2 Samɩɛl 10:6 - A SƐB-SÕW

⁶ A Amɔ̃ tẽw dem tɩ nyɛ̃ na k'aa bɛ ɩb ŋa ɩ na a Daviir bɛ cãà nɔnɛ a bɛ yele towtow ɛ. Lɛ n'a bɛ tɩ dà sojarɩ tùr-lɩzɛr (20 000) a Siiri ten Bɛtɩ-Erehovʋ nɩ Sova pʋɔ, sojarɩ túr (1 000) a nãà Maaka sojarɩ pʋɔ, nɩ sojarɩ tùr-pie nɩ ayi (12 000) a Tɔɔvʋ tẽw pʋɔ.

2 Samɩɛl 10:6 Referans Kwoze

2 Samɩɛl 8:5

A Siiri tẽw dem na tɩ kpɩɛr a Damasɩ a tɩ wa na kɛ́ bɛ wa sõw a Sova tẽw nãà Hadadezɛɛr. A Daviir mɩ̀ tɩ zɛb'a tʋ̃ɔ́ bɛ, ɛ́ kʋ a bɛ nɩbɛ tùr-lɩzɛr'ɩ ayi (22 000).

2 Samɩɛl 8:3

A Daviir tɩ cãà na lɛb zɛb tʋ̃ɔ́ Erehovʋ bidɛb, Hadadezɛɛr, na ɩ Sova tẽw nãà a, a lɛn daar a Hadadezɛɛr na tɩ bɔbr k'ʋʋ lɛb de a Efaratɩ man lowr vuo a.

Yele-za-pɛr-tib 34:30

A Zakɔb tɩ yel'ɩ a Sɩmɩ̃ɔ nɩ a Levi: «Yel'ʋ nyɩ bɔ kʋ̀ m ƴãw a tẽw dem hɩ̃ɛn mɛ̃, a Kanãa tẽw dem nɩ a Perizitɩ mɩnɛ. Bɛ na ɓã n taa wa a ɩ̃ ƴãw. Bɛ na tʋ̃ɔ́ mɛ̃ na ɛ́ kʋ mãa nɩ a ɩ̃ yir dem pàw pɛr, a ɩ̃ nɩbɛ na bɛ saalɩ a ƴãw.»

1 Samɩɛl 27:12

Lɛ so a Akisɩ tɩ ƴãw a ʋ tɩɛrʋ yaga za a Daviir ƴãw, ʋ tɩ tɩɛrɛ nɩ ʋ pʋɔ à ŋá: «A Daviir ɩ n ɩb na bɛ vɩɛl towtow a, a ʋ nɩ-bʋʋrɛ Ɩsɩrayɛl zie, a na ɩ à ŋá a, ʋ na ɩ n a ɩ̃ tõ-tõ-bie kʋralɛ.»

Ƴɛ̀r-dɩrbɛ 18:28

A Laisɩ tɩ be n a Bɛtɩ-Erehovʋ fʋɔla pʋɔ, zãá nɩ a Sɩdɔ̃, ɛ́ a ʋ nɩbɛ tɩ so bɛ tʋɔra, bɛ bɔbr bom nɩr zie ɩ, alɛ so nɩr za bɛ tɩ tʋ̃ɔ́ wa sõw bɛ ɩ. A Dan dɔwlʋ nɩbɛ tɩ lɛb'a mɛ a tẽw, zɩ̃ a ʋ pʋɔ.

Ƴɛ̀r-dɩrbɛ 11:5

A zɛbr na wa tĩ a, a Galaadɩ tẽw nɩ-kore tɩ cen na tɩ bʋɔlɩ a Zɛfɩte a Tɔɔvʋ tẽw.

Ƴɛ̀r-dɩrbɛ 11:3

Lɛ n'a a Zɛfɩte tɩ zɔ zãá nɩ a ʋ yɛbr, cen tɩ kpɩɛr Tɔɔvʋ tẽw. Nɩ-bɛ-tɛr-bir mɩnɛ tɩ ɓã n taa a ʋ zie, ɛ́ mɩ́ páw ʋ bɛ yi fa a nɩbɛ bome.

Zʋkpaɩ 25:8

Ta mɩ́ paw manɩ a lɛ fʋ na nyɛ̃ a a ƴɛ̀rʋ-dɩb zie ɩ. A fʋ dɔ̃ sob wa ƴɛ̀r wul a fʋ sãwna a, bʋ̃ʋ n'ʋ fʋ na lɛb ɩ a pùorí?

2 Samɩɛl 8:12

Siiri tẽw dem, Mowab tẽw dem, Amɔ̃ tẽw dem, Filisɩtɛ̃ mɩnɛ nɩ Amalesitɩ mɩnɛ, lãwnɩ a bome al ʋ na tɩ zɛb de a Hadadezɛɛr zie a.

1 Samɩɛl 13:4

A Ɩsɩrayɛl nɩbɛ za tɩ wõ n a yel ŋa: a Sawul kʋ n a Filisɩtɛ̃ mɩnɛ nãà-lɩɛrɛ, ɩ a Filisɩtɛ̃ mɩnɛ suur ìr a Ɩsɩrayɛl ƴãw. Lɛ n'a a zɛbr-nɩbɛ za tɩ ɓã taa a Sawul zie a Gilgal.

