2 Korɛ̃tɩ 6:5 - A SƐB-SÕW

⁵ Bɛ pɔb tɩ na, ɛ́ nyɔw tɩ ƴãw gaso pʋɔ. Bɛ dam'ɩ a zu-sɛbla ƴãw ʋ ìr a tɩ ƴãw, tɩ tõ na tɩ bàl, tɩ bɛ ũù mimir ɛ, tɩ bɛ dɩ bom ɛ.

2 Korɛ̃tɩ 6:5 Referans Kwoze

2 Korɛ̃tɩ 11:27

Tõ-kpɛn ƴãw mɛ̃ nɩ bàlʋ nɩ hanʋ. Gb'a à ŋá za, ɩ̃ bɛ ũù mimir ɛ. Kɔ̃ nɩ kʋ̃ɔ-nyúur kpɛ m'a. Gb'a a ŋmɩn za, ɩ̃ tɛr'ɩ mʋta-tuo. Ƴawr kpɛ m'a, ɩ̃ bɛ tɩ tɛr bʋ̃-suuri ɛ.

Nɩ-toni 17:5

Ɛcɛ a Zifʋ mɩnɛ tɩ nyɛ̃ nɩ suur bɛ dɩ vuo ɩ. Bɛ tɩ bʋɔl'ɩ a nɩ-guuri na cɔlɛ gʋɔr a sɛ́ɛ pʋɔ a, ɓã taa ɩrɛ nɩ gɔmɛ damnɛ nɩ a nɩbɛ, tɩ dam'ɩ a tẽw nyaw taa. Bɛ tɩ ta n Zazɔ̃ yir sowre a Pol nɩ a Sɩlasɩ. Bɛ tɩ bɔbr'a kɛ́ bɛ́ nyɔw bɛ cen nɩ a zu-sɛbla niŋé.

Yel-wula 2:10

Ta zɔrɛ a tuo fʋ na na wõ a dɛ̃bɩ̃ɛ ɩ. Nyɛ̃, a Gɛgɛra na ƴãw nɩ nyɩ mɩnɛ gaso pʋɔ k'ʋʋ ɩ nyɩ kaa, ɛ́ nyɩ na nyɛ̃ nɩ kpɩɛrʋ bibie pie. Taa lɛbr pùor ɛ, ɛ́ tɩ ta a fʋ kũu daar, ɩ̃ɩ na kʋ̀ b'ɩ a zɛb-tʋ̃ɔ́fʋ kpawʋɔ na ɩ a nyɔ-vʋʋrʋ a.

Ebre 13:23

Nyɩ bãwnɩ a kɛ́ bɛ lɛb'a bɛr a tɩ yɛb Timote. Ʋlɛ wa wa fɔ̃w a, ɩ̃ na wa na wa nyɛ̃ nyɩ, mãa nɩ a ʋl za.

Ebre 13:17

Nyɩ sàwr a nyɩ niw-dierbɛ nʋɔr ɛ́ siwre nyɩ tʋɔra a bɛ zie. Bʋ̃ʋ n'ʋ vɛ̃, bɛ kaarɛ nɩ a nyɩ zie kʋralɛ, mɛ̃ Naaŋmɩn nãà wa sowri bɛ na a. Nyɩ ɩrɛ bɛ tʋ̃ɔ́ tone a bɛ tome nɩ nʋ̃ɔ̀, ɛ́ ta tone zɛbr'ɩ ɛ, a kʋ̃ wa n tɔnɛ za a nyɩ zie ɩ.

Ebre 11:36

Bɛ mɩ̀ tɩ ɩ n bɛ mɩnɛ la ɛ́ fɔb bɛ, ɛ́ ƴãw bɛ mɩnɛ bamɛ lɔb ƴãw gaso pʋɔ.

2 Timote 4:5

Ɛcɛ a fʋ̃ʋ a, nyɔw fʋ tʋɔra a yele za pʋɔ, sàw de a tuo, tone a Yel-nʋ̃ɔ̀ hieru tome, tone a fʋ Naaŋmɩn tõ-tõ-bie tome za vla.

