2 Timote 3:2 - A SƐB-SÕW

² Bʋ̃ʋ n'ʋ vɛ̃, a nɩbɛ na tɩɛrɛ nɩ bɛl tɛwr yele, ɛ́ ɩ libi-nɔ̃wnbɛ. Bɛ na pɔrɛ nɩ zaalɛ ɛ́ ɩrɛ pɔ̀lʋ. Bɛ na tʋʋr'ɩ Naaŋmɩn zʋmɛ, ɛ́ bɛ sàwr a bɛ dɔwrbɛ nʋɔr ɛ. Fʋ na mɩ́ maalɩ bɛ na, ɛ́ bɛ bɛ ŋmɛlɩ kaa fʋ ɛ. Bɛ na sãwnɛ nɩ a bʋ̃-son bɛrɛ.

2 Timote 3:2 Referans Kwoze

Filib 2:21

bɛ za tɩɛrɛ nɩ a bɛl tɛwr yele, ɛ́ bɛr a Yeezu Kɩrɩta dem.

Sɛb-sõw yielu 10:3

A nɩ-faa nyɛ̃ nɩ a ʋ pʋ-tɩɛr-faar a vɩɛl! A mɔl-bɔbrɛ ŋa daarʋ da na, ʋ tʋʋr a Sore, ɛ́ ɩrɛ ʋ laar.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:16

A nɩbɛ bɛ ŋa mɩ́ zɛbr'ɩ kʋralɛ, ɛ́ a bɛ suur bɛ nʋmɛ bɛ a bɛ nyɔ-vʋʋrʋ ƴãw ɛ. Bɛ mɩ́ tɩɛrɛ nɩ a bɛ bʋ̃-bɔbrɩ tɛwr. Pɔ̀l-ƴɛ̀rʋ n'a bɛ mɩ́ ƴɛ̀rɛ, ɛ́ bɛlɛ wa mʋʋrɛ nɩr a, bɛl mɩŋa tɔnɛ ƴãw n'a.

2 Timote 3:4

Bɛ na mɩlɛ nɩ taa, ɛ́ ɩ suur tɛwr, pɔ̀lʋ tɛwr nɩbɛ, ɛ́ nɔnɛ a ƴã-gan nʋ̃ɔ̀ ɛ́ nɩ̃ɛ bɛr a Naaŋmɩn.

1 Timote 6:10

A faalʋ za nyɩwr sɩrɩ n'ɩ a libi-nɔ̃w. Bɛ mɩnɛ na tu a pùor a, bɛ bɔr a zãá nɩ a naaŋmɩn-sàw-deb ɛ́ ƴãw bɛ tʋɔra kpɩɛrʋ yaga pʋɔ.

2 Pɩɛr 2:18

Bɛ mɩ́ ƴɛ̀rɛ nɩ ƴɛ̀r-bɛrɛ ƴɛ̀r-zawlɛ, a pɩ̃ɔ-yele ƴã-gan nʋ̃ɔ̀-faar tɩɛrʋ na ɩrɛ vĩ a n'a bɛ mɩ́ bɛlɩ nyɔw nɩ a bɛlɩ dem na bʋ́r yi paalʋ a nɩbɛ bɛl pʋɔ na vʋʋrɛ a tulu pʋɔ a.

Zakɩ 4:6

Ɛcɛ a maalʋ a Naaŋmɩn na kʋ̀ tɩ a ɩ n kpɛ̃ɛ zuo lɛ. Bʋ̃ʋ n'ʋ vɛ̃, bɛ mɩ̀ cãà na lɛb yel: «A Naaŋmɩn mɩ́ ba n gbɛ́r a pɔ̀lʋ dem niŋé, ɛ́ maalɩ a su-siwri dem.»

Kɔlɔsɩ 3:5

A na ɩ à ŋá a, nyɩ kʋ bom nɛ za na ɩ tẽw zu yele a, a nyɩ pʋ̃ɔmɩ: a pɩ̃ɔ-yele, a faalʋ, a ƴã-gan nʋ̃ɔ̀-faar, a yel-faar vʋla, nɩ a mimir na ɩ tɩbɛ ƴãwfʋ a.

