1 Timote 5:5 - A SƐB-SÕW

⁵ Ɛ́ a pɔw-kʋɔr ʋl na sɩrɩ ɩ a pɔw-kʋɔr a, a ʋl na cɛ be ʋ yõ tẽtẽ a, ʋ ƴãw nɩ a ʋ tɩɛrʋ za a Naaŋmɩn ƴãw, ɛ́ ƴãw fãw lɔbr nuru puore zɛlɩ nɩ a ʋ sõwfʋ mʋ̃tɔ̃w nɩ tɩ̃ɩsɔw za.

1 Timote 5:5 Referans Kwoze

1 Timote 5:3

Ƴãwnɛ a pɔw-kɔbɛ, a bɛl na sɩrɩ bɛ tɛr nɩr a.

Luka 2:37

ʋ ɩ a pɔw-kʋɔr tɩ ta a yome lɩz'a anaar nɩ anaar. Ʋ bɛ tɩ cere zãánɛ nɩ a Zerizalɛm Ŋmɩn-yir-kpɛ̃ɛ ɩ, ɛ́ tone a Naaŋmɩn mʋ̃tɔ̃w nɩ tɩ̃ɩsɔw. Ʋ mɩ́ tɩ tɛr'ɩ mʋta-tuo ɛ́ puore.

1 Pɩɛr 3:5

A dãwdãw pɔw-son na tɩ sàwr a bɛ sɩrbɛ nʋɔr ɛ́ tɩɛrɛ a Naaŋmɩn a, à ŋá n'a a bɛ vɩɛlʋ tɩ ŋmɛ̃.

1 Timote 5:16

Pɔw na sàw de Naaŋmɩn a wa tɛr pɔw-kɔbɛ a ʋ nɩbɛ pʋɔ a, ʋ sõwne bɛ, a Lãw-yir ta so a bɛ kaafʋ ɛ, lɛ n'a a Lãw-yir na tʋ̃ɔ́ sõwne a bɛl na sɩrɩ ɩ a pɔw-kɔbɛ a.

1 Korɛ̃tɩ 7:32

Ɩ̃ bɔbr'a kɛ́ nyɩ nãá ta tɛr niw-sʋba kãw za ɩ. Dɛb na bɛ kul pɔw a, a Sore yele tɩɛrʋ n'a ʋ mɩ́ tɛr, ʋ mɩ́ bɔbr'a k'ʋʋ ɩrɛ a pɛlɩ a Sore pʋɔ.

Luka 18:1

A Yeezu tɩ lɔb'ɩ zʋkpar ŋa, k'ʋʋ wul a ʋ po-tuurbɛ a na fɛr kɛ́ bɛ puore kʋralɛ ɛ́ taa bɛrɛ towtow a.

Sɛb-sõw yielu 91:4

Ʋ mɩ́ yɛ́r'ɩ a ʋ pɩgɛ pàw fʋ, ɛ́ fʋ nyɛ̃ sɔwlʋ zie a ʋ zie. A ʋ yel-mɩŋa sɩrɩ na piw fʋ tɛr, mɛ̃ zɛbr-kur-pãgala a.

Efɛɛzɩ 6:18

Nyɩ puore zɛlɛ à á ŋá za a Naaŋmɩn zie. A Vʋʋrʋ Sõw, ʋ sõwne nyɩ nyɩ puore kʋralɛ. A lɛ ƴãw a, nyɩ bɛr gʋ̃ɔ ɛ́ taa lɛbr pùor ɛ. Nyɩ puore kʋ̀rɛ a Naaŋmɩn nɩ-bʋʋrɛ za.

Luka 18:7

Ɛ́ a Naaŋmɩn ʋl kʋ̃ wul a ʋ nɩ-kaa-íri yel-mɩŋa ɩ, bɛl na kone cɔwr ʋ mʋ̃tɔ̃w nɩ tɩ̃ɩsɔw za a? Ʋ na cɛlɩ nɩ a bɛ sõwfʋ ƴãw bɩɩ?

