2 Samɩɛl 23:1 - A SƐB-SÕW

¹ Nyɛ̃ a Daviir ƴɛ̀r-pɛ-baara: Nyɩ bɛrɛ wone a Zese bidɛb Daviir ƴɛ̀rʋ, a nɩr nɛ bɛ na zɛw ʋ do saa bɛ dɩ vuo a ƴɛ̀rʋ, a Zakɔb Naaŋmɩn nɩ-kabra, nɩ a sob ʋl a Ɩsɩrayɛl nɩbɛ na nɔnɛ a bɛ yielu pʋɔ a:

2 Samɩɛl 23:1 Referans Kwoze

Sɛb-sõw yielu 89:20

Fʋ tɩ wul'ɩ fʋ tʋɔra bibir kãw a fʋ bárɩ zie, ɛ́ ƴɛ̀r à ŋá a bɛ zie: «Ɩ̃ sõw nɩ gãdaa kãw, ɩ̃ dáa nɩ a ɩ̃ nɩ-bʋʋrɛ pɔlbile kãw ƴãw niŋé.

Kɔlɔsɩ 3:16

A Kɩrɩta ƴɛ̀rʋ, ʋ be a nyɩ pʋɔ yaga za. Nyɩ wule taa ɛ́ kpaalɛ taa nɩ yã-bãwfʋ. Nyɩ yiele puore nɩ a Naaŋmɩn yãanɩ nɩ nyɩ pʋɔ za, nɩ Sɛb-sõw yielu, nɩ danʋ, nɩ yielu Vʋʋrʋ Sõw na waalɩ kʋ̀ nyɩ a.

Luka 24:44

Al pùorí ʋ yel bɛ: «Ƴɛ̀rʋ á ŋá n'a ɩ̃ tɩ ƴɛ̀r kʋ̀ nyɩ, a lɛn daar ɩ̃ na tɩ cãà be a nyɩ zie a: a yele al za bɛ na sɛb càar'ɩ mɛ̃ a Moyiir wulu sɛbɛ pʋɔ a, a naaŋmɩn-ƴɛ̀r-manbɛ sɛbr pʋɔ, nɩ a Sɛb-sõw yielu sɛbɛ pʋɔ a, a fɛr'a kɛ́ a tu.»

Amɔsɩ 6:5

Nyɩ ŋmɩɛr'ɩ korijom yiele pawr'ɩ gɔmɛ, ɛ́ zanɛ bʋ̃-ŋmɩɛrɩ maalʋ mɛ̃ Daviir a.

Sɛb-sõw yielu 72:20

A Zese bidɛb Daviir puoru baarʋ zie n'ɩ a ka.

Sɛb-sõw yielu 2:6

ʋ yere na: «Mãa n'ʋ cir a kãá ƴãw a ɩ̃ nãà, a Sɩyɔ̃ na ɩ a ɩ̃ tãw-sõw a zu.»

1 Bibie za yel-manɩ 16:9

Nyɩ yiele a ʋ ƴãw, nyɩ yiele ŋmɩɛr'ɩ bʋ̃-ŋmɩɛrɩ a ʋ ƴãw, nyɩ lɛb manɩ a ʋ nɔ-ɓãa-yele za.

1 Bibie za yel-manɩ 16:7

A ʋlɩ bibir nɛ n'a a Daviir tɩ tĩ yel a Asafʋ nɩ a ʋ taabɛ kɛ́ bɛ danɛ a Sore.

1 Samɩɛl 2:10

A Sore dɔ̃ dem a, bɛ na ƴɛ́r bɛ na ŋmɛr, a bɛl ƴãw a, a Sore na be n a salom zu, ɛ́ gbiwre mɛ̃ saa a, bʋ̃ʋ n'ʋ vɛ̃, ʋlɛ n'ʋ dɩrɛ nɩ a tẽ-daa za a ƴɛ̀rʋ. Ʋ na ɩ n a ʋ nãà ʋ kpɛmɛ, ʋ na ɩ n a ʋ nɩ-kabra kpɛmɛ dɔwlɩ.»

Zakɩ 5:13

A nyɩ kãw wone nɩ tuo bɩɩ? Ʋ puore. Ʋ wone nɩ nʋ̃ɔ̀ bɩɩ? Ʋ yiele danʋ yielu.

Luka 20:42

A Daviir tɔr za yel'ɩ à ŋá a Sɛb-sõw yielu sɛbɛ pʋɔ: “A Sore Naaŋmɩn yel'ɩ a ɩ̃ Sore: zɩ̃ a ɩ̃ dʋrʋ lowr

Wulu-ayi-sob 33:1

A nɔ-vla a Naaŋmɩn nɩr Moyiir na ƴɛ̀r ƴãw a Ɩsɩrayɛl nɩbɛ ɛ́ bãw kpi a n'ɩ ŋa:

Yele-za-pɛr-tib 49:1

A Zakɔb tɩ bʋɔl'ɩ a ʋ bidɛbr wa yel bɛ: «Nyɩ ɓã taa ɩ̃ manɩ a nyɩ nɩdaar yele kʋ̀ nyɩ.

1 Samɩɛl 17:12

A Daviir tɩ ɩ n Zese bidɛb, na ɩ Efarata dɔwlʋ nɩr, ɛ́ kpɩɛr Zuda tẽw Bɛtɩlɛm a. A Zese tɩ tɛr'ɩ bidɛbr ani. A Sawul daar a, a Zese tɩ ɩ n nɩ-yúor a nɩbɛ pʋɔ.

1 Samɩɛl 18:7

A pɔwbɛ na tɩ lore nuru a, tɩ cɩɛr'a ɛ́ sɔwr yere nɩ: «Sawul kʋ n dɔ̃ dem túre túre, ɛ́ Daviir kʋ tùr-piir piir.»

2 Samɩɛl 22:34

ʋlɛ n'ʋ mɩ́ ɩ ɩ̃ zɔrɛ fɔ̃w mɛ̃ wala a, ɛ́ ɩ ɩ̃ be ziir na kɛrɩ a zu.

2 Samɩɛl 22:51

A Sore mɩ́ ɩ na a ʋ nãà zɛb tʋ̃ɔ́, zɛb-bɛrɛ pʋɔ, ʋ maalɛ nɩ a ʋ nɩ-kabra vla, a Daviir nɩ a ʋ bʋʋrɛ, kʋrakʋralɛ.

Sɛb-sõw yielu 89:21

Ɩ̃ nyɛ̃ nɩ a ɩ̃ tõ-tõ-bie Daviir, ɩ̃ cir'ɩ a ɩ̃ kãá-sõw ƴãw a ʋ zũú.