Amɔsɩ 8:8 - A SƐB-SÕW

⁸ Alɛ n'a so, a tẽw na vʋ̃ na ɛ́ a nɩbɛ za na be n wahala pʋɔ. A tẽw na vʋ̃ na ìr ʋ za mɛ̃ man a, ʋ na vʋ̃ na ìr ɛ́ lɛb siw lo mɛ̃ a Eziptɩ tẽw man a.

Amɔsɩ 8:8 Referans Kwoze

Amɔsɩ 9:5

A Sore Naaŋmɩn, a Naaŋmɩn kpɛnʋ-za-sob mɩ́ tɔ n a tẽw ʋ damnɛ, ɛ́ a tẽw za nɩbɛ be wahala pʋɔ. A tẽw mɩ́ vʋ̃ n ʋ za mɛ̃ a man a, ɛ́ lɛb siw lo mɛ̃ a Eziptɩ tẽw man a.

A naaŋmɩn-ƴèr-manɛ Oze sɛbɛ 4:3

Alɛ n'a so a tẽw ko ʋ za, ɛ́ a ʋ nɩbɛ kõwne tɩ lãwnɩ a wɛ-dʋn nɩ a saa-zu lili. A kʋ̃ɔ-kpɛ̃ɛ zʋ́mɛ́ tɛɛ za kʋ̃ cãà ɩ.»

Zeremi 46:8

A Eziptɩ tẽw n'ʋ. Ʋ tɩ yere na: «Mɛ̃ a Nɩl man na paalɩ yi nɛ́ɛ a, mɛ̃ a ʋ kʋ̃ɔnɩ na paalɛ dúor a, ɩ̃ na paal'a páw a tẽ-daa, sãw a tẽ-bɛrɛ nɩ a nɩbɛ na kpɩɛr a pʋɔ bɛr.

Sɛb-sõw yielu 18:7

A ɩ̃ kpɩɛrʋ pʋɔ, ɩ̃ bʋɔl'ɩ a Sore, ɩ̃ lɔb'ɩ cɛl kʋ̀ a ɩ̃ Naaŋmɩn. Ʋ be n a ʋ yir pʋɔ ɛ́ wõ a ɩ̃ kɔkɔr, a cɛl ɩ̃ na ŋmɛ a lo n a ʋ tobrí.

Ɩzayi 5:25

Alɛ n'a so a Sore suur ìr a ʋ nɩ-bʋʋrɛ ƴãw. Ʋ̀ zɛw nɩ a nũu ŋmɛ n bɛ. A tan gbiwri na, a kũuni gã nɩ a sɛ́ɛ pʋɔ mɛ̃ sagɛ a. Ɛcɛ a na saa ɩ à ŋá a, a Sore suur bɛ ɓãa ɩ, ɛ́ a ʋ nũu cãà zɛw.

Matie 24:30

Lɛ n'a a Nɩsaal Bie bãwfʋ na sãá a salom zu. Lɛ n'a a tẽw zu nɩ-bʋʋrɛ za na kone. Bɛ na nyɛ̃ nɩ a Nɩsaal Bie ʋ be a zũzuge pʋɔ waar nɩ fãw na bɛ tɛr vuo a, nɩ yúor-vɩɛlʋ-danʋ.

Amɔsɩ 8:10

Ɩ̃ na ɩ na a nyɩ cuwr lɩɛbɩ kuor, a nyɩ yielu za na lɩɛb'ɩ wahala cɛlsɩ. Ɩ̃ na ƴãw na a nɩbɛ za sɛ vʋɔrɩ a sɩɛmɩ́, ɛ́ fɔr a bɛ zuru mɛ̃ bi-been kuor daar a. À á ŋá za baarʋ na ɩ na mɛ̃ kpɩɛrʋ bibir a.

A naaŋmɩn-ƴèr-manɛ Oze sɛbɛ 10:5

Dɛ̃bɩ̃ɛ nyɔw nɩ a Samaari tẽw dem a Bɛtɩ-Awɛn tẽw nadele ƴãw, bɛ màwr bɛ za. Bʋ̃ʋ n'ʋ vɛ̃, a ʋ nɩbɛ nɩ a ʋ bàwr-maalbɛ maalɛ nɩ ko-kpɛ̃ɛ a ʋ ƴãw. Ƴɛrɛŋa bɛ na nyɔw ʋ cen nɩ zi-zãána a, bɛ na tʋ̃ɔ́ na cáarɛ a ʋ yúor na tɩ yi a.

Zeremi 12:4

Debor'a a tẽw na be a wahala pʋɔ tɩ ta? Debor'a a póru na ko gã tɩ ta? A dʋn nɩ a lili za kpiir'a, a tẽw dem ɩ-faar zũú. Bɛ yere na: «Zeremi kʋ̃ cãà be nyɛ̃ a lɛ a na ŋmɛ̃ tɩ a ɩ.»

Zeremi 46:7

Ãa n'ʋ ŋmɛ̃ mɛ̃ a Nɩl man na paalɩ yi nɛ́ɛ a, mɛ̃ a man ŋa a kʋ̃ɔ na ìre a?

Zeremi 51:29

A tẽsɔw màwr'a, ʋ màwr'ɩ dɛ̃bɩ̃-mawfʋ a lɛn daar a Sore na tuur a lɛ ʋ na tɩɛrɩ a Babɩlɔn tẽw ƴãw a: ʋ ɩrɛ na a Babɩlɔn tẽw lɩɛbɛ wɛja-kpalɛ na ɩrɛ nɩbaalʋ a, tẽw nɩr za na bɛ cãà kpɩɛr a.

Nahum 1:8

a lɛn daar a kpɩɛrʋ na mɩ́ wa ta bɛ yaga za mɛ̃ kʋ̃ɔ na darɛ taa a. Ɛcɛ ʋ mɩ́ sãw nɩ a tẽw bɛr pẽlẽpẽlẽ, ɛ́ diw a ʋ dɔ̃ dem ƴãw a kũu lige pʋɔ.