1 Tesalonikɩ 1:5 - A SƐB-SÕW

⁵ Bʋ̃ʋ n'ʋ vɛ̃, a Yel-nʋ̃ɔ̀ tɩ na wa manɩ kʋ̀ nyɩ a bɛ tɩ ɩ ƴɛ̀rʋ tɛwr tɩ ƴɛ̀r ɛ, a tɩ lãw nɩ nɩ kpɛnʋ nɩ sõwfʋ na yi a Vʋʋrʋ Sõw zie a, bʋnʋ mɩ̀ bɛ tɩ ka be ɩ. Ɛ́ nyɩ bãw nɩ a lɛ tɩ na ɩ a nyɩ sɔgɔ a nyɩ vla ƴãw a.

1 Tesalonikɩ 1:5 Referans Kwoze

Markɩ 16:20

A ʋ Nɩ-toni tɩ cen na tɩ hiere a Yel-nʋ̃ɔ̀ a ziir za. A Sore tɩ lãwnɩ bɛ na tone, ɛ́ mɩ́ wul kɛ́ a Yel-nʋ̃ɔ̀ ƴɛ̀rʋ ɩ n sɩza, a nɔ-ɓãa-yele na tɩ maalɛ pʋɔ a ƴãw.]

1 Tesalonikɩ 2:13

Lɛ so tɩ mɩ́ puore a Naaŋmɩn yãanɩ kʋralɛ. Nyɩ na tɩ wõ a Naaŋmɩn ƴɛ̀rʋ a tɩ nʋɔrɩ́ ɛ́ sàw de a, nyɩ bɛ sàw de ʋ mɛ̃ nɩsaalbɛ ƴɛ̀rʋ a ɩ, nyɩ sàw na de ʋ mɛ̃ a lɛ tɔr za ʋ na ɩ a, Naaŋmɩn ƴɛ̀rʋ na tone a nyɩɩm na sàw de a zie a.

1 Pɩɛr 1:12

A Naaŋmɩn tɩ wul bɛ na kɛ́ a yel ŋa bɛ na tɩ yere a, a bɛ ɩ bɛl mɩŋa ƴãw ɛ, a nyɩɩm ƴãw n'a. Ɛ́ a ƴɛrɛŋa a, a Vʋʋrʋ Sõw bɛ na tõ ʋ yi a tẽ-vla pʋɔ wa a, ʋ ɩ na a Yel-nʋ̃ɔ̀ hierbɛ manɩ a yel ŋa kʋ̀ nyɩ, a yel ŋa a malkɩ mɩnɛ na vuole bɔbr'ɩ a bãwfʋ a.

2 Tesalonikɩ 2:14

A yel ŋa ƴãw n'a ʋ bʋɔlɩ nyɩ, a tɩ Yel-nʋ̃ɔ̀ tɩ na manɩ kʋ̀ nyɩ a zũú. Ʋ bʋɔlɩ nyɩ na kɛ́ nyɩ wa tɛr a tɩ Sore Yeezu Kɩrɩta yúor-vɩɛlʋ-danʋ.

Kɔlɔsɩ 2:2

Ɩ̃ bɔbr'a k'ɩ̃ɩ ɩ à ŋá bɛ kpɛ socir yaga za, bɛ lãw taa nɔnɛ taa tʋ̃ɔ́ páw a yã za naalʋ kpɛ, tʋ̃ɔ́ bãw a Naaŋmɩn yel-sɔwla na ɩ a Kɩrɩta a.

1 Korɛ̃tɩ 4:20

Bʋ̃ʋ n'ʋ vɛ̃, a Naaŋmɩn Naalʋ bɛ ɩ ƴɛ̀rʋ yele ɩ, ɩ-ɩrɩ yele n'a.

