Amɔsɩ 9:4 - A SƐB-SÕW

⁴ Bɛlɛ wa cen a bɛ dɔ̃ dem zie tɩ lɩɛbɩ nɩ-pàwrɩ a, ɩ̃ na ƴãw na bɛ kʋ bɛ a be. Ɩ̃ na ír'ɩ mimir ƴãw bɛ a bɛ faa ƴãw, a kʋ̃ ɩ a bɛ vla ƴãw ɛ.»

Amɔsɩ 9:4 Referans Kwoze

Levitɩ mɩnɛ 26:33

Ɩ̃ na vʋ̃ɔ nɩ a zɛbr-sɔ-kpɛ̃ɛ a nyɩ ƴãw, ɛ́ diw nyɩ yaarɩ a nɩ-bʋʋr-yoru pʋɔ. A nyɩ tẽw na lɩɛb'ɩ wɛja-kpalɛ, ɛ́ a nyɩ tẽ-bɛrɛ lɩɛbɩ debo-bɛrɛ.

Zeremi 44:11

A Zeremi tɩ yel'a ƴãw pʋɔ: «A lɛ zũú a, à ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Ɩ̃ na lɩɛb'ɩ a nyɩ ƴãw, k'ɩ̃ɩ maalɩ nyɩ faa, ɩ̃ɩ na kʋ n a Zuda tẽw nɩbɛ za pàw pɛr.

Zeremi 21:10

A Sore yere na: Ʋ̃ʋ, ɩ̃ na lɩɛb'ɩ a tẽ-kpɛ̃ɛ ƴãw, k'ɩ̃ɩ maal'ʋ faa, ɛ́ ta maal'ʋ vla ɩ. Ʋ na lo n a Babɩlɔn tẽw dem nãà nuru pʋɔ, ʋ nyɩw ʋ bɛr.»

Ezekɩɛl 5:12

A nyɩ na põ ziir ata a, a zi-dãw-niwn sob na kpi n jɛ̀lmɛ̃ bàalʋ kũu bɩɩ kɔ̃ kũu a tẽw pʋ̃ɔmɩ, a ziir ayi sob na kpi n zɛbr-sɔ-kpɛ̃ɛ kũu a tẽw kõkowe ƴãw. Ɩ̃ na diw nɩ a ziir ata sob yaarɩ a ziir za ɛ́ vʋ̃ɔ a ɩ̃ zɛbr-sɔ-kpɛ̃ɛ a bɛ ƴãw.

Levitɩ mɩnɛ 17:10

«Ɩsɩrayɛl nɩr, bɩɩ nʋʋra na kpɩɛr a Ɩsɩrayɛl nɩbɛ pʋɔ wa 'wɔb zɩ̃ɩ za a, a zɩ̃ɩ saa ŋmɛ̃ ŋmɩn ʋ 'wɔb a, a Sore na ìr'ɩ a ʋ ƴãw, ɛ́ ír ʋ bɛr a Ɩsɩrayɛl nɩ-bʋʋrɛ pʋɔ.

Ezekɩɛl 5:2

Bɛlɛ wa zɛb de a Zerizalɛm baar'a, fʋ na nyɩw nɩ vũu pʋɔ a fʋ kɔblʋ na põ ziir ata a, a zi-been sob a tẽ-kpɛ̃ɛ sɔwlɩsɔw. Fʋ na de nɩ a fʋ zɛbr-sɔ-kpɛ̃ɛ ŋmɩɛr'ɩ a ziir ayi sob viire kole nɩ a tẽ-kpɛ̃ɛ. Fʋ na yɛ́lɩ nɩ a ziir ata sob bɛr sɛsɛb pʋɔ, ɛ́ mãa a, ɩ̃ na vʋ̃ɔ nɩ a ɩ̃ zɛbr-sɔ-kpɛ̃ɛ a ʋ ƴãw.

