2 Samɩɛl 11:1 - A SƐB-SÕW

¹ A yũon na tɩ lɩɛbɩ a, a lɛn daar a na-mɩnɛ na mɩ́ cen a zɛbr a, a nãà Daviir tɩ tõ n a sojarɩ nɩ-kpɛ̃ɛ, Zowab, k'ʋʋ de a Ɩsɩrayɛl zɛbr-nɩbɛ nɩ a bɛ sojarɩ-nɩ-bɛrɛ niwn, bɛ cen tɩ zɛb'ɩ a Amɔ̃ tẽw dem. Bɛ tɩ kʋ n a Amɔ̃ tẽw dem pàw a ziir za, ɛ́ cɔbrɩ kɛ́ bɛ zɛb de a Araba na ɩ a tẽ-kpɛ̃ɛ a. A Daviir ʋl tɩ be n a Zerizalɛm.

2 Samɩɛl 11:1 Referans Kwoze

1 Bibie za yel-manɩ 20:1

A vɩɛr daarɩ́, a lɛn daar a na-mɩnɛ na mɩ́ cen a zɛbr a, a Zowab tɩ tɛr'ɩ a zɛbr-nɩbɛ cen nɩ tɩ sãw nɩ a Amɔ̃ tẽw bɛr, ɛ́ cen tɩ piw a tẽ-kpɛ̃ɛ Araba. A Daviir ʋl tɩ be n a Zerizalɛm. A Zowab na tɩ zɛb de a Araba ɛ́ sãw ʋ bɛr a,

1 Na-mɩnɛ 20:26

A vɩɛr daarɩ́, ʋ tɩ bɛl bɛl'ɩ a Siiri tẽw zɛbr-nɩbɛ kaa, ɛ́ tɛr bɛ cen nɩ Afɛkɩ k'ʋʋ tɩ zɛb'ɩ a Ɩsɩrayɛl.

1 Na-mɩnɛ 20:22

Lɛ n'a a naaŋmɩn-ƴɛ̀r-manɛ tɩ wa páw a Ɩsɩrayɛl nãà yel ʋ: «Ƴãw fãw, ɛ́ tɩɛrɛ a ʋlɩ bom nɛ a na fɛr kɛ́ fʋ ɩ a vla, bʋ̃ʋ n'ʋ vɛ̃, vɩɛr à à ŋá tɔ-won, a Siiri tẽw nãà na lɛb'a wa zɛb'ɩ fʋ.»

Ekilezɩasɩ 3:8

Nɔ̃wfʋ daar be n be, hɩ̃ɛnʋ daar be be. Zɛbr daar be n be, ƴã-ɓaarʋ daar be be.

2 Bibie za yel-manɩ 36:10

A yũon paala daar, a nãà Nabikodonozɔɔr tɩ ƴãw na bɛ nyɔw ʋ wa n a Babɩlɔn, lãwnɩ a Sore yir-kpɛ̃ɛ pʋɔ bʋ̃-vɩɛlɩ vɩɛlɩ, ɛ́ ƴãw a Yoyakin yɛb Sedesɩasɩ ɩ a nãà a Zerizalɛm nɩ a Zuda Tẽw.

Wulu-ayi-sob 3:11

— A Basan nãà, Ɔgɩ, tɩ n'ɩ a Erefayim bʋʋrɛ nɩ-been na cɛ a. Bɛ na tʋ̃ɔ́ na cãà nyɛ̃ a ʋ gado a Araba na ɩ a Amoritɩ mɩnɛ tẽ-kpɛ̃ɛ a. Kʋsɩɛr na kpɛmɛ mɛ̃ kure a pʋɔ n'a bɛ tuw ʋ ír, a ʋ wogo zuo nɩ mɛtɩr anaar ɛ́ a ʋ yɛ̀lʋ ta mɛtɩr ayi.—

Ezekɩɛl 21:20

Ʋ mɩ́ ɩ n ŋa za kanyir baarɩ, ɩ nɩr za ʋ dẽdere. Dɩ̃dɔr za niŋé a, ɩ̃ bin nɩ a kũu zɛbr-sɔ-kpɛ̃ɛ. Ʋ be n be k'ʋʋ nyɩwrɛ pɩn pɩn, bɛ saalɩ ʋ na k'ʋʋ mɩ́ kʋ vla.

