2 Samɩɛl 20:2 - A SƐB-SÕW

² Lɛ n'a a Ɩsɩrayɛl tẽw nɩbɛ za tɩ bɛr a Daviir, ɛ́ tu a Bikiri bidɛb Seva pùor. Ɛcɛ a Zuda tẽw nɩbɛ tɩ tu n a bɛ nãà pùor, páw ʋ, yi a Zurdɛ̃ ɛ́ tɩ ta a Zerizalɛm.

2 Samɩɛl 20:2 Referans Kwoze

Nɩ-toni 11:23

A Banabasɩ na tɩ ta a Ãtɩɔsɩ nyɛ̃ a lɛ a Naaŋmɩn na maalɩ a nɩbɛ bɛ ŋa a, nʋ̃ɔ̀ kpɛ ʋ na. Lɛ n'a ʋ tɩ kpaalɛ bɛ, kɛ́ bɛ za ƴãw fãw tu a Sore pùor nɩ a bɛ pʋɔ za.

Zʋkpaɩ 17:14

A zɛbr tib ɩ na mɛ̃ kʋ̃ɔ-bɩwra bɛ na yuo bɛr a. A zɛbr na bɛ úr sɛr a, taw yi pùor!

Sɛb-sõw yielu 62:9

Nɩbɛ ɛ, nyɩ mɩ́ ɓãá ƴãw bɛr nyɩ tʋɔra kʋ̀ ʋ kʋralɛ, nyɩ mɩ́ ƴɛ̀r a nyɩ pʋɔ ƴɛ̀rʋ kʋ̀ ʋ. A Naaŋmɩn n'ɩ a tɩ sɔwlʋ zie! Tɛw-àrʋ

2 Bibie za yel-manɩ 10:17

A Ɩsɩrayɛl nɩbɛ bɛl na tɩ kpɩɛr a Zuda tẽ-ŋmãa-kʋ̀ra pʋɔ a, bɛl tɛwr nɛbɛ tɩ sàw a Orobowam naalʋ-dɩb.

2 Samɩɛl 19:15

A Daviir tɩ lɩɛb'ɩ a Zuda nɩbɛ za tɩɛrʋ, ʋ ɩ mɛ̃ nɩ-been tɩɛrʋ a. Bɛ tɩ tõ na bɛ tɩ yel a nãà: «Lɛb wa, fʋ̃ʋ nɩ a fʋ tõ-tõ-biir za.»

2 Samɩɛl 20:1

A Gilgal be a, nɩr kãw na bɛ tɛr pɛr a tɩ be n be, ɩ Bɛ̃zamɛ dɔwlʋ nɩr Bikiri bidɛb, ɛ́ a yúor dɩ kɛ́ Seva. Ʋ tɩ pɛbl'ɩ wɩ́ɛ, ɛ́ ŋmɛ cɛl yel à ŋá: «Tɩ bɛ pʋɔ a Daviir bom kãw za pʋɔ ɩ, tɩɩm nɩ a Zese bidɛb ŋa bɛ lãw bom kãw za ɩ. Ɩsɩrayɛl nɩbɛ ɛ, ŋa za ʋ mɩ́ lɛb kul a ʋ yir!»

2 Samɩɛl 20:3

A nãà Daviir tɩ ta n a ʋ yir a Zerizalɛm. Ʋ tɩ ƴãw na bɛ tɛr a pɔw-bili pie bɛl ʋ na tɩ bɛr kɛ́ bɛ gù a yir a wa n. Ʋ tɩ ƴãw bɛ nɩ yir bɛ na gù vla a pʋɔ. Ʋ tɩ cãà na kaarɛ a bɛ zie, ɛcɛ ʋ bɛ tɩ lɛb páw bɛ towtow ɛ. Lɛ n'a bɛ tɩ pàw bɛ a yir nɛ pʋɔ tɩ ta n a bɛ kũu bibir. Bɛ tɩ ɩ na mɛ̃ pɔw-kɔbɛ a, ɛ́ a bɛ sɩr cãà vʋʋrɛ.

2 Samɩɛl 20:21

Lɛ bɛ n'a ɩ! Efarayim tan vuo pʋɔ nɩr kãw n'ʋ ɩ̃ bɔbr, Bikiri bidɛb, Seva, na ìr zɛbr'ɩ a nãà Daviir a. Nyɩ nyɔw ʋ kʋ̀ m, a ʋl yõ, ɩ̃ɩ na ìr'a ɛ́ bɛr a nyɩ tẽw.» A pɔw tɩ yel'ɩ a Zowab: «A vɩɛl'a! Tɩ na lɔb'ɩ a ʋ zu bɛr a tẽw dacin dapùorí, kʋ̀ b.»

1 Na-mɩnɛ 12:20

A Saa-pɛrɩ́-gʋba-lowr Ɩsɩrayɛl nɩbɛ za na tɩ wõ k'aa Zerobowam lɛb'a wa a, bɛ mɩ̀ bʋɔl'ɩ a bɛ kpaa-taa. Bɛ tɩ ƴãw na ʋ wa, bɛ wa kaa ír ʋ k'ʋ ɩ a bɛ nãà. A Zuda dɔwlʋ yõ n'ʋ tɩ cãà tu a Daviir yir.