩn.