1 Tesalonikɩ 3:9 - A SƐB-SÕW

⁹ Ŋmɩŋmɩn n'a tɩ na tʋ̃ɔ́ puori a Naaŋmɩn yãanɩ a nyɩ ƴãw k'a sɛw, a nʋ̃ɔ̀ al za nyɩ na ɩrɛ tɩ nyɛrɛ a ʋ niŋé a ƴãw?

1 Tesalonikɩ 3:9 Referans Kwoze

2 Korɛ̃tɩ 9:15

Naaŋmɩn so puoru, a maalʋ na bɛ tɛr manʋ ʋ na tɩrɛ a ƴãw!

1 Tesalonikɩ 2:19

Bʋ̃ʋ n'ʋ vɛ̃, a nyɩɩm a, nyɩmɛ nɛbɛ ɩ a tɩ tɩɛrʋ, a tɩ nʋ̃ɔ̀, nɩ a tɩ zɛb-tʋ̃ɔ́fʋ bãwfʋ, na na ɩ a tɩ pɔ̀lʋ bom a tɩ Sore Yeezu Kɩrɩta niŋé a ʋ lɛb-waa daar a. Nyɩmɛ nɛbɛ, nɩ-yũo kãw za bɛ n'ʋ ɛ.

Neemi 9:5

Al pùorí, a levitɩ bɛ ŋa: Yesua, Kadɩmɩɛl, Bani, Hasavɩneya, Serevɩa, Hodiya, Sevanɩa nɩ Petaya tɩ yel'ɩ kpɛ̃w kpɛ̃w za: «Nyɩ ìr àr! Nyɩ puore a Sore nyɩ Naaŋmɩn yãanɩ kʋralɛ, ɛ́ taa bɛrɛ ɩ!» «Sore e, ŋa za, ʋ mɩ́ puore fʋ yãanɩ, fʋ na ɩ yúor-vɩɛlʋ-danʋ tɛwr'a ƴãw, fʋ ɩ n kpɛ̃ɛ zuo yãanɩ puoru za nɩ danʋ za!

2 Samɩɛl 6:21

A Daviir tɩ sɔw ʋ na: «A Sore ƴãw n'a ɩ̃ ɩ a lɛ, ʋl na kaa ír mɛ̃, ƴãw ɩ̃ ɩ a ʋ nɩ-bʋʋrɛ Ɩsɩrayɛl nɩ-kpɛ̃ɛ, ɛ́ bɛr a fʋ sãà nɩ a ʋ yir za a. Ɩ̃ na cãà na lɛb wul ʋ a ɩ̃ nʋ̃ɔ̀.

Wulu-ayi-sob 16:11

Nyɩ na mɩ́ cen nɩ a zie ʋl a Sore na na kaa ír, k'ʋʋ mɩ́ wul k'aa be n'a ʋ be a. A be a, nʋ̃ɔ̀ na mɩ́ ɩrɛ nyɩ na, lãwnɩ a nyɩ bidɛbr nɩ a nyɩ pɔwyaar, a nyɩ tõ-tõ-bi-dɛbr nɩ a nyɩ tõ-tõ-bi-pɔwbɛ, lãwnɩ a levitɩ mɩnɛ na be a nyɩ tẽ-bɛrɛ pʋɔ a, nɩ a nʋʋrɩ na kpɩɛr a nyɩ zie a, a bi-kpebe nɩ a pɔw-kɔbɛ na kpɩɛr a nyɩ sɔgɔ a.

Wulu-ayi-sob 12:18

A zi-sõw pʋɔ yõ n'a nyɩ na tʋ̃ɔ́ mɩ́ dɩ a, be a Sore nyɩ Naaŋmɩn na na kaa ír a. Nyɩ na mɩ́ dɩ a na nyɩmɛ nɩ a nyɩ bidɛbr, a nyɩ pɔwyaar, a nyɩ tõ-tõ-bi-dɛbr nɩ a nyɩ tõ-tõ-bi-pɔwbɛ, nɩ a levitɩ mɩnɛ na kpɩɛr a nyɩ tẽ-bɛrɛ pʋɔ a. Nʋ̃ɔ̀ na mɩ́ ɩrɛ nyɩ nɩ a Sore nyɩ Naaŋmɩn zi-sõw pʋɔ be, a nyɩ tome za nyɩ na tõ a ƴãw.

Wulu-ayi-sob 12:2

Nyɩ na sãw nɩ a maalʋ-ziir al za na be a tã-kɛrɩ, a tãli nɩ a tɩ-zimpiri zimpiri za pile a bɛr. Be n'a a nɩ-bʋʋr-yoru nyɩ na na diw ɛ́ de a ten a tɩ maalɛ a bɛ ŋmɩmɛ.

2 Korɛ̃tɩ 2:14

Naaŋmɩn so yãanɩ! A Kɩrɩta ƴãw a, ʋ mɩ́ ƴãw na tɩ pʋɔ a ʋ zɛb-tʋ̃ɔ́fʋ nɩbɛ pʋɔ kʋralɛ, ɛ́ a tɩɩm zũú, ʋ ɩ bɛ bãw a Kɩrɩta ziir za mɛ̃ parfɛ̃ a nyũu na yi pàw a ziir za a.

Sɛb-sõw yielu 68:3

Mɛ̃ a lɛ a sɛsɛb na mɩ́ ɓáw a zʋ̀ʋ́r tɔl'ɩ a, mɛ̃ a lɛ a sɩ-suur na mɩ́ nyɩl a vũumí a, lɛ n'a a nɩ-faar mɩ́ bɔr a Naaŋmɩn niŋé.

Sɛb-sõw yielu 116:12

Ŋmɩŋmɩn n'a ɩ̃ na ɩ yaa a maalʋ al za a Sore na maalɩ mɛ̃ a san?

2 Bibie za yel-manɩ 31:8

A Ezekɩasɩ nɩ a nɩ-bɛrɛ tɩ wa na wa nyɛ̃ a bome na gbõ taa a, ɛ́ puori a Sore nɩ a ʋ nɩ-bʋʋrɛ Ɩsɩrayɛl yãanɩ.