2 Pɩɛr 3:3 - A SƐB-SÕW

³ Nyɩ páw bãwnɩ a, a bibi-pɛ-baarɩ pʋɔ a, nɩbɛ na ɩrɛ bɛ taabɛ laar a na yi na, vʋʋrɛ mɛ̃ a lɛ bɛl mɩŋa na bɔbr a,

2 Pɩɛr 3:3 Referans Kwoze

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:18

Bɛ tɩ yere nɩ à ŋá kʋ́rɛ nyɩ: «A yele za baarʋ daar a, nɩbɛ na ɩrɛ nyɩ na laar ɛ́ tuur a bɛ ɩ-faar vʋla.»

2 Pɩɛr 2:10

Ɛ́ baa zuo a za, ʋ na ƴãw nɩ dɔwrʋ a bɛlɩ dem na mɩ́ zɔrɛ tuur a ƴã-gan nʋ̃ɔ̀, a bɛ pɩ̃ɔ-yele tɩɛr-faa zũú, ɛ́ bɛ tobr bɛ ka be a Sore nɩ-kpɛ̃ɛnʋ ƴãw a. Bɛ kpɛ n pʋra ɛ́ ɩ pɔ̀lʋ dem, bɛ bɛ zɔrɛ dɛ̃bɩ̃ɛ a salom zu dem na tɛr yúor-vɩɛlʋ-danʋ a tʋb ƴãw ɛ.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:16

A nɩbɛ bɛ ŋa mɩ́ zɛbr'ɩ kʋralɛ, ɛ́ a bɛ suur bɛ nʋmɛ bɛ a bɛ nyɔ-vʋʋrʋ ƴãw ɛ. Bɛ mɩ́ tɩɛrɛ nɩ a bɛ bʋ̃-bɔbrɩ tɛwr. Pɔ̀l-ƴɛ̀rʋ n'a bɛ mɩ́ ƴɛ̀rɛ, ɛ́ bɛlɛ wa mʋʋrɛ nɩr a, bɛl mɩŋa tɔnɛ ƴãw n'a.

2 Korɛ̃tɩ 4:2

Tɩ zawr'ɩ ɩb za bɛ na mɩ́ sɔwlɩ ɩrɛ a, nɩ bom za na ɩrɛ vĩ a. Tɩ bɛ tɛr yã-ɩb bɛ̀lɛ nɩ nɩbɛ ɩ, tɩ bɛ tɛwr a Naaŋmɩn ƴɛ̀rʋ tule nɩ a nɩbɛ ɩ, tɩ nɩ̃ɛ na ɩrɛ k'aa yel-mɩŋa sãá, bɔbr'ɩ k'aa nɩbɛ za nyɛ̃ kɛ́ tɩ ɩ n nɩ-mɩn a Naaŋmɩn niŋé.

2 Pɩɛr 1:20

Nyɩ páw bãwnɩ a vla za: nɩsaal za kʋ̃ tʋ̃ɔ́ bãw ír a naaŋmɩn-ƴɛ̀r-manbɛ ƴɛ̀rʋ pɛr na be a Sɛb-sõw pʋɔ a, ʋ yõ ɩ.

2 Timote 3:1

Bãw a yel ŋa vla vla: a bibi-pɛ-baarɩ daar, a zie na kpɛmɛ na.

Zʋkpaɩ 3:34

A Sore mɩ́ ɩ n a nɩ-ɩ-laarbɛ la, ɛcɛ, ʋ mɩ́ ɩrɛ nɩ nɔ̃wfʋ ɩb a su-siwri dem zie.

Zʋkpaɩ 1:22

«A nyɩɩm na bɛ bãw bom za a, debor'a nyɩ na nɔ̃w a nyɩ bom bɛ-bãwfʋ tɩ ta? A nyɩɩm nɩ-ɩ-laarbɛ, debor'a nyɩ na ɩ m la tɩ ta? A nyɩɩm dãbole, debor'a nyɩ na zawrɩ a bãwfʋ bɛr tɩ ta?

Zʋkpaɩ 14:6

Nɩr a tobr na bɛ ka bom za ƴãw a na tʋ̃ɔ́ na bɔbr a yã-bãwfʋ: ʋ bɛ nyɛrɛ ʋ ɛ. Ɛcɛ nɩr na tɛr a yã a mɩ́ páw nɩ a bãwfʋ fɔ̃wlɛ.

1 Zã 2:18

Ɩ̃ bibiir i, a yele za baarʋ pɩɛl'a. Nyɩ wõ na bɛ yel kɛ́ Kɩrɩta dɔ̃ sob waar'a. Ɛcɛ ƴɛrɛŋa a, Kɩrɩta dɔ̃ dem yaga be n ka. À ŋá n'a tɩ bãw k'aa yele za baarʋ daar ta na.

A naaŋmɩn-ƴèr-manɛ Oze sɛbɛ 7:5

A bɛ nãà cuw bibir a, a ʋ tõ-tõ-bi-bɛrɛ mɩ́ nyũ n a divɛ̃ zuo tɩ ɩ n bàalbɛ. Bɛ mɩ́ ɩrɛ nɩ a nɩbɛ laar ɛ́ a nãà cɔwrɛ bɛ.

Ɩzayi 29:20

Bʋ̃ʋ n'ʋ vɛ̃, a na ɩ n a po-to-fãw-ɩb dem baarʋ, ɛ́ a nyɔka dem kʋ̃ cãà be ɩ. A bɛlɩ dem za na mɩ́ ũú gù a yel-faa maalʋ a, bɛ na kʋ bɛ na pàw pɛr,

Ɩzayi 28:14

Nyɩ bɛrɛ wone a Sore ƴɛ̀rʋ, nyɩɩm nɩ-ɩ-laarbɛ na kaarɛ a Zerizalɛm nɩbɛ bɛ ŋa zie a:

Ɩzayi 5:19

Bʋ̃ʋ n'ʋ vɛ̃, bɛ mɩ́ yere na: «A Sore, ʋ ɩ fɔ̃w, ʋ paw tõ a ʋ ton kɛ̀ tɩ nyɛ̃ ʋ! A lɛ a Ɩsɩrayɛl Naaŋmɩn na ɩ sõw a, na tɩɛrɩ bin a, ʋ ta ɛ́ maalɩ, ɛ́ tɩ na bãw ʋ na!»

Zã 12:48

Sob nɛ na zawrɩ mɛ̃ bɛr ɛ́ bɛ dier a ɩ̃ ƴɛ̀rʋ a, tɛr'ɩ a ʋ ƴɛ̀r-maalɛ: a ƴɛ̀rʋ ɩ̃ na ƴɛ̀r a na yel'ɩ a ʋ sãwna a bibi-pɛ-baara wa vɩɛ a.

Ebre 1:2

Ɛcɛ ƴɛrɛŋa a, a yele baarʋ vuo ŋa pʋɔ a, a ʋ Bie n'ʋ ʋ ƴãw ʋ ƴɛ̀r a tɩ zie. Ʋlɛ n'ʋ a Naaŋmɩn ƴãw k'ʋ ír bom za ɛ́ so bom za.