2 Samɩɛl 1:21 - A SƐB-SÕW

²¹ Gilbowa tan i! A ɓɩɛlʋ nɩ a saa, a ta lɛb lo a nyɩ zu ɛ, nɩr ta lɛb nyɛ̃ tẽsɔw na kpɛ a, a nyɩ sɩɛmɩ́ ɛ. Bʋ̃ʋ n'ʋ vɛ̃, be n'a a gãdaar zɛbr-kur-pãgalɩ nyɛ̃ vĩ, a Sawul zɛbr-kur-pãgala bɛ na kʋ̃ lɛb sɔ kãá towtow a.

2 Samɩɛl 1:21 Referans Kwoze

1 Samɩɛl 31:1

A Filisɩtɛ̃ mɩnɛ tɩ zɛbr'ɩ nɩ a Ɩsɩrayɛl nɩbɛ a Gilbowa tãw zu. A Ɩsɩrayɛl nɩbɛ tɩ lɩɛb'a zɔ a Filisɩtɛ̃ mɩnɛ niŋé, ɛ́ a Filisɩtɛ̃ mɩnɛ kʋ bɛ yaga.

Ɩzayi 21:5

Bɛ cɔbrɛ nɩ a bʋ̃-dɩrɩ, bɛ yɛ́rɛ nɩ a pɛnɛ a zɩma ƴãw, bɛ dɩrɛ na ɛ́ nyúur. Bɛ wa bere na cɛl ŋmɛ: «Nyɩ ìr, zɛbr-nɩbɛ nɩ-bɛrɛ ɛ! Nyɩ cɔbrɩ a nyɩ zɛbr bome!»

1 Samɩɛl 10:1

A Samɩɛl tɩ de nɩ a kãá nɩ a kole ʋ na tɩ tɛr a, cir ƴãw a Sawul zũú, ɛ́ nyɔw ʋ weri ɛ́ yel: «A Sore tɔr za bɛ n'ʋ ka a nũu ƴãw fʋ, kɛ́ fʋ ɩ a ʋ nɩ-bʋʋrɛ nɩ-kpɛ̃ɛ ɩ?

Zowɛl 2:14

Ãa bãw? Kapaw ʋ nãà lɛb'a bɛr a lɛ ʋ na tɩ tɩɛrɛ k'ʋʋ ɩ a, ɛ́ maalɩ nyɩ yaga za. Lɛ n'a nyɩ na wa n kukur de-kʋ̀b nɩ divɛ̃ de-kʋ̀b bome wa kʋ̀ ʋ.

Zowɛl 1:9

Bɛ bɛ cãà waar'ɩ kukur de-kʋ̀b bome nɩ divɛ̃ de-kʋ̀b bome a Sore Ŋmɩn-yir-kpɛ̃ɛ pʋɔ ɩ. Alɛ so a bàwr-maalbɛ be wahala pʋɔ, bɛl na tone a Sore tome a.

Ezekɩɛl 31:15

À ŋá n'a a mãa Sore Naaŋmɩn yere: A ʋlɩ bibir nɛ a sɛɛdɩr tɩɛ na na cen a kpɩmɛ tẽw a, ɩ̃ na ɩ n a wɛja za be ko-tuolu pʋɔ. A sɛɛdɩr tɩɛ zũú a, ɩ̃ na diw nɩ a bàa na be a tẽsɔw pʋ̃ɔmɩ a gbɔlʋ bɛr, ɩ̃ na ɩ n a ʋ mamɛ a tɛw àr, ɩ̃ɩ bɩw a kʋ̃ɔ yaga yaga. A ʋ zũú a, a Libã tẽw tan na liw na, ɛ́ a wɩ̀ɛ pʋɔ tɩɩr za ko.

Ɩzayi 5:6

Ɩ̃ na ɩ na ʋ lɩɛbɩ kár: nɩr bɛ ɓɛlɛ a wuli-ɓɛrmɛ bɛrɛ ɩ, nɩr bɛ dɔrɛ ʋ ɛ. Gɔ-tuwr'a na búle a be, ɩ̃ɩ na yel'ɩ a zũzuwe à ta ɩ saa wa ƴãw ʋ ɛ.»

1 Bibie za yel-manɩ 10:8

A bio daarɩ́, a Filisɩtɛ̃ mɩnɛ tɩ cen na kɛ́ bɛ tɩ de a Ɩsɩrayɛl nɩbɛ bɛ na kʋ a bome, bɛ tɩ nyɛ̃ nɩ a Sawul nɩ a ʋ bidɛbr kũuni a Gilbowa tãw zu.

1 Bibie za yel-manɩ 10:1

Bibir kãw, a Filisɩtɛ̃ mɩnɛ tɩ ŋmãa nɩ nɩ a Ɩsɩrayɛl nɩbɛ zɛbr a Gilbowa tãw zu. A Ɩsɩrayɛl nɩbɛ tɩ lɩɛb'a zɔ a Filisɩtɛ̃ mɩnɛ niŋé, ɛ́ bɛ kʋ nɩ-yaga.

Ƴɛ̀r-dɩrbɛ 5:23

A Sore malkɩ yere na: nyɩ ŋmɛ ƴãw a Merozi tẽw, nyɩ ŋmɛ ƴãw ʋ, nyɩ ŋmɛ ƴãw a nɩbɛ na kpɩɛr a ʋ pʋɔ a, bɛ na bɛ wa sõw a Sore a ƴãw, bɛ bɛ lãwnɩ a ʋ gãdaar zɛb ɛ.

A Yielu za pʋɔ yiel-vla vla 4:4

A fʋ nyũu ŋmɛ̃ na mɛ̃ a Daviir yir-cõcowla bɛ na ŋmãa ʋ kpɛmɛ a. Zɛbr-kur-pãgalɩ túr yawl'ɩ a be, gãdaar zɛbr bome n'ɩ a za.

1 Samɩɛl 31:8

A bio daarɩ́, a Filisɩtɛ̃ mɩnɛ tɩ cen na kɛ́ bɛ tɩ de a nɩbɛ bɛ na kʋ a bome. Bɛ tɩ nyɛ̃ nɩ a Sawul nɩ a ʋ bidɛbr ata, bɛ kpi gã a Gilbowa tãw zu.