1 Tesalonikɩ 1:8 - A SƐB-SÕW

⁸ Bʋ̃ʋ n'ʋ vɛ̃, a Masedʋan nɩ a Akayi ten tɛwr bɛ n'a a Sore ƴɛ̀rʋ yi a nyɩ zie ɛ́ hieri tɩ tɔ ɩ, a nyɩ naaŋmɩn-sàw-deb yele ta n a ziir za, a dɛ bɛ lɛb tɛr tɩ na ƴɛ̀rɛ a ƴɛ̀rʋ ɛ.

1 Tesalonikɩ 1:8 Referans Kwoze

Ʋrɔm 1:8

A Yeezu Kɩrɩta ƴãw n'a ɩ̃ de niwn puore a ɩ̃ Naaŋmɩn yãanɩ a nyɩ za ƴãw, bɛ na ƴɛ̀rɛ a nyɩ sàw-deb ƴɛ̀rʋ a tẽ-daa za zu a ƴãw.

Yel-wula 14:6

Al pùorí, ɩ̃ tɩ nyɛ̃ nɩ malkɩ yũo ʋ laarɛ a saa-zu za. Ʋ tɩ tɛr'ɩ Yel-nʋ̃ɔ̀ na be kʋralɛ a na yel kʋ̀ a bɛlɩ dem na kpɩɛr a tẽw zu a: tẽw za, dɔwlʋ za, ƴɛ̀r-pɛ-bʋʋrɛ za nɩ nɩ-bʋʋrɛ za.

3 Zã 1:12

A Demetiriyisi ʋl ƴãw a, nɩbɛ za dɩrɛ nɩ a ʋ dãsɩɛ vla. Ɛ́ a yel-mɩŋa tɔr za dɩrɛ nɩ a ʋ dãsɩɛ. A tɩɩm mɩ̀, tɩ dɩrɛ nɩ a ʋ dãsɩɛ, ɛ́ fʋ bãwnɩ a n'a a tɩ dãsɩɛ na ɩ sɩza a.

2 Tesalonikɩ 1:4

Lɛ so tɩ mɩ́ nyʋʋr a nyɩ ƴãw a Naaŋmɩn Lãw-yie sɔgɔ, nyɩ na mɩ́ dɩ kanyir ɛ́ tɛr a naaŋmɩn-sàw-deb, a nyɩ dɔwrʋ za, nɩ a nyɩ kpɩɛrʋ za nyɩ na nyɛrɛ a ƴãw a.

Ɩzayi 52:7

A yel-nʋ̃ɔ̀ yere bɛ na nyɛ̃ ʋ be a tan zu waar a, nyɛ̃ nʋ̃ɔ̀ na ɩrɛ a! Ʋ yere nɩ a ƴã-ɓaarʋ, a nʋ̃ɔ̀ nɩ a faafʋ. Ʋ yere na kʋ̀rɛ a Zerizalɛm: «A fʋ Naaŋmɩn ɩ n nãà».

2 Tesalonikɩ 3:1

Lɛb waar mɩ̀, yɛbr i, nyɩ puore kʋ̀rɛ tɩ, k'aa Sore ƴɛ̀rʋ yɛ̀rɛ fɔ̃w fɔ̃w ɛ́ nyɛrɛ ƴãwfʋ, mɛ̃ a lɛ ʋ na nyɛ̃ ƴãwfʋ a nyɩ zie a.

Yel-wula 22:17

A Naaŋmɩn Vʋʋrʋ nɩ a Pɔw-sãan yere na: «Wa!» Sob nɛ na wone à à ŋá a, ʋ mɩ̀ yel: «Wa!» Sob nɛ kʋ̃ɔ-nyúur na kpɩɛr a, ʋ wa. Sob nɛ na bɔbr a, ʋ páw a nyɔ-vʋʋrʋ kʋ̃ɔ, mɔlɛ.

Ʋrɔm 16:19

A Sore nʋɔr nyɩ na sàwr a, a nɩbɛ za wõ n a yele. Lɛ so nʋ̃ɔ̀ ɩrɛ mɛ̃ a nyɩ ƴãw, ɛcɛ ɩ̃ bɔbr'a kɛ́ nyɩ ɩ yã-bãwnbɛ ɩrɛ a vla, ɛ́ vɩɛl dɛrɛ a faa.