2 Timote 2:9

A Yel-nʋ̃ɔ̀ ŋa ƴãw n'a ɩ̃ wone a tuo, bɛ tɩ nyɔw mɛ̃ 'lẽ nɩ bamɛ mɛ̃ yel-fa-maalɛ a. Ɛcɛ bɛ bɛ 'lẽ a Naaŋmɩn ƴɛ̀rʋ ɛ!

2 Timote 1:8

Lɛ so, ta zɔrɛ vĩ a tɩ Sore dãsɩɛ dɩb ƴãw ɛ. A mãa mɩ̀ na be a gaso pʋɔ a ʋ yúor ƴãw a, a ta ɩrɛ fʋ vĩ ɛ. Nɩ̃ɛ vɛ̃ kɛ́ sàw lãw nɩ mɛ̃ wone a tuo nɩ Naaŋmɩn fãw, a Yel-nʋ̃ɔ̀ ƴãw.

1 Timote 4:10

Bʋ̃ʋ n'ʋ vɛ̃, tɩmɛ wa hanɛ ɛ́ mʋɔr a, tɩ na ƴãw a tɩ tɩɛrʋ a Naaŋmɩn na vʋʋrɛ a ƴãw a n'a so, ʋl na ɩ a nɩsaalbɛ za faarɛ a, baa zuo a za a bɛl na sàw de ʋ a.

1 Tesalonikɩ 2:9

Yɛbr i, nyɩ lɛb tɩɛrɩ a tɩ kpɩɛrʋ nɩ a tɩ bàlʋ: tɩ tɩ tone nɩ mʋ̃tɔ̃w nɩ tɩ̃ɩsɔw za, ɛ́ cãà hiere a Yel-nʋ̃ɔ̀ kʋ̀rɛ nyɩ, kɛ́ nyɩ kãw za ta bàlɛ ʋ tʋɔra a tɩ ƴãw ɛ.

Filib 1:13

A Ʋrɔm tẽw na-kpɛ̃ɛ-lɩɛrɛ yir za pʋɔ nɩ a ziir za a, nɩr za bãwnɩ a nɩ ƴɛrɛŋa, kɛ́ a Kɩrɩta ƴãw n'a ɩ̃ be a gaso pʋɔ.

Efɛɛzɩ 3:1

Alɛ n'a so a mãa, Pol, ɩ̃ puore a Naaŋmɩn. Ɩ̃ be n a gaso pʋɔ a Yeezu Kɩrɩta tome ɩ̃ na tone a nyɩɩm nɩ-bʋʋr-yoru ƴãw a zũú.

1 Korɛ̃tɩ 15:10

Naaŋmɩn maalʋ n'a so ɩ̃ ŋmɛ̃ à à ŋá ɩ̃ na ŋmɛ̃ a, ɛ́ a ʋ maalʋ a ɩ̃ zie bɛ ɩ zawla ɩ. Ɩ̃ nɩ̃ɛ na tõ zuo bɛ za: mãa bɛ n'ʋ ɛ, a Naaŋmɩn maalʋ na be a ɩ̃ zie a n'ʋ.

1 Korɛ̃tɩ 7:5

Nyɩ ta sɩbr taa a lãw-taa, ɛ́ a bɛ ɩ kɛ́ nyɩ wõ n taa ŋmãa bɛr blãlɛ ƴãw kɛ́ nyɩ tʋ̃ɔ́ puori ɛ. Al pùorí, nyɩ lɛb lãwnɛ taa, alɛ bɛ ɩ lɛ, nyɩ nãà tɛrɛ nɩ nyɩ tʋɔra guur lo a Sɩtaana bɛ̀lʋ pʋɔ.

1 Korɛ̃tɩ 4:11

Cãà wa tɩ tɔ a ƴɛrɛŋa a, kɔ̃ nɩ kʋ̃ɔ-nyúur kpɩɛr tɩ na, tɩ ɩ n ƴã-gã-zawlɛ ɛ́ bɛ dɔwrɛ tɩ, tɩ ɩ n nɩ-yʋɔrɩ

Nɩ-toni 28:30

A Pol tɩ kpɛ n a yir nɛ pʋɔ yũo-ɓile ayi, yarɛ a yir. A bɛlɩ dem za na mɩ́ tɩ wa a ʋ zie a, ʋ mɩ́ tɛr bɛ na

Nɩ-toni 26:29

A Pol tɩ sɔw na: «Fɔ̃wlɛ n'a bɩɩ a cɛlɩ n'a a, a Naaŋmɩn, ʋ sàw fʋ̃ʋ nɩ a bɛlɩ dem za na bɛrɛ wone a ɩ̃ ƴɛ̀rʋ a dɩ̃a a, nyɩ wa ŋmɛ̃ taa nɩ mɛ̃, ɛ́ tɩ cɛ a bamɛ á ŋá!»