Wulu-ayi-sob 3:14

A Manase bidɛb Yayiir bʋʋrɛ tɩ zɛb'a de a Argɔvʋ vuo na be a Basan a, tɩ sãá nɩ a Gesuur bʋʋrɛ nɩ a Maaka bʋʋrɛ tʋr-bɔw ƴãw. Bɛ tɩ por'ɩ a vuo ʋl ziir kɛ́: “Yayiir tẽli”, lɛ n'a bɛ cãà bʋɔlɛ a a dɩ̃a. —

Eziptɩ tẽw yib 5:21

Bɛ tɩ yel bɛ na: «A Sore, ʋ jɩ́r a lɛ nyɩ na ɩ a, ɛ́ bãw a nyɩ yele kʋ̀ nyɩ! Nyɩmɛ nɛbɛ so a Faarawɔ̃ nɩ a ʋ tõ-tõ-nɩ-bɛrɛ bɛ cãà bɔbr kɛ́ bɛ mɩ́ nyɛ̃ tɩ ɛ. Nyɩ ƴãw bɛ nɩ zɛbr-sɔ-kpɛ̃ɛ a nũú kɛ́ bɛ kʋ n tɩ!»

2 Samɩɛl 10:5

Bɛ tɩ yel'ɩ a yel ŋa kʋ̀ a Daviir. Ʋ tɩ ƴãw nɩ nɩbɛ bɛ tuori a ʋ tõ-tõ-bi-bɛrɛ, a vĩ na tɩ faar na kʋ a. A nãà tɩ ƴãw na bɛ yel bɛ à ŋá: «Nyɩ kpɩɛr a Zeriko, ɛ́ gù a nyɩ tɩɛm tɩ lɛb bul. A lɛn daar tɛwr'a nyɩ na tʋ̃ɔ́ lɛb wa a ka.»

2 Samɩɛl 10:7

A Daviir na tɩ wõ a a, ʋ tɩ tõ n Zowab nɩ a zɛbr-nɩbɛ za na ɩ gãdaar'a a bɛ ƴãw.

2 Samɩɛl 23:34

Ahasɩbaɩ bidɛb Elifelɛtɩ na ɩ Maaka tẽw nɩr kãw yãw a, Gilo tẽw Ahitofɛl bidɛb Eliyam,

2 Na-mɩnɛ 7:6

Bʋ̃ʋ n'ʋ vɛ̃, a Siiri tẽw dem laɩ pʋɔ a, a Sore tɩ ɩ na bɛ wõ zɛbr-nɩbɛ yaga yaga na tɛr wie nɩ zɛbr-torkori a, damnʋ. A Siiri tẽw sojarɩ tɩ yel'a kʋ̀ taa: «A Ɩsɩrayɛl tẽw nãà ya n a Hititɩ mɩnɛ nɩ a Eziptɩ tẽw na-mɩnɛ, kɛ́ bɛ wa zɛb'ɩ tɩ!»

Sɛb-sõw yielu 48:4

A Sɩyɔ̃ tẽw sɔwlʋ ziir za pʋɔ a, a Naaŋmɩn n'ʋ bɛ bãw ʋ ɩ a sɔwlʋ zie.

Zeremi 40:8

A Zɛbr-nɩbɛ nɩ-bɛrɛ bɛ ŋa, nɩ a bɛ nɩbɛ tɩ wa na wa páw a Gedalɩasɩ a Misɩpa: Netanɩahu bidɛb, Yisɩmayɛl, Karea bidɛbr, Yohanan nɩ Yonatan, Tanhumɛtɩ bidɛb, Seraya, Netofa tẽw Ofaɩ bidɛbr, nɩ Maaka bidɛb, Yezanɩahu tɩ nɛbɛ.

Zeremi 46:21

A Eziptɩ tẽw a, bɛ tɩ kaarɛ nɩ a soja-libi-bɔbrbɛ zie vla za. Ɛcɛ a bɛl mɩ̀ a, bɛ lɩɛbɛ nɩ pùor, bɛ lãw na zɔrɛ. Kãw za bɛ bàrɛ gbɛ́r, a kpɩɛrʋ bibir na vɩɛrɛ a bɛ zu, a lɛn daar ɩ̃ na ìre a bɛ ƴãw a ɩ.

2 Samɩɛl 16:21

A Ahitofɛl tɩ sɔw nɩ a Abɩsalɔm daadaalɛ: «Cen tɩ gã nɩ a fʋ sãà pɔw-bili ʋ na bɛr kɛ́ bɛ gù a yir a. Lɛ n'a a Ɩsɩrayɛl nɩbɛ za na bãw kɛ́ fʋ ɩ n a ɩb a fʋ sãà kʋ̃ lɛb de a fʋ yele ɩ. A lɛ pʋɔ a, a fʋ nɩbɛ kanyir na lɛb'a dɔwlɩ.»

1 Na-mɩnɛ 11:24

A lɛn daar a Daviir na tɩ kʋ a Hadadezɛɛr sojarɩ faa faa a, a Erezon tɩ bʋɔl'ɩ nɩbɛ ɓã taa a ʋ zie, ɛ́ ɩ a bɛ nɩ-kpɛ̃ɛ. Bɛ tɩ cen nɩ Damasɩ tɩ zɩ̃ a be wa de a naalʋ.