2 Timote 2:24 - A SƐB-SÕW

²⁴ Ɛcɛ Sore tõ-tõ-bie bɛ sɛw kɛ́ ʋlɛ nɩ nɩr zɛbr taa ɩ. A sɛw na k'ʋʋ tɛr nɔ̃wfʋ a nɩbɛ za ƴãw, k'ʋʋ tʋ̃ɔ́ wule a nɩbɛ, ɛ́ sàwr dier a nɩbɛ po-to-yele.

2 Timote 2:24 Referans Kwoze

Títɩ̀ 3:2

Kɛ́ bɛ ta tʋʋr nɩr za ɩ, kɛ́ bɛ ciir nɔhaarʋ ɛ́ tɛr su-ɓaarʋ ɩb, ɛ́ ɩ nɩsaal-bàalʋ kʋralɛ a nɩbɛ za zie.

Títɩ̀ 1:7

Bʋ̃ʋ n'ʋ vɛ̃, a fɛr'a k'aa Lãw-yir-kaarɛ ta tɛr sãwna bɛ yere ɩ, ʋ na kaarɛ a Naaŋmɩn yele zie a ƴãw: ʋ ta ɩrɛ pɔ̀lʋ ɛ, ta ɩ suur sob ɛ, ʋ ta ɩ dã-nyúure nɩ nɔ-haa-bɔbrɛ ɩ, ʋ ta ɩrɛ nyãnyu-ɩb ɛ.

1 Timote 6:11

Fʋ̃ʋ a, Naaŋmɩn nɩr i, zɔrɛ dɛrɛ a yele á ŋá. Tu a mɩnʋ pùor, a Naaŋmɩn ƴãwfʋ, a naaŋmɩn-sàw-deb, a nɔ̃wfʋ, a kanyir nɩ a su-baalʋ pùor.

Kɔlɔsɩ 3:13

Nyɩ sàw dier taa ɩ-ɩrɩ ɛ́ dɩrɛ suur kʋ̀rɛ taa kãw wa sãw a ʋ tɔ a: mɛ̃ a lɛ a Sore na dɩ suur kʋ̀ nyɩ a, nyɩ mɩ̀ dɩrɛ suur kʋ̀rɛ taa.

Filib 2:14

Bom nɛ za nyɩ na ɩrɛ a, nyɩ ta ɩrɛ zɛbr'ɩ bɩɩ ŋmɩɛr'ɩ nɔkpɛn ɛ,

Filib 2:3

Nyɩ ta ɩrɛ bom nɩ cier-taa yã bɔbr'ɩ yúor ɛ. Ɛcɛ, nyɩ ɩrɛ nɩ tʋɔra-siwru, ɛ́ mɩ́ sàw kɛ́ a nyɩ taabɛ zuo nyɩ na.

Efɛɛzɩ 4:2

Nyɩ tɛr nyɩ tʋɔra-siwru yaga, nyɩ tɛr su-baalʋ nɩ su-nyɔwra, nyɩ dier taa sãwna bɛrɛ nɩ nɔ̃wfʋ.

1 Pɩɛr 3:8

Ɩ̃ pãa yere na kʋ̀rɛ nyɩ za, nyɩ lãw taa tɩɛrʋ: nyɩ sõwne taa a kpɩɛrʋ pʋɔ, nyɩ nɔnɛ taa mɛ̃ yɛbr a, nyɩ ɩ su-ɓaarʋ nɩbɛ, nyɩ siwre nyɩ tʋɔra.

Zakɩ 3:17

Ɛcɛ a yã-bãwfʋ na yi a Naaŋmɩn zie a, ʋ mɩ́ de nɩ niwn ɩ vɩɛlʋ tɛwr, al pùorí ʋ ɩ ƴã-ɓaarʋ, su-nʋ̃ɔ̀, nʋɔr-sàwfʋ. Ʋ mɩ́ ɩ n nɩbaal-zɔba nɩ ɩ-vɩɛlɩ tɛwr. Ʋ bɛ mɩ́ owre ɩ, ɛ́ bɛ sɔwlɛ a ʋ pʋ-tɩɛrʋ ɛ.

