2 Samɩɛl 16:1 - A SƐB-SÕW

¹ A Daviir tɩ zuo nɩ a tãw nyʋɔr bɛr blã, ɛ́ a Mefibosɛtɩ tõ-tõ-bie Sɩva, wa tuor'ʋ, nɩ bòn ayi na ƴãw a kɔwr a. A bòn tɩ tuo nɩ dipɛ̃ kɔbr ayi (200) nɩ divɛ̃ tɩ-wɔ̃-kon cãacule kʋba (100), kãkamɛ kʋba (100), nɩ divɛ̃ nɩ wɔ-gbãw.

2 Samɩɛl 16:1 Referans Kwoze

1 Samɩɛl 25:18

Lɛ n'a a Avigayil tɩ ìr fɔ̃wlɛ, de dipɛ̃ kɔbr ayi (200), divɛ̃ nɩ wɔ-gban ayi, kʋ píir anũu maalɩ, de nɩ bʋ̃-bie na sɛ̃ a peli nɛ́ɛ anũu, nɩ divɛ̃ tɩ-wɔ̃-kon cãacule kʋba (100), nɩ kãkamɛ gatori kɔbr ayi (200), de a za tuo bòn,

2 Samɩɛl 15:32

A Daviir tɩ tarɛ nɩ a tãw nyʋɔrɩ́, a be bɛ na mɩ́ gũu tɩ tɔ tẽw a Naaŋmɩn niŋé a, wa bere a Arkitɩ dɔɔ Husaɩ, na ɩ a ʋ yã-wule a, tuore ʋ, su kpar-cɩɛrɛ, ɛ́ a zu ɩ tanɛ tɛwr.

Amɔsɩ 8:1

Bom ŋa n'ʋ a Sore ɩ̃ Naaŋmɩn tɩ ɩ ɩ̃ lɛb nyɛ̃: tɩ-wɔmɛ nɩ pèlé n'a. A tɩ-wɔmɛ baarʋ daar tɩ n'a.

Zeremi 40:12

Lɛ n'a bɛ tɩ yi a ziir al za bɛ na tɩ diw bɛ yaarɩ a lɛb wa. Bɛ na wa ta a Zuda tẽw pʋɔ, a Gedalɩasɩ zie a Misɩpa a, bɛ tɩ de nɩ bʋ̃-dieri yaga, a divɛ̃ nɩ a tɩ-wɔmɛ.

Zeremi 40:10

A mãa a, ɩ be n a Misɩpa ka, k'ɩ̃ɩ tʋ̃ɔ́ mɩ́ ƴɛ̀r a Babɩlɔn tẽw dem na mɩ́ waar a tɩ zie a, a nyɩ yúor ƴãw. Ɛcɛ a nyɩɩm a, nyɩ dier a divɛ̃ tɩɩr wɔmɛ, a tɩ-wɔmɛ nɩ a kãá. Nyɩ mɩ́ maal bin a nyɩ bʋ̃-dieri, ɛ́ kpɩɛr a tẽ-bɛrɛ al nyɩ na be a pʋɔ.»

1 Bibie za yel-manɩ 12:40

Bɛ tɩ maal'ɩ bibie ata a be, lãwnɩ a Daviir dɩrɛ ɛ́ nyúur a alɩ bome nɛ a bɛ yɛbr na tɩ cɔbrɩ a bɛ ƴãw a.

2 Samɩɛl 19:32

A Barzilaɩ na yi Galaadɩ tẽw Orogelim a mɩ̀ tɩ siw nɩ a Zurdɛ̃. Ʋ tɩ páw nɩ a nãà gãw a Zurdɛ̃, ɛ́ tɩ bɛr ʋ a be.

2 Samɩɛl 15:30

A Daviir tɩ kone na dúor'ɩ a Olivʋ tɩɩr tãw. Ʋ tɩ pàw nɩ a ʋ zu, ɛ́ cere nɩ gbɛ-zawlɛ. A bɛlɩ dem za na tɩ lãw nɩ ʋ dúor a mɩ̀ tɩ pàw nɩ a bɛ zuru ɛ́ kone.

1 Samɩɛl 16:20

A Zese tɩ nyɔw nɩ bõw ƴãw ʋ tuo dipɛ̃, nɩ divɛ̃ nɩ wɔ-gbãw, nɩ bʋle, ʋ tõ n a ʋ bidɛb Daviir k'ʋʋ tɩ kʋ̀ a Sawul.

1 Samɩɛl 10:3

Fʋ̃ʋ wa yi a be cãà cere a, fʋ na tɩ ta n a Tabɔɔr sɛn tɩɛ ƴãw. A be a, dɛbr ata na dúor Betɛl zi-sõw a na tuori fʋ na. A kãw tɛr'ɩ bʋli ata, a kãw dipɛ̃ ata, ɛ́ a ata sob tɛr divɛ̃ nɩ wɔ-gbãw.

Mise 7:1

'Woi! Mãa baw-bi-nɩr! Ɩ̃ ɩ na mɛ̃ nɩr na cere tɩ-wɔmɛ pɔrʋ a pɔrʋ daar a, mɛ̃ nɩr bɛ na pɔr a divɛ̃ tɩ-wɔmɛ baarɩ ʋʋ cere a yiiru a: ʋ bɛ nyɛrɛ divɛ̃ tɩ-wɔm-cãacul kãw za dɩrɛ ɩ, ʋ bɛ nyɛrɛ kãkãw wɔ̃-dãw been za a vʋla na tɩ kpɩɛr ʋ a ɩ.

Zʋkpaɩ 18:16

A bʋ̃-kʋ̀rɩ mɩ́ yuo nɩ a dɩ̃dɛɛ kʋ̀ a nɩr, ɛ́ ɩ k'ʋ tuori nɩ-bɛrɛ.

2 Samɩɛl 19:17

Geera bidɛb Simeyi na yi Bahurim, Bɛ̃zamɛ dɔwlʋ pʋɔ a, tɩ lãwnɩ bɛ na paw fɔ̃w siw, k'ʋʋ tɩ tuori a nãà Daviir.