2 Korɛ̃tɩ 4:9 - A SƐB-SÕW

⁹ Bɛ diw tɩ na gʋɔr'ɩ, ɛ́ bɛ páw tɩ ɛ. bɛ lɔb tɩ nɩ tẽw, ɛcɛ bɛ kʋ tɩ ɛ.

2 Korɛ̃tɩ 4:9 Referans Kwoze

Ɩzayi 43:2

Fʋ̃ʋ wa gãwnɛ a kʋ̃ɔnɩ a, ɩ̃ na be n a fʋ zie, fʋ̃ʋ wa gãwnɛ a mamɛ a, fʋ bɛ tuur kʋ̃ɔ ɩ. Fʋ̃ʋ wa cere a vũu sɔgɔ a, a bɛ dɩrɛ fʋ ɛ, a vũu-zɛlɛ bɛ tʋɔr fʋ ɛ.

Mise 7:8

Alɛ! Nyɩɩm tɩ dɔ̃ dem i! Nyɩ ta laar tɩ ɛ! Tɩmɛ saa lo a, tɩ na lɛb'a ìr. Tɩmɛ saa be lige pʋɔ a, a Sore n'ɩ a tɩ cãà!

Zʋkpaɩ 24:16

A nɩ-mɩŋa na tʋ̃ɔ́ na lo ta gb'a ayopõi, ʋʋ na mɩ́ lɛb'a ìr, ɛcɛ a kpɩɛrʋ mɩ́ ɩ n a nɩ-faar bɛ lo.

Sɛb-sõw yielu 42:11

Bɛ mɩ́ karɛ mɛ̃ nɩ a kɔbɛ, a lɛn daar a bɛlɩ dem na ɩrɛ a kpɩɛr mɛ̃ a, na mɩ́ yere a ɩ̃ zie kʋralɛ a: «A fʋ Naaŋmɩn wa?»

Ebre 13:5

A libi-nɔ̃w ta tʋ̃ɔ́ nyɩ ɛ. A lɛ nyɩ na tɛr a, a man nyɩ. Bʋ̃ʋ n'ʋ vɛ̃, a Naaŋmɩn yel'a: «Ɩ̃ bɛ be za na bɛr fʋ ɛ, ɩ̃ kʋ̃ jɛ b bɛr towtow ɛ.»

2 Korɛ̃tɩ 7:6

Ɛcɛ Naaŋmɩn na mɔwlɛ a bɛlɩ dem na mɩ́ siwre bɛ tʋɔra a, ʋ mɔwlɩ tɩ nɩ a Títɩ̀ waa pʋɔ.

Ɩzayi 62:4

Bɛ kʋ̃ cãà bʋɔlɛ fʋ “Tẽ-kpɛ̃ɛ bɛ na zawrɩ bɛr a ɩ”, bɛ kʋ̃ lɛb por a fʋ tẽw “Tẽw na sãw ʋ za a ɩ”. Bɛ na nɩ̃ɛ na bʋɔlɛ fʋ “Sore nʋ̃ɔ̀”, ɛ́ por a fʋ tẽw “Pɔw na kul sɩr vla a”. Bʋ̃ʋ n'ʋ vɛ̃, fʋ na sɩrɩ na ɩ a Sore nʋ̃ɔ̀, ɛ́ a fʋ tẽw na tɛr'ɩ sɩr.

Sɛb-sõw yielu 9:10

A Sore n'ɩ a sob nɛ bɛ na dɔwrɛ a sɔwlʋ zie, a sɔwlʋ zie a kpɩɛrʋ daar.

Zã 15:20

Nyɩ lɛb tɩɛrɩ a ƴɛ̀r-bir ŋa ɩ̃ na tɩ yel kʋ̀ nyɩ a: “Tõ-tõ-bie bɛ zuore a ʋ nɩ-kpɛ̃ɛ ɩ.” Bɛlɛ wa dɔwrɩ mɛ̃ a, bɛ mɩ̀ na dɔwrɩ nyɩ na, bɛlɛ wa sàw de a ɩ̃ ƴɛ̀rʋ a, bɛ mɩ̀ na sàw na de a nyɩ dem.

Sɛb-sõw yielu 42:5

Ɩ̃ lɛb'a tɩɛrɛ ɛ́ ƴãw cɩrɛ mɛ̃, a lɛn daar ɩ̃ na mɩ́ tɩ pʋɔ a nidaa dem pʋɔ, cere a Naaŋmɩn yir a, lãwnɩ zu-sɛbla na maalɛ cuw a, ɛ́ cáarɛ nɩ nʋ̃ɔ̀ puore a Naaŋmɩn barka a.

Sɛb-sõw yielu 37:28

bʋ̃ʋ n'ʋ vɛ̃, a Sore nɔnɛ na kɛ́ bɛ ɩrɛ mɛ̃ a lɛ-na-tu-sɔr-a, ɛ́ bɛ zawrɛ a ʋ nɩbɛ na sàw de ʋ a bɛrɛ ɩ. Ʋ gùre bɛ nɩ kʋralɛ, ɛcɛ bɛ na ír'ɩ a nɩ-faar bʋʋrɛ bʋʋrɛ bɛr.

Sɛb-sõw yielu 22:1

A yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. A «Zi-wɛl-paala wala» yielu kɔkɔr'ʋ bɛ mɩ́ yiel'ɩ. Daviir yielu kãw n'ʋ.

A Zɔb sɛbɛ 22:29

Sɩza, a Naaŋmɩn mɩ́ ɩ n a pɔ̀lʋ dem tɩɛrʋ a sãw, ɛcɛ, ʋ mɩ́ ɩ n a bɛlɩ dem na siwre bɛ tʋɔra a yele maalɩ.

Sɛb-sõw yielu 129:2

«Bɛ dɔwrɩ mɛ̃ nɩ yaga a ɩ̃ pɔ̀lʋ daarɩ́ za» —, ɛcɛ bɛ bɛ tʋ̃ɔ́ ɩ m bom za ɩ.

Habakukɩ 3:17

A kãkã-tɩɩr bɛ cãà pure ɩ, a divɛ̃ tɩɩr bɛ wɔnɛ ɩ, a olivʋ tɩɩr bɛ tɛr wɔm kãw za ɩ. A póru bɛ cãà tɛr bʋ̃-dɩra kãw za ɩ. Píir bɛ cãà a píir zaw pʋɔ ɩ. Nĩi mɩ̀ bɛ cãà a nazawr pʋɔ ɩ.

Ʋrɔm 8:35

Ãa n'ʋ na tʋ̃ɔ́ bʋ́r tɩɩm nɩ a Kɩrɩta a ʋ nɔ̃wfʋ pʋɔ? Kpɩɛrʋ bɩɩ? Pʋl-vʋ̃ɔ bɩɩ? Nɩsaalbɛ dɔwrʋ bɩɩ? Kɔ̃ bɩɩ? Bom-bɛ-tɛrʋ bɩɩ? Bʋ̃-faa bɩɩ? A kũu bɩɩ?

2 Timote 3:12

Mɔ̃ mɩ̀, a bɛlɩ dem za na bɔbr kɛ́ bɛ vʋʋrɛ nɩ Naaŋmɩn ƴãwfʋ lãwnɩ a Kɩrɩta Yeezu a, bɛ na nyɛ̃ nɩ dɔwrʋ.