Efɛɛzɩ 3:20

A Naaŋmɩn na na tʋ̃ɔ́ mɩ́ maalɩ yel za tɩ zuo nɩ a lɛ tɩ na zɛlɛ bɩɩ tɩɛrɛ a, a ʋ fãw na tone a tɩ pʋɔ a zũú a,

Ʋrɔm 1:16

Ɩ̃ bɛ zɔrɛ vĩ a Yel-nʋ̃ɔ̀ hieru ƴãw ɛ: bʋ̃ʋ n'ʋ vɛ̃, ʋ ɩ n Naaŋmɩn kpɛnʋ na faarɛ nɩr za na sàw de a, a Zifʋ mɩnɛ n'ɩ a dãw-niwn dem, al pùorí a bɛl na bɛ ɩ Zifʋ mɩnɛ a.

Nɩ-toni 11:21

A Sore tɩ tɩɛ bɛ na tɛr kpɛ̃w za a bɛ Yel-nʋ̃ɔ̀ hieru tome pʋɔ, lɛ so nɩ-yaga tɩ lɩɛbɩ a bɛ ɩb ɛ́ sàw de a Sore.

2 Timote 2:10

Alɛ n'a so ɩ̃ sàw de a tuo za, a bɛlɩ dem a Naaŋmɩn na kaa ír a ƴãw, kɛ́ a bɛl mɩ̀, bɛ tʋ̃ɔ́ páw a faafʋ a Kɩrɩta Yeezu ƴãw, lãwnɩ a yúor-vɩɛlʋ-danʋ na be kʋralɛ a.

2 Timote 2:8

Lɛb tɩɛrɩ a Yeezu Kɩrɩta yele, ʋl na ɩ Daviir bʋʋrɛ nɩr a: ʋ lɛb'a yi a kũuni pʋɔ mɛ̃ a lɛ a ɩ̃ Yel-nʋ̃ɔ̀ na yere a.

Filib 4:9

Bom nɛ nyɩ na zànɩ ɛ́ páw a ɩ̃ zie a, bom nɛ nyɩ na nyɛ̃ a ɩ̃ zie ɛ́ wõ a, nyɩ tɛr a ɩrɛ, ɛ́ a ƴã-ɓaarʋ Naaŋmɩn na be n a nyɩ zie.

2 Pɩɛr 1:10

Alɛ n'a so, yɛbr i, nyɩ lɛb bãw ƴãw fãw ɩ a bʋɔlʋ a Naaŋmɩn na bʋɔlɩ nyɩ, ɛ́ kaa ír nyɩ a, ʋ kpɛmɛ dɔwlɩ, lɛ n'a nyɩ bɛ be za nãà faa lo ɩ.

1 Pɩɛr 1:3

A Naaŋmɩn tɩ Sore Yeezu Kɩrɩta Sãà tɛr'ɩ puoru. A ʋ su-ɓaarʋ na ɩ kpɛ̃ɛ a ƴãw n'a ʋ ɩ tɩ lɛb dɔw, ɛ́ ƴãw a tɩ tɩɛrʋ a nyɔ-vʋʋrʋ tɩ na páw a ƴãw, a Yeezu Kɩrɩta kũu-pʋɔ-lɛb-yibu zũú.

Ebre 6:11

Ɛcɛ tɩ bɔbr'a kɛ́ nyɩ za been been mɩ́ cãà tʋlɛ a lɛ tɩ ta n a baarʋ daar, kɛ́ a tɩɛrʋ nyɩ na ƴãw a Naaŋmɩn ƴãw a, tʋ̃ɔ́ maalɩ ʋ za vla.

Filib 2:13

Bʋ̃ʋ n'ʋ vɛ̃, Naaŋmɩn be n a nyɩ sɔgɔ tone, ʋlɛ n'ʋ mɩ́ ƴãw nyɩ bɔbr ɛ́ maalɛ bom nɛ na tu a ʋ pʋ-tɩɛrʋ a.

Efɛɛzɩ 2:10

Naaŋmɩn mɩŋa n'ʋ maalɩ tɩ, ʋlɛ n'ʋ ír tɩ tɩ lãw nɩ a Yeezu Kɩrɩta, kɛ́ a tɩ ɩ-ɩrɩ tʋ̃ɔ́ vɩɛl, a ɩ-ɩrɩ á ŋá a Naaŋmɩn na cɔbrɩ bɛr a koro za kɛ́ tɩ wa ɩrɛ a.

