1 Samɩɛl 9:26 - A SƐB-SÕW

²⁶ A bio daarɩ́ biɓaara a, a Sawul nɩ a ʋ tõ-tõ-bie tɩ dãw nɩ nɩ íru. A zie na wa wɛlɛ a, a Samɩɛl tɩ bʋɔl'ɩ a Sawul a gàrʋ́ tɩ yel ʋ: «Nyɩ yi lo a sɔ́r, ɩ̃ na bɩɛlɩ fʋ na ta n sɔgɔ.» A Sawul tɩ yi na lo a sɔ́r, ʋlɛ nɩ a Samɩɛl, bɛ za ayi lãw cere.

1 Samɩɛl 9:26 Referans Kwoze

Ƴɛ̀r-dɩrbɛ 19:28

Ʋ tɩ yel ʋ na: «Ìr tɩ kul.» Ɛcɛ a pɔw bɛ tɩ sɔw ʋ ɛ. Lɛ n'a ʋ tɩ ɓáw a pɔw, dɔwlɩ a bõw zu tɔl kul'ɩ.

Zozue 7:13

Ƴɛrɛŋa a, ìr cen tɩ maalɩ a Ɩsɩrayɛl bʋʋrɛ bɛ ɩ son. Fʋ na tɩ yel'a: Nyɩ so a nyɩ dɛwr bɛr a bio ƴãw, bʋ̃ʋ n'ʋ vɛ̃, à ŋá n'a a mãa Sore, a Ɩsɩrayɛl Naaŋmɩn yere: Nyɩ tɛr'ɩ bome ɩ̃ na yel kɛ́ nyɩ taa dier a. Lɛn daar za nyɩ na kʋ̃ ír a bome á ŋá bɛr a nyɩ sɔgɔ a, nyɩ kʋ̃ lɛb tʋ̃ɔ́ bà gbɛ́r a nyɩ dɔ̃ dem niŋé ɩ.

Yele-za-pɛr-tib 44:4

Bɛ tɩ yi n a tẽw pʋɔ baarɩ, ɛcɛ bɛ bɛ tɩ cen zãá yaga ɩ, ɛ́ a Zuzɛb yel a ʋ bʋ̃-kaarɛ: «Ìr! Diw bɩɛrɩ a nɩbɛ bɛ ŋa, diw nyɔw bɛ sowri bɛ: “Bʋ̃ʋ n'ʋ so nyɩ maalɩ yel-faa yáa yel-vla san?

Yele-za-pɛr-tib 19:14

A Lɔtɩ tɩ cen na tɩ páw a ʋ dɩɛmbɛ, a bɛl nãà wa kul a ʋ pɔwyaar a, yel bɛ: «Nyɩ ìr! Nyɩ yi zaa a tẽw ŋa pʋɔ, a Sore na sãw ʋ na bɛr.» Ɛcɛ bɛ tɩ manɛ k'ʋʋ dɩ̃ɛnɛ na.

1 Samɩɛl 9:25

Al pùorí, bɛ tɩ yi n a maalʋ-zie siw a tẽw pʋɔ, a Samɩɛl tɩ do zɩ̃ gàrʋ́, ʋlɛ nɩ a Sawul lãw ƴɛ̀r.

1 Samɩɛl 9:27

Bɛ na tɩ ta a tẽw tʋr-bɔw ƴãw a, a Samɩɛl tɩ yel'ɩ a Sawul: «Yel a fʋ tõ-tõ-bie k'ʋʋ tɔl de tɩ niwn.» A tõ-tõ-bie tɔl de a niwn. A Samɩɛl lɛb yel: «Ɛ́ fʋ̃ʋ a, tɛw àr a ka a ƴɛrɛŋa, ɩ̃ ɩ fʋ bãw bom nɛ a Sore na yere a.»