2 Samɩɛl 7:6 - A SƐB-SÕW

⁶ Bʋ̃ʋ n'ʋ vɛ̃, a ʋlɩ bibir ɩ̃ na ɩ a Ɩsɩrayɛl nɩbɛ yi a Eziptɩ wa tɔ a dɩ̃a a, ɩ̃ bɛ dãw kpɛ yir pʋɔ ɩ: pɛn-sɛw pʋɔ n'a ɩ̃ tɩ kpɩɛr, ɛ́ mɩ́ yi ka tɩ sãá ka.

2 Samɩɛl 7:6 Referans Kwoze

1 Na-mɩnɛ 8:16

“Mãa n'ʋ ɩ a ɩ̃ nɩ-bʋʋrɛ Ɩsɩrayɛl ʋ yi a Eziptɩ tẽw. A ʋlɩ bibir nɛ wa tɔ a dɩ̃a a, ɩ̃ bɛ kaa ír tẽ-kpɛ̃ɛ kãw za, a Ɩsɩrayɛl tẽw tẽ-bɛrɛ za pʋɔ, kɛ́ bɛ ŋmãa Ŋmɩn-yir-kpɛ̃ɛ, ɩ̃ mɩ́ be a be ɩ. Ɛcɛ ɩ̃ kaa na ír fʋ, a fʋ̃ʋ Daviir, kɛ́ fʋ ɩ a ɩ̃ nɩ-bʋʋrɛ Ɩsɩrayɛl nɩ-kpɛ̃ɛ.”

Zozue 18:1

A Ɩsɩrayɛl nɩbɛ lãw za tɩ ɓã n taa a Silo, ɛ́ maalɩ a tuor-taa pɛn-sɛw a be. Bɛ tɩ so nɩ a tẽw baarɩ.

Yel-wula 2:1

«Sɛb yel a Efɛɛzɩ tẽw Lãw-yir malkɩ: À ŋá n'a a sob nɛ na tɛr a ŋmar-bie ayopõi a ʋ dʋrʋ nũú ɛ́ cere a salm-zɩɛ fɩ̃tɩlɩ ayopõi sɔgɔ a yere:

2 Korɛ̃tɩ 6:16

Bʋ̃ʋ wõ-taa n'a na tʋ̃ɔ́ be a Naaŋmɩn yir nɩ a tɩbɛ cara pʋɔ? Bʋ̃ʋ n'ʋ vɛ̃, tɩmɛ nɛbɛ ɩ a Naaŋmɩn na vʋʋrɛ a yir, mɛ̃ a lɛ a Naaŋmɩn tɔr za na yel a: «Ɩ̃ na kpɩɛr'ɩ a bɛ pʋɔ, ɛ́ cere a bɛ sɔgɔ, ɩ̃ na ɩ n a bɛ Naaŋmɩn, ɛ́ bɛ ɩ a ɩ̃ nɩ-bʋʋrɛ.»

Nɩ-toni 7:44

A wɛja-kpalɛ pʋɔ a, a tɩ sãàkʋm-kore tɩ tɛr'ɩ a Naaŋmɩn Wõ-taa pɛn-sɛw. A Naaŋmɩn tɩ yel'a kʋ̀ a Moyiir k'ʋʋ maalɩ a pɛn-sɛw ŋa ʋ ŋmɛ̃ taa nɩ a ʋl ʋ na tɩ nyɛ̃ a.

Wulu-ayi-sob 23:14

Soja za na mɩ́ tɛr'ɩ kùle a ʋ bome pʋɔ. Ʋlɛ wa cen a sɩmanɩ́ a, ʋ na mɩ́ tuw nɩ nɩ bɔw, ɛ́ ga tanɛ pàw a ʋ bine a pùorí.

2 Samɩɛl 11:11

A Uuri tɩ sɔw ʋ na: «A wõ-taa daga, a Ɩsɩrayɛl nɩ a Zuda zɛbr-nɩbɛ kpɩɛr'ɩ sɛwr pʋɔ. A ɩ̃ nɩ-kpɛ̃ɛ Zowab nɩ a fʋ sojarɩ nɩ-bɛrɛ ganɛ nɩ wɛrʋ pʋɔ, ɛ́ mãa na kul a ɩ̃ yir tɩ dɩ, ɛ́ nyũ, ɛ́ gã nɩ a ɩ̃ pɔw ɩ? Fʋ na vʋʋrɛ a zũú, ɩ pɔ n fʋ na, ɩ̃ bɛ be za na maalɩ a yel ŋa tɔ ɩ.»

Ƴɛ̀r-dɩrbɛ 20:27

A lɛn daar, a Naaŋmɩn wõ-taa daga tɩ be n a Betɛl. Eleazaar bidɛb, Pɩnasɩ, na ɩ Aarɔ̃ yãw a, ʋlɛ n'ʋ tɩ kaarɛ a ʋ zie. A Ɩsɩrayɛl nɩbɛ tɩ sowri a Sore kɛ́ bɛ bãw, bɛ na tʋ̃ɔ́ na cen tɩ zɛb'ɩ a bɛ yɛbr, a Bɛ̃zamɛ dɔwlʋ nɩbɛ, bɩɩ bɛ ta cen. A Sore tɩ sɔw bɛ na: «Nyɩ cen, bio, ɩ̃ na ƴãw bɛ nɩ a nyɩ nũú.»