Galasi 5:5

Ɛcɛ a tɩɩm a, tɩ ƴãw nɩ a tɩ tɩɛrʋ a Naaŋmɩn ƴãw, ʋl na na ɩ tɩ ɩ nɩ-mɩn a ʋ niŋé a. A yel ŋa n'ʋ tɩ gùre nɩ a Vʋʋrʋ Sõw fãw, ʋl na tone a tɩ naaŋmɩn-sàw-deb pʋɔ a.

Galasi 2:2

Yel-wula Naaŋmɩn na ɩ ɩ̃ bãw a n'a so ɩ̃ tɩ do. Ɩ̃ tɩ man nɩ a Yel-nʋ̃ɔ̀ ɩ̃ na hiere a nɩ-bʋʋr-yoru sɔgɔ a kʋ̀ a kɩrɩta-nɩbɛ, al pùorí, ɩ̃ man ʋ kʋ̀ a nɩ-bɛrɛ, bɛ tɛwr zie. Ɩ̃ bɛ tɩ bɔbr k'aa tome ɩ̃ na tõ ɛ́ cãà tone a ɩ zawla ɩ.

2 Korɛ̃tɩ 3:6

Ʋlɛ n'ʋ ɩ tɩ tʋ̃ɔ́ lɩɛbɩ Wõ-ta-paala tõ-tõ-biir. Sɛbrʋ Wõ-ta-paala bɛ n'ʋ ɛ, Vʋʋrʋ Wõ-ta-paala n'ʋ, bʋ̃ʋ n'ʋ vɛ̃, a sɛbrʋ kʋrɛ na ɛ́ a Vʋʋrʋ tɩrɛ nyɔ-vʋʋrʋ.

1 Korɛ̃tɩ 10:33

Mɛ̃ a lɛ a mãa tɔr za na ƴãw fãw ɩrɛ a yele za pʋɔ kɛ́ a nʋmɛ a nɩbɛ za zie, mãa na bɛ bɔbr ɩ̃ tɔnɛ, ɛ́ bɔbr a nɩbɛ yaga zie tɔnɛ, kɛ́ bɛ tʋ̃ɔ́ nyɛ̃ a faafʋ a.

1 Korɛ̃tɩ 3:16

Nyɩ bɛ bãw kɛ́ nyɩ ɩ n a Naaŋmɩn yir, nɩ k'aa Naaŋmɩn Vʋʋrʋ kpɩɛr'ɩ a nyɩ pʋɔ ɩ?

1 Korɛ̃tɩ 3:6

Mãa sɛl'ɩ a tɩɛ, Apɔlɔsɩ cɔ̀r, ɛcɛ Naaŋmɩn n'ʋ tɩ ɩrɛ ʋ kɛrɛ.

1 Korɛ̃tɩ 1:24

Ɛcɛ a bɛlɩ dem a Naaŋmɩn na bʋɔlɩ a zie a, bɛ ɩ n Zifʋ bɩɩ Gɩrɛkɩ a, a bɛl zie a, ʋ ɩ n a Kɩrɩta, ʋl na ɩ a Naaŋmɩn kpɛnʋ nɩ a Naaŋmɩn yã-bãwfʋ a.

Ʋrɔm 2:16

A yele á ŋá n'a na sãá a bibir ʋl, a Naaŋmɩn na na ƴãw a Yeezu Kɩrɩta maal'ɩ a nɩsaalbɛ ƴɛ̀rʋ a bɛ yel-sɔwlɩ ƴãw a, mɛ̃ a lɛ a Yel-nʋ̃ɔ̀ ɩ̃ na hiere a na yel a.

