1 Samɩɛl 8:7 - A SƐB-SÕW

⁷ A Sore tɩ yel'ɩ a Samɩɛl: «Bɛr wõ a Ɩsɩrayɛl nɩbɛ, sàw a bɛ zɛlʋ. Bʋ̃ʋ n'ʋ vɛ̃, fʋ̃ʋ bɛ n'ʋ bɛ zawrɛ bɛrɛ ɩ, mãa n'ʋ. Bɛ bɛ cãà bɔbr k'ɩ̃ɩ dɩrɛ naalʋ a bɛ zu ɛ.

1 Samɩɛl 8:7 Referans Kwoze

1 Samɩɛl 10:19

Ɛ́ dɩ̃a nyɩ wa zawrɩ a nyɩ Naaŋmɩn bɛr, ʋl na sõwne nyɩ a nyɩ kpɩɛrʋ nɩ a nyɩ pʋl-vʋ̃ɔ za pʋɔ a, ɛ́ yel ʋ: “Kʋ̀ tɩ nãà.” A na ɩ à ŋá a, nyɩ wa a Sore niŋé dɔwlʋ dɔwlʋ, yie yie.»

Luka 19:27

Ɛ́ a ɩ̃ dɔ̃ dem bɛl a, a nɩbɛ bɛl na bɛ tɩ bɔbr k'ɩ̃ɩ dɩ naalʋ a bɛ zu a, nyɩ nyɔw bɛ wa n a ɩ̃ niŋé ka wa ŋmaarɩ bɛ kɔkɛɛ.”»

Luka 10:16

A Yeezu tɩ cãà na lɛb yel a ʋ po-tuurbɛ: «Sob nɛ na bɛrɛ wone a nyɩ ƴɛ̀rʋ a, a ɩ̃ ƴɛ̀rʋ n'a ʋ bɛrɛ wone, ɛ́ sob nɛ na zawrɩ nyɩ bɛr a, mãa n'ʋ ʋ zawrɩ bɛr. Ɛcɛ sob nɛ na zawrɩ mɛ̃ bɛr a, a sob nɛ na tõ m a n'ʋ ʋ zawrɩ bɛr.»

Eziptɩ tẽw yib 16:8

A Moyiir tɩ cãà na yel: «Nyɩ na nyɛ̃ na bãw k'aa Sore n'ʋ, a lɛn daar ʋ nãà wa kʋ̀ nyɩ nɛn nyɩ 'wɔb a zaanʋɔra, ɛ́ a biɓaara ʋ kʋ̀ nyɩ dipɛ̃ a man nyɩ a. Bʋ̃ʋ n'ʋ vɛ̃, a Sore wõ n a zɛbr nyɩ na zɛbr'ɩ ʋ a. A tɩɩm a, tɩmɛ mɩ̀ n'ɩ ã-mɩnɛ? Tɩmɛ bɛ nɛbɛ nyɩ zɛbr'ɩ ɛ, a Sore sɩrɩ n'ʋ nyɩ zɛbr'ɩ.»

Luka 19:14

Ɛcɛ a ʋ tẽw dem bɛ tɩ nɔnɛ ʋ ɛ, ɛ́ tɩ tõ nɩbɛ a ʋ pùorí kɛ́ bɛ tɩ yel a na-kpɛ̃ɛ: “Tɩ bɛ bɔbr k'ʋʋ dɩrɛ naalʋ a tɩ zu ɛ.”

Matie 10:40

«Sob nɛ za na sàw de nyɩ a, sàw na de m, ɛ́ sob nɛ za na sàw de m a, sàw na de a ʋlɩ sob nɛ na tõ m a.

Zã 13:16

Yel-mɩŋa sɩza sɩza n'a ɩ̃ yere kʋ̀rɛ nyɩ: tõ-tõ-bie bɛ zuore a ʋ nɩ-kpɛ̃ɛ ɩ, ɛ́ nɩr bɛ na tõ a, bɛ zuore a ʋlɩ sob nɛ na tõ ʋ a ɩ.

Ɩzayi 66:4

A na ɩ à ŋá a, a mãa mɩ̀, ɩ̃ na kaa na ír bɛr bɛ kʋ̀ a alɩ bome nɛ bɛ na mɩ́ wa ùr ɩrɛ a lɛ bɛ na nɔnɛ a na waar'ɩ a. Ɩ̃ na ɩ na a ʋlɩ bom nɛ na ɩrɛ bɛ dɛ̃bɩ̃ɛ a wa a bɛ zu. Bʋ̃ʋ n'ʋ vɛ̃, ɩ̃ bʋɔl'a ɛ́ nɩr za bɛ sɔw ɛ, ɩ̃ ƴɛ̀r'a, ɛ́ nɩr za bɛ bɛr wõ ɩ. Bɛ ɩ n a ʋlɩ bom nɛ na bɛ vɩɛl a a ɩ̃ zie, bɛ kaa na ír a ʋlɩ bom nɛ na bɛ nʋmɛ a ɩ̃ zie a.»

