2 Korɛ̃tɩ 12:21 - A SƐB-SÕW

²¹ Ɩ̃ zɔrɛ nɩ dɛ̃bɩ̃ɛ ɩ̃ nãà lɛb wa a be, a ɩ̃ Naaŋmɩn wa ɩ ɩ̃ nyɛ̃ vĩ a nyɩ niŋé, ɛ́ a fɛr k'ɩ̃ɩ kõ a nyɩ yaga ƴãw a, a bɛl na dãw maalɩ a yel-bier ɛ́ bɛ lɩɛbɩ a bɛ ɩb so a bɛ dɛwr bɛr, ɛ́ bɛ zawrɩ a pɩ̃ɔ-yele nɩ a faalʋ bɛr a.

2 Korɛ̃tɩ 12:21 Referans Kwoze

2 Korɛ̃tɩ 13:2

Ɩ̃ tɩ dãw na yel, ɛ́ lɛb yel a lɛ ɩ̃ na tɩ wa nyɛ̃ nyɩ a gb'a ayi sob a, ɛ́ a dɩ̃a ɩ̃ na bɛ ka a nyɩ sɔgɔ a, ɩ̃ lɛb'a yere kʋ̀rɛ a bɛlɩ dem na tɩ dãw maalɩ a yel-bier a, nɩ a bɛl za na cɛ a: mãa wa lɛb wa a nyɩ zie a, ɩ̃ kʋ̃ ɩrɛ a nyɩ zie nɩ mimi-ɓaar ɛ.

Kɔlɔsɩ 3:5

A na ɩ à ŋá a, nyɩ kʋ bom nɛ za na ɩ tẽw zu yele a, a nyɩ pʋ̃ɔmɩ: a pɩ̃ɔ-yele, a faalʋ, a ƴã-gan nʋ̃ɔ̀-faar, a yel-faar vʋla, nɩ a mimir na ɩ tɩbɛ ƴãwfʋ a.

Galasi 5:19

A nɩsaalʋ tõ-toni sãá nɩ nyɩraalɛ, alɛ n'ɩ á ŋá: pɩ̃ɔ-yele, dɛwr, faalʋ,

1 Korɛ̃tɩ 5:1

A nɩbɛ wone na bɛ yere a ziir za kɛ́ pɩ̃ɔ-ɩb kãw be n a nyɩ zie, ɛ́ a pɩ̃ɔ-ɩb nɛ kpɛ faa tɩ zuo. Nɩ-bʋʋr-yoru nɩbɛ tɛɛ za kʋ̃ sàw maalɩ a yel-bier ŋa tɔ ɩ. Bɛ manɛ na k'aa nyɩ kãw tɛr'ɩ a ʋ sãà pɔw ʋ ɩ a ʋ pɔw.

Yel-wula 22:20

A sob nɛ na dɩrɛ a yele á ŋá dãsɩɛ a yere na: «Ʋ̃ʋ, ɩ̃ kʋ̃ yaa kɛ́ wa ɩ!» Amɛn! Sore Yeezu u, wa!

Yel-wula 22:15

Ɛcɛ, a nɩ-faar na bɛ tɛr ŋmɛ̃a a, a tɩtɩlbɛ, a pɩ̃ɔ-yel-maalbɛ, a nɩ-kʋrbɛ, a bɛl na maalɛ a tɩbɛ a, a bɛlɩ dem na nɔnɛ a ziri ŋmab ŋmarɛ a ziri a, bɛ be yẽw!

Yel-wula 21:8

Ɛcɛ, a dɛ̃bɩ̃ɛ dem a, a bɛlɩ dem na lɛb pùor a, a nɩ-faar, a nɩ-kʋrbɛ, a pɩ̃ɔ-yel-maalbɛ, a tɩtɩlbɛ a, a bɛlɩ dem na maalɛ a tɩbɛ a, nɩ a zir-ŋmarbɛ za a, a bɛ zie n'ɩ a cirbi vũu gbãtar-kpɛ̃ɛ: a kũu-gb'a ayi sob'ʋ.»

