Amɔsɩ 5:12 - A SƐB-SÕW

¹² Bʋ̃ʋ n'ʋ vɛ̃, ɩ̃ bãw nɩ a lɛ a nyɩ ɩ-fa-yaga yaga nɩ a lɛ a nyɩ yel-bebe na kpɛ faa sɛw a. Nyɩ dɔwrɛ nɩ a nɩ-mɩn, ɛ́ mɩ́ bɛr bɛ bɛlɩ nyɔw nyɩ nɩ libie. Nyɩ bɛ mɩ́ sàw bɛ na dɩ a ƴɛ̀rʋ kʋ̀ a nã́w sob a ƴɛ̀rʋ-dɩb zie ɩ.»

Amɔsɩ 5:12 Referans Kwoze

Amɔsɩ 5:10

A sob nɛ na mɩ́ yere kʋ̀rɛ nyɩ a ƴɛ̀rʋ-dɩb zie kɛ́ nyɩ tu a lɛ-na-tu-sɔr-a, nyɩ mɩ́ hɩ̃ɛn nɩ a ʋ sob. Ɛ́ a sob ʋl na mɩ́ dɩ a yel-mɩŋa dãsɩɛ a, nyɩ bɛ mɩ́ nɔ̃w ʋ paalɩ nũsalɛ̃pʋɔ ɩ.

Ɩzayi 1:23

A fʋ nɩ-bɛrɛ ɩ n nɩ-gaarɩ na lãwnɛ nɩ nyãnyuwr a. Bɛ za, bɛ nɔnɛ nɩ a bʋ̃-kʋ̀rɩ, bɛ go na gù a tɔnɛ. Bɛ bɛ maalɛ a bi-kpieb yele ƴãwn ɛ, ɛ́ bɛ ŋmɛlɛ kaar a pɔw-kʋɔr na tɛr yel a ɩ.

Malasɩ 3:5

A Sore, a kpɛnʋ-za-sob, yere nɩ à ŋá: “Ɩ̃ na wa n a nyɩ sɔgɔ, wa dɩ n nyɩ a ƴɛ̀rʋ. Ɩ̃ na yel'ɩ a sɔbr sãwna fɔ̃wlɛ, nɩ a pɩ̃ɔ-yel-maalbɛ, nɩ a pɔ-ziri dem, nɩ a bɛlɩ dem na nɛbr a bɛ tõ-tõ-biir, a pɔw-kɔbɛ nɩ a bi-kpebe a, a bɛlɩ dem na ɩrɛ a kpɩɛr a nʋʋrɩ a, a bɛlɩ dem za na bɛ ƴãwnɛ mɛ̃ a.”»

1 Samɩɛl 8:3

Ɛcɛ a ʋ bidɛbr bɛ tɩ tu ʋ ɛ. A libie tɩ bɛ̀lɩ na nyɔw bɛ, bɛ dier a bome a nɩbɛ na kʋ̀rɛ bɛ a, ɛ́ mɩ́ dɩ a ƴɛ̀rʋ a bɛ tori ɛ.

Zakɩ 5:6

Nyɩ yel'a k'aa nɩ-mɩn sãw na ɛ́ nyɔw bɛ kʋ, ɛ́ bɛ bɛ bà gbɛ́r a nyɩ niŋé ɩ.

Zakɩ 5:4

A tõ-tõ-biir na tõ a nyɩ póru pʋɔ a, nyɩ sɩb'ɩ a bɛ sã-ya. Nɛb-taa na bɛ maal'ɩ wob a n'ʋ! A tõ-tõ-biir na kone a, a bɛ cɛlsɩ lo n a Naaŋmɩn, tẽ-daa za Sore, tobe pʋɔ.

Nɩ-toni 7:52

Naaŋmɩn-ƴɛ̀r-man-buor sob'ʋ a nyɩ sãàkʋm-kore bɛ dɔwrɩ? Bɛ kʋ n a bɛl na tɩ dãw hiere a nɩ-mɩŋa waa a. A Nɩ-mɩŋa ŋa tɔr za nyɩ na pãa mɩl kʋ a,

Mise 7:3

Bɛ de nɩ jalɩ a ɩ-faar maalʋ ƴãw. A nɩ-bɛrɛ nɩ a ƴɛ̀r-dɩrbɛ mɩ́ fɛr'a ƴãw bɛ ŋmɛ bɛ nʋɔr. A nɩ-yée mɩ́ yel'ɩ a bɛ bʋ̃-bɔbrɩ cãàmɩ́ lɛ, ɛ́ a bɛ za ɓã taa tɛr a bɛ gõlõgõlõ ɩb.

Mise 3:11

Nʋɔr'ʋ bɛ mɩ́ ŋmɛ a ƴɛ̀r-dɩrbɛ bɛ dɩ a ƴɛ̀rʋ, tɔnɛ ƴãw n'a a bàwr-maalbɛ wule, libie ƴãw n'a a naaŋmɩn-ƴɛ̀r-manbɛ bãwnɛ a nɩdaar yele. Ɛcɛ à á ŋá za a, a Sore ƴãw n'a bɛ mɩ́ ɩrɛ ƴãwn yere nɩ: «A Sore be n a tɩ sɔgɔ, yel-faa za bɛ páwr tɩ ɛ.»

