2 Samɩɛl 8:6 - A SƐB-SÕW

⁶ A Daviir tɩ zɩɩl'ɩ na-kpɛ̃ɛ-lɩɛrbɛ a Siiri tẽw dem ƴãw, bɛ lɩɛbɩ a Daviir tõ-tõ-biir, a fɛr kɛ́ bɛ yarɛ zu-yar. Zie nɛ za a Daviir na mɩ́ tɩ cen a zɛbr a, a Sore mɩ́ tɩ ɩ na ʋ zɛb tʋ̃ɔ́.

2 Samɩɛl 8:6 Referans Kwoze

2 Samɩɛl 8:14

Ʋ tɩ zɩɩl'ɩ na-kpɛ̃ɛ-lɩɛrbɛ a Edɔm tẽw. A Edɔm tẽw za pʋɔ n'a ʋ tɩ zɩɩl'ɩ na-kpɛ̃ɛ-lɩɛrbɛ, ɛ́ a Edɔm tẽw dem za lɩɛbɩ a Daviir tõ-tõ-biir. À ŋá n'a a Sore mɩ́ tɩ ɩ a Daviir zɛb tʋ̃ɔ́, zie nɛ za ʋ na mɩ́ cen a zɛbr a.

Sɛb-sõw yielu 140:7

Ɛcɛ ɩ̃ yel'ɩ a Sore: «Fʋ ɩ n a ɩ̃ Naaŋmɩn! Sore e, ƴãw tobr a ɩ̃ yãayãa zɛlʋ ƴãw.

2 Bibie za yel-manɩ 17:2

Ʋ tɩ ƴãw nɩ sojarɩ a Zuda tẽ-kpɛn kpɛn za pʋɔ, ɛ́ zɩɩlɩ na-kpɛ̃ɛ-lɩɛrbɛ a ʋ naalʋ-tẽw pʋɔ nɩ a ten al a ʋ sãà Asa na tɩ zɛb de a Efarayim nɩbɛ zie a pʋɔ.

2 Samɩɛl 7:9

Mãa nɩ fʋ̃ʋ tɩ nɛbɛ, zie nɛ za fʋ na tɩ cere a, ɩ̃ kʋ n a fʋ dɔ̃ dem za, a fʋ niŋé. Ɩ̃ na ɩ na a fʋ yúor yi, man a tẽw ŋa zu nɩ-yée yée.

Zʋkpaɩ 21:31

Bɛ mɩ́ cɔbr'ɩ a wie a zɛbr bibir ƴãw, ɛcɛ a Sore n'ʋ mɩ́ ɩ bɛ zɛb tʋ̃ɔ́.

1 Bibie za yel-manɩ 18:13

Ʋ tɩ zɩɩl'ɩ na-kpɛ̃ɛ-lɩɛrbɛ a bɛ zu, ɛ́ a Edɔm tẽw dem lɩɛbɩ a Daviir tõ-tõ-biir. À ŋá n'a a Sore mɩ́ tɩ ɩ a Daviir zɛb tʋ̃ɔ́ zie nɛ za ʋ na mɩ́ cen a zɛbr a.

2 Samɩɛl 23:14

A Daviir tɩ be n a ʋ sɔwlʋ zie, ɛ́ Filisɩtɛ̃ bɛ mɩnɛ tɩ be a Bɛtɩlɛm.

2 Samɩɛl 8:2

Ʋ mɩ̀ tɩ zɛb'a tʋ̃ɔ́ a Mowab tẽw dem. Ʋ tɩ fɛr bɛ na ƴãw bɛ gã pɩɛrɩ tẽw, ʋʋ bʋ́r bʋ́r bɛ nɩ miw-máná. Ʋ tɩ kʋ n ziir ayi nɩbɛ, ɛ́ bɛr a ziir ata sob dem. Lɛ n'a a Mowab tẽw dem tɩ lɩɛbɩ a Daviir tõ-tõ-biir, a fɛr kɛ́ bɛ mɩ́ ya zu-yar.

2 Samɩɛl 3:18

A daar'ɩ à ŋà, nyɩ ɩ ɩb kãw. Bʋ̃ʋ n'ʋ vɛ̃, à ŋá n'a a Sore yel a Daviir ƴãw: “A ɩ̃ tõ-tõ-bie Daviir zie n'a ɩ̃ na tu faa a ɩ̃ nɩ-bʋʋrɛ Ɩsɩrayɛl a Filisɩtɛ̃ mɩnɛ nuru pʋɔ, nɩ a bɛ dɔ̃ dem za nuru pʋɔ.”»

1 Samɩɛl 14:15

Dɛ̃bɩ̃ɛ tɩ n'a a Filisɩtɛ̃ mɩnɛ bɛl na tɩ cãà be a laɩ pʋɔ a zie, nɩ a kura pʋɔ nɩbɛ nɩ a nɩbɛ za zie. Dɛ̃bɩ̃ɛ mɩ̀ tɩ nyɔw nɩ a soja-zi-gùrbɛ nɩ a soja-zi-sãwnbɛ. A tẽsɔw tɩ dam'a, a dɛ ɩ dɛ̃bɩ̃-kpɛ̃ɛ.