Zakari 14:3

Al pùorí, a Sore na zɛb'ɩ nɩ a nɩ-bʋʋr-yoru bɛ ŋa, ʋ na zɛb'a mɛ̃ a lɛ ʋ na mɩ́ zɛb, a zɛbr daar a.

1 Samɩɛl 18:30

A lɛn daar a, a Filisɩtɛ̃ mɩnɛ nɩ-bɛrɛ tɩ yi na kɛ́ bɛ zɛb'ɩ a Ɩsɩrayɛl nɩbɛ. Zɩ̃ k'aa zɛbr za pʋɔ a, a Daviir mɩ́ tɩ zɛb'a tʋ̃ɔ́ zuo a Sawul sojarɩ nɩ-bɛrɛ za na cɛ a, lɛ n'a a Daviir yúor tɩ yi yaga za.

2 Samɩɛl 10:14

A Amɔ̃ tẽw dem na tɩ nyɛ̃ a Siiri tẽw dem lɩɛb zɔrɛ a, bɛl tɛɛ za mɩ̀ tɩ lɩɛb'a zɔ a Avɩsaɩ niŋé, lɛb kpɛ a bɛ tẽw. Lɛ n'a a Zowab tɩ bɛr a Amɔ̃ tẽw dem diwfʋ, ɛ́ lɛb wa a Zerizalɛm.

Zeremi 49:2

Alɛ n'a so a Sore yere: «Bibie waar'a, ɩ̃ na ɩ bɛ wõ zɛbr cɛlsɩ a Araba, a Amɔ̃ tẽw dem tẽ-kpɛ̃ɛ pʋɔ. A tẽ-kpɛ̃ɛ ŋa na lɩɛb'ɩ gbĩgbin-kpalɛ nɩr na bɛ kpɩɛr a, a tẽli-kpɔwlɩ na dɩ n vũu. A lɛn daar a, a Ɩsɩrayɛl na lɛb'a de a ʋlɩ bom nɛ ʋ na tɩ so a.» A Sore n'ʋ yel.

Zeremi 49:3

Hɛsɩbon tẽw dem i, nyɩ kone kuor kon: «A Aɩ tẽ-kpɛ̃ɛ sãw na!» Araba tẽli-kpɔwlɩ i, nyɩ lɔbr cɛlsɩ bʋɔlɛ nɩ sõwfʋ! Nyɩ su vʋɔrɩ kparɩ, nyɩ yiele nɩbaal-yielu! Nyɩ cɔlɛ gʋɔr a ziir bɛ na mɛ dacine viiri koli a pʋɔ: bɛ íre nɩ a ŋmɩn Mɩlkɔm cere nɩ tẽ-yũo, ʋlɛ n'ɩ a ʋ bàwr-maalbɛ lãwnɩ a ʋ nɩ-bɛrɛ za.

Amɔsɩ 1:14

ɩ̃ na ƴãw nɩ vũu a Araba tẽw, ʋʋ na dɩ n a ʋ yir-vɩɛlɩ vɩɛlɩ za, zɛbr bibir zɛbr cɛlsɩ pʋɔ nɩ saa-sɛsɛb pʋɔ.

Sɛb-sõw yielu 60:9

Mãa só a Galaadɩ tẽw nɩ a Manase tẽw za. Efarayim'ɩ a ɩ̃ kpawɔ-kpow, ɛ́ Zuda ɩ a ɩ̃ naalʋ-dabɔl.