Amɔsɩ 4:9 - A SƐB-SÕW

⁹ «Ɩ̃ ƴãw na bàalʋ kpɛ a nyɩ ciri, ɩ a ko bɩɩ pɔ̃ a dàar zu, a nyɩ zaadɛ̃ pʋɔ bome nɩ a divɛ̃ tɩɩr, a nyɩ kãkamɛ nɩ a nyɩ olivʋ tɩɩr, zãzule 'wɔb a na. Ɛcɛ nyɩ bɛ lɛb wa a ɩ̃ zie ɩ.» A Sore n'ʋ yel.

Amɔsɩ 4:9 Referans Kwoze

A naaŋmɩn-ƴɛ̀r-manɛ Aaze sɛbɛ 2:17

A alɩ bome nɛ za nyɩ na tõ páw a, ɩ̃ sãw a na bɛr: ɩ̃ ɩ n a nyɩ bʋ̃-bie ko bɩɩ pɔ̃ a dàar zu, ɩ̃ ɩ na sa-bi-kube lo, ɛ́ nyɩ bɛ lɛb wa a mãa Sore zie ɩ.

Wulu-ayi-sob 28:22

A Sore na ɩ na a nyɩ ƴã-gamɛ sɩrɛ, zi-ɓori ɓore nyɩ, ƴã-tʋlɛ tɛr nyɩ. Ʋ na ɩ na wɛr nyɔw. Ʋ na ɩ na a bʋ̃-kʋ́ɔrɩ al na mɩ́ tɛr bie a, a ko a dàar zu bɩɩ pɔ̃. A bʋ̃-faar á ŋá na tɛr'ɩ lɛɛɛ tɩ baarɩ nyɩ.

Zowɛl 1:4

A bʋ̃-kʋ́ɔrɩ al a tãatuli na bɛr a, sãsowe 'wɔb a na, a al a sãsowe na bɛr a, zãzule 'wɔb a na, a al a zãzule na bɛr a, sãsow-nãa-nʋrɩ 'wɔb a na.

Amɔsɩ 4:6

«A mãa, mãa n'ʋ ɩ kɔ̃ nyɔw nyɩ a ten za pʋɔ, mãa n'ʋ ɩ a dipɛ̃ dɩ nã́w a be za nyɩ na be a, ɛcɛ nyɩ bɛ lɛb wa a ɩ̃ zie ɩ.» A Sore n'ʋ yel.

Amɔsɩ 4:8

Nɩbɛ mɩ́ yi n ten ayi bɩɩ ata pʋɔ kɔ̃kɔlɩ cen tẽ-yũo pʋɔ kɛ́ bɛ tɩ nyũ kʋ̃ɔ, ɛ́ bɛ mɩ́ tɩ nyũ sɛw ɛ. Ɛcɛ nyɩ bɛ lɛb wa a ɩ̃ zie ɩ.» A Sore n'ʋ yel.

Zowɛl 2:25

A Sore yere na: Ɩ̃ lɛb'a kʋ̀rɛ nyɩ a yome al za bʋ̃-kʋ́ɔrɩ a tãatuli, a sãsowe, a zãzule nɩ a sãsow-nãa-nʋrɩ na 'wɔb a, al na ɩ a ɩ̃ zɛbr-nɩ-yaga ɩ̃ na tõ a nyɩ ƴãw a.

Zowɛl 1:7

A ɩ na a tɩ divɛ̃ tɩɩr póru lɩɛbɩ wɛja-kpalɛ, a pʋrwʋr'ɩ a tɩ kãkã-tɩɩr bɛr. A pɛnɩ pɛnɩ a na, ɛ́ cɛ̀ a lɔb, a wuli pɛlɩ gã.

Zeremi 5:3

Sore e, a yel-mɩŋa bɛ n'a fʋ bɔbr ɛ? Fʋ ŋmɛ bɛ na, ɛ́ a bɛ ɩ bɛ bom ɛ, fʋ tɩ bɔbr'a kɛ́ fʋ kʋ bɛ pàw pɛr, ɛcɛ bɛ bɛ sàw a kpãàfʋ ɛ. Bɛ nyar'ɩ a bɛ niŋe a kpɛmɛ zuo kʋsɩɛr, bɛ zawr'ɩ a fʋ zie lɛb-waa.