1 Pɩɛr 5:5

Lɛ mɩ̀ n'a, a nyɩɩm pɔ́lɛ́, nyɩ mɩ̀ sàwr a bɛlɩ dem na ɩ bɛrɛ a nyɩ ƴãw a nʋɔr. Ɛ́ a nyɩ za a, nyɩ siwre nyɩ tʋɔra a nyɩ ɩ-ɩrɩ pʋɔ, bʋ̃ʋ n'ʋ vɛ̃, bɛ sɛb'a: «A bɛlɩ dem na zɛwr bɛ tʋɔra a, Naaŋmɩn bɛ mɩ́ de a bɛ yele ɩ, ɛcɛ a bɛl na siwre bɛ tʋɔra a, ʋ mɩ́ kʋ̀ bɛ nɩ a ʋ maalʋ.»

1 Timote 6:4

a ʋ nyʋʋr ɩ na ʋ zɔ̃w. Ʋ bɛ bãw bom za ɩ, nɔkpɛn nɩ ƴɛ̀r-foli bàalʋ nyɔw ʋ na. Alɛ n'a waar'ɩ a nyuur, a taw-taa, a zʋmɛ, a tɩɛr-faar a tɔ sob ƴãw,

Luka 12:15

Al pùorí, a Yeezu tɩ yel'ɩ a nɩbɛ zie: «Nyɩ gùre nyɩ tʋɔra a libi-nɔ̃w yaga ƴãw. A nɩsaal saa tɛr a zɛ̃ ŋmɩn a, ɛcɛ a ʋ nyɔ-vʋʋrʋ bɛ yi a naalʋ ʋ na kpɛ a pʋɔ ɩ.»

Yel-wula 16:11

A 'wɔbrʋ na 'wɔbr bɛ a, nɩ a bɛ natɩɛ tɩ ɩ na bɛ tʋʋr a Naaŋmɩn na be a salom zu a zʋmɛ. Ɛcɛ, bɛ bɛ tɩ bɛr a bɛ tõ-faar ɛ.

2 Pɩɛr 2:12

Ɛcɛ, mɛ̃ dʋn na bɛ bãw yã ɛ́ be bɛrɩ nyɔwfʋ ƴãw, ɛ́ na kpi wɛ a, a nɩbɛ bɛ ŋa tʋʋr'ɩ bom bɛ na bɛ bãw a, bɛ na kpi na wɛ mɛ̃ a dʋn a.

2 Pɩɛr 2:3

Ɛ́ bɛ na nɔnɛ kɛ́ bɛ tɛr a a, bɛ na tɛr'ɩ nɔ-kãá nɛbr'ɩ nyɩ. Ɛcɛ bɛ maal'ɩ bɛ nɩ a ƴɛ̀rʋ baarɩ koro za, ɛ́ a bɛ loba ɩ yɩ̃ɛlɛ.

Zakɩ 4:16

Ɛcɛ nyɩ mɩ́ bɛr'a ɛ́ zɛwr nyɩ tʋɔra pɔrɛ nɩ pɔb tɛwr. A pɔb á ŋá taabɛ bɛ vɩɛl ɛ.

2 Tesalonikɩ 2:4

Bom nɛ za a nɩsaalbɛ na bʋɔlɛ kɛ́ naaŋmɩn, ɛ́ puore ʋ a, a Faalʋ nɩr na ìr'ɩ nɩ pɔ̀lʋ ɩ a ʋ dɔ̃ sob, ʋʋ na tɛr'ɩ lɛɛɛ tɩ kpɛ zɩ̃ a Naaŋmɩn yir-kpɛ̃ɛ pʋɔ, ɛ́ yel k'ʋʋ ɩ n Naaŋmɩn.

