2 Korɛ̃tɩ 6:15 - A SƐB-SÕW

¹⁵ Bʋ̃ʋ wõ-taa n'a na tʋ̃ɔ́ be a Kɩrɩta nɩ a Beliyaar cara pʋɔ? Bʋ̃ʋ n'a naaŋmɩn-sàw-diere nɩ naaŋmɩn-bɛ-sàw-diere na tʋ̃ɔ́ lãw?

2 Korɛ̃tɩ 6:15 Referans Kwoze

1 Na-mɩnɛ 18:21

A Eli tɩ taw na ta a nɩbɛ za niŋé ɛ́ yel à ŋá: «Debor daar'a nyɩ na mɩ́ ƴaw gol gbɛ́r ŋa zu, ɛ́ lɛb ƴaw gol gbɛ́r ŋa zu tɩ ta? A Sore wa n'ɩ a Naaŋmɩn a, nyɩ puore ʋ! Báàl wa n'ɩ a Naaŋmɩn a, nyɩ puore ʋ!» Ɛcɛ a nɩbɛ pʋɔ a, nɩr za bɛ tɩ sɔw ʋ ɛ.

1 Timote 5:8

Nɩr bɛ wa kaarɛ a ʋ nɩbɛ zie a, baa zuo a za a bɛl na kpɩɛr a ʋ yir pʋɔ a, ʋ zawr'ɩ a naaŋmɩn-sàw-deb bɛr, ʋ kpɛ n faa zuo sob nɛ na bɛ tɛr a naaŋmɩn-sàw-deb a.

Nɩ-toni 8:20

Ɛcɛ a Pɩɛr tɩ yel ʋ na: «Fʋ̃ʋ nɩ a fʋ libie za a, nyɩ wɛ! Fʋ na tɩɛrɛ kɛ́ fʋ na tʋ̃ɔ́ na dà n libie a Naaŋmɩn maalʋ ʋ na tɩrɛ zawlalɛ a!

Nɩ-toni 5:14

A nɩbɛ bɛl na tɩ sàw de a, ɛ́ tɩ wa wa lãwnɛ nɩ a Sore a, a bɛ nʋɔr tɩ kɛrɛ nɩ kʋralɛ, dɛbr nɩ pɔwbɛ yaga yaga.

Markɩ 16:16

Ʋlɩ sob nɛ wa sàw de a, ɛ́ de a suob a, ʋ na nyɛ̃ nɩ a faafʋ, ʋlɩ sob nɛ bɛ wa sàw de a, ʋ na nyɛ̃ nɩ dɔwrʋ.

Ɛsɩdɩrasɩ 4:3

Ɛcɛ a Zorobabɛl, a Zozue nɩ a Ɩsɩrayɛl yie nɩ-bɛrɛ bɛl na cɛ a tɩ sɔw bɛ na: «A bɛ sɛw kɛ́ nyɩ sõw tɩ tɩ ŋmãa yir a tɩ Naaŋmɩn ƴãw ɛ. Tɩɩm tɛwr nɛbɛ a fɛr kɛ́ tɩ ŋmãa ʋ, bʋ̃ʋ n'ʋ vɛ̃, ʋ na ɩ n a Sore, a Ɩsɩrayɛl Naaŋmɩn yir. A Pɛrsɩ tẽw nãà Siirisɩ mɩŋa n'ʋ yel à à ŋá.»

Ƴɛ̀r-dɩrbɛ 19:22

Bɛ na tɩ dɩrɛ wone nɩ nʋ̃ɔ̀ a, a be dem bɛ mɩnɛ, nɩ-bɛ-tɛr bir mɩnɛ, tɩ wa na wa ŋmãa viiri koli a yir, ɛ́ ŋmɛ a pan kpɛ̃w kpɛ̃w za, ɛ́ yel a dɛb-nyãw na tɩ so a yir a: «A nɩr ʋl fʋ na de a fʋ yir a, ɩ ʋ yi tɩ gã nɩ ʋ.»

Ƴɛ̀r-dɩrbɛ 20:13

Ƴɛrɛŋa a, nyɩ ƴãw tɩ a Givea nɩ-faar bɛ ŋa, a nɩ-bɛ-tɛr-bir mɩnɛ bɛ ŋa, nyɩ ƴãw bɛ a tɩ nũú. Tɩ na kʋ bɛ na, tʋ̃ɔ́ ír a faa bɛr a Ɩsɩrayɛl nɩ-bʋʋrɛ sɔgɔ.» Ɛcɛ a Bɛ̃zamɛ dɔwlʋ nɩbɛ bɛ tɩ bɔbr kɛ́ bɛ bɛr wõ a bɛ yɛbr Ɩsɩrayɛl nɩbɛ ƴɛ̀rʋ ɛ.

1 Samɩɛl 2:12

A Eli bidɛbr bɛ tɩ tɛr pɛr towtow ɛ, bɛ bɛ tɩ ŋmɛlɛ kaar a Sore ɩ.

1 Korɛ̃tɩ 6:6

Ɛ̀ yɛb pãa mɩ́ tɛr'ɩ yɛb ƴɛ̀rʋ nɩbɛ na bɛ sàw de Naaŋmɩn a niŋé!

1 Pɩɛr 1:21

A ʋl ƴãw n'a nyɩ sàw de a Naaŋmɩn na ɩ k'ʋ lɛb yi a kũuni pʋɔ ɛ́ kʋ̀ ʋ a yúor-vɩɛlʋ-danʋ a. À ŋá n'a nyɩ sàw de a Naaŋmɩn ɛ́ ƴãw a nyɩ tɩɛrʋ za a ʋ ƴãw.