Amɔsɩ 1:6 - A SƐB-SÕW

⁶ À ŋá n'a a Sore yere: «A Gaza tẽw dem na gaarɩ a ɩ̃ zu gb'a ayi gb'a ata a, alɛ so ɩ̃ kʋ̃ lɩɛbɩ a dɔwrʋ ɩ̃ na yel k'ɩ̃ɩ na ƴãw bɛ na a bɛr ɛ: bɛ na nyɔw nɩ-yaga yaga cen nɩ kɛ́ bɛ tɩ kʋɔrɩ Edɔm tẽw dem zie a zũú,

Amɔsɩ 1:6 Referans Kwoze

Amɔsɩ 1:11

À ŋá n'a a Sore yere: «A Edɔm tẽw dem na gaarɩ a ɩ̃ zu gb'a ayi gb'a ata a, alɛ so ɩ̃ kʋ̃ lɩɛbɩ a dɔwrʋ ɩ̃ na yel k'ɩ̃ɩ na ƴãw bɛ na a bɛr ɛ: bɛ na vʋ̃ɔ zɛbr-sɔ-kpɛ̃ɛ diwr'ɩ a Ɩsɩrayɛl nɩbɛ na ɩ a bɛ yɛbr, ɛ́ bɛ sàw nɩbaalʋ kãw kpɛ bɛ a bɛ ƴãw a. A bɛ suur nɩ a bɛ pʋ-bier na bɛ tɛr baarʋ daar a zũú,

2 Bibie za yel-manɩ 28:18

A Filisɩtɛ̃ mɩnɛ mɩ̀ tɩ ìr'a kpɛ so a Ba-Peyi nɩ a Zuda naalʋ-tẽw saa-pɛrɩ́-gʋba-lowr tẽ-bɛrɛ: bɛ tɩ zɛb'a de Bɛtɩ-Semɛsɩ, Ayalon, Gederɔtɩ, lãwnɩ Soko, Timina, Gimizo nɩ a tẽ-kpɔwlɩ, ɛ́ kpɛ zɩ̃ a be.

Abɩdɩasɩ 1:11

Nyɩ tɩ taw na yi pùor, a ʋlɩ bibir a dɔ̃ dem na tɩ zɛb tʋ̃ɔ́ a bɛ zɛbr-nɩbɛ, ɛ́ tɩ kpɩɛr a bɛ tẽ-kpɛ̃ɛ pʋɔ a. A lɛn daar a nɩ-bʋlmɛ bɛ ŋa na tɩ ŋmɩɛr gbãw pone a Zerizalɛm na-bome a, a nyɩɩm mɩ̀, nyɩ mɩ̀ tɩ ɩ na mɛ̃ a bɛl a.

Amɔsɩ 1:9

À ŋá n'a a Sore yere: «A Tɩ́ɩ̀r tẽw dem na gaarɩ a ɩ̃ zu gb'a ayi gb'a ata a, alɛ so ɩ̃ kʋ̃ lɩɛbɩ a dɔwrʋ ɩ̃ na yel k'ɩ̃ɩ na ƴãw bɛ na a bɛr ɛ: bɛ na nyɔw nɩ-yaga yaga cen nɩ tɩ kʋ̀ a Edɔm tẽw dem, ɛ́ yiiri a yɛbr wõ-taa na be bɛlɛ nɩ a Ɩsɩrayɛl nɩbɛ cará a zũú,

1 Samɩɛl 6:17

Salm-zɩɛ mãsuwe á ŋá n'a a Filisɩtɛ̃ mɩnɛ tɩ kʋ̀ a Sore, a sãwna san-yaafʋ ƴãw: Asɩdɔdɩ tẽw ƴãw, salm-zɩɛ been, Gaza ƴãw, salm-zɩɛ been, Asɩkalon ƴãw, been, Gatɩ ƴãw, been, Ekiron ƴãw, been.

Ezekɩɛl 35:5

Kʋralɛ n'a fʋ bɛ nɔ̃w a Ɩsɩrayɛl nɩbɛ ɩ. A bɛ kpɩɛrʋ daar a, a bɛ sãwna na wa baar'a, fʋ zɛb'ɩ bɛ na nɩ zɛbr-sɔ-kpɛ̃ɛ.

Zakari 9:5

A Asɩkalon tẽw na nyɛ̃ na zɔ dɛ̃bɩ̃ɛ, Gaza na màwr'ɩ ʋ za a dɛ̃bɩ̃ɛ zũú, Ekiron mɩ̀, ʋ na kʋ̃ cãà tɛr kpa-tɩɛrɛ a ƴãw. Nãà kʋ̃ cãà a Gaza ɩ, nɩr kʋ̃ cãà kpɩɛr a Asɩkalon ɛ.

Amɔsɩ 1:3

À ŋá n'a a Sore yere: «A Damasɩ tẽw dem na gaarɩ a ɩ̃ zu gb'a ayi gb'a ata a, alɛ so ɩ̃ kʋ̃ lɩɛbɩ a dɔwrʋ ɩ̃ na yel k'ɩ̃ɩ na ƴãw bɛ na a bɛr ɛ. Bɛ de nɩ kur-jajaa vu tɔlɩ a Galaadɩ tẽw dem zu.

Zeremi 47:1

A Sore tɩ ƴɛ̀r'ɩ a ʋ ƴɛ̀rʋ kʋ̀ a naaŋmɩn-ƴɛ̀r-manɛ Zeremi, càar'ɩ a Filisɩtɛ̃ mɩnɛ, ɛ́ a Eziptɩ tẽw nãà wa bãw zɛb'ɩ a Gaza tẽw.

Nɩ-toni 8:26

A Sore malkɩ tɩ ƴɛ̀r'ɩ a Filib zie yel ʋ: «Ìr tu a saa-pɛrɩ́-dʋrʋ-lowr, de a sɔ́r ʋl na yi a Zerizalɛm ɛ́ siwr a Gaza a, nɩr bɛ be a ʋ zu ɛ.»

Zowɛl 3:4

A mʋ̃tɔ̃w na lɩɛb'ɩ lige, ɛ́ a cuw mʋ̃ɔ mɛ̃ zɩ̃ɩ a, ɛ́ a Sore bibir wa bãw vɩɛ, bibi-kpɛ̃ɛ na ɩrɛ dɛ̃bɩ̃ɛ a.»

Amɔsɩ 1:7

ɩ̃ na ƴãw nɩ vũu a Gaza tẽw dacine, ʋʋ na dɩ n a ʋ yir-vɩɛlɩ vɩɛlɩ.