2 Samɩɛl 23:5 - A SƐB-SÕW

⁵ Nyɛ̃ a lɛ a Naaŋmɩn na ɩ a ɩ̃ yir ƴãw a: ʋ bin nɩ wõ-taa na bɛ tɛr baarʋ a, mãa nɩ a ʋl cará, ʋ bin ʋ na nɩ tub na gù ʋ a. A yele za pʋɔ a, ʋ mɩ́ ɩ na ɩ̃ zɛb tʋ̃ɔ́, ʋ mɩ́ maal'ɩ a ɩ̃ pʋ-tɩɛrʋ.

2 Samɩɛl 23:5 Referans Kwoze

Ɩzayi 55:3

Nyɩ ƴãw tobr ɛ́ wa a ɩ̃ zie. Nyɩ bɛrɛ wone, ɛ́ nyɩ na vʋʋrɛ na. A Sore yere na: «Ɩ̃ na maal'ɩ nyɩ nɩ wõ-taa na na be be kʋralɛ a. Ɩ̃ na tu n nyɩ nɩ a maalʋ ɩ̃ na yel k'ɩ̃ɩ na kʋ̀ n a Daviir a.

Zeremi 32:40

Ɩ̃ na maal'ɩ bɛ nɩ wõ-taa na be kʋralɛ a. Ɩ̃ kʋ̃ lɛb pùor ɛ́ bɛr bɛ towtow ɛ, ɩ̃ na tuur bɛ nɩ kʋralɛ, maalɛ bɛ vla. À ŋá n'a bɛ na ƴãwnɛ mɛ̃ yaga za, ɛ́ bɛ kʋ̃ lɛb taw zãá nɩ mɛ̃ towtow ɛ.

Ebre 13:20

A ƴã-ɓaarʋ Naaŋmɩn ɩ na a tɩ Sore Yeezu na lɩɛbɩ a pi-cɩ̃ɩn-kpɛ̃ɛ, a zɩ̃ɩ ʋ na cir bin nɩ Wõ-taa na be kʋralɛ a ƴãw a, ʋ ɩ na ʋ lɛb yi a kũuni pʋɔ.

Ebre 6:19

A tɩɛrʋ ŋa a Naaŋmɩn ƴãw a, ʋ ɩ na mɛ̃ a tɩ nyɔ-vʋʋrʋ gbor kpawbir a, bʋnʋ bɛ ka a ʋ ƴãw ɛ, ʋʋ kpɛmɛ, ɛ́ mɩ́ tɔl kpɛ a zi-sõw pʋ̃ɔmɩ za, a pɛn na yawlɩ a pùorí,

Nɩ-toni 13:34

A Naaŋmɩn tɩ dãw na yel k'ʋʋ na ɩ na ʋ lɛb yi a kũu pʋɔ taa wa bãwnɛ pʋ̃ɔ́fʋ ɛ. À ŋá n'a ʋ tɩ dãw ƴɛ̀r a yel ŋa ƴɛ̀rʋ: “Ɩ̃ na kʋ̀ nyɩ nɩ maalʋ na ɩ son ɛ́ bɛ tɛr bʋnʋ a, ɩ̃ na tɩ ƴãw nʋɔr k'ɩ̃ɩ na kʋ̀ n a Daviir a.”

Amɔsɩ 9:11

«A ʋlɩ bibir nɛ a, ɩ̃ na lɛb'a mɛ a Daviir gùr na lo a, ɩ̃ na fɔb'ɩ a vɛɛ, ɩ̃ na lɛb'a libri a ʋ deboru, ɩ̃ na ɩ na ʋ ìr àr mɛ̃ a dãwdãw a.