Títɩ̀ 1:9

A fɛr'a k'ʋʋ tu a ƴɛ̀rʋ na sɛwnɩ sàw deb a pùor sɩza, mɛ̃ a lɛ a wulu na bin a. À ŋá n'a ʋ na tʋ̃ɔ́ kpaalɛ a nɩbɛ a wul-vla pʋɔ, ɛ́ wule a bɛ tulu a bɛlɩ dem na ŋmɩɛr a ʋ ƴɛ̀rʋ lɔbr a.

2 Korɛ̃tɩ 10:1

A mãa Pol bɛ na yel k'ɩ̃ɩ mɩ́ siwre nɩ ɩ̃ tʋɔra yaga za mãa wa be a nyɩ sɔgɔ a, ɛ́ kpɛ pʋra a lɛn daar ɩ̃ na mɩ́ wa zãá a, mãa tɔr za n'ʋ kpaalɛ nyɩ a Kɩrɩta su-baalʋ nɩ a ʋ vɩɛlʋ zũú:

Nɩ-toni 7:26

A bio daarɩ́, ʋ tɩ nyɛ̃ nɩ Ɩsɩrayɛl bʋʋrɛ nɩbɛ ayi bɛ pɔbr taa, ʋ yel k'ʋʋ faarɩ bɛr. Ʋ tɩ yel bɛ na: “Ɩ̃ bá mɩnɛ ɛ, nyɩ ɩ n yɛbr, bʋ̃ʋ n'ʋ so nyɩ dɔwrɛ taa?”

Matie 12:19

Ʋ kʋ̃ ŋmarɛ zɛbr ɛ, kʋ̃ ɩrɛ gɔmɛ ɩ, bɛ kʋ̃ wõ a ʋ kɔkɔr a nɩ-yaga tuor-taa ziir ɛ.

Zakɩ 4:2

Nyɩ mɩ́ nyɛ̃ nɩ bom bɔbr ʋ ɛ́ kʋ̃ tʋ̃ɔ́ páw ʋ ɛ, a ɩ kʋ-taa nɩ nyuur, ɛ̀ nyɩ zɛbr taa ɛ́ tawr taa zawlalɛ. Bʋ̃-kãw vʋla mɩ́ kpɩɛr nyɩ na, ɛ́ nyɩ kʋ̃ tʋ̃ɔ́ páw ʋ ɛ, lɛ n'a nyɩ mɩ́ ìr'ɩ a zɛb-taa nɩ a taw-taa. Nyɩ bɛ tɛr a ɩ, nyɩ na bɛ zɛlɛ a Naaŋmɩn zie a ƴãw.

Zakɩ 1:1

A mãa Zakɩ na ɩ a Naaŋmɩn nɩ a Sore Yeezu Kɩrɩta tõ-tõ-bie a, ɩ̃ puore nɩ a Naaŋmɩn nɩ-bʋʋrɛ na yaarɩ be a tẽ-daa za zu a.

Ɩzayi 40:11

Ʋ àrɛ nɩ nɩ a ʋ dʋn mɛ̃ pi-cɩ̃ɩnɛ a, ʋ mɩ́ zɛw nɩ a nũu kpa a ɓã taa, ʋ mɩ́ nyɔw nɩ a péli ɓori ɓori ɛ́ kparɛ a pi-mã mɩnɛ bɛ̀lbɛ̀l.»

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:3

Ɩ̃ bá mɩnɛ ɛ, ɩ̃ tɩ bɔbr'a nɩ ɩ̃ pʋɔ za, k'ɩ̃ɩ sɛb nyɩ manɩ a faafʋ tɩ za na lãw a yele kʋ̀ nyɩ. Ɛcɛ a wa ɩ fɛrʋ k'ɩ̃ɩ tɩr a sɛbɛ ŋa kʋ̀ nyɩ, yel kʋ̀ nyɩ kɛ́ nyɩ ƴãw fãw mʋɔr a sàw-deb a Naaŋmɩn na kʋ̀ a ʋ nɩbɛ daƴen daadaa a ƴãw.