Urutɩ 2:12

A Sore, ʋ ya fʋ à á ŋá za fʋ na maalɩ a! A fʋ sã-ya, ʋ ɩ ɓil ʋ za a Sore Ɩsɩrayɛl Naaŋmɩn zie, ʋl naayir fʋ na zɔ wa kpɛ a.»

1 Korɛ̃tɩ 7:34

lɛ n'a a ʋ tɩɛrʋ dɛ mɩ́ põ. Lɛ mɩ̀ n'a, pɔw na bɛ kul sɩr a, bɩɩ a pɔwsɩrale a, a Sore yele tɩɛrʋ n'a ʋ mɩ́ tɛr. Ʋ mɩ́ bɔbr'a k'aa Sore so ʋ, a ʋ ƴã-gan pʋɔ nɩ a ʋ tɩɛrʋ pʋɔ. Ɛcɛ a pɔw na kul sɩr a, a tẽ-daa zu yele tɩɛrʋ n'a mɩ́ be a ʋ zie: ʋ mɩ́ bɔbr'a k'ʋʋ ɩrɛ a nʋmɛ a ʋ sɩr zie.

Ʋrɔm 1:12

nyɩnɛ n'a mɔ̃, k'ɩ̃ɩ wa tʋ̃ɔ́ nyɛ̃ mɔwlʋ lãwnɩ nyɩ a nyɩ zie be, a naaŋmɩn-sàw-deb tɩ na lãw a zũú, mãa nɩ a nyɩɩm za a.

Ʋrɔm 1:5

A ʋl ƴãw n'a ɩ̃ páw a maalʋ lɩɛbɩ nɩ-tona, k'ɩ̃ɩ tɛr a nɩ-bʋʋr-yoru nɩbɛ za wa n bɛ wa sàw de ʋ, ɛ́ sàwr a ʋ nʋɔr, a ʋ yúor zɛwfʋ ƴãw.

Nɩ-toni 26:7

A Ɩsɩrayɛl yie dɔwlʋ pie nɩ ayi, na tu a Naaŋmɩn puoru yele mʋ̃tɔ̃w nɩ tɩ̃ɩsɔw za bɛ tɛr bɛ́rʋ daar a, mɩ̀ tɩɛrɛ na kɛ́ a nʋɔr ŋa na tu na. Nãà Agɩrɩpa a, a tɩɛrʋ ŋa ƴãw n'a a Zifʋ mɩnɛ tɛr'ɩ mɛ̃ a ƴɛ̀rʋ.

A Lãw-mʋɔlɛ 1:13

Ʋ ɩ na vũu yi a saa-zu siw kpɛ a ɩ̃ ƴã-ganɩ́. Ʋ ƴãw nɩ bɛra a ɩ̃ gbɛ́ɛ pile, ɛ́ ɩ ɩ̃ 'law tɩ lo n kpaar. Ʋ ɩ na ɩ̃ ɩ ɩ̃ yõ daadaa, a ɩ m bàalʋ bibie za.

Ɩzayi 54:1

Zerizalɛm i, lɔbr nʋ̃ɔ̀ cɛlsɩ, fʋ̃ʋ na bɛ tɩ cãà tɛr bibiir a. Lɔbr nʋ̃ɔ̀ cɛlsɩ cɩlɛ nɩ, fʋ̃ʋ na bɛ tɩ cãà dɔwr a. Bʋ̃ʋ n'ʋ vɛ̃, a Sore yere nɩ à ŋá a fʋ zie: «Fʋ̃ʋ, pɔw-zawr-bɛra a, fʋ tɛr'ɩ bibiir ƴɛrɛŋa zuo a pɔw na tɛr sɩr a.»

Ɩzayi 50:10

Ãa n'ʋ zɔrɛ a Sore a nyɩ pʋɔ? A fɛr'a k'aa sob bɛrɛ wone a Sore tõ-tõ-bie. Ãa n'ʋ cere a lige pʋɔ ɛ́ bɛ nyɛrɛ cãà kãw za? Ʋ ƴãw a ʋ tɩɛrʋ a Sore ƴãw, ʋ de ʋ k'ʋ ɩ a ʋ tɩ̀ɛrɛ.

