Abɩdɩasɩ 1:5 - A SƐB-SÕW

⁵ Nyãnyuwr bɩɩ nɩ-farbɛ wa wa ùr fʋ tɩ̃ɩsɔw a, bɛ na za n a bome al za bɛ na na tʋ̃ɔ́ za a, ɛ́ fʋ kʋ̃ cãà tɛr bom za ɩ. Divɛ̃ tɩɩr wɔ̃-pɔrbɛ wa kpɛ a fʋ divɛ̃ tɩɩr pu-pʋɔ a, wɔ̃-beƴeni lɛ tɛwr'a bɛ na bɛr fʋ.

Abɩdɩasɩ 1:5 Referans Kwoze

Zeremi 49:9

A divɛ̃ tɩ-wɔ̃-pɔrbɛ wa wa a fʋ zie a, bɛ kʋ̃ bɛr divɛ̃ tɩ-wɔ̃-cãacul kãw za ɩ. Nyãnyuwr wa wa tɩ̃ɩsɔw a, bɛ na sãw nɩ alɩ bome nɛ za bɛ na na tʋ̃ɔ́ a bɛr.

Wulu-ayi-sob 24:21

Nyɩmɛ mɩ́ wa pɔr a nyɩ divɛ̃ tɩɩr wɔmɛ a, nyɩ kʋ̃ mɩ́ lɛb cen tɩ yiiri a wɔmɛ na cɛ a ɩ, nyɩ na mɩ́ bɛr a na kʋ̀ a nʋʋrɩ, a bi-kpebe nɩ a pɔw-kɔbɛ.

Ɩzayi 17:6

A Ɩsɩrayɛl nɩbɛ na na cɛ a kʋ̃ saalɩ ɛ, a na ɩ na mɛ̃ olivʋ bɛ na dam'ɩ dàa a lo a: wɔmɛ ayi bɩɩ ata n'a cɛ a tɩɛ saa-zu za, wɔmɛ anaar bɩɩ anũu a wuli na wɔ̃ a zu. À à ŋá n'a a Sore, a Ɩsɩrayɛl Naaŋmɩn, yere.

Sofoni 2:15

À ŋá n'a a tẽw ŋa na ɩrɛ pɔ̀lʋ a, nãà ŋmɛ̃. A ʋ nɩbɛ tɩ tɩɛrɛ kɛ́ bom kʋ̃ ɩ bɛ ɩ, ɛ́ tɩ tɩɛrɛ à ŋá: «Nɩr bɛ ŋmɛ̃ taa nɩ tɩ ɛ!» Ɛcɛ ʋlɛ n'ɩ ŋan lore ʋ za, lɩɛbɩ dʋn gaa zie! Nɩr za na tɔlɛ pɩɛlɛ ʋ a, mɩ́ fuole na tɛr'ɩ ɩ-lab ɩ-ɩrɩ.

Mise 7:1

'Woi! Mãa baw-bi-nɩr! Ɩ̃ ɩ na mɛ̃ nɩr na cere tɩ-wɔmɛ pɔrʋ a pɔrʋ daar a, mɛ̃ nɩr bɛ na pɔr a divɛ̃ tɩ-wɔmɛ baarɩ ʋʋ cere a yiiru a: ʋ bɛ nyɛrɛ divɛ̃ tɩ-wɔm-cãacul kãw za dɩrɛ ɩ, ʋ bɛ nyɛrɛ kãkãw wɔ̃-dãw been za a vʋla na tɩ kpɩɛr ʋ a ɩ.

A Lãw-mʋɔlɛ 1:1

'Woi! Bɛ jɛ ʋ na bɛr, a tẽ-kpɛ̃ɛ ŋa na tɩ ɩ nɩbɛ kʋrkʋrkʋr a! Ʋ ɩ na mɛ̃ pɔw-kʋɔr a, ʋl a yúor na tɩ yi yaga a nɩ-bʋʋr-yoru sɔgɔ a, ʋl na tɩ ɩ pɔw-nãà so a tẽ-ŋma-kʋ̀rɩ a, ʋlɛ n'ɩ ŋan wa ɩ gbãgbaa!

Zeremi 50:23

Ŋmɩŋmɩn za n'a? A Babɩlɔn tẽw tɩ ɩ n a 'hama na tɩ ŋmɩɛr a tẽ-daa za ŋmɛrɛ a. Ɛcɛ, ʋlɛ n'ʋ ŋmɛr, ŋmɛr yaarɩ. Ŋmɩŋmɩn za n'a? A nɩ-bʋʋrɛ sɔgɔ a, a Babɩlɔn tẽw lɩɛb'ɩ wɛja-kpalɛ na ɩrɛ nɩbaalʋ a!

Ɩzayi 24:13

Yel-mɩŋa, a nɩ-bʋʋrɛ sɔgɔ a tẽw zu a, a na ɩ na mɛ̃ olivʋ tɩ-wɔmɛ bɛ na pɔr baarɩ ɛ́ yiire nɩ lãwgola a, mɛ̃ divɛ̃ tɩ-wɔmɛ bɛ na pɔr baarɩ ɛ́ yiire a wɔ̃-beƴeni na cɛ a.

Ɩzayi 14:12

Ŋmɩŋmɩn za n'a fʋ yi a salom zu lo, fʋ̃ʋ, zi-vɩɛ-ŋmar-bir-nyɩwra? Ŋmɩŋmɩn za n'a bɛ lɔb fʋ bɛr a tẽw zu, fʋ̃ʋ na mɩ́ tɩ tʋ̃ɔ́ a nɩ-bʋʋrɛ a?

2 Samɩɛl 1:19

Ɩsɩrayɛl i, bʋ̃ʋ n'ʋ so a fʋ gãdaar kpi, a fʋ zɛbr nɩ-yée yée gã gã a fʋ tan zu?

Yel-wula 18:10

Bɛ na àr'a zãá, a ʋ dɔwrʋ na ɩrɛ dɛ̃bɩ̃ɛ a ƴãw, ɛ́ yere: «Zu-bio wɛ! Zu-bio wɛ, Babɩlɔn i! Tẽ-kpɛ̃ɛ na tɛr fãw a! A wa ɩ n tɛm been yõ ɛ́ a fʋ ƴɛ̀rʋ dɩ!»

Zeremi 6:9

À ŋá n'a a Sore, a kpɛnʋ-za-sob, yere: «Nyɩ yiiri a Ɩsɩrayɛl nɩbɛ bɛl na cãà cɛ vʋʋrɛ a, mɛ̃ a lɛ bɛ na mɩ́ yiiri divɛ̃ tɩɩr púo a. A nyɩ nuru, a tu yi a wuli zu gb'aa yaga, mɛ̃ a lɛ a divɛ̃ tɩɩr púo sob na mɩ́ ɩ a divɛ̃ tɩ-wɔmɛ deb daar a.»

Abɩdɩasɩ 1:9

Teman tẽw i, pʋl-vʋ̃ɔ na tɛr'ɩ a fʋ zɛbr-nɩbɛ, ɛ́ bɛ na kʋ n a tẽw dem za.»