2 Samɩɛl 21:10 - A SƐB-SÕW

¹⁰ A Aya pɔwyaa, Irisipa, tɩ de nɩ ko-tuolu pɛn ʋ na suur a, yɛ̀r a pìir zu, ɛ́ be a be a bʋ̃-dieri-deb daar za, ɛ́ gù a saa tɩ wa ƴãw a kũuni. A mʋ̃tɔ̃w a, ʋ bɛ mɩ́ tɩ sàw a lili na dɔm a kũuni zu ɛ, ɛ́ a tɩ̃ɩsɔw ʋ bɛ bɛrɛ a wɛ-dʋ̃-faar pɩɛlɛ a ɩ.

2 Samɩɛl 21:10 Referans Kwoze

Wulu-ayi-sob 21:23

A ʋ ƴã-gan bɛ ganɛ a tɩɛ zu a tɩ̃ɩsɔw ɛ. A fɛr'a kɛ́ nyɩ ũù ʋ a ʋlɩ bibir nɛ tɔr za. Bʋ̃ʋ n'ʋ vɛ̃, kũu na yawlɩ tɩɛ zu à ŋá a, ʋ bʋɔlɛ nɩ Naaŋmɩn ŋmɛ-ƴãw ƴãwn a tẽw. A na ɩ à ŋá a, nyɩ gù vla taa dɛwr a tẽw a Sore nyɩ Naaŋmɩn na kʋ̀rɛ nyɩ kɛ́ nyɩ so a bɛrɛ ɩ.

Zakari 10:1

Nyɩ mɩ́ zɛlɩ a Sore, ʋ kʋ̀ nyɩ a sɩ̃ɛ-kpɛ-paala saa: a Sore n'ʋ tɩrɛ a sa-pɛlɛ. Ʋ na ɩ na a saa wa yaga, ŋa za púo bʋ̃-kʋ́ɔrɩ mɩ́ maalɩ.

Zowɛl 2:23

Nyɩɩm Sɩyɔ̃ tẽw dem i, nyɩ cɩlɛ ƴawr'ɩ a Sore nyɩ Naaŋmɩn ƴãw. Ʋ kʋ̀rɛ nyɩ nɩ a kpãcãan saa, a nyɩ faafʋ ƴãw. Ʋ mɩ́ ɩ n a kpãcãan saa nɩ a sɩ̃ɛ-kpɛ-paala saa a wa, a wa mɛ̃ a dãwdãw a.

1 Na-mɩnɛ 21:27

A Akab na tɩ wõ a ƴɛ̀rʋ á ŋá a, ʋ taw nɩ a ʋ kparɩ cɩɛrɩ, su vʋɔra kparʋ, ɛ́ mɩ́ tɛr mʋta-tuo. Ʋ mɩ́ tɩ su n a kparʋ ŋa gã nɩ, ɛ́ kʋɔlɛ.

2 Samɩɛl 3:7

A Sawul tɩ tɛr'ɩ pɔw-bile kãw ʋ dɩ kɛ́ Irisipa na ɩ Aya pɔwyaa a. A Ɩsɩbosɛtɩ tɩ yel'ɩ a Avɩnɛɛr: «Bʋ̃ʋ n'ʋ so fʋ gã nɩ a ɩ̃ sãà pɔw-bile?»

Zowɛl 1:18

Wone dʋn na kone a! A nĩi yaarɛ na gʋɔr a ziir za, bʋ̃ʋ n'ʋ vɛ̃, mʋ̃ɔ bɛ cãà be a na 'wɔb ɛ. A píir tɛɛ za mɩ̀ ɩrɛ nɩ wʋ̀ʋr.

A naaŋmɩn-ƴèr-manɛ Oze sɛbɛ 6:3

Nyɩ ɩ tɩ ƴãw fãw bãw a Sore. A ʋ waa bɛ tɛr bʋnʋ mɛ̃ zi-wɛl-paala a ɩ, ʋ na wa n a tɩ zie mɛ̃ a saa a, mɛ̃ a sɩ̃ɛ-kpɛ-paala saa na mɩ́ wa bur a tẽw a.»