Sɔr-nɛ́ɛ 22:20

A Naaŋmɩn tɩ wa n a tɩ̃ɩsɔw wa yel a Balaam: «A fʋ bʋɔlʋ ƴãw wa n'a a nɩbɛ bɛ ŋa wa a, fʋ̃ʋ ìr páw bɛ cen. Ɛcɛ fʋ na tɩ ɩ n a lɛ tɛwr ɩ̃ na na yel kʋ̀ b a.»

Ƴɛ̀r-dɩrbɛ 8:23

A Zedeɔ̃ tɩ sɔw bɛ na: «Mãa bɛ n'ʋ na dɩrɛ naalʋ a nyɩ zu ɛ, ɛ́ a mɩ̀ kʋ̃ ɩ a ɩ̃ bidɛb'ʋ ɛ. A Sore n'ʋ na dɩrɛ naalʋ a nyɩ zu.»

1 Samɩɛl 8:8

À à ŋá bɛ na ɩrɛ a fʋ zie a dɩ̃a a, lɛ tɔr za n'a bɛ ɩ a ɩ̃ zie, a lɛn daar za ɩ̃ na tɛr bɛ yi n a Eziptɩ tẽw wa tɩ tɔ a dɩ̃a a. Bɛ zawrɛ mɛ̃ na bɛrɛ, ɛ́ puore ŋmɩn-yoru.

1 Samɩɛl 8:22

Lɛ n'a a Sore tɩ yel a Samɩɛl: «Sàw a bɛ zɛlʋ, ɛ́ kʋ̀ bɛ a nãà.» Al pùorí, a Samɩɛl tɩ yel'ɩ a Ɩsɩrayɛl nɩbɛ: «Nyɩ lɛb kul, ŋa za a ʋ tẽw pʋɔ.»

1 Samɩɛl 12:1

A Samɩɛl tɩ yel'ɩ a Ɩsɩrayɛl nɩbɛ za: «Mãa n'ɩ ŋan bɛr wõ a nyɩ zɛlʋ za: ɩ̃ zɩɩl'ɩ nãà, ʋ dɩrɛ naalʋ a nyɩ zu.

1 Samɩɛl 12:12

Ɛcɛ nyɩ na wa nyɛ̃ a Amɔ̃ tẽw dem nãà, Nahasɩ, ʋ waar a nyɩ ƴãw a, nyɩ yel mɛ̃ na: “Tɩ bɔbr'ɩ nãà!” Mɛ̃ a Sore bɛ tɩ n'ɩ a nyɩ nãà a.

Zeremi 34:14

Ɩ̃ tɩ yel bɛ na: Alɛ wa maalɩ yome ayopõi a, a nyɩ kãw za na mɩ́ lɛb'a bɛr a ʋ yɛb na ɩ a Ebre bʋʋrɛ, ɛ́ wa kʋɔrɩ ʋ tʋɔra a ʋ zie a, ʋ so ʋ tʋɔra. Ʋ na mɩ́ ɩ n a fʋ gbãgbaa yome ayʋɔb, al pùorí, fʋ lɛb bɛr ʋ, ʋ so ʋ tʋɔra. Ɛcɛ a nyɩ sãàkʋm-kore bɛ tɩ bɛr wõ ɩ, bɛ bɛ tɩ cɛlɩ be ɩ.

Ezekɩɛl 2:3

Ʋ tɩ yel mɛ̃ na: «Nɩsaal bie e, ɩ̃ tone fʋ nɩ a Ɩsɩrayɛl nɩbɛ zie, a nɩ-bʋʋr-gaarɩ bɛ ŋa na ìr a ɩ̃ zu a. Bɛlɛ nɩ a bɛ sãàkʋm-kore zawrɩ mɛ̃ na bɛr wa tɩ tɔ a dɩ̃a.

Ezekɩɛl 3:7

Ɛcɛ a Ɩsɩrayɛl nɩbɛ bɛl a, bɛ kʋ̃ bɔbr kɛ́ bɛ bɛr wo b ɛ, bʋ̃ʋ n'ʋ vɛ̃, bɛ bɛ bɔbr a ɩ̃ bɛr-wob ɛ. Sɩza n'a, bɛ ko n zuru ɛ́ kpawlɩ socie.