2 Na-mɩnɛ 1:13 - A SƐB-SÕW

¹³ A nãà tɩ lɛb'a tõ sojarɩ lɩz'a ayi nɩ pie nɩ-kpɛ̃ɛ nɩ a ʋ nɩbɛ lɩz'a ayi nɩ pie, a gb'a ata sob. Bɛ tɩ do n a tãw zu. Ɛcɛ a sojarɩ nɩ-kpɛ̃ɛ na tɩ tarɛ a, ʋ gbĩ n dume a Eli niŋé, ɛ́ zɛlɩ ʋ yãayãa à ŋá: «Naaŋmɩn nɩr i mãa nɩ a ɩ̃ nɩbɛ lɩz'a ayi nɩ pie bɛ ŋa nyɔ-vʋʋrʋ, a ɩ bʋ̃-sɩza a fʋ zie!

2 Na-mɩnɛ 1:13 Referans Kwoze

Ɩzayi 1:5

Nyɩn lowr'a bɛ na lɛb ŋmɛ nyɩ, nyɩɩm na cãà gaarɩ a? A zu ɩ n natɩɛ ʋ za, a socir za ɩ n bàal.

Yel-wula 3:9

Nyɛ̃ a lɛ ɩ̃ na na ɩ a Sɩtaana lãw nɩbɛ a, a zir-ŋmarbɛ bɛ ŋa na yel kɛ́ bɛ ɩ n Zifʋ mɩnɛ ɛ́ bɛ ɩ Zifʋ a: ɩ̃ na fɛr bɛ na ƴãw bɛ wa gbĩ dume a fʋ niŋé. Bɛ na nyɛ̃ na bãw k'ɩ̃ɩ nɔnɛ fʋ na.

Zakɩ 4:7

A na ɩ lɛ a, nyɩ mɩ́ bɛr nyɩ tʋɔra kʋ̀ a Naaŋmɩn. Nyɩ mɩ́ bà gbɛ́r a Gɛgɛra niŋé, ʋʋ na zɔ na zãá nɩ nyɩ.

Ɩzayi 66:2

A bome á ŋá za a, ɩ̃ nuru n'a maalɩ a, mãa so a, a mãa Sore, mãa n'ʋ yere. Ɛcɛ a ʋlɩ sob ɩ̃ na mɩ́ jɩ́rɛ a, ʋlɛ n'ɩ a bãbàal, a pʋ-sãwna sob, a sob nɛ ɩ̃ na mɩ́ ƴɛ̀r ʋ màwr a.

Ɩzayi 60:14

A bɛlɩ dem na tɩ dɔwrɛ fʋ a na su n zuru taw pɩɛl'ɩ fʋ, a bɛlɩ dem za na tɩ ɩ b la a na lo na vɔblɩ muru a fʋ pile. Bɛ na bʋɔlɛ fʋ nɩ “A Sore tẽ-kpɛ̃ɛ”, “A Ɩsɩrayɛl Naaŋmɩn na ɩ sõw a Sɩyɔ̃”.

Ekilezɩasɩ 9:3

A yel-been na n'ʋ mɩ́ ta a nɩbɛ za a, ʋ ɩ n yel-faa na be a yele za na ɩrɛ a tẽw zu ka a pʋɔ. Alɛ n'a so a nɩsaalbɛ socie paalɩ a yel-faar tɛwr, ɛ́ bɛ mɩ́ ɩ dãbole a bɛ nyɔ-vʋʋrʋ daar za. Al pùorí bɛ kpi.

Zʋkpaɩ 27:22

Fʋ̃ʋ saa tɔ a dãbol nɩ tùlú, mɛ̃ a lɛ bɛ na mɩ́ tɔ a bʋ̃-bie a tʋɔr pʋɔ a, a ʋ dãbolu kʋ̃ yi ɛ.

Sɛb-sõw yielu 102:17

A Sore wa lɛb mɩɛr a Sɩyɔ̃ tẽw a, bɛ na nyɛ̃ ʋ nɩ a ʋ vɩɛlʋ pʋɔ.