Nɩ-toni 23:9

A be za tɩ ɩ n gɔmɛ tɛwr. Naaŋmɩn wulu sɛ-sɛbrbɛ bɛ mɩnɛ kãw na tɩ ɩ Faarizɩ̃ɛ mɩnɛ a, tɩ ìr'a de a ƴɛ̀rʋ tanɩ kpɛ̃w za yel: «Tɩ bɛ nyɛ̃ sãwna kãw za a nɩr ŋa zie ɩ. Ɛ́ vʋʋrʋ kãw bɩɩ malkɩ wa n'ʋ ƴɛ̀r a ʋ zie?»

Títɩ̀ 1:1

Mãa Pol, na ɩ Naaŋmɩn tõ-tõ-bie nɩ Yeezu Kɩrɩta nɩ-tona a, bɛ ƴãw na k'ɩ̃ɩ ɩ a Naaŋmɩn nɩ-kaa-íri tɛr naaŋmɩn-sàw-deb ɛ́ bãw a yel-mɩŋa na tu a Naaŋmɩn ƴãwfʋ a,

Galasi 5:22

Ɛcɛ a Vʋʋrʋ Sõw bom'ɩ: nɔ̃wfʋ, nʋ̃ɔ̀, ƴã-ɓaarʋ, su-nyɔwra, vɩɛlʋ, nɩ-vla-ɩb, naaŋmɩn-sàw-deb,

2 Korɛ̃tɩ 10:4

A tɩ zɛbr bome bɛ yi nɩsaalbɛ zie ɩ, Naaŋmɩn zie n'a a tɩ zɛbr bome fãw yi, k'aa tʋ̃ɔ́ mɩ́ ŋmɛ a yir-kpɛn lɔb. Tɩ mɩ́ ŋmɛ n a tɩɛrʋ na bɛ tu yel-mɩŋa a lɔb,

Nɩ-toni 15:2

A tɩ ɩ n taw-taa gã, ɛ́ nɔkpɛn na bɛ vɩɛl a be a Pol nɩ a Banabasɩ nɩ a nɩbɛ bɛl cara pʋɔ. Lɛ n'a bɛ pãa tɩ wõ taa, ɛ́ yel kɛ́ a Pol nɩ a Banabasɩ nɩ nɩbɛ bɛ mɩnɛ na do n a Zerizalɛm, tɩ páw a nɩ-toni nɩ a nɩ-kore a taw-taa ŋa ƴãw.

2 Bibie za yel-manɩ 24:6

A lɛ n'a a nãà tɩ bʋɔlɩ a bàwr-maal-kara Yehoyada wa yel ʋ: «Bʋ̃ʋ n'ʋ so fʋ bɛ fɛr a levitɩ mɩnɛ ƴãw bɛ wa n a Zerizalɛm nɩbɛ nɩ a Zuda nɩbɛ zuru-yar, a Sore tõ-tõ-bie Moyiir nɩ a Ɩsɩrayɛl lãw nɩbɛ na ƴãw càar'ɩ a pɛn-sɛw na tɛr a wõ-taa kʋsɛ-pamɛ a?

Wulu-ayi-sob 34:5

A Sore tõ-tõ-bie Moyiir tɩ kpi n a be, a Mowab tẽw, mɛ̃ a lɛ a Sore na yel a.

Zã 6:52

A lɛ n'a a Zifʋ mɩnɛ tɩ ŋmɩɛr nɔkpɛn yaga yaga a bɛ cara pʋɔ yere nɩ: «Ŋmɩŋmɩn n'a a nɩr ŋa na tʋ̃ɔ́ kʋ̀ tɩ a ʋ ƴã-gã-nɛn tɩ 'wɔb?»

Zozue 1:1

A Sore tõ-tõ-bie Moyiir kũu pùorí a, a Sore tɩ yel'ɩ a Moyiir sõwne, Zozue, na ɩ Nun bidɛb a:

2 Korɛ̃tɩ 6:4

Tɩ nɩ̃ɛ na bɔbr kɛ́ tɩ sɩrɩ sãá ɩ Naaŋmɩn tõ-tõ-biir a yele za pʋɔ: tɩ dɩrɛ nɩ kanyir yaga ɛ́ tɛr tʋɔra-nyɔwfʋ a kpɩɛrʋ pʋɔ, a fɛrʋ pʋɔ nɩ a pʋl-vʋ̃ɔ daar.