2 Korɛ̃tɩ 5:10 - A SƐB-SÕW

¹⁰ Bʋ̃ʋ n'ʋ vɛ̃, a fɛr'a kɛ́ tɩ za cen a Kɩrɩta ƴɛ̀rʋ-maalʋ zie ʋ tɩ maal'ɩ tɩ a ƴɛ̀rʋ. Lɛn daar'a ŋa za na páw bom nɛ na sɛw taa nɩ ʋ a, a vla bɩɩ a faa, a tu a lɛ ʋ na vʋʋrɩ a tẽw zu a.

2 Korɛ̃tɩ 5:10 Referans Kwoze

Matie 16:27

A Nɩsaal Bie na sɩrɩ na wa a ʋ Sãà yúor-vɩɛlʋ-danʋ pʋɔ, ʋlɛ nɩ a ʋ malkɩ mɩnɛ, lɛ n'a ʋ na mɩ́ ya ŋa za man nɩ a ʋ ɩb.

Yel-wula 22:12

A Yeezu yel'a: «Ɩ̃ kʋ̃ yaa kɛ́ wa ɩ! Ɩ̃ɩ na tɛr'ɩ a sã-ya wa n, mɩ́ wa ya ŋa za manɩ nɩ a ʋ tome.

Efɛɛzɩ 6:8

Nyɩ bãwnɩ a na, bʋ̃-vla nɛ ŋa za na maalɩ a, ʋ ɩ n gbãgbaa bɩɩ nɩr na so ʋ tʋɔra a, ʋ na lɛb'a páw ʋ a Sore zie.

Ekilezɩasɩ 12:14

Bʋ̃ʋ n'ʋ vɛ̃, Naaŋmɩn na sowr'ɩ a tɩ ɩ-ɩrɩ za pɛr, a na vɩɛl bɩɩ kpɛ faa, alɛ saa sɔwlɩ a.

Sɛb-sõw yielu 62:12

Gb'a à ŋá za n'a ɩ̃ wõ a Naaŋmɩn ƴɛ̀r a ƴɛ̀rʋ ŋa: «Mãa so a kpɛnʋ.»

1 Korɛ̃tɩ 4:5

A na ɩ lɛ a, nyɩ ta de niwn maalɛ a ƴɛ̀rʋ ɛ́ a daar bɛ ta sɛr ɛ, ɛ́ a Sore waa bɛ ta sɛr ɛ. Ʋlɛ n'ʋ na caalɩ bom za na sɔwlɩ be lige pʋɔ a, ɛ́ ɩ a nɩsaalbɛ yel-sɔwlɩ a sãá. Lɛ n'a ŋa na mɩ́ páw a danʋ na sɛw taa nɩ ʋ a, a Naaŋmɩn zie.

1 Pɩɛr 4:5

Ɛcɛ a Naaŋmɩn na cɔbrɩ baarɩ na maal'ɩ a nɩ-vʋʋrɩ lãwnɩ a nɩ-kũuni a ƴɛ̀rʋ a, ʋl zie n'a bɛ nãà wa manɩ a pɛr.

Sɛb-sõw yielu 98:9

a Sore niŋé, ʋ na waar a ƴãw. Ʋ waar'a k'ʋʋ wa dɩ n a tẽw ƴɛ̀rʋ, ʋ na dɩ n nɩ a tẽ-daa a ƴɛ̀rʋ nɩ mɩnʋ, ɛ́ dɩ n a nɩ-bʋʋrɛ a ƴɛ̀rʋ a tu yel-mɩŋa.

Nɩ-toni 17:31

Sɩza n'a, ʋ ƴãw nɩ bibir ʋ na na maal'ɩ a tẽ-daa ƴɛ̀rʋ na tu yel-mɩŋa a. Ʋ kaa na ír nɩr a ƴɛ̀rʋ-maalʋ ŋa ƴãw. À ŋá n'a ʋ tɩ ɩ a sãá a nɩbɛ za zie, a lɛn daar ʋ na tɩ ɩ a nɩr ŋa lɛb yi a kũuni pʋɔ a.»

Nɩ-toni 10:42

Ʋ ƴãw nɩ nʋɔr kʋ̀ tɩ kɛ́ tɩ hiere kʋ̀rɛ a Ɩsɩrayɛl nɩbɛ, ɛ́ dɩrɛ a dãsɩɛ kɛ́ ʋlɛ n'ʋ a Naaŋmɩn kaa ír, k'ʋʋ wa dɩ n a nɩ-vʋʋrɩ nɩ a nɩ-kũuni a ƴɛ̀rʋ.

A Zɔb sɛbɛ 34:11

Bʋ̃ʋ n'ʋ vɛ̃, ʋ mɩ́ kʋ̀ n a nɩsaal a ʋlɩ bom nɛ ʋ na sɛw taa nɩ a, ɛ́ ya ŋa za man nɩ a ʋ ɩb.

Yel-wula 2:23

Ɩ̃ mɩ̀ na kʋ n a ʋ bibiir. Lɛ n'a a Lãw-yie za na bãw kɛ́ mãa n'ɩ a sob nɛ na jɛlɛ a pʋʋr, ɛ́ bãw a nɩsaalbɛ tɩɛrʋ a. Ɩ̃ na mɩ́ ya n a nyɩ za been been man nɩ a ʋ tome.

Ekilezɩasɩ 11:9

Pɔlbile e, wone a nʋ̃ɔ̀ a lɛn daar fʋ na cãà ɩ pɔlbile a, cɩlɛ a ʋlɩ daar nɛ. Ɩrɛ lɛ za fʋ na bɔbr nɩ lɛ za na pɛlɩ a fʋ pʋɔ a. Ɛcɛ bãwnɩ a a Naaŋmɩn na na dɩ n fʋ ƴɛ̀rʋ a fʋ ɩ-ɩrɩ za ƴãw a.