Ɩzayi 2:3

Nɩ-bʋʋr-yaga na ìr'a lo a sɔ́r ɛ́ yere: “Nyɩ wa! Nyɩ wa tɩ do a Sore tãw zu, tɩ do a Zakɔb Naaŋmɩn yir. Ʋ na tɩ wul tɩ nɩ a ʋ sɛ́ɛ, ɛ́ tɩ na cere nɩ a ʋ soli zu.” Sɩza, Sɩyɔ̃ n'a a Sore wulu yire waar, Zerizalɛm'a a ʋ ƴɛ̀rʋ yire waar wa páwr tɩ.

Eziptɩ tẽw yib 18:9

Nʋ̃ɔ̀ tɩ kpɛ n a Zetoro, a vla al za a Sore na tɩ maalɩ a Ɩsɩrayɛl nɩbɛ a ƴãw, ʋ na tɩ faa bɛ a Eziptɩ tẽw nɩbɛ nuru pʋɔ a.

2 Korɛ̃tɩ 3:4

À ŋá n'a tɩ mɩ́ bɛr tɩɛrʋ a Naaŋmɩn niŋé a Kɩrɩta zũú.

1 Korɛ̃tɩ 14:36

Nyɩɩm zie n'a a Naaŋmɩn ƴɛ̀rʋ tĩ bɩɩ? Nyɩɩm tɛwr nɛbɛ páw ʋ bɩɩ?

Ɩzayi 66:19

Ɩ̃ na ƴãw nɩ bãwfʋ a bɛ sɔgɔ. A bɛlɩ dem nãà wa cãà vʋʋrɛ a ɩ̃ ƴɛ̀rʋ-dɩb pùorí a, ɩ̃ na tõ bɛ nɩ a Tarsisɩ, a Putɩ nɩ a Ludɩ nɩbɛ zie, nɩbɛ na ɩ tã-tɛbrbɛ a. Ɩ̃ na tõ bɛ nɩ a Tubal, a Yavan nɩ a kʋ̃ɔ-kpɛ̃ɛ-sɔgɔ-tẽ-zãánɩ nɩbɛ zie, a be nɩr na bɛ dãw wõ bɛ por a ɩ̃ yúor a, a be nɩr na bɛ dãw nyɛ̃ a ɩ̃ yúor-vɩɛlʋ-danʋ a. Ɛ́ bɛ na tɩ ɩ na a nɩbɛ bɛ ŋa bãw a ɩ̃ yúor-vɩɛlʋ-danʋ.

Nɩ-toni 18:12

A lɛn daar a Galɩɔ̃ na tɩ ɩ a Akayi tẽw kaarɛ a, a Zifʋ mɩnɛ za tɩ wa ìr'ɩ a Pol ƴãw, nyɔw ʋ cen nɩ ƴɛ̀rʋ-maalʋ zie.

Ʋrɔm 15:26

Bʋ̃ʋ n'ʋ vɛ̃, a Masedʋan nɩ a Akayi kɩrɩta-nɩbɛ yel'a kɛ́ bɛ na cɩɛr'ɩ bome sõw nɩ a Zerizalɛm kɩrɩta-nɩbɛ na bɛ tɛr a a.

2 Korɛ̃tɩ 2:14

Naaŋmɩn so yãanɩ! A Kɩrɩta ƴãw a, ʋ mɩ́ ƴãw na tɩ pʋɔ a ʋ zɛb-tʋ̃ɔ́fʋ nɩbɛ pʋɔ kʋralɛ, ɛ́ a tɩɩm zũú, ʋ ɩ bɛ bãw a Kɩrɩta ziir za mɛ̃ parfɛ̃ a nyũu na yi pàw a ziir za a.

Kɔlɔsɩ 3:16

A Kɩrɩta ƴɛ̀rʋ, ʋ be a nyɩ pʋɔ yaga za. Nyɩ wule taa ɛ́ kpaalɛ taa nɩ yã-bãwfʋ. Nyɩ yiele puore nɩ a Naaŋmɩn yãanɩ nɩ nyɩ pʋɔ za, nɩ Sɛb-sõw yielu, nɩ danʋ, nɩ yielu Vʋʋrʋ Sõw na waalɩ kʋ̀ nyɩ a.

1 Timote 2:8

Lɛ so ɩ̃ bɔbr kɛ́ a ziir za, a dɛbr mɩ́ zɛw nũ-vɩɛlɩ cɔw a salom ɛ́ puore, ɛ́ bɛr a suur nɩ a taw-taa.

2 Timote 2:9

A Yel-nʋ̃ɔ̀ ŋa ƴãw n'a ɩ̃ wone a tuo, bɛ tɩ nyɔw mɛ̃ 'lẽ nɩ bamɛ mɛ̃ yel-fa-maalɛ a. Ɛcɛ bɛ bɛ 'lẽ a Naaŋmɩn ƴɛ̀rʋ ɛ!