Ezekɩɛl 39:4

Lɛ n'a a fʋ̃ʋ, a fʋ zɛbr-nɩbɛ za nɩ a nɩ-yaga bɛl na wõ taa nɩ fʋ a na kpi a Ɩsɩrayɛl tẽw tan zu. Ɩ̃ na bɛr'ɩ a sidume nɩ a wɛ-dʋn a dɩ a nyɩ ƴã-gamɛ.

Zeremi 14:22

A nɩ-bʋʋr-yoru ŋmɩn-bɛlɛbɛlɛ pʋɔ a, been be n be na tʋ̃ɔ́ ɩ kɛ̀ saa wa a? A salom tɛɛ za n'ʋ mɩ́ bɛr a kʋ̃ɔ a siw ɩ? Fʋ̃ʋ bɛ n'ɩ a Sore tɩ Naaŋmɩn ɛ? A fʋ ƴãw n'a tɩ ƴãw a tɩ tɩɛrʋ, bʋ̃ʋ n'ʋ vɛ̃, fʋ̃ʋ n'ʋ maalɛ à á ŋá za.»

Wulu-ayi-sob 21:13

ʋ na lɩɛr'ɩ a ʋ gbãgbaa kparʋ nɩ bʋ̃-yũo, ɛ́ kpɩɛr a dɛb nɛ yir. Ʋ na kõ n a ʋ sãà nɩ a ʋ mã kuor cuw-been. A pùorí n'a a dɛb ʋl na tʋ̃ɔ́ pɩɛl'ʋ, kul ʋ, ʋ ɩ a ʋ pɔw.

Wulu-ayi-sob 11:14

ʋ na mɩ́ ɩ na a saa wa a ʋ daar ƴãw a nyɩ tẽsɔw, a kpãcãan nɩ a sɩ̃ɛ-kpɛ-paala saa. A lɛn daar a, a nyɩ bʋ̃-dieri na mɩ́ vɩɛl a, a ble, a divɛ̃ nɩ a kãá.

1 Samɩɛl 17:44

A Filisɩtɛ̃ dɔɔ tɩ yel'ɩ a Daviir: «Wa ka, ɩ̃ na ɩ na fʋ lɩɛbɩ saa-zu lili nɩ wɛ-dʋn dɩb.»

Yele-za-pɛr-tib 40:19

Ka nɩ bibie ata a, a Faarawɔ̃ na zɛw fʋ na, zɛw fʋ zuo a lɛ fʋ nãá bɔbr a: bɛ na yawlɩ fʋ nɩ tɩɛ zu, ɛ́ a lili wa vobr a fʋ ƴã-gã-nɛn.»

1 Samɩɛl 17:46

A dɩ̃a tɔr za a, a Sore na ƴãw fʋ nɩ a ɩ̃ nuru pʋɔ, ɩ̃ na ŋmɛ b'a kʋ, ɛ́ cɛ b a zu ŋmãa. A dɩ̃a tɔr za a, ɩ̃ na ɩ na a Filisɩtɛ̃ zɛbr-nɩbɛ lɩɛbɩ saa-zu lili nɩ wɛ-dʋn dɩb. Lɛ n'a a tẽw za na bãw k'aa Ɩsɩrayɛl tɛr'ɩ Naaŋmɩn.

2 Samɩɛl 21:11

Bɛ tɩ yel'ɩ à à ŋá a Aya pɔwyaa, Irisipa, na ɩ a Sawul pɔw-bile a, na tɩ ɩ a, kʋ̀ a Daviir.

Wulu-ayi-sob 21:22

A ɩ mɛ̃ nɩr sãw na a sɛw k'ʋʋ kpi, ɛ̀ nyɩ kʋ ʋ, ɛ́ de a ʋ kũu yawlɩ tɩɛ zu.