Ezekɩɛl 37:26

Ɩ̃ na maal'ɩ nyɩ nɩ ƴã-ɓaarʋ wõ-taa na na be kʋralɛ a. Ɩ̃ na ƴãw nyɩ nɩ a tẽw ŋa pʋɔ ɛ́ ɩ nyɩ yãwmɛ. Ɩ̃ na ɩ n a ɩ̃ zi-sõw be a nyɩ sɔgɔ kʋralɛ.

Ɩzayi 61:8

Bʋ̃ʋ n'ʋ vɛ̃, a mãa Sore a, ɩ̃ nɔnɛ na kɛ́ bɛ mɩ́ nɔnɛ a yel-na-tu-sɔr-a, ɛcɛ ɩ̃ ciir'ɩ a nyãnyu-nɩ-kʋ-ɩb. A na ɩ à ŋá a, ɩ̃ na lɛb'a kʋ̀ nyɩ a bom nɛ a na fɛr kɛ́ nyɩ so a, ɩ̃ na maal'ɩ nyɩ nɩ wõ-taa na na be be kʋralɛ a.»

Ɩzayi 27:6

A nɩdaar na waar a, a Zakɔb bʋʋrɛ na tɛ n nyɩgɛ, a Ɩsɩrayɛl bʋʋrɛ na tɛ n pɩrmɛ ɛ́ pu, bɛ na paal'ɩ a tẽ-daa nɩ a bɛ wɔmɛ.

Ɩzayi 11:1

Bidɛb na yi n a Zese yir pʋɔ, mɛ̃ wuli-pɔl na yi tɩ-kʋra pɛr ƴãw a. Wuli-paala na tɛ n a ʋ nyɩgɛ ƴãw yi.

Ɩzayi 7:14

A na ɩ à ŋá a, a Sore mɩŋa na kʋ̀ nyɩ nɩ bãwfʋ: a pɔwsɩra na tɛr'ɩ pʋɔ dɔw dɛb por ʋ Ɩmanɩɛl, a pɛr lɛ kɛ́ “Ŋmɩn-be-n-tɩ-zie”.

Ɩzayi 4:2

A ʋlɩ bibir nɛ a, a ʋlɩ bom nɛ a Sore na na ɩ ʋ bul a, na ɩ n a ƴãwfʋ nɩ a yúor-vɩɛlʋ-danʋ. Ɛ́ a ʋlɩ bom nɛ a tẽw na na tɩr a, ɩ a Ɩsɩrayɛl nɩbɛ na cɛ a nyʋ̀ʋ́r nɩ a bɛ yúor.

Sɛb-sõw yielu 119:81

Ɩ̃ gù n a fʋ faafʋ tɩ bàl, a fʋ ƴɛ̀rʋ ƴãw n'a ɩ̃ ƴãw a ɩ̃ tɩɛrʋ.

Sɛb-sõw yielu 89:3

Ɩ̃ yere nɩ à ŋá: A fʋ nɔ̃wfʋ be n be kʋralɛ, a fʋ na ŋmɛ̃ fʋ ŋmɛ̃a a kpɛmɛ na gã a salom zu.

Sɛb-sõw yielu 62:2

Naaŋmɩn yõ zie n'a a ɩ̃ pɩ̃ɛnʋ be, ʋl zie n'a a ɩ̃ faafʋ yire,

Sɛb-sõw yielu 27:4

Bʋ̃-been yõ n'ʋ ɩ̃ zɛlɛ a Sore zie, bʋ̃-been yõ ɩ̃ na bɔbr tuotuo a: ɩ̃ kpɩɛr a Sore yir pʋɔ a ɩ̃ bibi-vɩɛrɩ za, tʋ̃ɔ́ úore a Sore vɩɛlʋ ɛ́ puore a ʋ yir pʋɔ.

1 Na-mɩnɛ 12:14

tu n a yã a ʋ pɔ́l-taabɛ na wul ʋ a. Ʋ tɩ yel'a: «Ɩ̃ sãà tuo nyɩ nɩ tuor na tɩbrɛ a, mãa na tuo nyɩ nɩ tuor na tɩbrɛ zuo lɛ a. Ɩ̃ sãà fɔb'ɩ nyɩ nɩ fʋb-zawlɛ kpãà nyɩ, mãa na fɔb'ɩ nyɩ nɩ fʋbr na tɛr kure a kpãà nyɩ.»