Sɛb-sõw yielu 72:14

Ʋ na faa bɛ nɩ a nɩbɛ na dɔwrɛ bɛ a zie, ɛ́ ɩrɛ po-to-fãw-ɩb a bɛ zie a, a bɛ nyɔ-vʋʋrʋ na ɩ bʋ̃-sɩza a ʋ zie a ƴãw.

1 Na-mɩnɛ 13:6

Lɛ n'a a nãà tɩ yel a Naaŋmɩn nɩr: «Ɩ̃ zɛlɛ fʋ nɩ yãayãa, ɓaalɩ a Sore fʋ Naaŋmɩn kʋ̀ m. Zɛlɩ ʋ a ɩ̃ ƴãw, a ɩ̃ kpãkpãw tʋ̃ɔ́ sanɩ.» A Naaŋmɩn nɩr tɩ zɛlɩ nɩ a Sore, a nãà tʋ̃ɔ́ lɛb gùr a ʋ kpãkpãw wa n a ʋ zie. A kpãkpãw tɩ lɛb'a ɩ mɛ̃ a dãwdãw a.

1 Samɩɛl 26:21

A Sawul tɩ yel'a: «Ɩ̃ maal'ɩ yel-bier! Ɩ̃ bie Daviir i, lɛb wa, ɩ̃ bɛ lɛb be za na maalɩ fʋ faa ɩ, fʋ na nyɛ̃ a ɩ̃ nyɔ-vʋʋrʋ ʋ ɩ bʋ̃-sɩza a dɩ̃a a ƴãw. Dãbol-ɩb'a ɩ̃ ɩ, ɩ̃ tuli na bɛ dɩ vuo ɩ.»

Eziptɩ tẽw yib 11:8

A Moyiir tɩ cãà na lɛb yel: «A lɛn daar a, a fʋ tõ-tõ-bi-bɛrɛ bɛ ŋa za na wa na wa gbĩ dume a ɩ̃ niŋé, ɛ́ yel mɛ̃: “Yi zaa a tẽw pʋɔ, fʋ̃ʋ nɩ a fʋ nɩbɛ za!” A pùorí n'a ɩ̃ na yi.» A Moyiir tɩ nyɛ̃ nɩ suur yaga yi n a Faarawɔ̃ zie.

2 Na-mɩnɛ 1:12

A Eli tɩ sɔw ʋ na: «Mãa wa sɩrɩ ɩ Naaŋmɩn nɩr a, vũu, a yi a salom zu siw dɩ fʋ̃ʋ nɩ a fʋ nɩbɛ lɩz'a ayi nɩ pie!» A Naaŋmɩn vũu tɩ yi n a salom zu siw dɩ a sojarɩ nɩ-kpɛ̃ɛ nɩ a ʋ nɩbɛ lɩz'a ayi nɩ pie.

2 Na-mɩnɛ 1:14

Ɩ̃ bãwnɩ a na vũu na yi a salom zu siw dɩ a sojarɩ nɩ-bɛrɛ ayi bɛl na de niwn wa a, lãwnɩ a bɛ nɩbɛ a. Ɛcɛ, ɩ̃ zɛlɛ fʋ nɩ yãayãa, a ɩ̃ nyɔ-vʋʋrʋ, ʋ ɩ bʋ̃-sɩza a fʋ zie!»

Zeremi 5:3

Sore e, a yel-mɩŋa bɛ n'a fʋ bɔbr ɛ? Fʋ ŋmɛ bɛ na, ɛ́ a bɛ ɩ bɛ bom ɛ, fʋ tɩ bɔbr'a kɛ́ fʋ kʋ bɛ pàw pɛr, ɛcɛ bɛ bɛ sàw a kpãàfʋ ɛ. Bɛ nyar'ɩ a bɛ niŋe a kpɛmɛ zuo kʋsɩɛr, bɛ zawr'ɩ a fʋ zie lɛb-waa.