Amɔsɩ 9:1 - A SƐB-SÕW

¹ Ɩ̃ tɩ nyɛ̃ nɩ a ɩ̃ Sore ʋ àr saaƴẽwn a bàwr-maal-kuur zu, ɛ́ yere: «Ŋmɛ a kpule zuru lɔb, ɛ́ a pɛ́ɛ dam! Ŋmɛ a ŋmɛr a lo a bɛ za zurú, ɛ́ a bɛ ŋmaarɛ na na cɛ a, zɛbr-sɔ-kpɛ̃ɛ n'ʋ ɩ̃ na kʋ n bɛ. Nɩr za kʋ̃ tʋ̃ɔ́ zɔ ɩ, been kʋ̃ be a bɛ pʋɔ cɩ̃ɛ ɩ.

Amɔsɩ 9:1 Referans Kwoze

Sɛb-sõw yielu 68:21

A Naaŋmɩn ɩ n Naaŋmɩn na faarɛ tɩ a. A Sore Naaŋmɩn zũú n'a tɩ na tʋ̃ɔ́ cɩ̃ɛ.

Yel-wula 1:17

Ɩ̃ na tɩ nyɛ̃ ʋ a, ɩ̃ lo na gã a ʋ gbɛ́ɛ ƴãw mɛ̃ ɩ̃ kpi na a. Ɛcɛ, ʋ tɩ dɔwl'ɩ a ʋ dʋrʋ nũu a ɩ̃ zu ɛ́ yel: «Ta zɔrɛ dɛ̃bɩ̃ɛ ɩ: mãa n'ɩ a niw-diere nɩ a po-pàwrɛ,

Zã 1:18

Nɩr za bɛ dãw nyɛ̃ a Naaŋmɩn ɛ, ɛcɛ a Bi-been, na ɩ Naaŋmɩn be a Sãà zie a, ʋlɛ n'ʋ ɩ kɛ́ tɩ bãw ʋ.

Habakukɩ 3:13

Fʋ mɩ́ yi n a fʋ nɩ-bʋʋrɛ faafʋ ƴãw, a fʋ nɩ-kabra faafʋ ƴãw. Fʋ ŋmɛ n a nɩ-faar dɔwlʋ nɩ-kpɛ̃ɛ lɔb, fʋ kʋ n a ʋ nɩbɛ za.

Amɔsɩ 3:14

A ʋlɩ bibir ɩ̃ nãà wa ìr a Ɩsɩrayɛl nɩbɛ ƴãw a bɛ ɩ-faar zũú a, ɩ̃ na ìr'ɩ a Betɛl tẽw bàwr-maal-kube ƴãw. bɛ na kár'ɩ a bàwr-maal-kube ɩ́lɛ́ bɛr a lo gã tẽw.

Ɩzayi 6:1

A nãà Ozɩasɩ kũu yũon, ɩ̃ tɩ nyɛ̃ nɩ a Sore ʋ zɩ̃ naalʋ-dà-kɔw na kɛrɩ yaga za a zu. A ʋ kpar-kpɛ̃ɛ pɛr na mɩ́ vure a tẽw a pùorí a tɩ paal'ɩ a Ŋmɩn-yir-kpɛ̃ɛ.

Zã 1:32

Lɛ n'a a Zã tɩ dɩ a dãsɩɛ à ŋá: «Ɩ̃ nyɛ̃ nɩ a Vʋʋrʋ Sõw ʋ yi a salom zu siwr mɛ̃ naŋmam a, wa àr a ʋ zu.

Sofoni 2:14

Dʋn na kpɩɛr'ɩ a tẽw sɔwlɩsɔw. Dʋ̃-bʋʋrɛ za: a vìí nɩ a vii-kpãakpul na ganɛ nɩ a ʋ kpule saa-zu a tɩ̃ɩsɔw. Bɛ na mɩ́ wone nɩ a lili kon, a yie tokori vɛɛ ƴãw. Fʋ na mɩ́ kpɩɛr'a wa báarɛ, ɛ́ nyɛ̃ a dacine na lo lo a, nɩ a sɛɛdɩr tɩɛ wɛwr na sãá sãá a.

