1 Timote 4:16 - A SƐB-SÕW

¹⁶ Gù fʋ tʋɔra vla ɛ́ mɩ̀ gù a fʋ wulu vla. Su zu a al ƴãw. Fʋ̃ʋ wa sɩrɩ ɩrɛ à à ŋá a, fʋ na faa nɩ fʋ mɩŋa lãwnɩ a bɛlɩ dem na bɛrɛ wone a fʋ wulu a.

1 Timote 4:16 Referans Kwoze

Títɩ̀ 1:9

A fɛr'a k'ʋʋ tu a ƴɛ̀rʋ na sɛwnɩ sàw deb a pùor sɩza, mɛ̃ a lɛ a wulu na bin a. À ŋá n'a ʋ na tʋ̃ɔ́ kpaalɛ a nɩbɛ a wul-vla pʋɔ, ɛ́ wule a bɛ tulu a bɛlɩ dem na ŋmɩɛr a ʋ ƴɛ̀rʋ lɔbr a.

Títɩ̀ 2:7

a yele za pʋɔ. Ɛ́ a fʋ̃ʋ tɔr za a, ɩ a nɩbɛ cɔwrɛ fʋ a fʋ ɩ-vɩɛlɩ zũú: a fʋ wulu, ʋ vɩɛl ɛ́ sɛw taa nɩ.

1 Bibie za yel-manɩ 28:10

Ƴɛrɛŋa a, jɩ́r nyɛ̃: a Sore kaa na ír fʋ kɛ́ fʋ ŋmãa yir na na ɩ a ʋ zi-sõw a. A na ɩ à ŋá a, dɩ kanyir ɛ́ tĩ a tome.»

2 Timote 4:2

hiere yere a Naaŋmɩn ƴɛ̀rʋ, alɛ saa ŋmɛ̃ ŋmɩŋmɩn a, manɛ ʋ, mɩ́ man ʋ wul a bɛlɩ dem na yel kɛ́ ziri n'a a, ƴãwnɛ bɛ dɛ̃bɩ̃ɛ, mɩ́ nyɔw fʋ tʋɔra kpaalɛ bɛ tɛr'ɩ a wulu tɩɛrʋ kʋralɛ.

Efɛɛzɩ 4:14

Lɛ n'a tɩ kʋ̃ cãà ɩ bibiir wul-pɛ-bʋʋrɛ za sɛsɛb-pɩl nɩ kʋ̃ɔ-mie na darɛ viire nɩ, ɛ́ a nɩsaalbɛ nɩ a bɛ cɩbɛ bɛ̀lɛ ƴãwn tulu pʋɔ a ɩ.

Ebre 13:9

Nyɩ ta sàw wul-pɛ-bʋʋrɛ za nɩ wul-yoru wa bɔr'ɩ nyɩ ɛ. Naaŋmɩn maalʋ n'ʋ a sɛw k'ʋʋ mɩ́ ɩ a nɩr ʋ kpɛmɛ socir, bʋ̃-dɩrɩ bɛ n'a ɩ. A bɛlɩ dem na tuur a nɛ́ɛ bɛ na ƴãw càar'ɩ a bʋ̃-dɩrɩ á ŋá a, bɛ bɛ dãw nyɛ̃ tɔnɛ a pʋɔ ɩ.

Ebre 12:15

Nyɩ gù vla nɩr za taa gùre pùor cɔwr a Naaŋmɩn maalʋ ɛ, nɩr za taa wa ɩ mɛ̃ tɩ-nyɩwr-tuo na bule sãwnɛ nɩ-yaga bɛrɛ a ɩ.

2 Timote 3:14

Ɛcɛ a fʋ̃ʋ a, a yele al fʋ na zànɩ ɛ́ nyɛ̃ a ɩ sɩza a, maal tɛr a kpɛ̃w za. Fʋ bãw nɩ a bɛlɩ dem zie fʋ na zànɩ a yele á ŋá a.

Luka 21:34

«Nyɩ gùre nyɩ tʋɔra vla, ta sàw a faalʋ, a dãa-kuolu nɩ a tẽw ŋa zu nyɔ-vʋʋrʋ bʋ̃-bɔbrɩ wa dĩ a nyɩ socie tɛr ɛ. Nyɩ ta sàw a bibir ŋa wa ùr vɩɛ a nyɩ zu ɛ.