Nɩ-toni 16:14

A bɛ ƴen sob kãw, na dɩ kɛ́ Lidi a, tɩ ɩ n yɛ-yɛrɛ na kʋɔrɛ pɛn-zɩɩr, pɛn-vɩɛlɩ vɩɛlɩ a. Tɩatɩɩr'a ʋ tɩ yi, ɛ́ tu a Naaŋmɩn puoru sɔ́r. Ʋ tɩ ƴãw nɩ tobr a ƴɛ̀rʋ ƴãw, a Sore tɩ sɩrɩ na ɩ ʋ cɛlɛ a Pol ƴɛ̀rʋ zie vla.

Nɩ-toni 2:33

A Naaŋmɩn dʋrʋ zɛw ʋ na ʋ do. Lɛ so ʋ páw a Vʋʋrʋ Sõw a Naaŋmɩn na ƴãw nʋɔr k'ʋʋ na tɩr'a a. Ʋlɛ n'ʋ ɩ a Vʋʋrʋ Sõw siw põ yaarɩ a tɩ zu, ɛ́ alɛ n'a nyɩ nyɛrɛ ɛ́ wone.

Ɩzayi 55:11

À à ŋá n'a a ɩ̃ ƴɛ̀rʋ na mɩ́ yi a ɩ̃ nʋɔrɩ́ a mɩ́ ɩ: ʋ bɛ lɛbr waar a ɩ̃ zie ɛ́ bɛ ɩ bom ɛ, ɛ́ bɛ maalɩ a lɛ ɩ̃ na bɔbr'a ɩ, ɛ́ bɛ tõ a ton ɩ̃ na kʋ̀ ʋ a ɩ.»

2 Pɩɛr 1:19

Ɛ́ lɛb waar, tɩ nyɛ̃ na k'aa naaŋmɩn-ƴɛ̀r-manbɛ ƴɛ̀rʋ sɩrɩ na tɛr fãw, ɛ́ nyɩ tɛr'ɩ yel-mɩŋa nyɩ na sàw cɛlɛ a ƴɛ̀rʋ á ŋá zie a. Nyɩ de a a ɩ mɛ̃ fɩ̃tɩlɛ na caalɛ lige pʋɔ a, ɛ́ gù a zi-vɩɛ-ŋmar-bir nãà wa pur a nyɩ socie pʋɔ a.

1 Pɩɛr 5:3

Nyɩ ta dɩrɛ naalʋ a bɛlɩ dem bɛ na kʋ̀ nyɩ kɛ́ nyɩ kaarɛ a zu ɛ, nyɩ nɩ̃ɛ lɩɛbɩ nɩ-vɩɛlɩ a píir na na cɔwrɛ a.

Ebre 10:22

A na ɩ lɛ a, nyɩ ɩ tɩ taw pɩɛlɩ a Naaŋmɩn nɩ soci-dẽdẽ nɩ a tɩ sàw-deb za, ɛ́ tɛr socie na vɩɛl bɛ cãà tɛr sãwna za tɩɛrʋ a, nɩ ƴã-gamɛ bɛ na pɛ́w nɩ kʋ̃ɔ vla walwal a.

Luka 1:1

Ɩ̃ bá Teofil i, nɩ-yaga ƴãw nɩ fãw sɛb manɩ a yele al na ɩ a tɩ sɔgɔ a.

Ʋrɔm 15:13

A Naaŋmɩn na n'ʋ tɩ mɩ́ tɩɛrɛ a, ʋ ɩ kɛ̀ nʋ̃ɔ̀ nɩ ƴã-ɓaarʋ paalɩ nyɩ a nyɩ sàw-deb pʋɔ, k'aa nyɩ tɩɛrʋ nyɩ na ƴãw a Naaŋmɩn ƴãw a, ɩ kpɛ̃ɛ yaga za a Vʋʋrʋ Sõw fãw zũú.

1 Korɛ̃tɩ 9:14

Lɛ mɩ̀ n'a, a Sore yel'ɩ a bɛlɩ dem na hiere a Yel-nʋ̃ɔ̀ a, kɛ́ a Yel-nʋ̃ɔ̀ ton guole bɛ.