Zeremi 3:10

Ɛ́ a na saa ɩ à ŋá a, a Ɩsɩrayɛl yɛb Zuda na bɛ tu a Sore a bɛ lɛb wa ɩ̃ zie nɩ ʋ pʋɔ za ɩ: a ʋ ɩb-lɩɛbʋ bɛ ɩ sɩza ɩ, a mãa, a Sore, mãa n'ʋ yere.»

Ɩzayi 1:5

Nyɩn lowr'a bɛ na lɛb ŋmɛ nyɩ, nyɩɩm na cãà gaarɩ a? A zu ɩ n natɩɛ ʋ za, a socir za ɩ n bàal.

2 Bibie za yel-manɩ 6:28

Kɔ̃ wa lo a, bɩɩ jɛ̀lmɛ̃ bàalʋ wa kpɛ a tẽw pʋɔ a, a bʋ̃-kʋ́ɔrɩ al na mɩ́ tɛr bie a wa kòre bɩɩ pɔnɛ a dàar zu a, a sãsoge nɩ a sãsow-nãa-nʋrɩ wa wa yaga za a, dɔ̃ dem wa zɛb'ɩ a fʋ nɩbɛ tɩ kpɛ n a tẽ-bɛrɛ al na cɔbrɩ kpɛmɛ a zɛbr ƴãw a pʋɔ a, yel-faa za bɩɩ bàalʋ za wa wa a,

1 Na-mɩnɛ 8:37

«Kɔ̃ wa lo a, bɩɩ bàal-faa kãw bɛ na bʋɔlɛ jɛ̀lmɛ̃ a wa kpɛ a tẽw pʋɔ a, a bʋ̃-kʋ́ɔrɩ al na mɩ́ tɛr bie a wa kòre bɩɩ pɔnɛ a dàar zu a, a sãsoge nɩ a sãsow-nãa-nʋrɩ wa wa yaga za a, dɔ̃ dem wa zɛb'ɩ a fʋ nɩbɛ tɩ kpɛ n a tẽ-bɛrɛ al na cɔbrɩ kpɛmɛ a zɛbr ƴãw a pʋɔ a, yel-faa za bɩɩ bàalʋ za wa wa a,

Wulu-ayi-sob 28:42

Sãsoge na so a tɩɩr nɩ a nyɩ tẽsɔw bʋ̃-kʋ́ɔrɩ za.

Ɩzayi 50:11

Ɛcɛ nyɩɩm za na gbɔwr vũu a, nyɩɩm na ƴãw vũu-zɛlɛ pime viiri koli nyɩ tʋɔra a, nyɩ cen a nyɩ vũu vũu-zɛlɛ pʋɔ, a vũu-zɛlɛ pime nyɩ na gbɔw a sɔwlɩsɔw. A Sore n'ʋ na ɩ nyɩ kpi kpɩɛrʋ kpɛ̃ɛ pʋɔ.

Habakukɩ 3:17

A kãkã-tɩɩr bɛ cãà pure ɩ, a divɛ̃ tɩɩr bɛ wɔnɛ ɩ, a olivʋ tɩɩr bɛ tɛr wɔm kãw za ɩ. A póru bɛ cãà tɛr bʋ̃-dɩra kãw za ɩ. Píir bɛ cãà a píir zaw pʋɔ ɩ. Nĩi mɩ̀ bɛ cãà a nazawr pʋɔ ɩ.

Ɩzayi 9:12

A na ɩ lɛ a, a Sore ŋmɛ n a ʋ nɩ-bʋʋrɛ, ɛcɛ a Ɩsɩrayɛl nɩbɛ bɛ lɛb wa a sob nɛ na ŋmɩɛr bɛ a zie ɩ, bɛ bɛ bɔ a Sore, a kpɛnʋ-za-sob ɛ.

A naaŋmɩn-ƴèr-manɛ Oze sɛbɛ 11:5

«A Ɩsɩrayɛl nɩ-bʋʋrɛ kʋ̃ lɛb wa a Eziptɩ ɛ, Asiiri tẽw n'ʋ na so bɛ, bɛ na zawrɩ a ɩ̃ zie lɛb-waa a ƴãw.

Malasɩ 3:11

Ɩ̃ na tanɩ nɩ a sãsowe bɛr, a ta lɛ 'wɔb a nyɩ bʋ̃-kʋ́ɔrɩ ɛ, a ta ɩ a nyɩ divɛ̃ tɩɩr a bɛ wɔnɛ ɩ. Mãa n'ʋ yere à à ŋá kʋ̀rɛ nyɩ, mãa, a Sore kpɛnʋ-za-sob.