Ɩzayi 55:11

À à ŋá n'a a ɩ̃ ƴɛ̀rʋ na mɩ́ yi a ɩ̃ nʋɔrɩ́ a mɩ́ ɩ: ʋ bɛ lɛbr waar a ɩ̃ zie ɛ́ bɛ ɩ bom ɛ, ɛ́ bɛ maalɩ a lɛ ɩ̃ na bɔbr'a ɩ, ɛ́ bɛ tõ a ton ɩ̃ na kʋ̀ ʋ a ɩ.»

1 Timote 4:6

Manɩ à á ŋá za kʋ̀ a yɛbr, lɛ n'a fʋ na ɩ a Kɩrɩta Yeezu tõ-tõ-bi-vla a naaŋmɩn-sàw-deb ƴɛ̀r-bie nɩ a wul-vla na guoli a, a wul-vla ŋa pùor fʋ na tu a.

1 Timote 1:3

Mɛ̃ a lɛ ɩ̃ na tɩ yel kʋ̀ b ɛ́ cere a Masedʋan a, kpɩɛr a Efɛɛzɩ tẽw be, tʋ̃ɔ́ mɩ́ yel kʋ̀ a bɛ mɩnɛ kãw, kɛ́ bɛ ta wule wul-yoru a nɩbɛ ɩ,

Ʋrɔm 16:17

Yɛbr i, ɩ̃ kpaalɛ nyɩ na kɛ́ nyɩ gùre nyɩ tʋɔra a bɛlɩ dem na bɛ dier a wulu bɛ na kʋ̀ nyɩ a ƴãw, ɛ́ mɩ́ ƴãwnɛ bʋ́r-taa a kɩrɩta-nɩbɛ sɔgɔ, ɛ́ ɩrɛ bɛ bɔrɛ a. Nyɩ taw zãá nɩ bɛ,

2 Timote 2:10

Alɛ n'a so ɩ̃ sàw de a tuo za, a bɛlɩ dem a Naaŋmɩn na kaa ír a ƴãw, kɛ́ a bɛl mɩ̀, bɛ tʋ̃ɔ́ páw a faafʋ a Kɩrɩta Yeezu ƴãw, lãwnɩ a yúor-vɩɛlʋ-danʋ na be kʋralɛ a.

1 Korɛ̃tɩ 9:27

Ɛcɛ ɩ̃ 'wɔnɛ nɩ a ɩ̃ ƴã-gan ɛ́ dɔwrɛ ʋ, k'ɩ̃ɩ tʋ̃ɔ́ so ʋ, k'ɩ̃ɩ taa wa mab hieri a Yel-nʋ̃ɔ̀ kʋ̀ a nɩbɛ, ɛ́ bɛ nyɛ̃ ɩ̃ bɛ sɛwnɩ ʋ ɛ.

Nɩ-toni 6:4

Tɩɩm ƴãw a, tɩ na su n zu a puoru ƴãw nɩ a Naaŋmɩn ƴɛ̀rʋ manʋ ƴãw.»

Markɩ 13:9

A nyɩɩm a, nyɩ gù nyɩ tʋɔra vla. Bɛ na nyɔw nyɩ na cen nɩ a ƴɛ̀rʋ-dɩb-lãw nɩbɛ niŋé nɩ a bɛ puoru-dirú, bɛ na ŋmɛ nyɩ nɩ faa faa, bɛ na tɛr nyɩ na cen nɩ na-kpɛ̃ɛ-lɩɛrbɛ nɩ na-mɩnɛ niŋé, a ɩ a mãa ƴãw, kɛ́ nyɩ tɩ dɩ a ɩ̃ dãsɩɛ a bɛ zie.

Zeremi 23:22

Bɛlɛ tɩ be a ɩ̃ yã-wulbɛ kpaarʋ pʋɔ a, bɛ nãà ɩ na a ɩ̃ nɩbɛ bãw a ɩ̃ ƴɛ̀rʋ, bɛ nãà ɩ na a nɩbɛ bɛr a bɛ sɔr-faa nɩ a bɛ ɩ-faar bɛ na ɩrɛ a.»

Zakɩ 5:20

nyɩ bãwnɩ a, nɩr na tɛr yel-bier-maalɛ a ʋ bɔrʋ sɔ́r zu lɛb wa n a na faa ʋ nɩ a kũu pʋɔ ɛ́ páw yel-bebe yaga suur-dɩ-kʋ̀b.

Títɩ̀ 2:15

À ŋá n'a a sɛw kɛ́ fʋ ƴɛ̀rɛ, kɛ́ fʋ kpaalɛ bɛ, ɛ́ kpãanɛ bɛ nɩ fãw. Nɩr za taa wa nyɛ̃ fʋ ɩ pʋrɩ ɛ.

