2 Samɩɛl 1:16 - A SƐB-SÕW

¹⁶ A Daviir tɩ yel ʋ na: «Fʋ̃ʋ n'ʋ so a fʋ kũu, bʋ̃ʋ n'ʋ vɛ̃, fʋ̃ʋ n'ʋ ƴãw fʋ mɩŋa a kũu dɔwrʋ yel: “Mãa n'ʋ kʋ a Sore nɩ-kabra.”»

2 Samɩɛl 1:16 Referans Kwoze

Matie 27:25

A zu-sɛbla za tɩ sɔw na yel: «A yele a ʋ kũu na na wa n a, a lɛb lo a tɩɩm nɩ a tɩ bibiir zu!»

Luka 19:22

A nãà tɩ yel ʋ na: “Tõ-tõ-bi-faa ŋa, fʋ lɛb'a ŋmɛlɩ ƴɛ̀r nyɔw fʋ tʋɔra. Fʋ tɩ bãwnɩ a na a ɩ̃ yele na kpɛmɛ a, ɩ̃ mɩ́ de bom ɩ̃ na bɛ bin a, ɛ́ de bʋ̃-dieri be ɩ̃ na bɛ bʋ̀r a,

Levitɩ mɩnɛ 20:9

«Nɩr wa tʋ a ʋ sãà bɩɩ a ʋ mã a, bɛ na kʋ ʋ na. Ʋl yõ so a ʋ kũu, ʋ na tʋ a ʋ sãà bɩɩ a ʋ mã a ƴãw.»

Ʋrɔm 3:19

Tɩ bãw na k'aa alɩ bome nɛ za a Naaŋmɩn wulu na yere a, ʋ yere na kʋ̀rɛ a Zifʋ mɩnɛ a Wulu ŋa na fɛrɛ a, kɛ́ nɩr za ta tʋ̃ɔ́ háa nʋɔr manɩ a ʋ yel-mɩŋa ɩ, ɛ́ bɛ nyɛ̃ a tẽ-daa za na tɛr sãwna a Naaŋmɩn niŋé a.

Zʋkpaɩ 6:2

fʋ ƴɛ̀r'a a fʋ ƴɛ̀rʋ nyɔw fʋ, ɛ́ fʋ lo a ƴɛ̀rʋ fʋ na ƴɛ̀r a bɛra pʋɔ.

1 Na-mɩnɛ 2:37

Bãwnɩ a: a ʋlɩ bibir fʋ nãà wa yire a tẽw pʋɔ a, fʋ nãà wa gãwnɛ a Sedrɔ̃ bà-fʋɔla a, fʋ na kpi na. Fʋ̃ʋ yõ n'ʋ na so a fʋ kũu.»

2 Samɩɛl 1:10

Lɛ n'a ɩ̃ tɩ taw ta kʋ ʋ, bʋ̃ʋ n'ʋ vɛ̃, ɩ̃ tɩ bãwnɩ a na ʋ na kʋ̃ cãà vʋʋrɛ bɛlɛ wa zɛb tʋ̃ɔ́ ʋ a. Al pùorí, ɩ̃ tɩ vɔw nɩ a nãà-kpawʋɔ a ʋ zũú, ɛ́ yaa a bãw a ʋ kpãkpãw ƴãw, ɛ́ tɛr a wa n a ka k'ɩ̃ɩ wa kʋ̀ b, ɩ̃ sore e.»

1 Samɩɛl 26:9

A Daviir tɩ sɔw nɩ a Avɩsaɩ: «Taa kʋrɛ ʋ ɛ! Ãa n'ʋ na tʋ̃ɔ́ zɛw nũu tɔ n a Sore nɩ-kabra ɛ́ bɛ nyɛ̃ dɔwrʋ?

Zozue 2:19

A nyɩ kãw wa gãw a fʋ dɩ̃dɔr yi a, ʋl mɩŋa n'ʋ na so a ʋ kũu, tɩɩm bɛ pʋɔ ɩ, ɛcɛ nɩr za na na lãwnɩ fʋ a fʋ yir pʋɔ a, bɛlɛ wa kʋ ʋ a, tɩɩm na so a sãwna.

Nɩ-toni 20:26

Lɛ so ɩ̃ yere kʋ̀rɛ nyɩ za a dɩ̃a, nyɩ kãw za wa bɔr a, a bɛ yi mãa zie ɩ.