1 Samɩɛl 14:6

A Zonatã tɩ yel'ɩ a ʋ zɛbr bʋ̃-tɛrɛ: «Wa, tɩ cen tɩ ta a yɔ-ɓile dem bɛ ŋa zie. A mɩnɛ kãw, a Sore na sõw tɩ na. Yel-mɩŋa n'a, tɩ yãwmɛ na bɩɩ tɩ ɩ n pʋrɩlɛ a, a Sore na tʋ̃ɔ́ na ɩ tɩ zɛb tʋ̃ɔ́.»

1 Samɩɛl 14:1

Bibir kãw, a Sawul bidɛb, Zonatã, tɩ yel'ɩ a ʋ tõ-tõ-bi-pɔl na mɩ́ tɛr a ʋ zɛbr bome a: «Wa, ɩ tɩ cen tɩ ta a Filisɩtɛ̃ mɩnɛ sojarɩ na be a ka lowr a zie.» Ɛcɛ ʋ bɛ tɩ yel kʋ̀ a ʋ sãà ɩ.

1 Samɩɛl 13:3

Bibir kãw, a Zonatã tɩ kʋ n a Filisɩtɛ̃ mɩnɛ nãà-lɩɛrɛ na tɩ be a Geva a. A Filisɩtɛ̃ mɩnɛ tɩ wõ a na. Lɛ n'a a Sawul tɩ ƴãw bɛ pɛblɩ wɩ́ɛ a tẽw za pʋɔ yel à ŋá: «A Ebre mɩnɛ, bɛ wõ a yel ŋa.»

2 Samɩɛl 8:7

A Daviir tɩ de nɩ a salm-zɩɛ zɛbr-kur-pãgalɩ a Hadadezɛɛr sojarɩ na tɩ tɛr a cen nɩ a Zerizalɛm.

2 Samɩɛl 10:19

A na-mɩnɛ bɛl za a Hadadezɛɛr na tɩ so a na tɩ nyɛ̃ a Ɩsɩrayɛl nɩbɛ zɛb tʋ̃ɔ́ bɛ a, bɛ tɩ ɩ na bɛlɛ nɩ a Ɩsɩrayɛl maalɩ ƴã-ɓaarʋ wõ-taa, ɛ́ bɛ lɩɛbɩ a Ɩsɩrayɛl nɩbɛ tõ-tõ-biir. Lɛ n'a a Siiri tẽw dem tɩ zɔrɛ dɛ̃bɩ̃ɛ a Amɔ̃ tẽw dem lɛb-sõwfʋ ƴãw.

2 Samɩɛl 5:10

À ŋá n'a a Daviir tɩ tɛrɛ fãw dɔwlɛ, a Sore, a Kpɛnʋ-za-sob na tɩ be a ʋ zie a ƴãw.

2 Na-mɩnɛ 1:1

A nãà Akab kũu pùorí a, a Mowab tẽw dem bɛ tɩ cãà sàw a Ɩsɩrayɛl tẽw naalʋ-dɩb a bɛ zu ɛ.

2 Na-mɩnɛ 3:4

A Mowab tẽw nãà, Mesa, tɩ tɛr'ɩ píir. Yũon za a, a mɩ́ tɩ fɛr'a ʋ ya a san a Ɩsɩrayɛl tẽw nãà na ŋmãa kʋ̀ ʋ a: péli tùr-kʋba (100 000) nɩ píir tùr-kʋba (100 000) lãwnɩ a kɔblʋ.

2 Na-mɩnɛ 14:28

A Zerobowam yele al na cɛ a, a alɩ bome nɛ za ʋ na ɩ a, a ʋ gãda-tome, a zɛbr ʋ na zɛb a, a lɛ ʋ na ɩ a Ɩsɩrayɛl lɛb so a Damasɩ nɩ a Hamatɩ, a Daviir naalʋ-tẽw na tɩ dãw so a, a sɛb'ɩ a «Ɩsɩrayɛl tẽw na-mɩnɛ ɩ-ɩrɩ sɛbɛ» pʋɔ.

2 Na-mɩnɛ 18:7

A Sore tɩ be n a Ezekɩasɩ zie, kɛ̀ bom za ʋ na ɩrɛ a tuur ʋ. A Ezekɩasɩ bɛ tɩ cãà sàw a Asiiri tẽw nãà nɩ-kpɛ̃ɛnʋ a ʋ zu ɛ, bɛ cãà sàw ʋ so ʋ ɛ.

Sɛb-sõw yielu 60:10

Mowab n'ɩ a ɩ̃ kʋ̃ɔ-so-laa, ɩ̃ lɔb'ɩ a ɩ̃ nafaga dɔwlɩ a Edɔm tẽw zu. Ɩ̃ ŋmɩɛr'ɩ a zɛbr cɛl a Filisɩtɛ̃ tẽw ƴãw.»