2 Samɩɛl 18:2 - A SƐB-SÕW

² A Daviir tɩ põ nɩ a ʋ sojarɩ ziir ata: ƴãw Zowab a mã na dɩ kɛ́ Seruya a de a zi-been dem niwn ɛ́ a Zowab yɛb Avɩsaɩ de a ziir ayi dem niwn. Ɛ́ Ɩtaɩ na yi Gatɩ a de a ziir ata dem niwn. Al pùorí, a nãà tɩ yel'a kʋ̀ a sojarɩ, ʋ na bɔbr k'ʋʋ páw bɛ cen a zɛbr a.

2 Samɩɛl 18:2 Referans Kwoze

Ƴɛ̀r-dɩrbɛ 7:16

A Zedeɔ̃ tɩ nyɔw nɩ a nɩbɛ kɔbr ata (300) bɛl põ ziir ata. Ʋ tɩ kʋ̀ n ŋa za wɩ́ɛ nɩ duwli-zawlɛ nɩ mɔ̃-'lena vũu, bɛ na na ƴãw a duwle pʋɔ a.

Sɛb-sõw yielu 3:6

Ɩ̃ gã na gúr, wa ìr nyɛ̃ a Sore ʋ ɩ a ɩ̃ tɩɛrɛ.

2 Samɩɛl 17:11

Yã ŋa n'ʋ mãa wule: ɓã a Ɩsɩrayɛl sojarɩ za taa a fʋ zie, a Dan tɩ tɔ a Bɛɛr-Seva, bɛ yãwmɛ mɛ̃ a kʋ̃ɔ-kpɛ̃ɛ nʋɔr biire a, ɛ́ fʋ̃ʋ tɔr za a, lãw nɩ bɛ cen a zɛbr zie.

1 Samɩɛl 11:11

Lɛ n'a a bio daarɩ́ a Sawul tɩ nyɔw a nɩbɛ bʋ́r ziir ata. Bɛ tɩ kpɛ n a Amɔ̃ tẽw dem laɩ pʋɔ zi-lige, zɛb tʋ̃ɔ́ bɛ tɩ ta n a mʋ̃tɔ̃-tuo. A bɛl na tɩ cɛ a tɩ zɔ na yaarɩ, ɛ̀ nɩbɛ ayi bɛ mɩ́ tɩ cãà lãw be zi-been ɛ.

Ƴɛ̀r-dɩrbɛ 9:43

Ʋ tɩ nyɔw nɩ a ʋ nɩbɛ põ ziir ata, ɛ́ sɔwlɩ a wɩ̀ɛ pʋɔ. Ʋ na wa nyɛ̃ a nɩbɛ bɛ yire a tẽw pʋɔ a, ʋ tɩ ƴaw na yi lo a bɛ zu zɛb tʋ̃ɔ́ bɛ.

Ƴɛ̀r-dɩrbɛ 7:19

A zie tɩ cɛ nɩ blã na bɩ põ-zɛ̃-taa, ɛ́ a Zedeɔ̃ nɩ a ʋ nɩbɛ kɔbr ata (300) pɩɛlɩ a laɩ. Bɛ tɩ lɩɛrɛ nɩ a laɩ-gùrbɛ wa báarɛ, ɛ́ bɛ ta. Bɛ tɩ pɛbl'ɩ a wɩ́ɛ, ɛ́ lɔb a duwli bɛ na ƴãw a nurú a ŋmɛr.

2 Samɩɛl 23:18

Avɩsaɩ na ɩ a Zowab yɛb, ɛ́ a bɛ mã dɩ kɛ́ Seruya a, tɩ pʋɔ nɩ a soja-yée bɛl na gùre a Daviir a pʋɔ. Ʋlɛ n'ʋ tɩ ìr bibir kãw ɓáw a ʋ kafin dɔ̃ dem kɔbr ata (300) ƴãw, kʋ bɛ. Lɛ n'a ʋ tɩ ɩ a ʋ yúor yi man a “Nɩbɛ ata bɛl na ɓã taa a” yúor.

1 Na-mɩnɛ 2:28

A Zowab na tɩ wõ a lɛ a yele na ɩ a Adonɩasɩ nɩ a Abɩataar ƴãw a, ʋ zɔ na kpɛ a Sore pɛn-sɛw pʋɔ, tɩ nyɔw a bàwr-maal-kuur ɩ́lɛ́. Bʋ̃ʋ n'ʋ vɛ̃, ʋ tɩ tu n a Adonɩasɩ, ʋ na saa bɛ tɩ dãw tu a Abɩsalɔm a.

2 Samɩɛl 8:16

Zowab, a mã na tɩ dɩ kɛ́ Seruya a, n'ʋ tɩ ɩ a sojarɩ nɩ-kpɛ̃ɛ. Ahiludɩ bidɛb Yehosafatɩ n'ʋ tɩ ɩ a nãà ƴɛ̀r-manɛ.

2 Samɩɛl 21:17

Ɛcɛ Avɩsaɩ, a mã na tɩ dɩ kɛ́ Seruya a, tɩ sõw nɩ a nãà kʋ a Filisɩtɛ̃ dɔɔ. Lɛ n'a a sojarɩ tɩ ƴãw a Daviir pɔ, k'ʋʋ kʋ̃ lɛb páw bɛ yi a zɛbr ɛ, a naalʋ-dɩb taa báarɛ a Ɩsɩrayɛl tẽw ɛ.