Zeremi 39:16

«Cen tɩ yel a Etiopi tẽw nɩr, Evɛdɩ-Mɛlɛkɩ à ŋá: “À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: Vla ƴɛ̀rʋ bɛ n'a ɩ̃ tɩ yel kʋ̀ a tẽ-kpɛ̃ɛ ŋa nɩbɛ ɩ, faa ƴɛ̀rʋ n'a. A na ɩ à ŋá a, ɩ̃ na ɩ n a lɛ ɩ̃ na yel a, ɛ́ fʋ kʋ̃ yaa kɛ́ nyɛ̃ ʋ ɛ.

Zeremi 24:6

Ɩ̃ jɩ́rɛ bɛ na nɩ nɔ̃wfʋ, ɩ̃ɩ na lɛb'a tɛr bɛ wa n a tẽw ŋa pʋɔ. Ɩ̃ na lɛb'a mɛ bɛ, ɩ̃ kʋ̃ lɛb da bɛ lɔb ɛ. Ɩ̃ na lɛb'a sɛl bɛ, ɩ̃ bɛ lɛb vɔnɛ bɛ bɛrɛ ɩ.

2 Bibie za yel-manɩ 16:9

Sɩza n'a, a Sore jɩ́rɛ nɩ a tẽw zu ziir za k'ʋʋ sõw a bɛlɩ dem na nɔnɛ ʋ nɩ bɛ pʋɔ za a. Ɛcɛ ƴɛrɛŋa ʋl a, fʋ ɩ n dãbol-ɩb, alɛ so, dɩ̃a na ta a, zɛbr na lore nɩ a fʋ zu.»

Zeremi 12:12

A zi-sãwnbɛ be n a wɛja-kpalɛ sɛ́ɛ za zu waar. A Sore zɛbr-sɔ-kpɛ̃ɛ sãwnɛ nɩ bom za bɛrɛ a tẽw lowr ŋa tɩ tɔ lowr ŋa. Ƴã-ɓaarʋ bɛ ka be nɩr za ƴãw ɛ.

Amɔsɩ 9:8

A Sore ɩ̃ Naaŋmɩn mimir be n a naalʋ-tẽw ʋl na sãw a ƴãw. Ɛ́ à ŋá n'a a Sore yere: «Ɩ̃ na kʋ n a naalʋ-tẽw ʋl nɩbɛ pàw pɛr a tẽw zu. Ɛcɛ ɩ̃ kʋ̃ kʋ a Zakɔb yir nɩbɛ za pàw pɛr ɛ.

Zakari 8:10

A koro za a, nɩr bɛ mɩ́ tɩ ya a nɩsaalbɛ ton nɩ a dʋn dem ɛ. A dɔ̃ dem ƴãw a, nɩr bɛ mɩ́ tɩ bɛr yã kɛ́ cere ɩ, bʋ̃ʋ n'ʋ vɛ̃, ɩ̃ tɩ bɛr'ɩ a nɩbɛ za bɛ dɔwrɛ taa.

Yele-za-pɛr-tib 44:21

Ɛ̀ fʋ yel tɩ: “Nyɩ tɛr ʋ wa kʋ̀ m, ɩ̃ bɔbr'a k'ɩ̃ɩ kaarɛ a ʋ zie.”

Eziptɩ tẽw yib 14:24

A zie na wa bɩ põ-zɛ̃-taa tɔl blã a, a Sore tɩ be n a vũu nɩ a zũzuwr na ɩ mɛ̃ kpul a pʋɔ, ɛ́ jɩ́r a Eziptɩ tẽw zɛbr-nɩbɛ, dam bɛ nyaw taa.

Sɛb-sõw yielu 34:17

A Sore mɩ́ ír'ɩ mimir ƴãw a yel-fa-maalbɛ, k'ʋʋ ɩ bɛ yiiri a bɛ yele a tẽw zu.

Zeremi 39:12

«Cen tɩ tɛr ʋ, kaarɛ a ʋ zie, nɩr za taa wa ɩrɛ ʋ faa ɩ, ɛ́ mɩ́ kʋ̀ ʋ a alɩ bome nɛ ʋ na na zɛlɩ a.»