2 Korɛ̃tɩ 13:9 - A SƐB-SÕW

⁹ Tɩ mɩ̀ cɩlɛ na, tɩ na mɩ́ wa ɩ bãbàalbɛ ɛcɛ nyɩ tɛr fãw a. Lɛ so tɩ mɩ́ puore kɛ́ nyɩ vɩɛl bɛ cɛ ɩ.

2 Korɛ̃tɩ 13:9 Referans Kwoze

2 Korɛ̃tɩ 13:11

Ƴɛrɛŋa a, yɛbr i, nyɩ cɩlɛ, nyɩ ƴãw fãw ɩrɛ kɛ́ nyɩ vɩɛl tɩ tɔ, nyɩ kpaalɛ taa, nyɩ lãw taa tɩɛrʋ, nyɩ tɛr a ƴã-ɓaarʋ, ɛ́ a nɔ̃wfʋ nɩ a ƴã-ɓaarʋ Naaŋmɩn na be n a nyɩ zie.

1 Korɛ̃tɩ 4:10

Tɩ ɩ n gẽgemi dem a Kɩrɩta ƴãw, ɛ́ nyɩɩm ɩ yã-bãwnbɛ nyɩ na lãw nɩ a Kɩrɩta a. Tɩ bɛ tɛr fãw ɛ, ɛ́ nyɩɩm tɛr fãw, nyɩ tɛr'ɩ yúor, ɛ́ tɩɩm bɛ nyɛrɛ ƴãwfʋ ɛ.

1 Tesalonikɩ 3:10

Mʋ̃tɔ̃w nɩ tɩ̃ɩsɔw za, tɩ mɩ́ zɛlɛ nɩ a Naaŋmɩn kpɛ̃w kpɛ̃w za, k'ʋʋ sàw tɩ lɛb nyɛ̃ nyɩ tʋ̃ɔ́ kʋ̀ nyɩ a alɩ bome nɛ za na cãà cɛ a nyɩ naaŋmɩn-sàw-deb ƴãw a.

1 Pɩɛr 5:10

Ɛ́ nyɩmɛ wa wõ tuo kɔwrɩ blã a, a maalʋ za Naaŋmɩn na bʋɔlɩ nyɩ a ʋ yúor-vɩɛlʋ-danʋ na be kʋralɛ a Kɩrɩta pʋɔ a ƴãw a, ʋl tɔr za na lɛb maalɩ nyɩ na ƴãw a pùorí. Ʋ na ɩ na nyɩ kpɛmɛ dɔwlɩ, ʋ na kʋ̀ nyɩ nɩ fãw dɔwlɩ, ɛ́ ɩ nyɩ ta bãw damnʋ ɛ.

Ebre 13:21

A Naaŋmɩn ŋa a, ʋ ɩ kɛ̀ nyɩ mɩ́ tʋ̃ɔ́ yel-vla za maalɩ, tʋ̃ɔ́ maalɛ a ʋ pʋ-tɩɛrʋ. Ʋ mɩ́ maalɩ a lɛ na pɛlɩ a ʋ pʋɔ a, a tɩ zie, a Yeezu Kɩrɩta ƴãw, ʋl na so danʋ a yome yome za a. Amɛn.

Ebre 12:23

Nyɩ taw na pɩɛlɩ cuw-dɩrbɛ lãw, a Naaŋmɩn bi-dãw-dɔwrɩ a yée na sɛb a tẽ-vla pʋɔ a. Nyɩ taw na pɩɛlɩ a Naaŋmɩn na ɩ a nɩbɛ za ƴɛ̀r-maalɛ a, ɛ́ taw pɩɛlɩ a nɩ-mɩn bɛl na nyɛ̃ a vɩɛlʋ baarɩ a sɩ́ɩr.