1 Na-mɩnɛ 11:38

Fʋ̃ʋ wa bɛrɛ wone a lɛ za ɩ̃ na na yel kʋ̀ b a, fʋ̃ʋ wa tuur a sɔ́r ɩ̃ na na wul fʋ a, fʋ̃ʋ wa ɩrɛ vla a ɩ̃ zie a, fʋ̃ʋ wa sàwr a wulu nɩ a nɛ-ƴãwnɩ ɩ̃ na na kʋ̃ b a, mɛ̃ a lɛ a ɩ̃ tõ-tõ-bie Daviir na tɩ ɩrɛ a, a lɛn daar a, ɩ̃ na be n a fʋ zie, ɩ̃ na zɩɩl'ɩ a naalʋ ʋ kpɛmɛ a fʋ yir pʋɔ, mɛ̃ a lɛ ɩ̃ na ɩ a Daviir ƴãw a. Ɩ̃ na kʋ̀ b ɩ a Ɩsɩrayɛl nɩbɛ dɔwlʋ pie,

1 Na-mɩnɛ 1:5

A ʋlɩ vuo nɛ pʋɔ a, a Adonɩasɩ na ɩ a Daviir nɩ Agitɩ bidɛb a, tɩ ìr'a ɩrɛ nãà bie ɩb yere nɩ à ŋá: «Mãa n'ʋ na ɩ a nãà!» Ʋ tɩ bɔ n torkori nɩ wie nɩ nɩbɛ lɩz'a ayi nɩ pie na mɩ́ zɔrɛ a ʋ torko niŋé a.

2 Samɩɛl 18:14

A Zowab tɩ yel'a: «Ɩ̃ bɛ àrɛ a fʋ zie ka zawlalɛ ɩ!» Ʋ tɩ de nɩ dà-nɔ-cɩlsɩ ata tɩ cɔ̀r a kpɛ a Abɩsalɔm na tɩ cãà yawlɩ a tɩɛ zu bɛ kpi sɛr a socirí.

2 Samɩɛl 13:28

Al pùorí, ʋ tɩ yel'ɩ a ʋ tõ-tõ-biir à ŋá: «Nyɩ piwre a Amɩnɔ̃ vla! A divɛ̃ wa ɩ nʋ̃ɔ̀ kpɩɛr ʋ a, ɩ̃ na yel nyɩ na: “Nyɩ ŋmɛ a Amɩnɔ̃!”, nyɩ ŋmɛ ʋ kʋ a lɛn daar. Nyɩ ta zɔrɛ dɛ̃bɩ̃ɛ ɩ, mãa n'ʋ yel kɛ́ nyɩ ɩ a lɛ. Nyɩ kpɛ socir, ɛ́ wul kɛ́ dɛbr n'ɩ nyɩ!»

2 Samɩɛl 13:14

Ɛcɛ a Amɩnɔ̃ bɛ tɩ bɛr wõ a ʋ dem ɛ. Ʋ tɩ nɛ̃ ʋ na bin nɩ fãw, ɛ́ fɛr gã nɩ ʋ.

2 Samɩɛl 12:10

A na ɩ à ŋá a, dɩ̃a na ta a, kũu-kpɛ̃w na kʋrɛ nɩ a fʋ yir pʋɔ kʋralɛ, fʋ na bɛ bʋɔlɩ mɛ̃ nɩr, ɛ́ de a Hititɩ dɔɔ Uuri pɔw ʋ ɩ a fʋ pɔw a.