Ezekɩɛl 10:4

A Sore yúor-vɩɛlʋ-danʋ na tɩ be a seribɛ̃ zu-sɔw a tɩ cere nɩ a Ŋmɩn-yir-kpɛ̃ɛ dɩ̃dɔrɩ́. Lɛ n'a a zũzuwr tɩ paalɩ a Ŋmɩn-yir-kpɛ̃ɛ, ɛ́ a Sore yúor-vɩɛlʋ-danʋ cãà paalɩ a davʋra.

Ezekɩɛl 9:2

Lɛ n'a ɩ̃ tɩ nyɛ̃ dɛbr ayʋɔb bɛ yi a saa-zu dɩ̃dɔr na be a Ŋmɩn-yir-kpɛ̃ɛ saa-pɛrɩ́-gʋba-lowr a waar. Ŋa za tɩ tɛr'ɩ a ʋ kʋ-pàw-pɛr zɛbr bom. A bɛ sɔwlɩsɔw a, dɛb kãw tɩ su n lɛ̃ pɛn kparɩ, ɛ́ sɛ sɛbrʋ bom a sɩɛmɩ́. Bɛ za tɩ taw na ta tɛw àr a kur-zɩɛ bàwr-maal-kuur niŋé.

Ezekɩɛl 1:28

A cãà na viiri koli ʋ a ŋmɛ̃ na taa nɩ sa-gõguo na nyɩwrɛ zũzuwe pʋɔ saa bibir a. A Sore yúor-vɩɛlʋ-danʋ bãwfʋ tɩ n'ʋ. Ɩ̃ tɩ nyɛ̃ nɩ à á ŋá za, ɩ̃ tɩ lo na gbĩ dume gũu tɩ tɔ tẽw. Lɛ n'a ɩ̃ tɩ wõ nɩr ʋ ƴɛ̀rɛ a ɩ̃ zie.

Zeremi 48:44

Sob nɛ na zɔrɛ a dɛ̃bɩ̃ɛ niŋé a, na lo n bɔw-zulu pʋɔ, ɛ́ sob nɛ na lɛb yire a bɔw pʋɔ a, na lo n bɛra pʋɔ. Bʋ̃ʋ n'ʋ vɛ̃, ɩ̃ na ɩ na à á ŋá za wa a ʋ zu, a Mowab zu, a yũon ʋl ɩ̃ nãà wa sowri ʋ bom a. A Sore n'ʋ yel.

Ɩzayi 30:16

Nyɩ yere na: «Aɩ, tɩ na zɔm'ɩ wie zɔ n.» Ãà, nyɩ na zɔ na. Nyɩ mɩ̀ cãà na yere: «A tɩ wie na gárɛ nɩ fɔ̃w fɔ̃w.» Ãà, a bɛlɩ dem na diwr nyɩ a na zɔrɛ nɩ fɔ̃w zuo lɛ!

2 Bibie za yel-manɩ 18:18

Lɛ n'a a Mise tɩ lɛb yel: «Nyɩ nɩ̃ɛ bɛr wõ a lɛ a Sore na yere a. Sɩza n'a, ɩ̃ nyɛ̃ nɩ a Sore ʋ zɩ̃ a ʋ naalʋ-dà-kɔw zu, ɛ́ a salom zɛbr-nɩbɛ àr saaƴẽwn, a ʋ dʋrʋ nɩ a ʋ gʋba lowr.

Nɩ-toni 26:13

Nãà a, ɩ̃ tɩ lo n a sɔ́r cere, gbãgbãw tɩ pɩɛlɛ na, wa bere ɩ̃ nyɛ̃ cãà na caalɛ zuo a mʋ̃tɔ̃w a, ʋ yi a salom zu wa caalɩ pili pàw mɛ̃, mãa nɩ a ɩ̃ sɔr-lãw-cen-taabɛ.