Amɔsɩ 2:16

A ʋlɩ bibir a, a gãdaar pʋɔ gãdaa za na zɔ n nɩ ƴã-gã-zawla.» A Sore n'ʋ yel.

A Lãw-mʋɔlɛ 3:34

Bɛlɛ wa dɔwrɛ tẽw kãw gaso-biir za a,

Zeremi 29:23

A na ɩ n à à ŋá a bɛ zie, bɛ na maalɩ yel-faa na bɛ maal'ɩ wob a Ɩsɩrayɛl tẽw pʋɔ a ƴãw: Bɛ maal'ɩ pɩ̃ɔ-yele nɩ a bɛ taabɛ pɔwbɛ, ɛ́ yel k'aa mãa yúor ƴãw n'a bɛ ƴɛ̀rɛ, ɛ́ a ɩ ziri. Ɛcɛ ɩ̃ bɛ tɩ yel kɛ́ bɛ ɩ bom za ɩ. Ɩ̃ bãw nɩ à á ŋá za, ɛ́ dɩ a dãsɩɛ.”» À à ŋá n'a a Sore yere.

Ɩzayi 66:18

A Sore yere na: «Ɩ̃ bãw nɩ a alɩ bome nɛ bɛ na ɩrɛ a, nɩ a alɩ bome nɛ bɛ na tɩɛrɛ a. Ɩ̃ waar'a k'ɩ̃ɩ wa ɓã a nɩ-bʋʋrɛ za na ƴɛ̀rɛ ƴɛ̀r-pɛ-bʋʋrɛ za a taa.

Ɩzayi 47:9

A yele ayi á ŋá na ùr'a ta fʋ bibi-been yõ: a fʋ bibiir na bɛ cãà be a nɩ a pɔw-kʋɔlʋ mɩ̀. A na ta b'a, a fʋ sɔ-yele nɩ a fʋ kalibawli saa yãwmɛ tɩ gãw a.

Ɩzayi 33:15

— Sob nɛ na tuur a mɩnʋ ɛ́ yere a yel-mɩŋa a n'ʋ. Ʋ mɩ́ zawr'ɩ a tɔnɛ bɛ na mɩ́ ɩ a po-to-fãw-ɩb páw a, ʋ bɛ sàwr a bɛlɩ dem na bɔbr kɛ́ bɛ ŋmɛ ʋ nʋɔr a ɩ. Ʋ mɩ́ pàw nɩ a tobe tɛr, k'ʋʋ ta wõ nɩ-kʋ ƴɛ̀rʋ ɛ. Ʋ mɩ́ pàw nɩ a ʋ mimie, k'ʋʋ ta jɩ́r a yel-faa ɩ.

Ɩzayi 29:21

a bɛl na mɩ́ yel kɛ́ nɩr sãw na, ɛ́ a ɩ ziri a, na mɩ́ ƴãwnɛ bɛrɩ a ƴɛ̀r-dɩrbɛ a, na mɩ́ ɩ bɛ ƴãw dɔwrʋ nɩr na bɛ sãw a.

Ɩzayi 10:2

À à ŋá n'a a ƴɛ̀rʋ bɛ mɩ́ dɩ n mɩnʋ a bãbàalbɛ ƴãw ɛ, ɛ́ a ɩ̃ nɩ-bʋʋrɛ nan dem bɛ mɩ́ nyɛ̃ a lɛ-na-tu-sɔr-a, ʋ maalɩ a bɛ zie ɩ. Bɛ mɩ́ zure nɩ a pɔw-kɔbɛ bome ɛ́ farɛ a bi-kpebe dem.

Ɩzayi 5:23

Bɛ mɩ́ lɛb'a bɛr a sãwna sob, nʋɔr ʋ na ŋmɛ bɛ a ƴãw, ɛ́ zawrɩ na kʋ̀ a nɩr na bɛ tɛr sãwna a a ʋ yel-mɩŋa.

Zʋkpaɩ 22:22

Ta faa a bãbàal bome ɩ, bãbàal'ʋ. Nɩr na bɛ tɛr sõwne a, ta ƴɛ̀r dĩ nɩ ʋ a ƴɛ̀rʋ-dɩb zie ɩ.

A Zɔb sɛbɛ 31:21

Mãa wa vɛlɩ nũu cɔw bi-kpieb ɩ̃ na bãw kɛ́ bɛ na kpɛ m'ɩ a ƴɛ̀rʋ zie a,

Urutɩ 4:1

A Bowaazʋ tɩ do na tɩ zɩ̃ a ƴɛ̀rʋ-dɩb zie a tẽw dɩ̃dɔr nʋɔr, ɛ́ wa nyɛ̃ a sob nɛ na tɛr sɔ́r a bɩ́ɛrʋ ƴãw a, a ʋl ƴɛ̀rʋ ʋ na tɩ ƴɛ̀r a, ʋ tɔlɛ. A Bowaazʋ tɩ yel ʋ na: «Bón i! Alɛ ka! Wa zɩ̃ ka!» Ʋ tɩ tɛw na àr ɛ́ taw ta zɩ̃.

