12 A Tamaar sɔw ʋ: «Ʋ̃ʋ'hʋ̃! Ɩ̃ yɛ-dɛb i! Ta fɛr gã nɩ mɛ̃ ɩ, bʋ̃ʋ n'ʋ vɛ̃, a lɛ bɛ ɩrɛ a Ɩsɩrayɛl tẽw pʋɔ ɩ. Ta maalɩ a yel-faa ŋa tɔ na bɛ maal'ɩ wob a ɩ!
Lɛ n'a ɩ̃ tɩ ɓáw a ɩ̃ pɔw-kũu, ŋma pʋrpʋr tɩr kʋ̀ a Ɩsɩrayɛl dɔwlʋ za, bʋ̃ʋ n'ʋ vɛ̃, a Givea tẽw dem ɩ n vĩ-ɩb nɩ ɩ-faa na bɛ maal'ɩ wob a, a Ɩsɩrayɛl tẽw pʋɔ.
A yir sob tɩ yi na tɩ yel bɛ: «Ɩ̃ bá mɩnɛ ɛ, ɩ̃ zɛlɛ nyɩ na, nyɩ ta ɩ a ɩ-faa ŋa ɩ. A nɩr ŋa ɩ n ɩ̃ sãan, nyɩ ta tõ a tõ-faa ŋa na bɛ maal'ɩ wob a ɩ.
«Dɛb wa kul a ʋ yeepuule, a ʋ sãà bɩɩ a ʋ mã pɔwyaa kãw, ɛ́ bɛ gã nɩ taa a, vĩ-yel'ʋ, bɛ na ƴãw bɛ nɩ dɔwrʋ a Ɩsɩrayɛl nɩbɛ na cɛ a niŋé. A dɛb ŋa gã nɩ nɩ a ʋ yeepuule, ʋlɛ na so a ʋ sãwna.»
A Zakɔb bidɛbr na tɩ yi a wɩ̀ɛ pʋɔ wa ta a, bɛ wõ n a yel. Bɛ tɩ nyɛ̃ na a ɩ zʋm'ʋ bɛ tʋ bɛ, ɛ́ nyɛ̃ suur faa faa. Bʋ̃ʋ n'ʋ vɛ̃, a Sɩsɛm tɩ tõ n ton na bɛ sɛw a, ʋ na fɛr gã nɩ a Zakɔb pɔwyaa a. Sɔ́r bɛ ka be, a ɩb á ŋá taabɛ ɩrɛ a Ɩsɩrayɛl tẽw pʋɔ ɩ.
a sob na kʋ̀ n a pɔwsɩrale sãà salm-pla libie lɩz'a ayi nɩ pie, ɛ́ a na fɛr ʋ na ʋ kul a powle, ʋ na faa fɛr ʋ a ƴãw. Ɛ́ a sob nyɔ-vʋʋrʋ daar za a, ʋ bɛ tɛr sɔ́r na bɛr a pɔwsɩrale ɩ.
bɛ na tɛr ʋ na cen nɩ a ʋ sãà yir dɩ̃dɔrɩ́, a ʋ tẽw dem tɩ lɔb'ɩ ʋ kʋsɛbɛ kʋ. Bʋ̃ʋ n'ʋ vɛ̃, ʋ bɛ tõ vla a Ɩsɩrayɛl tẽw pʋɔ ɩ: ʋ na cãà be a ʋ sãà yir ɛ́ páw dɛb a. Nyɩ na ír'ɩ a faalʋ bɛr à à ŋá a nyɩ pʋɔ.
A na ɩ n à à ŋá a bɛ zie, bɛ na maalɩ yel-faa na bɛ maal'ɩ wob a Ɩsɩrayɛl tẽw pʋɔ a ƴãw: Bɛ maal'ɩ pɩ̃ɔ-yele nɩ a bɛ taabɛ pɔwbɛ, ɛ́ yel k'aa mãa yúor ƴãw n'a bɛ ƴɛ̀rɛ, ɛ́ a ɩ ziri. Ɛcɛ ɩ̃ bɛ tɩ yel kɛ́ bɛ ɩ bom za ɩ. Ɩ̃ bãw nɩ à á ŋá za, ɛ́ dɩ a dãsɩɛ.”» À à ŋá n'a a Sore yere.