Amɔsɩ 9:7 - A SƐB-SÕW

⁷ À ŋá n'a a Sore yere: «Ɩsɩrayɛl nɩbɛ ɛ, nyɩ tɩɛr kɛ́ nyɩ zuo nɩ a Etiopi tẽw nɩbɛ a ɩ̃ niŋé e? Sɩza n'a, mãa bɛ n'ʋ tɛr nyɩ yi n a Eziptɩ tẽw, ɛ́ mɩ̀ tɛr a Filisɩtɛ̃ mɩnɛ yi n a Kafɩtɔɔr tẽw e? Mãa mɩ̀ bɛ n'ʋ lɛb tɛr a Aram tẽw dem yi n a Kɩ́ɩ̀r tẽw e?»

Amɔsɩ 9:7 Referans Kwoze

Zeremi 47:4

Bʋnʋ ƴãw? Bom za sãw-bɛrʋ bibir na n'ʋ vɩɛ a Filisɩtɛ̃ mɩnɛ zie a ƴãw. Nɩr za bɛ cãà be na sõw a Tɩ́ɩ̀r nɩ a Sɩdɔ̃ tẽ-bɛrɛ ɩ. A Sore sãw nɩ bom za bɛr a Filisɩtɛ̃ mɩnɛ tẽw, a kʋ̃ɔ-kpɛ̃ɛ-sɔgɔ-tẽw Kafɩtɔɔr nɩbɛ bɛ ŋa na cãà vʋʋrɛ a.

2 Na-mɩnɛ 16:9

A Asiiri tẽw nãà tɩ ɩ n a lɛ a Akaazɩ na zɛlɩ ʋ a. Ʋ tɩ cen na tɩ zɛb'ɩ a Damasɩ tẽw, zɛb de ʋ, ír a ʋ nɩbɛ cen nɩ Kɩ́ɩ̀r, ɛ́ ƴãw bɛ kʋ a Eresin.

Wulu-ayi-sob 2:23

A Avitɩ mɩnɛ bɛl a, a ten al na be a Gaza vuo pʋɔ a n'a bɛ tɩ kpɩɛr. Ɛcɛ nɩbɛ tɩ yi n Kafɩtɔɔr wa kʋ bɛ pàw pɛr, ɛ́ lɩɛrɩ bɛ zɩ̃. —

Amɔsɩ 2:10

Ɛcɛ a mãa a, ɩ̃ tɩ ɩ na nyɩ yi a Eziptɩ tẽw, ɩ̃ɩ bɩɛlɩ nyɩ yome lɩz'a ayi a wɛja-kpalɛ pʋɔ kɛ̀ nyɩ wa so a Amoritɩ mɩnɛ mɩnɛ tẽw.

Amɔsɩ 1:5

A dàar na jɩ̀r a Damasɩ tẽ-kpɛ̃ɛ dɩ̃dɛɛ a, ɩ̃ na kar a na bɛr, a nãà ʋl na be a faalʋ bà-fʋɔla pʋɔ a, ɩ̃ na ír ʋ na, ɩ̃ na diw nɩ a nãà ʋl na dɩrɛ naalʋ a nʋ̃ɔ̀ tẽw a. Lɛ n'a bɛ na diw a Aram tẽw dem cen nɩ Kɩ́ɩ̀r tẽw.» A Sore n'ʋ yel.

A naaŋmɩn-ƴèr-manɛ Oze sɛbɛ 12:13

Zakɔb tɩ zɔ na cen Aram tẽw, ʋ tɩ tõ n pɔw deb ƴãw, ɛ́ a pɔw deb ƴãw ʋ lɩɛbɩ dʋ̃-cɩ̃ɩnɛ.

Zeremi 13:23

Nɩ-sɛbla na tʋ̃ɔ́ na ɩ a ʋ ƴã-gan ŋmɛ̃a ʋ lɩɛbɩ ɩ? Bɩɩ nyũo na tʋ̃ɔ́ na ír a ʋ kɔblʋ na 'leni 'leni a bɛr ɩ? Ɛ́ a nyɩɩm na mili nɩ a faa a, nyɩ na tʋ̃ɔ́ na maalɩ a vla a?

Ɩzayi 22:6

A Elam tẽw zɛbr-nɩbɛ tɛr'ɩ tamɛ nɩ lɔwr. Nɩbɛ be n a zɛbr-torkori zu, wi-zɔmnbɛ be n be. A Kɩ́ɩ̀r tẽw sojarɩ cɔbrɛ nɩ a bɛ zɛbr-kur-pãgalɩ.

Ɩzayi 20:4

A Asiiri tẽw nãà na nyɔw nɩ a Eziptɩ tẽw dem cen nɩ, bɛ ɩ gaso nɩbɛ, ɛ́ ír a Etiopi tẽw dem a bɛ tẽw cen nɩ, a pɔ́lɛ́ nɩ a dɛb-nyamɛ. Lɛ n'a bɛ mɩ́ na ɩ ƴã-gã-zawlɛ nɩ gbɛ-zawlɛ, pɛ-zawlɛ. Nyɛ̃ vĩ na na nyɔw a Eziptɩ tẽw dem a!

Eziptɩ tẽw yib 12:51

A bibir ŋa tɔr za n'ʋ a Sore tɩ ɩ a Ɩsɩrayɛl zɛbr-nɩbɛ cɔrɩ yi a Eziptɩ tẽw.

Ɩzayi 43:3

Bʋ̃ʋ n'ʋ vɛ̃, a mãa, a Sore, ɩ̃ ɩ n a fʋ Naaŋmɩn. A mãa, a Ɩsɩrayɛl Naaŋmɩn na ɩ sõw a, ɩ̃ ɩ n a fʋ faarɛ. A Eziptɩ tẽw n'ʋ ɩ̃ tɩrɛ a fʋ ya-deb ƴãw, Etiopi nɩ Seva ten n'a ɩ̃ dier tɛwr'ɩ fʋ.

2 Bibie za yel-manɩ 14:9

A Asa tɩ yi na tuori ʋ. Ʋlɛ nɩ a ʋ zɛbr-nɩbɛ tɩ pɩɛr'ɩ a zɛbr ƴãw a Sefata fʋɔla pʋɔ pɩɛlɩ a Maaresa.

2 Bibie za yel-manɩ 14:12

A Asa nɩ a ʋ nɩbɛ tɩ diw bɛ na tɩ sãá nɩ Geraar. Bɛ tɩ kpi n yaga ɛ̀ been bɛ tɩ cɛ ɩ. Bʋ̃ʋ n'ʋ vɛ̃, a Sore nɩ a ʋ nɩbɛ tɩ ƴɛ́r bɛ na ŋmɛr. A Asa nɩbɛ tɩ wob'ɩ a zɛbr bome bɛ dɩ vuo ɩ.