Kɔlɔsɩ 4:17

Nyɩ yel à ŋá kʋ̀ a Arsɩpʋ: «Kaarɛ a Sore ton fʋ na páw a zie vla, ɛ́ ƴãw fãw tone ʋ vla.»

1 Korɛ̃tɩ 9:22

Ɩ̃ mɩ́ lɩɛb'ɩ bãbàal a bãbàalbɛ zie, k'ɩ̃ɩ páw a bãbàalbɛ. Ɩ̃ mɩ́ lɩɛb'ɩ bom za a bɛ za zie, kɛ́ alɛ saa ŋmɛ̃ ŋmɩŋmɩn a, mãa tʋ̃ɔ́ faa bɛ mɩnɛ.

Ʋrɔm 11:14

tɩɛrɛ nɩ k'ɩ̃ɩ ɩ a ɩ̃ bʋʋrɛ nyuur ìr, ɩ̃ tʋ̃ɔ́ faa bɛ mɩnɛ.

Ʋrɔm 2:7

A bɛlɩ dem na su zu ɩrɛ vla bɔbr'ɩ a yúor-vɩɛlʋ-danʋ nɩ a ƴãwfʋ, nɩ a nyɔ-vʋʋrʋ na be kʋralɛ a, bɛlɛ so a nyɔ-vʋʋrʋ na be kʋralɛ a.

Nɩ-toni 26:22

Ɩ̃ bãwnɩ a na, Naaŋmɩn gù mɛ̃ nɩ a lɛn daar za wa tɩ tɔ a dɩ̃a, alɛ so ɩ̃ cãà dɩrɛ a dãsɩɛ a bibiir nɩ a nɩ-bɛrɛ zie. A naaŋmɩn-ƴɛ̀r-manbɛ nɩ a Moyiir tɩ dãw na hieri yel a yele na waar na ta a, ɩ̃ bɛ yere bom za dɔwlɛ a bɛ ƴɛ̀rʋ zu ɛ.

2 Bibie za yel-manɩ 19:6

ɛ́ yel bɛ à ŋá: «Nyɩ gù vla a lɛ nyɩ na na ɩrɛ a ƴãw! Nɩsaalbɛ yúor ƴãw bɛ n'a nyɩ na dɩrɛ a ƴɛ̀rʋ ɛ, a Sore yúor ƴãw n'a. Ʋl mɩŋa na be n a nyɩ zie a lɛn daar nyɩ na mɩ́ dɩrɛ a ƴɛ̀rʋ a.

Filemɔ̃ 1:19

A mãa Pol, mãa mɩŋa n'ʋ sɛbr'ɩ a ɩ̃ nũu yere kʋ̀rɛ fʋ: mãa n'ʋ na ya b. Ɩ̃ɩ bɛ yere kʋ̀rɛ fʋ a fʋ nyɔ-vʋʋrʋ san fʋ na dɩ a ɩ̃ zie a ɩ.

1 Tesalonikɩ 2:16

Bɛ bɛ sàwr tɩ na ƴɛ̀rɛ a Naaŋmɩn ƴɛ̀rʋ kʋ̀rɛ a nɩ-bʋʋr-yoru bɛ nyɛ̃ a faafʋ ɛ, à ŋá n'a bɛ ɩ a yel-bebe bɛ na maalɛ kʋralɛ a nʋɔr paalɩ. Ɛcɛ a Naaŋmɩn suur wa lo n a bɛ zu a baarʋ daar.

Eziptɩ tẽw yib 23:13

«Nyɩ cɛlɛ à á ŋá za zie ɩ̃ na yel kʋ̀ nyɩ a. Nyɩ taa puore ŋmɩn-yoru towtow ɛ. Bɛ taa wone nyɩ pore a yée mɩ̀ ɛ.»

1 Korɛ̃tɩ 1:21

Bʋ̃ʋ n'ʋ vɛ̃, a tẽ-daa nɩbɛ nɩ a bɛ yã-bãwfʋ za na faa bɛ tʋ̃ɔ́ bãw a Naaŋmɩn a ʋ yã-bãwfʋ ɩb pʋɔ a, alɛ so a Naaŋmɩn yel k'ʋʋ na faa nɩ a bɛlɩ dem na sàw de ʋ a, nɩ a da-gara zu kũu hieru na sãá mɛ̃ gẽgẽ-ɩb a a.

1 Timote 4:15

Kaarɛ à á ŋá za zie nɩ fʋ pʋɔ za, ɛ́ ƴãw fãw a al ƴãw. Lɛ n'a a nɩbɛ za na nyɛ̃ a fʋ yele na vɩɛl dɔwlɛ a.