Ʋrɔm 11:18

ta zɛwr fʋ tʋɔra mɛ̃ fʋ zuo nɩ a wuli bɛ na cɛ bɛr a ɩ. Fʋ̃ʋ wa zɛwr fʋ tʋɔra mɛ̃ fʋ zuo a na a, fʋ̃ʋ bãwnɩ a fʋ̃ʋ na bɛ n'ʋ so a tɩ-nyɩgɛ be a, a tɩ-nyɩgɛ n'a so fʋ be.

Yel-wula 16:21

Sa-bi-ku-bɛrɛ na tɩbrɛ bɛ dɩ vuo a tɩ yi n a salom zu ɛ́ lore a nɩsaalbɛ zu. A nɩsaalbɛ tɩ tʋʋr'ɩ a Naaŋmɩn a sa-bi-kube dɔwrʋ ƴãw, bʋ̃ʋ n'ʋ vɛ̃, a dɔwrʋ ŋa tɩ sɩrɩ na kpɛ kpɛ̃ɛ bɛ dɩ vuo ɩ.

Zakɩ 2:8

Nyɩmɛ wa sɩrɩ sàwr a Nãà ŋa nʋɔr mɛ̃ a lɛ a Sɛb-sõw na yel a: «Fʋ na nɔnɛ nɩ a fʋ tɔ sob mɛ̃ a fʋ mɩŋa a», nyɩ ɩrɛ nɩ vla.

1 Timote 3:3

ʋ ta ɩ dã-nyúure ɩ, ɛ́ ta ɩ nɔ-haa-bɔbrɛ ɩ. Ʋ ɩ nɩsaal-bàalʋ, ʋ ta ɩ zɛb-ŋmarɛ nɩ libi-nɔ̃wnɛ ɩ.

1 Timote 1:20

Imene nɩ Alɛsãdɩr pʋɔ nɩ a nɩbɛ bɛ ŋa pʋɔ. Ɩ̃ de bɛ na ƴãw Sɩtaana nuru pʋɔ kɛ́ bɛ zànɩ yã, taa lɛb tʋʋr Naaŋmɩn zʋm ɛ.

Nɩ-toni 5:36

Daar daar ŋa, Tedasɩ nɛ kãw tɩ ìr'a, yel kɛ́ ʋlɛ mɩ̀ n'ʋ. Nɩbɛ kɔbr anaar (400) tɩ ìr'a tu a ʋ pùor. Ɛcɛ bɛ tɩ kʋ ʋ na. A bɛlɩ dem na tɩ tu a ʋ pùor a, tɩ zɔ na yaarɩ, a ʋ dem baarɩ.

Luka 16:14

A Faarizɩ̃ɛ mɩnɛ na nɔnɛ a libie, ɛ́ tɩ bɛr wõ a Yeezu ƴɛ̀rʋ á ŋá za a, tɩ ɩrɛ ʋ na laar.

Yel-wula 16:9

Tʋlʋ na bɛ dɩ vuo a tɩ dɩ n a nɩsaalbɛ. Bɛ tɩ tʋ n a Naaŋmɩn yúor zʋmɛ, a Naaŋmɩn na tɛr fãw a bʋ̃-faar á ŋá zu a, ɛcɛ, bɛ bɛ tɩ lɩɛbɩ a bɛ ɩb zɛw a ʋ yúor ɛ.

Yel-wula 13:1

Al pùorí, ɩ̃ tɩ nyɛ̃ nɩ dʋ̃w na yire a kʋ̃ɔ-kpɛ̃ɛ pʋɔ a. Ʋ tɩ tɛr'ɩ ɩ́lɛ́ pie nɩ zuru ayopõi. Nãà-kpawʋɔ mɩ́ tɩ be n a ɩɩl za zu, ɛ́ yúor na ɩ zʋm bɛ tʋ Naaŋmɩn a be a ʋ zuru zu.