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:23

Nyɩ mɩ́ faa bɛ a vũu pʋɔ, ɛ́ a bɛ mɩnɛ a, nyɩ tɛr a bɛ nɩbaal-zɔba lãwnɩ dɛ̃bɩ̃ɛ. Nyɩ hɩ̃ɛn a bɛ ɩ-faar tɩ lãwnɩ a bɛ bʋ̃-suuri dɛwr a bɛ nɩsaal ɩ-dɛgɛ na mɩ́ wa n a.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:7

A Sodɔm nɩ a Gomɔɔr nɩ a tẽ-kpɔwlɩ nɩbɛ tɩ tɛr'ɩ ɩ-faar mɛ̃ a malkɩ mɩnɛ bɛ ŋa a, ɛ́ tɩ bɔbr a lãw-taa na bɛ tu sɔ́r a. Naaŋmɩn ƴãw bɛ nɩ dɔwrʋ nɩ vũu na bɛ tɛr kpiiru a, k'aa ɩ wulu a nɩbɛ za zie.

2 Pɩɛr 2:18

Bɛ mɩ́ ƴɛ̀rɛ nɩ ƴɛ̀r-bɛrɛ ƴɛ̀r-zawlɛ, a pɩ̃ɔ-yele ƴã-gan nʋ̃ɔ̀-faar tɩɛrʋ na ɩrɛ vĩ a n'a bɛ mɩ́ bɛlɩ nyɔw nɩ a bɛlɩ dem na bʋ́r yi paalʋ a nɩbɛ bɛl pʋɔ na vʋʋrɛ a tulu pʋɔ a.

Ebre 13:4

A nɩbɛ za, bɛ tɛr maal-ɩrɛ a kul-taa ƴãw. A dɛbr nɩ a pɔwbɛ na kul taa a, bɛ be taa bɛl tɛwr ƴãw. Bʋ̃ʋ n'ʋ vɛ̃, Naaŋmɩn na maal'ɩ nɩ a ɩ-fa-maalbɛ nɩ a pɔw-gaa-yel-bier-maalbɛ ƴɛ̀rʋ.

2 Korɛ̃tɩ 12:7

Ɛ́ a yele á ŋá bɛ na wul mɛ̃ ɩ̃ nyɛ̃ a, a na tɩ ɩ nɔ-ɓãa-yele a zũú n'a bɛ ƴãw 'wɔbrʋ kãw a ɩ̃ ƴã-ganɩ́: Sɩtaana malkɩ bɛ na ƴãw k'ʋʋ ŋmɩɛr mɛ̃ k'ɩ̃ɩ taa wa nanɩ zɛwr ɩ̃ tʋɔra a.

2 Korɛ̃tɩ 10:6

Ɛ́ nyɩmɛ dɛ wa sàwr nʋɔr tɩ ɓɩɩlɩ a, tɩ cɔbr'a baarɩ gù kɛ́ tɩ dɔwrɩ nʋɔr-zawrʋ za.

2 Korɛ̃tɩ 8:24

A na ɩ à ŋá a, nyɩ wul bɛ kɛ́ nyɩ nɔnɛ bɛ nɩ yel-mɩŋa, nɩ kɛ́ nyɩmɛ nɛbɛ ɩ a tɩ nyʋʋr bom a bɛ zie a Lãw-yie niŋé.

Ʋrɔm 13:13

Nyɩ ɩ tɩ cere cenu na vɩɛl a, mɛ̃ mʋ̃tɔ̃w daarɩ́ a, ɛ́ bɛr a dɩ-gbogbo nɩ a dãa kuolu, a pɩ̃ɔ-yele nɩ a nɩ-fa-ɩb, a zɛb-taa nɩ a nyu-yele.