Ɩzayi 49:21

Lɛ n'a fʋ na sowre fʋ tʋɔra: «Ãa n'ʋ kʋ̀ m a bibiir bɛ ŋa za? Ɩ̃ bɛ tɩ tɛr bibiir ɛ, ɛ́ kʋ̃ʋ tʋ̃ɔ́ bɛ dɔw ɛ. Bɛ tɩ diw mɛ̃ nɩ a ɩ̃ tẽw pʋɔ cen nɩ, bɛ tɩ zawrɩ mɛ̃ na bɛr. A bɛ ŋa a, ãa n'ʋ guoli bɛ? Ɩ̃ tɩ be n be ɩ̃ yõ, ɛ́ a bɛl a, nyɩnɛ n'a bɛ tɩ be?»

Ɩzayi 12:2

Nyɛ̃ a Naaŋmɩn na faa tɩ a, tɩ bɛr'ɩ tɩ́ɛrʋ, tɩ bɛ cãà zɔrɛ dɛ̃bɩ̃ɛ ɩ. A tɩ fãw nɩ a tɩ yielu a, a Sore n'ʋ! Ʋ ɩ n a tɩ faarɛ.»

Ɩzayi 3:26

Lɛ n'a a tẽ-kpɛ̃ɛ na kone ʋ za ɛ́ be wahala pʋɔ, mɛ̃ pɔw na bɛ cãà tɛr bom za ɛ́ zɩ̃ tẽsɔw a.

Nɩ-toni 6:1

A alɩ bibie nɛ pʋɔ, a po-tuurbɛ nʋɔr na tɩ kɛrɛ dɔwlɛ a, a bɛl na wone a Gɩrɛkɩ mɩnɛ ƴɛ̀rʋ a, tɩ zɛbr'ɩ nɩ a bɛl na wone a Ebre mɩnɛ ƴɛ̀rʋ a. Bɛ tɩ yel'a k'aa bibi-vɩɛrɩ za sõwfʋ pob pʋɔ a, bɛ bɛ kaarɛ a bɛ pɔw-kɔbɛ zie vla ɩ.

Nɩ-toni 9:39

A Pɩɛr tɩ ìr'ɩ daadaalɛ páw bɛ cen. Ʋ na tɩ ta a, bɛ tɛr ʋ na do n a bɔwpɩɛ pʋɔ. A pɔw-kɔbɛ za tɩ ɓã n taa a be, kone wule nɩ a Pɩɛr a kpali nɩ a kpar-bɛrɛ al a Dɔrkasɩ na tɩ wóbr a ʋ cãafʋ daar a.

Nɩ-toni 9:41

A Pɩɛr tɩ nyɔw ʋ nɩ nũú ʋ ìr, ʋʋ bʋɔlɩ a kɩrɩta-nɩbɛ nɩ a pɔw-kɔbɛ wa wul bɛ a Tabɩta na lɛb vʋʋrɛ a.

Filib 4:6

Nyɩ ɓãá ƴãw bɛr tɩɛrʋ, ɛ́ a yele za pʋɔ a, nyɩ mɩ́ puore zɛlɛ nɩ a Naaŋmɩn yãayãa ɛ́ lãwnɩ barka puoru, ʋ tʋ̃ɔ́ mɩ́ bãw a nyɩ bʋ̃-bɔbra.

1 Timote 2:1

A yele za pʋɔ a, ɩ̃ zɛlɛ na kɛ́ bɛ mɩ́ de niwn tɛr zɛlʋ puoru, yãayãa zɛlʋ nɩ barka puoru a nɩsaalbɛ za ƴãw,

2 Timote 1:3

Ɩ̃ na mɩ́ wa pore a fʋ yúor a ɩ̃ puoru pʋɔ, mʋ̃tɔ̃w nɩ tɩ̃ɩsɔw za a, ɩ̃ mɩ́ puore nɩ a Naaŋmɩn barka yaga za, a Naaŋmɩn ɩ̃ na tone nɩ tɩɛr-vla mɛ̃ a ɩ̃ sãàkʋm-kore a.