Yel-wula 8:3

Malkɩ ƴen sob tɩ wa na wa àr a bàwr-maal-kuur pɛr. Ʋ tɩ tɛr'ɩ tɩ-suur-zɔ̃-na-nyùur-vla-vla-a nyɩwfʋ-kole na ɩ salm-zɩɛ a. Bɛ tɩ kʋ̀ ʋ nɩ tɩ-suur-zɔ̃-na-nyùur-vla-vla-a bɛ dɩ vuo ɩ, k'ʋʋ de a lãwnɩ a Naaŋmɩn nɩ-bʋʋrɛ puoru tɩr a salm-zɩɛ bàwr-maal-kuur na be a naalʋ-dà-kɔw niŋé a zu.

Sɛb-sõw yielu 68:22

Ɛcɛ Naaŋmɩn na ŋmɛr'ɩ a ʋ dɔ̃ dem zuru, ʋ na ŋmɛr'ɩ a zukɔbr-zãkʋrmɛ dem zuŋmamɛ, bɛl na nɔnɛ a ɩ-faar a.

Zeremi 11:11

À na ɩ à ŋá a, à ŋá n'a a Sore yere: Ɩ̃ na ɩ na faa bɛ na kʋ̃ tʋ̃ɔ́ yi a ʋ pʋɔ a wa a bɛ zu. Bɛ na kõ na bʋɔlɩ mɛ̃, ɩ̃ɩ kʋ̃ bɛr wõ bɛ ɩ.

Zeremi 42:16

a zɛbr dɛ̃bɩ̃ɛ nyɩ na zɔrɛ a na páw nyɩ nɩ a be, a Eziptɩ tẽw. A kɔ̃ na ƴãwnɛ nyɩ tɩɛrʋ a, na diw na bɩɛrɩ nyɩ tɩ sãá a be, ɛ́ a be n'a nyɩ na tɩ kpi.

Ezekɩɛl 15:7

Ɩ̃ na ìr'ɩ a bɛ ƴãw. Bɛ tɩɛrɛ kɛ́ bɛ yi n a vũu pʋɔ, ɛcɛ a vũu na dɩ bɛ na. A lɛn daar mãa wa ìr a bɛ ƴãw a, nyɩ na bãw na kɛ́ mãa n'ɩ a Sore.

Amɔsɩ 7:17

À ŋá n'a ʋ yere: “A fʋ pɔw na lɩɛb'ɩ pɔw-yɛm a tẽw pʋɔ. Bɛ na kʋ n a fʋ bidɛbr nɩ a fʋ pɔwyaar. Bɛ na tʋ̃ɔ̀ tʋ̃ɔ̀ nɩ a fʋ tẽ-sora põ nɩ mie. A fʋ̃ʋ tɔr za a, nɩ-bʋʋr-yoru tẽw pʋɔ n'a fʋ na kpi, ɛ́ bɛ nyɔw a Ɩsɩrayɛl nɩbɛ za cen nɩ tẽ-yũo zãá nɩ a bɛ tẽw.''»

Sofoni 1:12

A ʋlɩ daar nɛ a, ɩ̃ na tɔ̃w nɩ vũu bɔ n a Zerizalɛm tẽw za pʋɔ. Ɩ̃ na ìr'ɩ a nɩbɛ bɛl bom za na bɛ damnɛ a ƴãw, bɛl na ɩ mɛ̃ dãa na tewli gã a dã-pɛr zu a. Bɛ yere nɩ à ŋá: “A Sore kʋ̃ tʋ̃ɔ́ ɩ bom za ɩ, a vla n'a bɩɩ a faa n'a a!”

Zozue 10:18

A Zozue tɩ yel'ɩ a ʋ nɩbɛ à ŋá: «Nyɩ bili kʋsɛ-bɛrɛ fur a tãw bɔw nʋɔr, ɛ́ ƴãw nɩbɛ àr pɩɛlɩ gù bɛ.

Amɔsɩ 7:9

Ɩ̃ na sãw nɩ a Ɩzaakɩ bʋʋrɛ maalʋ-ziir bɛr, ɩ̃ na ŋmɛ n a Ɩsɩrayɛl zi-son lɔb, ɛ́ ìr'ɩ zɛbr a Zerobowam yir dem.»