Ʋrɔm 9:2

kɛ́ pʋ-sãwna tɛr mɛ̃ nɩ yaga, ɛ́ 'wɔbrʋ kãw 'wɔbr mɛ̃ bɛ tɛr bɛ́rʋ daar ɛ.

Zeremi 13:17

Nyɩmɛ bɛ wa bɛr wõ a, ɩ̃ na sɔwl'a kõ a nyɩ pɔ̀l-ɩb ƴãw. Ɩ̃ na kõ na cir mʋta-kʋ̃ɔ yaga, bɛ na diwr a Sore dʋn cere nɩ tẽ-yũo a ƴãw.

Zeremi 9:1

Bʋ̃ʋ pãa ɩ ɩ̃ bɛ tɛr gaa zie a wɛja-kpalɛ pʋɔ mɛ̃ a sɔr-tɔlbɛ a? Ɩ̃ nãá tɩ bɛr'ɩ a ɩ̃ nɩbɛ, ɛ́ tɩ cen zãá nɩ bɛ. Bʋ̃ʋ n'ʋ vɛ̃, bɛ za ɩ n pɩ̃ɔ-yel-maalbɛ, nɩ-mɩlbɛ bʋʋrɛ nɛbɛ.

Sɛb-sõw yielu 119:136

A ɩ̃ mimie zɔrɛ nɩ mʋta-kʋ̃ɔ, bɛ na bɛ sàwr a fʋ wulu a ƴãw.

Ɛsɩdɩrasɩ 10:1

A Ɛsɩdɩrasɩ na tɩ kone gbĩ n dume a Ŋmɩn-yir-kpɛ̃ɛ niŋé, puore ɛ́ zɛlɛ k'aa Naaŋmɩn dɩ suur a, a Ɩsɩrayɛl nɩbɛ yaga, dɛbr, pɔwbɛ nɩ bibiir tɩ wa na wa ɓã taa a ʋ zie. Bɛ za tɩ kone nɩ minminmin.

Ɛsɩdɩrasɩ 9:3

Ɩ̃ na tɩ wõ a ƴɛ̀r-bie á ŋá a, ɩ̃ tɩ taw nɩ a ɩ̃ kpar-kpɛ̃ɛ nɩ a ɩ̃ kparɩ cɩɛrɩ, ɩ̃ taw nɩ a ɩ̃ zukɔbɛ nɩ a ɩ̃ tɩɛm kɔblʋ a mɩnɛ vɔ̃, ɛ́ dɛ bʋnɩ zɩ̃.

1 Samɩɛl 15:35

A Samɩɛl bɛ lɛb tɩ nyɛ̃ a Sawul ɛ, ɛ́ tɩ ta a ʋ kũu daar. A Samɩɛl tɩ kone nɩ a Sawul ƴãw, bʋ̃ʋ n'ʋ vɛ̃, a Sore tɩ yere na kɛ́ ʋlɛ tɩ bãw kɛ́ lɛ a, ʋʋ kʋ̃ʋ tɩ ɩ a Sawul ɩ a Ɩsɩrayɛl nãà ɩ.

Wulu-ayi-sob 9:25

A Sore na tɩ yel k'ʋʋ na kʋ nyɩ na pàw pɛr a, ɩ̃ lo na gbĩ dume a ʋ niŋé bibie lɩz'a ayi nɩ tɩ̃ɩsɔwr lɩz'a ayi.

Wulu-ayi-sob 9:15

Ɩ̃ tɩ lɛb'a siw a tãw na tɩ nyɔw vũu ʋ za a, ɛ́ tɛr a wõ-taa kʋsɛ-pamɛ ayi nɩ a nuru a za ayi.

Eziptɩ tẽw yib 32:31

A lɛ n'a a Moyiir tɩ lɛb do a Sore zie tɩ yel ʋ: «'Woi! Sore e, a nɩbɛ bɛ ŋa maal'ɩ yel-bier-kpɛ̃ɛ, bɛ maal'ɩ ŋmɩn nɩ salm-zɩɛ tɛr.