Ezekɩɛl 33:5

Ʋ wõ n a wɩ́ɛ kon ɛ́ bɛ cɛlɩ be ɩ. À ŋá a, ʋlɛ so a ʋ kũu. Ʋlɛ tɩ cɛlɩ be a, ʋ nãà tɩ vʋʋrɛ na.

Ezekɩɛl 18:13

Ʋ mɩ́ pɛ̃w nɩ a ʋ libie bɔbr'ɩ dɔwlɛ ɛ́ mɩ́ páw tɔnɛ. A bidɛb ŋa tɔ na vʋʋrɛ na bɩɩ? Towtow! Ʋ na ɩ a ɩb á ŋá za na bɛ maal'ɩ wob a, ʋ na kpi na, ɛ́ ʋl mɩŋa n'ʋ na so a ʋ kũu.

A Zɔb sɛbɛ 15:6

Fʋ̃ʋ n'ʋ ƴɛ̀rɛ nyɔwr fʋ tʋɔra, mãa bɛ n'ʋ ɛ, a fʋ mɩŋa ƴɛ̀r-bie n'a dɩrɛ a fʋ sãwna dãsɩɛ.

Ƴɛ̀r-dɩrbɛ 9:24

À ŋá n'a bɛ za na páw a ɩ-faa bɛ na ɩ a sã-ya: a Abimelɛkɩ, ʋ na kʋ a ʋ yɛbr, a Yerubaal bidɛbr lɩz'a ata nɩ pie a, ɛ́ a Sɩsɛm ziir dem, bɛ na sõw ʋ ʋ kʋ a ʋ yɛbr a.

Wulu-ayi-sob 19:10

À ŋá n'a bɛ kʋ̃ mɩ́ kʋ nɩr na bɛ tɛr sãwna a, a tẽw ʋl a Sore nyɩ Naaŋmɩn na na kʋ̀ nyɩ, nyɩ so a pʋɔ ɛ. Alɛ bɛ ɩ lɛ, nyɩmɛ na mɩ́ so a ʋ kũu sãwna.

Levitɩ mɩnɛ 20:27

«Dɛb bɩɩ pɔw wa sowre a kpɩmɛ a, a fɛr'a kɛ́ bɛ kʋ bɛ: bɛ na lɔb'ɩ bɛ nɩ kʋsɛbɛ kʋ. Bɛl yõ na so a bɛ kũu.»

Levitɩ mɩnɛ 20:16

«Pɔw wa ɩ dʋ̃w do ʋ a, bɛ na kʋ n a pɔw nɩ a dʋ̃w za, bɛl yõ so a bɛ kũu.»

Nɩ-toni 18:6

Ɛcɛ bɛ na tɩ zawrɩ a sàw-deb ɛ́ tʋʋr a Pol a, ʋ tɩ pĩ n a ʋ bʋ̃-suuri uuru ƴãw bɛ ɛ́ yel: «Nyɩmɛ wa bɔr a, a bɛ yi mãa zie ɩ! Ɩ̃ zaa n'ɩ ŋa! Dɩ̃a na ta a, a nɩ-bʋʋr-yoru zie n'a ɩ̃ na cen.»

2 Samɩɛl 16:8

A Sawul yir nɩbɛ za fʋ na kʋ a, al san n'a a Sore ƴãw fʋ yarɛ! Fʋ zu n a Sawul zie dɩ a naalʋ, alɛ so a Sore faa a naalʋ kʋ̀ a fʋ bidɛb Abɩsalɔm. Ƴɛrɛŋa a, fʋ̃ʋ n'ɩ ŋa be kpɩɛrʋ pʋɔ, fʋ na ɩ nɩ-kʋrɛ a ƴãw!»

1 Samɩɛl 25:39

A Daviir tɩ wõ na k'aa Naval kpi na, ɛ́ tɩ yel à ŋá: «A Sore na kpɛ m a lɛn daar a Naval na tɩ tʋ m a, ʋlɛ so puoru, ʋl na piw mɛ̃ tɛr ɩ̃ bɛ maalɩ faa a. Ɛ́ a Naval po-tuolu a, a Sore ɩ na a lɛb lo a ʋ zu.» Al pùorí, a Daviir tɩ tõ n nɩbɛ kɛ́ bɛ tɩ bɔ a Avigayil kʋ̀ ʋ.