Amɔsɩ 3:7 - A SƐB-SÕW

⁷ Yel-mɩŋa, a Sore Naaŋmɩn bɛ ɩrɛ bom za ɛ́ bɛ yere a ʋ pʋ-tɩɛrʋ kʋ̀rɛ a ʋ ƴɛ̀r-manbɛ na ɩ a ʋ tõ-tõ-biir a ɩ.

Amɔsɩ 3:7 Referans Kwoze

Zã 15:15

Ɩ̃ bɛ cãà bʋɔlɛ nyɩ tõ-tõ-biir ɛ, a tõ-tõ-bie na bɛ bãw ʋlɩ bom nɛ a ʋ nɩ-kpɛ̃ɛ na ɩrɛ a ƴãw. Ɩ̃ bʋɔlɛ nyɩ nɩ bárɩ, ɩ̃ na ɩ nyɩ bãw a yele al za a ɩ̃ Sãà na wul mɛ̃ a.

Yele-za-pɛr-tib 18:17

A Sore tɩ tɩɛr'ɩ ʋ pʋɔ: «Ɩ̃ bɛ bɔbr k'ɩ̃ɩ sɔwlɩ a Abraham a ʋlɩ bom nɛ ɩ̃ na na ɩ a ɩ.

Sɛb-sõw yielu 25:14

A Sore mɩ́ yel'ɩ a ʋ yel-sɔwla kʋ̀ a bɛlɩ dem na ƴãwnɛ ʋ a, ʋ mɩ́ ɩ na bɛ bãw a ʋ wõ-taa yel-fɛrɩ.

Yel-wula 1:1

A yel-wula a Yeezu Kɩrɩta na páw a, a sɛbɛ ŋa pʋɔ n'a ʋ be. Naaŋmɩn wul ʋ nɩ a yel ŋa, k'aa Yeezu Kɩrɩta ɩ a Naaŋmɩn tõ-tõ-biir bãw a yel ʋl na kʋ̃ yaa kɛ́ ta a. A Kɩrɩta tõ n a ʋ malkɩ a ʋ tõ-tone Zã zie, k'ʋʋ tɩ ɩ ʋ bãw a yel ŋa.

Yele-za-pɛr-tib 6:13

Lɛ n'a a Naaŋmɩn tɩ yel a Nowe: «Mãa zie a, a nɩsaalbɛ yele baar'a. Bɛlɛ nɛbɛ so a po-to-fãw-ɩb paalɩ a tẽ-daa. A na ɩ lɛ a, ɩ̃ na sãw bɛ na bɛr lãwnɩ a tẽw.

Yel-wula 4:1

À á ŋá pùorí, ɩ̃ tɩ nyɛ̃ nɩ bʋ̃-yũo: ɩ̃ nyɛ̃ nɩ pan na yuo a tẽ-vla pʋɔ a. A kɔkɔr ʋl ɩ̃ na tɩ dãw wõ ʋ yire mɛ̃ a wɩ́ɛ a tɩ yel mɛ̃ na: «Do wa a ka, ɩ̃ɩ na wul fʋ nɩ a ʋlɩ bom nɛ na na wa a pùorí a.»

Zeremi 23:22

Bɛlɛ tɩ be a ɩ̃ yã-wulbɛ kpaarʋ pʋɔ a, bɛ nãà ɩ na a ɩ̃ nɩbɛ bãw a ɩ̃ ƴɛ̀rʋ, bɛ nãà ɩ na a nɩbɛ bɛr a bɛ sɔr-faa nɩ a bɛ ɩ-faar bɛ na ɩrɛ a.»

Yel-wula 1:19

A na ɩ à ŋá a, sɛb a yele fʋ na nyɛ̃ a, a al na ɩrɛ a ƴɛrɛŋa a, nɩ a al a na fɛr k'aa ɩ a pùorí a.

2 Na-mɩnɛ 22:13

«Nyɩ cen tɩ sowri a Sore kaa, mãa nɩ a Zuda nɩbɛ za ƴãw, a sɛbɛ ŋa bɛ na nyɛ̃ a ƴɛ̀r-bie ƴãw. Bʋ̃ʋ n'ʋ vɛ̃, a tɩ sãàkʋm-kore bɛ bɛr wõ a sɛbɛ ŋa ƴɛ̀r-bie ɩ, bɛ bɛ tu a alɩ bome nɛ za na sɛb a ʋ pʋɔ a ɩ. A na ɩ à ŋá a, a Sore na nyɛ̃ nɩ tɩ nɩ suur yaga za.»

2 Na-mɩnɛ 6:12

A sojarɩ nɩ-bɛrɛ ƴen sob tɩ sɔw ʋ na: «Nãà a, nɩr za bɛ ka be ɩ! Ɛcɛ a naaŋmɩn-ƴɛ̀r-manɛ Elize, na be a Ɩsɩrayɛl tẽw a, na tʋ̃ɔ́ na yel a ƴɛ̀rʋ fʋ na ƴɛ̀rɛ a fʋ di-gana pʋɔ a, kʋ̀ a ʋ nãà.»

2 Na-mɩnɛ 22:20

Alɛ n'a so ɩ̃ na bɛr fʋ, fʋ lɛb cen tɩ páw a fʋ sãà mɩnɛ, ɛ́ siw a bɔw pʋɔ nɩ ƴã-ɓaarʋ, ɛ́ bɛ nyɛ̃ a faa al za ɩ̃ na na ɩ a páw a Zerizalɛm a ɩ.”» A bàwr-maal-kara Hɩlkɩahu nɩ a ʋ taabɛ tɩ lɛb'a wa n a sɔwfʋ ŋa, wa yel kʋ̀ a nãà Zozɩasɩ.

Yel-wula 10:7

A ʋlɩ bibir a malkɩ ayopõi sob nãà wa pɛblɛ a ʋ wɩ́ɛ a, lɛn daar a a Naaŋmɩn yel-sɔwla ʋ na tɩɛrɩ bin a na maalɩ mɛ̃ a lɛ ʋ na tɩ dãw yel kʋ̀ a ʋ tõ-tõ-biir na ɩ a ʋ ƴɛ̀r-manbɛ a.»

Ezekɩɛl 29:21

A lɛn daar a, ɩ̃ na ɩ n a Ɩsɩrayɛl nɩbɛ lɛb kpɛmɛ dɔwlɩ. Ɛ́ a fʋ̃ʋ Ezekɩɛl, ɩ̃ na kʋ̀ b'ɩ a fãw kɛ́ fʋ ƴɛ̀r a bɛ zie. Lɛ n'a bɛ na bãw kɛ́ mãa n'ɩ a Sore.»

1 Samɩɛl 9:15

Zɩ̃ k'aa zãa daarɩ́ a, a Sore tɩ yel'ɩ a Sawul waa kʋ̀ a Samɩɛl à ŋá:

Ɩzayi 18:4

Bʋ̃ʋ n'ʋ vɛ̃, a Sore ƴɛ̀r'ɩ a ɩ̃ zie à ŋá: «A zie ʋl ɩ̃ na be a, ɩ̃ na zɩ̃ n zoom ɛ́ jɩ́rɛ, mɛ̃ a tʋlʋ na dɩrɛ cãà pʋɔ a, mɛ̃ ɓɩɛlʋ zũzuwr a bʋ̃-dieri-deb tʋlʋ daar a.»