Wulu-ayi-sob 31:21

A kpɩɛrʋ nɩ a wʋ̀ʋr wa páw bɛ a lɛn daar a, a yielu ŋa na dɩ n a bɛ sãwna dãsɩɛ, bʋ̃ʋ n'ʋ vɛ̃, a bɛ bʋʋrɛ tɛɛ za kʋ̃ bɛr a ʋ yielu towtow ɛ. A dɩ̃a a, ɩ̃ bɛ tɛr bɛ kpɛ n a tẽw ɩ̃ na pɔ yel k'ɩ̃ɩ na kʋ̀ bɛ na a pʋɔ sɛr ɛ, ɛ́ bãw a lɛ bɛ na tɩɛrɛ a.»

Wulu-ayi-sob 16:18

A tẽ-bɛrɛ al za, a Sore nyɩ Naaŋmɩn na na kʋ̀ nyɩ a pʋɔ a, nyɩ na mɩ́ kaa na ír ƴɛ̀r-dɩrbɛ nɩ sɛ-sɛbrbɛ a nyɩ dɔwlʋ za ƴãw, bɛ mɩ́ dɩ a ƴɛ̀rʋ nɩ yel-mɩŋa kʋ̀ a nɩbɛ.

Sɛb-sõw yielu 127:5

Zu-nʋ̃ɔ̀ sob'ɩ a nɩr ʋl na paalɩ a ʋ lɔw nɩ a pime á ŋá taabɛ a. Ʋlɛ wa tɛr ƴɛ̀rʋ nɩ a ʋ dɔ̃ dem a tẽw dɩ̃dɔrɩ́ a, ʋ kʋ̃ nyɛ̃ vĩ ɛ.

Zʋkpaɩ 17:8

Nɩbɛ bɛ mɩnɛ mɩ́ tɩɛr'a k'aa bom fʋ na kʋ̀ nɩr a waar'ɩ nɩ zu-nʋ̃ɔ̀ ɛ́ mɩ́ ɩ a yele za maalɩ vla.

Ezekɩɛl 13:22

A nyɩ ziri zũú, nyɩ ɩ na nɩ-mɩn kanyir baarɩ, bɛl ɩ̃ na bɛ tɩ bɔbr k'ɩ̃ɩ maalɩ faa a. Nyɩ mʋʋrɩ nɩ nɩ-faar ƴãw bɛ be a bɛ ɩ-faar pʋɔ, ɛ́ à à ŋá n'a nyɩ ɩ kũu jɩɛrɛ a bɛ nyɔ-vʋʋrʋ.

A naaŋmɩn-ƴèr-manɛ Oze sɛbɛ 5:3

«A mãa a, ɩ̃ bãw nɩ a Efarayim ɛ́ a Ɩsɩrayɛl bɛ ɩ ɩ̃ sãan ɛ. Efarayim i, fʋ tõ n nɩ-fa-tome ɛ́ a fʋ ɩ-faar á ŋá mar a Ɩsɩrayɛl.»

Amɔsɩ 2:3

Ɩ̃ na kʋ n a nãà, ʋlɛ nɩ a ʋ sojarɩ nɩ-bɛrɛ.» A Sore n'ʋ yel.

Amɔsɩ 5:7

Bɛ mɩ́ ɩ n a yel-na-tu-sɔr-a lɩɛbɩ lɔw tuo, ɛ́ mɩ́ dɔwrɛ a bɛlɩ dem na ɩ mɩnʋ nɩbɛ a.

Amɔsɩ 8:4

Nyɩɩm na dɔwrɛ a nan dem, ɛ́ kʋrɛ a tẽw pʋɔ bãbàalbɛ pàwr pɛr a, nyɩ bɛrɛ wone a ƴɛ̀r-bie á ŋá:

Eziptɩ tẽw yib 23:3

Nyɩ ta mɩ́ ɩ a ɩb wul nyɩ na kpɛ bãbàal a ƴɛ̀rʋ-dɩb pʋɔ a ɩ.»

Eziptɩ tẽw yib 23:6

«Nyɩ kʋ̃ dɩ a ƴɛ̀rʋ a bɛ tori ɛ nyɩ kʋ̀ a bãbàal na zɛlɛ a nyɩ sõwfʋ a ɩ.

A Zɔb sɛbɛ 20:19

Bʋ̃ʋ n'ʋ vɛ̃, ʋ dɔwr'ɩ a nan dem, ʋ bɛ kaa bɛ zie ɩ, ʋ nãá ŋmãa yir, ʋ̃ʋ bɛr ɛ́ de a bɛ dem.