Ebre 6:1

A na ɩ lɛ a, nyɩ ɩ tɩ bɛr a Kɩrɩta yele al bɛ na mɩ́ tĩ zànɩ a, ɛ́ tu wulu na sɛwnɩ nɩ-bɛrɛ a pùor, tɩ bɛ lɛb dier a wulu pɛr-sʋ̃ɔfʋ yele ɩ: a lɩɛbɩ-a-ɩb bɛr a ɩ-faar na waar'ɩ kũu a, nɩ a naaŋmɩn-sàw-deb,

2 Timote 3:17

k'aa Naaŋmɩn nɩr mɩ́ cɔbrɩ ʋ za yel-vla za maalʋ ƴãw.

Kɔlɔsɩ 4:12

A Epafarasɩ na ɩ a nyɩ nɩr a, ʋ mɩ̀ puore nyɩ na. A Yeezu Kɩrɩta tõ-tõ-bie ŋa tʋlɛ nɩ a puoru ƴãw, puore kʋ̀rɛ nyɩ kʋralɛ, kɛ́ nyɩ tʋ̃ɔ́ tɛ nyɩgɛ ɛ́ bɩ nɩbɛ baar a Kɩrɩta sɔ́r pʋɔ, maalɛ a Naaŋmɩn pʋ-tɩɛrʋ za.

Kɔlɔsɩ 1:28

A Kɩrɩta ŋa yele n'a tɩ manɛ, kpaalɛ nɩ nɩr za, wule nɩ nɩr za nɩ yã-bãwfʋ, kɛ́ tɩ tʋ̃ɔ́ ɩ nɩr za vɩɛl ʋ za lãwnɩ a Kɩrɩta.

2 Korɛ̃tɩ 11:30

Alɛ wa fɛr k'ɩ̃ɩ zɛwr ɩ̃ tʋɔra a, a ɩ̃ bãbàalʋ ƴãw n'a ɩ̃ na zɛwr ɩ̃ tʋɔra.

2 Korɛ̃tɩ 7:1

Ɩ̃ nɩ-nɔnɩ i, à á ŋá za a Naaŋmɩn na yel k'ʋʋ na ɩ na kʋ̀ tɩ a zũú, nyɩ ɩ a tɩɩm tɛɛ za so a dɛwr za na dɛwr a ƴã-gan nɩ a sɩ́ɛ a, tɩ so a za bɛr, ɛ́ ƴãw fãw ɩ nɩ-son ƴãwnɛ a Naaŋmɩn.

Ʋrɔm 15:2

Ŋa za a tɩ pʋɔ, ʋ mɩ́ bɔbr k'ʋʋ ɩrɛ nʋ̃ɔ̀ kpɩɛr a ʋ tɔ sob a ʋ vla ƴãw, k'ʋʋ tʋ̃ɔ́ sõwne ʋ ʋ kɛrɛ a ʋ sàw-deb pʋɔ.

1 Korɛ̃tɩ 1:10

Yɛbr i, ɩ̃ zɛlɛ nyɩ nɩ yãayãa a tɩ Sore Yeezu Kɩrɩta yúor ƴãw, nyɩ za nyɩ lãw nʋɔr, nyɩ ta ɩ bʋ́r-taa be a nyɩ cara pʋɔ ɩ. Nyɩ lãw yã ɛ́ tɛr tɩɛr-been.

1 Korɛ̃tɩ 2:3

Alɛ so ɩ̃ wa a nyɩ zie ɩ bãbàal, ɛ́ dɛ̃bɩ̃ɛ ɩ ɩ̃ màwr ɩ̃ za.

2 Korɛ̃tɩ 13:4

Sɩza n'a, ʋ tɩ ɩ n bãbàal a lɛn daar bɛ na tɩ kpa ʋ a da-gara zu a, ɛcɛ a Naaŋmɩn fãw ɩ na ʋ vʋʋrɛ. Ɛ́ a tɩɩm na lãw nɩ ʋ a, tɩ mɩ̀ ɩ n bãbàalbɛ, ɛcɛ tɩ na wul nyɩ na a sãá, a Naaŋmɩn fãw na ɩ na tɩ lãw nɩ ʋ ɩ nɩ-vʋʋrɩ.

2 Korɛ̃tɩ 4:12

A na ŋmɛ̃ à ŋá a, a kũu tone nɩ a tɩ zie, ɛ́ a nyɔ-vʋʋrʋ tone a nyɩ zie.