Nɩ-toni 26:10

Lɛ tɔr za n'a ɩ̃ ɩ a Zerizalɛm. Ɩ̃ nyɔw nɩ nɩ-son yaga yaga lɔb ƴãw gaso pʋɔ. A bàwr-maal-nɩ-bɛrɛ tɩ kʋ̀ m'ɩ fãw a al ƴãw. Mɔ̃ mɩ̀, bɛ na mɩ́ tɩ kʋrɛ bɛ a, ɩ̃ mɩ́ tɩ sàw na.

Nɩ-toni 24:27

Yome ayi pùorí, Pɔrsɩyisi Fɛsɩtɩsɩ tɩ lɩɛr'ɩ a Felisɩ ɩ a Ʋrɔm tẽw na-kpɛ̃ɛ-lɩɛrɛ. Ɛcɛ a Felisɩ na tɩ bɔbr k'ʋʋ ɩ nʋ̃ɔ̀ kpɛ a Zifʋ mɩnɛ a, ʋ tɩ cãà na bɛr a Pol a gaso pʋɔ.

Nɩ-toni 23:35

ʋ yel ʋ na: «A bɛlɩ dem na yere a fʋ sãwna a wa ta a, ɩ̃ na bɛr'a wõ a fʋ ƴɛ̀rʋ.» Ɛ́ tɩ ƴãw kɛ́ bɛ ƴãw ʋ a Erɔdɩ yir, ɛ́ gù ʋ.

Nɩ-toni 23:10

A taw-taa tɩ waar'a na ɩ faa, alɛ so a sojarɩ túr (1 000) nɩ-kpɛ̃ɛ ƴãw a ʋ sojarɩ siw tɩ tɛr a Pol lɛb do n a sojarɩ yir pʋɔ. Ʋ tɩ zɔrɛ nɩ dɛ̃bɩ̃ɛ bɛ nãà wa ìr taw a Pol ɓɛl a.

Nɩ-toni 20:31

Lɛ so, nyɩ cɛlɛ vla ɛ́ lɛb tɩɛrɩ bãwnɩ a kɛ́ yome ata za, mʋ̃tɔ̃w nɩ tɩ̃ɩsɔw za, ɩ̃ mɩ́ tɩ kpaalɛ nɩ a nyɩ za been been tɩ lãwnɩ kòn.

Nɩ-toni 14:23

Bɛ tɩ kaa na ír nɩ-kore a Lãw-yie been been kaafʋ ƴãw, ɛ́ bɛ na tɩ puori tɛr'ɩ mʋta-tuo wa baar'a, bɛ de nɩ a nɩbɛ bɛ ŋa, na tɩ ƴãw a bɛ tɩɛrʋ a Sore ƴãw a, kʋ̀ ʋ.

Nɩ-toni 14:19

Ɛcɛ a Ãtɩɔsɩ nɩ a Ɩkonɩɔm tẽw Zifʋ mɩnɛ tɩ wa na wa lɩɛbɩ a zu-sɛbla tɩɛrʋ, ƴãw bɛ tu bɛ, ɛ́ lɔb a Pol nɩ kʋsɛbɛ, ɛ́ nyɔw ʋ vu yi n bɛr a tẽw pʋɔ, ɛ́ tɩɛrɛ k'ʋʋ kpi na.

Nɩ-toni 13:3

Lɛ n'a, bɛ na tɩ tɛr a mʋta-tuo baarɩ ɛ́ puori baarɩ a, bɛ ír'ɩ nuru dɔwlɩ a bɛ zu, ɛ́ bɛr bɛ bɛ cen.

Nɩ-toni 5:18

Bɛ tɩ ƴãw na bɛ nyɔw a nɩ-toni lɔb ƴãw a nɩbɛ za gaso pʋɔ.

Matie 14:10

ɛ́ tõ nɩr ʋ cen a gaso pʋɔ tɩ cɛ a Zã zu ŋmãa.