2 Samɩɛl 7:18

Lɛ n'a a nãà Daviir tɩ cen tɩ zɩ̃ a Sore niŋé, ɛ́ yel ʋ à ŋá: «Sore Naaŋmɩn i, mãa mɩ̀ n'ɩ anʋ, ɛ́ a ɩ̃ yir'ɩ buor ɛ̀ fʋ sàw maalɩ tɩ à à ŋá?

1 Samɩɛl 25:28

Ɩ̃ zɛlɛ fʋ na, yãayãa, dɩ a ɩ̃ sãwna suur kʋ̀ m. Sɩza n'a, a Sore na ɩ n a fʋ yir dɩrɛ naalʋ kʋralɛ, bʋ̃ʋ n'ʋ vɛ̃, a ʋl ƴãw n'a fʋ zɛbr a zɛbr, ɛ́ bɛ bɛ nyɛ̃ faa kãw za a fʋ zie a fʋ cãafʋ daar za ɩ.

1 Samɩɛl 2:35

Al pùorí, ɩ̃ na kaa na ír bàwr-maalɛ na bɛ lɛbr pùor a, a ɩ̃ ƴãw. Ʋ na ɩrɛ nɩ lɛ za ɩ̃ na bɔbr a. Ɩ̃ na kʋ̀ ʋ nɩ nɩbɛ na ɩrɛ bàwr-maalbɛ lɩɛrɛ taa bɛ tɛr bɛ́rʋ a, bɛ pɩɛlɩ a ɩ̃ nɩ-kabra.

Yele-za-pɛr-tib 9:16

A sa-gõguo na mɩ́ be n a zũzuwe pʋɔ, ɩ̃ɩ na mɩ́ jɩ́r ʋ na lɛb bãwnɩ a wõ-taa ɩ̃ na ƴãw ʋ be kʋralɛ mãa nɩ a tẽw zu bʋ̃-vʋʋrɩ bʋʋrɛ za cara pʋɔ a.»

2 Samɩɛl 7:12

A fʋ daar wa ta fʋ lɛb cen tɩ páw a fʋ sãà mɩnɛ a, a fʋ bidɛb kãw n'ʋ ɩ̃ na kaa ír, ʋ lɩɛrɩ fʋ ɩ a nãà, ɩ̃ɩ na zɩɩl'ɩ a ʋ naalʋ, ɛ́ ʋ kʋ̃ bãw damnʋ ɛ.

Ɩzayi 54:10

A tan saa na ìr tɩ àr zi-yoru, ɛ́ a tãli damnɛ a, a nɔ̃wfʋ ɩ̃ na nɔnɛ fʋ a bɛ lɩɛbɛ towtow ɛ, a wõ-taa ɩ̃ na maal'ɩ fʋ a fʋ nʋ̃ɔ̀ ƴãw a, kʋ̃ bãw damnʋ towtow ɛ. A mãa, a Sore, mãa n'ʋ yere a lɛ kʋ̀rɛ fʋ, mãa na tɛr a ɩ̃ su-ɓaarʋ a fʋ zie a.»

Zeremi 33:21

a lɛ pʋɔ a, a wõ-taa na be mãa nɩ a ɩ̃ tõ-tõ-bie Daviir cara pʋɔ a na sãw na. Ʋ kʋ̃ cãà mɩ́ tɛr bʋʋrɛ ʋ lɩɛr'ʋ dɩrɛ a naalʋ ɛ. Lɛ n'a a mɩ̀ na ŋmɛ̃ a wõ-taa na be mãa nɩ a bàwr-maalbɛ na tone a ɩ̃ tome, ɛ́ yi a Levi yir pʋɔ a zie.

Sɛb-sõw yielu 111:9

A Sore tõ na bɛ tɩ faa a ʋ nɩ-bʋʋrɛ, ʋ maal'ɩ bɛ nɩ wõ-taa na be kʋralɛ a. A Sore ɩ n sõw ɛ́ bɛ tɛr dɩ̃ɛnʋ ɛ.