2 Korɛ̃tɩ 5:15

Ʋʋ kpi n a bɛ za ƴãw, k'aa nɩ-vʋʋrɩ ta cãà vʋʋrɛ bɛl mɩŋa ƴãw ɛ, ɛ́ vʋʋrɛ a ʋlɩ sob nɛ ƴãw na kpi ɛ́ lɛb yi a bɛ ƴãw a.

Matie 15:6

ʋ bɛ mɩ́ lɛb cãà tɛr a ʋ sãà ƴãwfʋ san ɛ. À ŋá n'a nyɩ mɩ́ ŋmɛ a Naaŋmɩn ƴɛ̀rʋ lɔb, a nyɩ nɩ-kore ciiru zũú.

Ɩzayi 10:15

A lɛr na pɔrɛ nɩ a sob nɛ na cɩɛr'ɩ ʋ a zie bɩɩ? A sɔ-nyɩmɛ na zɛwr'ɩ ʋ tʋɔra a sob nɛ na ɩrɛ ʋ damnɛ a zie bɩɩ? Mɛ̃ a dakpuli-ŋmãa n'ʋ ɩ a sob nɛ na zɛw ʋ a ʋ damnɛ a, bɩɩ mɛ̃ a dabɔl'ʋ zɛw a sob nɛ na bɛ ɩ dàa bom a!

Sɛb-sõw yielu 49:6

Bʋnʋ ƴãw n'a ɩ̃ na zɔrɛ dɛ̃bɩ̃ɛ a bibi-faar na mɩ́ wa vɩɛ a? A lɛn daar nɩsaal-libelibe na mɩ́ wa viiri koli mɛ̃ bɔbr a ɩ̃ faa a?

Sɛb-sõw yielu 52:1

Yiel-yielbɛ nɩ-kpɛ̃ɛ sɛbɛ pʋɔ yielu. Daviir yielu kãw na wule yã a.

Luka 6:35

A nyɩɩm n'a, nyɩ nɔnɛ a nyɩ dɔ̃ dem, nyɩ maalɛ bɛ vla ɛ́ pɛ̃wn bɛ a nyɩ bome, ɛ́ ta gùre kɛ́ bɛ mɩ̀ mɩ́ wa ɩ nyɩ a lɛ yáa a san ɛ. Lɛn daar'a a nyɩ sã-ya na ɩ bɛ́rʋ, ɛ́ nyɩ mɩ̀ ɩ a Naaŋmɩn-na-do-saa-bɛ-pɩɛl-a bibiir, ʋl na ɩ nɩ-vla a po-to-dem zie, nɩ a bɛlɩ dem zie fʋ na mɩ́ maalɩ vla ɛ́ bɛ bɛ ŋmɛlɛ kaar fʋ a.

1 Timote 1:9

Tɩ bãw a yel ŋa pɛr vla: nɩ-mɩŋa ƴãw bɛ n'a a Naaŋmɩn wulu be ɩ, bɛ-wonbɛ nɩ nɩ-gaarɩ ƴãw n'a, nɩbɛ na bɛ zɔrɛ Naaŋmɩn a, nɩ yel-bier-maalbɛ, bɛlɩ dem na bɛ ƴãwnɛ Naaŋmɩn nɩ a bʋ̃-son a ƴãw n'a, sãà-kʋrbɛ nɩ mã-kʋrbɛ, nɩ-kʋrbɛ,

2 Pɩɛr 2:10

Ɛ́ baa zuo a za, ʋ na ƴãw nɩ dɔwrʋ a bɛlɩ dem na mɩ́ zɔrɛ tuur a ƴã-gan nʋ̃ɔ̀, a bɛ pɩ̃ɔ-yele tɩɛr-faa zũú, ɛ́ bɛ tobr bɛ ka be a Sore nɩ-kpɛ̃ɛnʋ ƴãw a. Bɛ kpɛ n pʋra ɛ́ ɩ pɔ̀lʋ dem, bɛ bɛ zɔrɛ dɛ̃bɩ̃ɛ a salom zu dem na tɛr yúor-vɩɛlʋ-danʋ a tʋb ƴãw ɛ.