Matie 14:3

Bʋ̃ʋ n'ʋ vɛ̃, a Erɔdɩ tɩ ƴãw na bɛ nyɔw a Zã 'lẽ lɔb ƴãw gaso pʋɔ, a ʋ yɛb Filib pɔw Erodɩadɩ ƴãw.

Matie 9:15

A Yeezu tɩ sɔw bɛ na: «Kul-taa cuw dem na tʋ̃ɔ́ na tɛr pʋ-sãwna lɛn daar za a dɛb-sãan na be a bɛ sɔgɔ a bɩɩ? Ɛcɛ bibie waar'a na vɩɛ, bɛ na ír a dɛb-sãan a bɛ sɔgɔ, lɛn daar'a bɛ na mɩ́ tɛr a mʋta-tuo.

Ezekɩɛl 3:17

«Fʋ ɩ n nɩsaal tɛwr, ɛcɛ ɩ̃ ƴãw na fʋ ɩ zi-piwre a Ɩsɩrayɛl nɩbɛ ƴãw. Fʋ na bɛrɛ na wone a ɩ̃ ƴɛ̀rʋ, ɛ́ yere a yelu ɩ̃ na yere a Ɩsɩrayɛl nɩbɛ a kʋ̀rɛ bɛ.

Zeremi 38:6

A tõ-tõ-bi-bɛrɛ tɩ nyɔw nɩ a Zeremi lɔb ƴãw a nãà bidɛb, Malkɩa, sa-bie-kʋ̃ɔ-bɔw pʋɔ, a ʋl na be a soja-zi-gùrbɛ davʋra pʋɔ a. Bɛ tɩ ƴãw nɩ mie a Zeremi tùr a bɔw pʋɔ. A kʋ̃ɔ tɩ baar'ɩ a sa-bie-kʋ̃ɔ-bɔw pʋɔ, ɛ́ tɩ cɛ a mɛ̃mɛrɛ. A Zeremi tɩ siw na kpa gbɛ́ɛ a mɛ̃mɛrɛ pʋɔ.

Zeremi 33:1

A Sore tɩ lɛb'a ƴɛ̀r a Zeremi zie a gb'a ayi sob ƴãw, a lɛn daar bɛ na tɩ cãà pàw ʋ a soja-zi-gùrbɛ davʋra pʋɔ a.

Ɩzayi 53:5

Ɛcɛ a tɩ ɩ-faar'a so bɛ cɔ̀r ʋ col, a tɩ yel-bebe zũú n'a bɛ ƴɛ́r ʋ ŋmɛr. A dɔwrʋ ʋl na ɩ kɛ̀ tɩ páw a ƴã-ɓaarʋ a, ʋl zu n'a k'ʋ lo. Ɛ́ a ʋ natɩɛ n'a so kɛ̀ tɩ nyɛ̃ a sanʋ.

2 Bibie za yel-manɩ 16:10

A Asa tɩ nyɛ̃ nɩ nɩ a naaŋmɩn-ƴɛ̀r-manɛ suur, ƴãw bɛ nyɔw ʋ lɔb ƴãw gaso pʋɔ, a ʋ ƴɛ̀r-bie na tɩ ɩ a ʋ suur ìr a ƴãw. A lɛn daar mɩ̀ a, a Asa tɩ tĩ na dɔwrɛ a ʋ nɩ-bʋʋrɛ nɩbɛ bɛ mɩnɛ.

1 Na-mɩnɛ 22:27

ɛ́ yel bɛ: “À ŋá n'a a nãà yere: Nyɩ ƴãw a nɩr ŋa a gaso pʋɔ, ɛ́ mɩ́ kʋ̀ ʋ dipɛ̃ blã nɩ kʋ̃ɔ blã, ɛ́ gù ɩ̃ wa tɩ lɛb wa n ƴã-ɓaarʋ.”»

Wulu-ayi-sob 25:3

Ɛcɛ a ŋmɩɛrʋ nʋɔr kʋ̃ zuo lɩz'a ayi ɛ. Bɛlɛ wa ŋmɛ ʋ tɔl yɩ̃ɛ a, a nyɩ yɛb kʋ̃ cãà ɩ nɩr a nyɩ zie ɩ.