Ezekɩɛl 18:30

Alɛ n'a so, a mãa Sore Naaŋmɩn, ɩ̃ yere na kʋ̀rɛ a nyɩɩm Ɩsɩrayɛl nɩbɛ: ɩ̃ na dɩ n nɩ ŋa za ƴɛ̀rʋ tu n a ʋ ɩb. A na ɩ lɛ a, nyɩ lɩɛbɩ a nyɩ nyɔ-vʋʋrʋ, nyɩ zawrɩ a nyɩ sãwna bɛr, ɛ́ nyɩ kʋ̃ ɩrɛ wa lɛb lo a faalʋ pʋɔ ɩ.

1 Na-mɩnɛ 8:32

a fʋ̃ʋ a, Sore e, be a salom zu ɛ́ bɛr wõ, ɛ́ tu. Dɩ n a fʋ tõ-tõ-biir a ƴɛ̀rʋ, yel a sãwna sob k'ʋʋ sãw na, ɛ́ ɩ a ʋ sãwna lɛb lo a ʋ zu, ɛ́ yel a yel-mɩŋa sob k'ʋʋ bɛ tɛr sãwna ɩ, ɛ́ a nɩbɛ za ɩrɛ a ʋ zie mɛ̃ nɩr na bɛ tɛr sãwna a.»

Yele-za-pɛr-tib 18:25

Fʋ ɩ a nɩ-mɩŋa ʋ kpi lãwnɩ a sãwna sob i? Aɩ, fʋ kʋ̃ tʋ̃ɔ́ ɩ à à ŋá ɩ! Fʋ ɩ a nɩ-mɩŋa mɛ̃ a sãwna sob a? A ɩb ŋa tɔ a, ʋ zãá nɩ fʋ! A tẽw za ƴɛ̀r-maalɛ kʋ̃ ɩ a lɛ-na-tu-sɔr-a bɩɩ?»

1 Na-mɩnɛ 8:39

a fʋ̃ʋ a, Sore e, a salom zu be fʋ na kpɩɛr a, bɛr wõ, dɩ suur kʋ̀ bɛ, ɛ́ ɩ ɩb kãw. Mɩ́ ɩ ŋa za tu n a lɛ a ʋ ɩb na ŋmɛ̃ a, fʋ na faa bãw ŋa za socir a. Bʋ̃ʋ n'ʋ vɛ̃, fʋ̃ʋ n'ʋ bãw nɩsaal za socir.

1 Samɩɛl 2:10

A Sore dɔ̃ dem a, bɛ na ƴɛ́r bɛ na ŋmɛr, a bɛl ƴãw a, a Sore na be n a salom zu, ɛ́ gbiwre mɛ̃ saa a, bʋ̃ʋ n'ʋ vɛ̃, ʋlɛ n'ʋ dɩrɛ nɩ a tẽ-daa za a ƴɛ̀rʋ. Ʋ na ɩ n a ʋ nãà ʋ kpɛmɛ, ʋ na ɩ n a ʋ nɩ-kabra kpɛmɛ dɔwlɩ.»

Ʋrɔm 6:19

Nɩsaalʋ n'a ɩ̃ ƴɛ̀rɛ, a nyɩ bãbàalʋ zũú. Mɛ̃ a lɛ nyɩ na tɩ de nyɩ mɩŋa za tu n a faalʋ nɩ a Wulu zawrʋ pùor, ɩ mɛ̃ gbãgbaar a, ɛ́ a ɩ nyɩ ɩ nɩ-gaarɩ a Naaŋmɩn zie a, a ƴɛrɛŋa a, nyɩ mɩ̀ de nyɩ mɩŋa za tu n a mɩnʋ ɩ mɛ̃ gbãgbaar a, kɛ́ nyɩ tʋ̃ɔ́ vʋʋrɛ nyɔ-vʋʋrʋ na ɩ sõw a.

1 Samɩɛl 2:3

Nyɩ ta ƴɛ̀rɛ pɔ̀l-ƴɛ̀rʋ pilpile nɩ ɛ, nyɔka-ƴɛ̀rʋ ta yi a nyɩ nʋɔrɩ́ ɛ, bʋ̃ʋ n'ʋ vɛ̃, a Sore ɩ n Naaŋmɩn na bãw bom za a, ʋ mɩ́ jɛl'ɩ a nɩsaalbɛ ɩ-ɩrɩ za.

2 Korɛ̃tɩ 7:3

Ɩ̃ bɛ yere à à ŋá k'ɩ̃ɩ yel kɛ́ nyɩ sãw na ɩ. Bʋ̃ʋ n'ʋ vɛ̃, mɛ̃ a lɛ ɩ̃ na dãw yel a, tɩ nɔnɛ nyɩ na bɛ dɩ vuo ɩ, lãw baa bɩɩ lãw kpi n'a.

Ʋrɔm 2:16

A yele á ŋá n'a na sãá a bibir ʋl, a Naaŋmɩn na na ƴãw a Yeezu Kɩrɩta maal'ɩ a nɩsaalbɛ ƴɛ̀rʋ a bɛ yel-sɔwlɩ ƴãw a, mɛ̃ a lɛ a Yel-nʋ̃ɔ̀ ɩ̃ na hiere a na yel a.

Ebre 9:27

Mɛ̃ a lɛ a na tuur k'aa nɩsaalbɛ mɩ́ kpi gb'a been yõ, ɛ́ a pùorí Naaŋmɩn maal'ɩ bɛ a ƴɛ̀rʋ a,